الماضى ونبضات الحاضر

part 14

مر اسبوعان دون جديد قام حازم بشراء الفلل وبدأ تجهيزهم وبدأ الجميع الاستعداد لحفل الزفاف
فى مكتب محمد السيوفى كان يتحدث مع ادم الذى بدأ الحديث: الارض جاهزة يا بشمهندس ناقص الشغل بس هتكونوا جاهزين امتى
محمد: تمام كده مواد البناء هتبدأ تروح من انهارده والشغل يومين ويبدأ
ادم: المبنى القديم بقى عليه ضغط كببر انا عايز الجديد يخلص بسرعه
محمد: ان شاء الله هيخلص على طول انا هكلم نور اهو ليهاتف نور التى مازالت نائمه ولم تشعر بهاتفها ليدخل عاصم ويجيب: الو ازيك يامحمد
محمد: ايوة ياعاصم اومال فين نور
عاصم:نايمه مش عايزة تقوم فى حاجه
محمد: نور مالها ياعاصم مبتنزلش الشغل ودايما نايمه حتى ندى مش بتشوفها كتير
عاصم بحزن: معرفش يامحمد بتقول بريح من ضغط الايام اللى فاتت المهم هصحيها وابعتهالك
محمد: تمام مستنيها انا وادم علشان الشغل
عاصم: سلملى على ادم سلام ليغلق الهاتف ويبدأ فى ايقاظ ابنته
كان ادم مشغول البال على ملكة قلبه حاول اخراجها من تفكيره ولكنه لم يستطع ليعلن انه فى وقع فى عشقها ، بعد مدة اتت نور وبدأت العمل دون جدال مع ادم مما اثار تعجبه فهما لا يتفقان ابدا ، محمد: كده خلاص التصميم جاهز يلا اتحركوا بقى شوفوا الارض وظبطى الدنيا هناك يانور واستنى العمال زمانهم على وصول
نور: حاضر يااونكل يلا يا ادم وبعد خروجهم ، ادم بتردد: هتركبى معايا ولا هتيجى لوحدك ورايا
نور: لاء هركب معاك لو مفيش اعتراض
ادم: لا طبعا مفيش يلا اركبى ثم يكمل حديثه اثناء قيادته: مالك شكلك زعلانه
نور بشرود: فى حاجات لو فضلت جواك افضل من انك تخرجها
ادم: لو شخص قريب منك هتفرق معاه
نور: صعب وانا عارفه انه هيتألم اوى
ادم: لما الواحد يكون متضايق او جواه طاقه سلبية يعمل حاجة بيحبها تخرج طاقته دى فيها مثلا انا لما اتضايق بلعب رياضه وبستريح حتى لو مؤقتا
نور: تمام فهمتك شكرا ليك
ادم: العفو تقبلى نكون اصدقاء بدل جو الاعداء اللى عشناه قبل كده
نور ببتسامه: اكيد طبعا اصحاب وصلو للموقع وبدأت نور تتابع عملها وبعد ساعتين : كده كله جاهز ياادم وفى خلال يومين او اقل هيكون العمال بدأوا شغلهم
ادم: تمام كده بس ممكن اسألك سوأل
نور: اتفضل بس لو بايخ مش هرد عليك
ادم: من امتى وانا بقول حاجة بايخه
نور: مغرور / ادم: سمعتك المهم انتى ليه درستى الطب واشتغلتى مهندسة
نور: انا كان حلمى انى اكون مهندسه بس ماما كانت دايما تقولى انا عايزاكى دكتورة علشان تكشفى عليا فحققت حلمها وبرضو حققت حلمى
شعر ادم بالفخر فهى حرصت على تحقيق حلم والدتها حتى وهي مختفيه
بعد خروجهم ، نور: انا هروح النادى مش الشركه
ادم: تمام هوديكى يلا ونرجع مع بعض
عند حازم وملك كانوا فى احد اكبر المولات التجارية فى القاهرة
ملك: حازم هنا احسن ولا امريكا بجد
حازم: هنا طبعا هناك مفيش حاجة اسمها ادب ولا احترام بالرغم من حالة التخلف اللى بلدنا عايشها الا ان فى بنات عندنا محترمين جدا
ملك: يعنى معجبكش بنت هناك كده ولا حاجة
حازم: لاء اولا ياقلبى انا براعى ربنا فى كل حاجة بعملها ثانيا عندى اخت خايف عليها والاهم بقى ان الاخت دى هي كل حياتى امى وصاحبتى وحبيبتى
ملك: شكلك متعلق بيها جدا
