بعد 18 يوم
كنشوف راسي فرحانة ومقداني فرحة يمكن هادي أول مرة كنكون فرحانة بحال دبا يمكن حيت مجتامعة بالعائيلة ديالي كاملة
واوووو يا سلام علي جو ليوم كيف زوين ورائع بمعني الكلمة كنا جالسين خارج في الدار ديال خالتي باتول جالسين حدا الشجرات ولبرد بارد وزين يكب من كل جوايه وحاطين حدنا ميدة كبيرة وكولشي لعائلة ديرين بيها وفرحانين بلعيد لكبير جدي بشير صيري كيصلخ في الحولي لي معلقو في الشجرة وقرب يكملو ومي عايشة جالسة علي واحد الكرسي صغير وكتسوط علي المجمر باش يشعل وخدوج كتصايب في الصينية ديال أتاي وتغسل في النعناع لي عاد قطعاتو من الجردة وخالتي الباتول حتا هيا قريبة لينا باركة كتخبز في الفران ديال خارج وجالسة كتجبد في الخبز غير حمر وسخون وأنا ومراد جالسين كنتقاتلو كيف ديما ضربة فيا وضربة فيه بحال المش معا الفار وجدي كول مرة يخلي شغلو( يعني صليخ الحولي ) ويتبعنا باش يضربنا باش نهداو من المقاتلة ويخلعنا باش نتفارقو علي بعضياتنا ومي عايشة كتعاير فيا باش نخلي مراد ونجي نعونها في التشواط ديال الراس مهم بقينا ناشطين ومجمعين ومقدنا فرحة حتا بانت لينا شعلات العافية قريبة بزاف لينا أنا غير شفت العافية وأنا نود نجري باش نهرب وعطيت رجليا لريح مني بعدت ورجعت تلفت لقيت حتا واحد متابعني كولشي بقا بارك في بلاصتو و كولشي تحرگ كولشي ولا فاخرة حدي غوت غوتة وحدة هيا لي خلاتني نفيق من الحلم الخايب لي كنت كنحلم بيه ولا نقولو الغيبوبة لي كنت فيها هدي 18 ليوم
غير حليت عيني وأنا نتصدم كتر مني شفت راسي فين كينا أنا دبا
الصراحة مولفة ديما نفيق ونلقا راسي في السبيطار حتا كنت غادي ندير شهادة السكنة فيه ولاكن ليوم كولشي مغاير بان ليا فت السبيطار لهيه كنلقا راسي في لغرفة كلها جاج يمكن غرفة ديال الأنعاش يعني العناية المركزة ولجسم ديالي كامل عامر الألات وأجهزة وحتا من فمي ونيفي عامرين تيوات ديال التنفس وعضم معنديش صحيح كولشي عضامي ميتين عليا حتا عضم مصحيح من الألم كولشي يزدح عليا وعطيني الصداع
وكنسمع غير طيط..... طيط .......طيط ......طيط......
طيط ...
كدليل علي الصوت ديال القلب ديالي لي باقي كيدرب حتا لدبا من بعد الداك الشي كامل لي جرا ليه
الصراحة دبا عاد تأكدت بلي راسي قسح من الكلب الي كان الكلب عندو سبع رواح أنا راه عندي عشرين روح كان كيتصحاب ليا صافي مت ومشيت بحالي ولاكن طلع تحزيري مش في محلو هاد الشي هوا لي خلاني نتعصب ونشفق علي راسي
مقدرت ندير حتا شي ردت فعل سلبية حدي طاحو ليا الدموع 😭😭😭😭😢😥😢😥من عينيا علي هاد الشي لواقع ليا وهاد الشي لي وصلت ليه بسباب بو ندبة
تسريع الأحدات
مني شافوني الأطباء خرجت من الغيبوبة خرجوني وونقلوني لغرفة خرة خاصة وبقاو متبعين الحالة ديالي حتا ستقرات مزيان مني حسو بيا تشافيت وتحسنات الحالة ديالي جا واحد من الخدم ديال بوندبة هوا لي خرجني من الصبيطار وداني لقصر ديالو وقال ليا هادي أوامر السي أدهم ولازم نطبقها ورجعت نفس السيستام تاني غير الحبس في الحبس ومكنكدبش عليكم فرحت مني قالو ليا بلي مبقيتش حاملة وبلي طاح ليا الجنين فرحت بزاف حيت أنا ديجا مكنتش حملاه ومكنتش بغاه
أنت تقرأ
🔪شمكارة زووهرة 🔪 (مكتملة )
Ficción General💞بقلمي أنا الكاتبة ميراااال 💞 ⛔⛔لا أحلل النشر بدون ذكر أسمي ⛔⛔⛔ 💞قصة مغربية 💯في 💯 كتحي على فتاة عانات بزااااف في حيااااتها _فتاة عمرها عااااشت حياتها بحال باقي لبنات ولا دوزات مرهقتها بحال باقي فتيااات -قصة لفتاة مراهقة ومشاغبة ومتسلطة ف...