حازم بشرود: حياتى من غيرها مش حياة اصلا بس لو تصارحنى باللى مخبياه هتريحنى
ملك: نور مرت بايام صعبه ياحبيبى لازم تستحمل وكل حاجة هتبقى كويسة
حازم: يارب ياروحى المهم هو انا قلتلك انى بحبك لا بعشقك
ملك بخجل:بس ياحازم هقوم امشى
حازم بضحك: خلاص ياقلب حازم امتى فرحانه ياملك
ملك : انا مش بس فرحانه انا طايرة من الفرح رينا يخليك ليا ياحبيبى
عند يوسف وندى كان يوسف ينظر لغرفه اطفال ثم وجه كلامه لندى
يوسف: عارفه ياندى انا عايز عيال كتير
ندى: ليه شايفنى ارنبه ياعم يوسف
يوسف: نفسى يعوضونى عن وحدتى واعيش معاهم اجمل ايامى
ندى : احنا مع بعض صدقنى هنتخطى اى صعوبات تواجهنا بس قولى انت حبيت قبل كده
يوسف: اه قلت لواحده بحبك ياااه
ندى بغيرة: مين دى وشفتها فين قولى
يوسف باستمتاع : كفاية ياندى متقلبيش المواجع عليا
ندى: يووسف اخلص وقول
يوسف: اهدى ياروحى ده انا كان عندى 16 سنه وهي تقريبا 12
ندى: نعم ازاى ده مش فاهمة وهي فين
يوسف: والله مااعرف اسمها حتى بصى انا هحكيلك ولكن يقطع كلامه رنين هاتفه ليخبره حازم انهم منتظرين لتناول الغذاء ليذهب يوسف : هابقى اكملك بعدين ياروحى يلا
عند نور بدأ ممارسة رياضتها المفضلة الجرى لفه اثنان حتى وصلت الى 5 لفات ليوقفها ادم بحدة : كفاية فى ايه
نور بغضب: ابعد ياادم من طريقى دلوقتى محدش عارف حاجة
ادم بصراخ: فهمينا فى ايه باباكى واخوكى تعبانين وهما شايفينك كده
نور بتعب: وحياة اختك عندك بلاش صوتك العالى ثم تتنهد هما كده مستريحين صدقنى ياادم يلا نمشى
ادم: ماشى يانور على راحتك يلا ليوصلها امام الشركه ويذهب سريعا
نور بهمس: لييه حبيتك مكنش ينفع والله ماينفع معلش ياادم فترة وهاختفى كفاية انى شايفاك قدامى بخير لتركب سيارتها وتنطلق الى مكان سيغير حياتها للابد دون معرفه احد
قضى العشاق الاربعه يوم ممتع لن يمحى من ذاكرتهم وانتهوا من تجهيز منازلهم ويبقى الحب سيد الموقف
وصلت نور : لو سمحت دكتور محسن
السكيرتير: فى معاد يافندم ولا لاء
نور: قوله نور الدمنهورى بره بس وبعد دقيقه
السكيرتير: اتفضل يافندم الدكتور جوا ، دلفت نور لمحسن الذى ينظر لها بغضب
نور: ازيك يااونكل عامل ايه
محسن: اهلا يااختى شرفتى والله
نور: ايه الاسلوب ده يااونكل بس
محسن بغضب: نور انا مكلمك بقالى اسبوعين تقريبا وحضرتك لسه جايلى
نور: يااونكل خلاص بقى المهم قولى هعمل ايه علشان امشى
محسن بصياح: انتى ليه محسسانى ان عندك شوية برد انتى عندك القلب يا نور يعنى حياتك معرضه للخطر فى اى وقت
نور : عارفه يااونكل وراضيه بقضاء ربنا
محسن: ونعم بالله اسمعى كويس كل شهر هتيجى اعملك فحوصات واشعه هتلتزمى بشوية ادوية ودول بس مسكنات مش اكتر اى مجهود غلط عليكى عضله القلب ضعيفه وانسداد الشرايين هيعملك مشكلة وانتى رافضه العملية لازم تاخدى بالك واي وقت تحسى بالتعب تيجى فورا فاهمه يازفته
نور ببتسامه: فاهمة يا دكتور يلا وعند وعدنا محدش هيعرف لاما هختفى ومحدش هيعرف انا فين
محسن: بتتهدينى يانور ماشى بس اعملى حسابك الوضع ده مش هيستمر كتير صدقينى هيجى الوقت اللى اهلك يعرفوا فيه
نور: لما يجى الوقت ده هكون انا استريحت خلاص سلام يااونكل
محسن: سلام ياحبيبى ثم بهمس: كان نفسى اساعدك بس لولا الوعد اللى اخدته على نفسى كان زمانى قايل لعاصم يمكن يخفف المها
بدأ العد التنازلى ليوم الزفاف نقل احمد وعاصم اشيائهم للفيلا الحديدة واستقروا بها ( البعض هيعترض ازاى احمد وعاصم مع بعض بس ده هما من الطفولة اصدقاء وكمان زوجاتهم اكتر من اخوات وكل ماالعمر يعدى كل ماالثقه بينهم تزيد وطالما فى ثقه بينهم محدش هيقدر يكسرهم) وبدأت نور الالتزام بمشروع ادم وتحسنت علاقتهم ببعض وزاد الحب فى قلوبهم ولكن كل منهما احتفظ به لاسبابه الشخصيه
قبل الزفاف بيوم فى غرفه ملك اجتمع الاخوة الثلاث ، ادم: كبرتى يالوكة وبقيتى عروسة وفرحك انتى وجو فى يوم واحد يعنى اميرتى واخويا بجد انا فرحان جدا ربنا يسعدكم
ملك: لاء انا مش هتجوز هخلينى معاك مقدرش اسيبك ياادم
يوسف: ربنا يخليك لينا ياادم والدور عليك انت وبعدين يالوكة الباب قصاد الباب مفيش بعد عننا دايما هنكون مع بعض ولا ايه ياادم
ادم: طبعا يا روحى ولو الواد حازم زعلك بس قوليلى وانا اعلقه
ملك: انا بحبكم اوى ربنا يخليكم ليا ، اجتمع الثلاثه فى حضن اخوى كفى للتعبير عما يجول بخاطرهم وسعد كمال وحنان الذين جاءوا للتخفيف عن ملك بعلاقه ابنائهم ببعض ورباط الحب الذى يجمعهم
كذلك عند حازم اجتمع مع نور وندى وظلوا طوال اليوم يستمتعون ويلعبون معا وكالعاده ظلت نور ترخم على ندى وحازم وخرجت من حزنها وفى الليل عادت ندى لمنزلها ودخلت نور لغرفه حازم : زومه انت فاضى
حازم: لو مش فاضى افضالك ياقمر
نور: هتدخل القفص يا حازم برجلك
حازم بسعادة: بتمنى اليوم ده من ساعه ما شفتها ياقلبى
نور: ربنا يسعدك ياروحى بس اوعى تبعد عنى ياحازم
حازم: مقدرش يا نور انتى حياتى
نور: يعنى وقت مااحتاجك هلاقيك جنبى مش هتكون مشغول بملك وانا لاء مش هتنسانى
حازم وهو يضمها: عمرى ماانساكى ياروحى بس لو تقوليلى مالك
نور تبكى بشدة: انا انا بس مش عايزة غيرك وخلاص
حازم بحزن علي حالها:انا جنبك يا قلبى ليحاول ابعادها ولكنها تتشبث به
نور بضعف: انا عايز انام معاك سيبنى
حازم بدموع : نامى يانور ليمددها على الفراش بجواره ومازال محتضنها وهو يبكى لم يتخيل انه سيتركها حتى لو كان البيت بجوار البيت بكى ضعفها الذى يشهده الان بكى لانه يعلم ان اخته تخفى سرا كبيرا الى ان غفى هو الاخر ، كان عاصم يبحث عن نور واستمع لحديثها مع حازم وحزن بشدة فهو يشعر ان فتاته ليست على مايرام
حل صباح يوم الزفاف كان الجميع فى سعادة فاليوم تحقق حلم بعضهم كان ال3 فتيات فى غرفه واحدة فى الفندق الذى سيقام فيه الزفاف كان الفندق مزين بطرق رائعه وافخم الاشياء ولما لا وهو سيكون زفاف اسطورى عمل الكل عليه حتى يصبح مناسب لهم وكذلك كان الشباب فى احدى الغرف المجاورة وحل المساء سريعا لتظهر البطلات بطلتهم الرائعه التى تسلب الانظار
كانت ندى ترتدى فستان باللون الابيض مزخرف ويضيق فى منطقة الخصر ويتسع فى الاسفل ووضعت تاج على رأسها فكانت تشبه الاميرات حقا
اما ملك فارتدت فستان زفاف بلون الاوف وايت عليه طبقه من الدانتيل الشفاف ويضيق قليلا حتى يتسع عند اخره لتشبه سندريلا كما اطلق حازم عليها ووضعت تاج الملوك على رأسها لتثبت انها ملكه قلب حازم الشافعى
اما نور فلاول مرة فى حياتها ترتدى فستان باللون الاخضر الفاتح ليبرز جمال عينيها ولم تضع اي ميكب فكانت جميلة بحق وارتدى الشباب البدل الخاصه بهم وكانوا غاية فى الوسامه والجاذبيه ، هاتف حازم نور واخبرته باستعدادهم وتوجه الشباب للغرفه لاخذ فتايتهم
يوسف: ايه الحلاوة دى يابت عقبالك
نور: طول عمرى ياجو لا كده حلو
يوسف: هاتى ندى بقى يلا
نور: لاء طبعا هات الضريبه الاول
ادم: ضريبه ايه هو احنا بناخد اجهزة كهربية
نور ببرود: ده اللى عندى هات ربع اللى فى جيبك وانا اجيبها
يوسف : انت بتستعبطى بقى ايه جو الاستغلال ده انا عايز مراتى
حازم : قلبى ماتيجبى ملك بقى اصلها وحشتنى اوى
نور بسخرية: اكيد ياروحى بس انت زيك زي يوسف
حازم بهمس ليوسف: اديها وهابقى اجبهم تاتى لو عرفت وبعدما حصلت على ماتريد جاءت ندى التى عجز لسان يوسف عن التحدث سوى بكلمه واحدة : انتى عشقى
ندى بخجل: بحبك يايوسف ليهبط معها وكذلك صدم حازم من الملاك الذى ظهر امامه : الملاك ده ليا انا
ملك بخجل: يلا ياحازم
حازم: يلا ياقلب حازم ليهبطا هما الاخرين ، ادم: هتخليكى واقفه يااستغلاليه هانم كده كتير
نور : مين دى اللى استغلالية يا باشا انزل يلا قدامى
ادم: مين قال كده انتى قمر يانور انهارده عقبالك
نور: تسلم ياادم ثم بشرود مظنش انه هيجى اليوم ده ، غادر كل شاب فى سيارته الخاصه المزينة وسط زفه من الاصدقاء ووصلت العائلات لقاعه الفندق لاستقبال الوافدين دخل الشباب والفتيات القاعه وسط مشهد تاريخى وعيون الجميع عليهم وبدأت رقصه السلو عند حازم وهو يقرب ملك منه : ياه مش مصدق اننا هنبقى مع بعض انهارده ياقلبى
ملك بخجل: حازم ابعد شوية
حازم: لاء مش هعبد الحضن ده ملكك وبس متقوليش ابعد ، لتشعر بالامان بين احضانه وتستكين
عند يوسف يضع يده على خصر ندى ويقترب منها : فرحانه ياروحى
ندى بكسوف: احم اه فرحانه بس ابعد
يوسف: بجد عايزانى ابعد عندك يا قلبى
لتصمت فهي بين يدى معشوقها
انتهت الرقصه ليطلب الدى جى من الاصحاب مشاركة العرائس رقصتهم ليتجه الكابلز الى الاستدج ومنهم رغد ومؤمن ، على الطاولة التى يجلس عليها جميع افراد العائلة
كمال بهدوء: خد نور وارقصوا ياادم مع اخواتكم ، كادت نور ان ترفض ولكن
عاصم: صح يا ولاد ده يوم مش هيتكرر يلا قوموا ليقوم الاثنين وكل منهما قلبه ينبض بعنف واحاسيس جديدة تجتاحهم ونظر عاصم وكمال لبعضهم وابتسموا فهم فى احد الايام كانوا عشاق ومازالوا كما هم
طلبت نور المايك كعادتها وبدأت الغناء بصوت رائع واحساس جميل وكاميرات الصحافه والاعلام معلقه عليها ( اول ليلة عينك توحشنى وقلبى يحلم بيك ، اول مرة احس بانى كلى ملك ايديك ، قولى ياحبيبى انا ايه اللى جرالى معاك قول ياحبيبى ازاى شغلنى هواك ، اول ليلة عينك توحشنى وقلبى يحلم بيك ، اول مرة احس بانى كلى ملك ايديك ، من نظرة وكلمتين لعينيك سلمت امرى وعشقتك فى ثانية ياحبيبى ياكل عمرى قولى ياحبيبى انا ايه اللى جرالى معاك ازاى شغلنى هواك ، وياك بس ابتديت اعرف معنى الحنين يالى فى حبك لقيت احلام كل السنين ، قولى ياحبيبى ايه اللى جرالى معاك ) وبمجرد الانتهاء كانت بين احضان الفتيات وسط سعادة الجميع ضمها حازم وهو عاجز عن شكرها وتعلقت هي به وجاء يوسف ايضا ولدهشة الجميع ضمها وقبل رأسها وقال: تقبلى تكونى اخت ليا وانا سندك
نور: طبعا انت اصلا اخويا ياجو
3 ساعات مرت وانتهى الزفاف صعد كل عريس الى جناحه الخاص بالفندق وسط دموع العائلة ليقضوا ليلتهم وفى الصباح ينطلق كلا منهم لدولته التى سيقضى بها شهر العسل فى غرف الابطال بدأو ليلتهم بطاعه المولى حتى يبارك لهم وبكو جميعهم اثناء السجود ( طبعا كل عريس وعروسته فى جناح مش بعض 😂😂 انا بتكلم يعنى عنهم فى وقت واحد)
فى الصباح كان الجميع فى قصر كمال لتوديع الشباب قبل السفر
استيقظت ملك على شئ يزعجها ، حازم بحب: صباح الفل على عيون حبيبتى
ملك بنوم: انا فين وانت مين
حازم بصدمه: يخربيتك فوقى يابت انا حازم احنا اتجوزنا امبارح لو ناسيه افكرك حالا
ملك بخجل: افتكرت خلاص صباح الخير ياقلبى هنسافر امتى
حازم: قومى خدى شاور يلا وهنمشى على طول لحد ماكلم يوسف
عند يوسف استيقظت ندى وجدت حبيبها مازال نائما لتقبله على وجنته : مكنتش متخيلة انى هعشقك كده بحبك اوى يايوسف
يوسف سريعا وهو يخطف منها قبله : وانا مش بس بحبك انا بعشق كل حاجة فيكى ياروحى
ندى بخجل : انت صاحى من امتى
يوسف: من شوية ياقلبى يلا اجهزى علشان هنتحرك على القصر الاول بعد نصف ساعه وصل الجميع للقصر وبعد السلام والترحيب جلس الشباب والفتيات معا على جنب يتسامرون فيما بينهم فالطائرة مازال امامها ساعه ونص والمطار لا يبعد عشر دقائق عن القصر
نور بهمس للفتيات: ها ايه الاخبار لتحمر وجوه الفتيات بشدة وسمعها حازم الذى يجلس على الطرف الاخر جانبها
حازم: يخربيتك يازفته لسانك عايز قطعه والله لينتبه ادم ويوسف لما يحدث
نور ببرأة: ليه يازومة انا بسألهم بس ثم ترفع صوتها : ماهم اللى . .... وقبل ان تكمل جملتها كانت ندى وملك يجريان ورائها ليضحك الجميع على جنانهم ويلحق بهم الشباب
نور بتعب : كفااية مش قادرة الحقنى ياحازم ابعدهم عنى
حازم بضحك: لاء انتى تستهلى اللى يحصلك
يوسف: صح موتوها يابنات يلا
نور بصياح: حيوانات ماشى يا زبالة لتجرى وتقف وراء ادم : انا فى حماية ادم بس
ملك: ادم ابعد شوية كده هاخد نور
ادم ببرود: لاء محدش هياخدها امشوا لتزعلوا
حازم: انا عايز اختى/ ندى: وانا صاحبتى / ملك: وانا كمان/ يوسف : انا كمان عايزها
ادم: انتى عايزاهم يانور ولا لاء
نور : لاء كلهم كلاب انا هخلينى معاك
حازم: ورحمه اهلك لاضربك يانور
ادم: لو راجل قرب ياحازم وورينى هتضربها ازاى
حازم: الطيب احسن يا ادم ونور اختنا كلنا ولا ايه ، كان ادم يشعر بشعور رائع وهي تحتمى به حتى لو لعبه ولكنها لجأت له ، خرج كمال والجميع : يلا يااطفال معاد الطيارة جه علشان متتأخروش
حازم: احنا هنروح لوحدنا محدش هيوصلنا المطار قريب خليكم واحنا جايين مش كده يايوسف
يوسف: كلامك صح يلا نمشى احنا بقى هنتأخر
حازم بهمس لادم: نور امانه فى رقبتك خلى بالك منها
نور: حازم متتأخرش علشان خاطرى
حازم: حاضر ياروحى 20 يوم بس وهكون معاكى هنا يلا مع السلامه ليودعهم الجميع ويذهب العشاق لقضاء شهر عسلهم دون مشاكل 🔏🔏🔏

ياترى ايه اللى هيحصل فى الفترة دى وهل حياة ابطالنا هتتغير ولا لاء ونور هتعمل ايه فى تعبها هنعرف البارت الجاى👋👋👋