جعلتنى مجنونا بها

الفصل الرابع

آدم: حازم!

حازم: انت تعرف الاشكال الزبالة دى

آدم: مسمحلكش تقول كدا يا حازم لوسمحت

بس كان رد ريناد عليه كان صاعق لأدم و لحازم كان ردها قلم محترم على وشه

وقالت: الاشكال الزبالة دى انت اللى تعرفهم
وسابتهم ومشت .. حازم كان اول مرة حد يديله بالقلم فضل متسمر مكانه

وآدم كان مزهول من اللى حصل

آدم:انا آسف جدا جدا يا حازم بس هى كان متقصدش آسف بالنيابة عن ريناد

ومشى آدم وحازم مستحلفلها ومش ناولها على خير.

ريناد استنت حازم فى العربية آدم ركب العربية

آدم بعصبية: ممكن افهم ايه اللى عملتيه دا

ريناد ببرود: كنت عاوزنى اعمل ايه يعنى واحد و قل ادبه اقف اسقفله يعنى ولو كان زود كمان كنت هقلع اللى فى وجلى و اديله بيه

آدم: على اساس انك معاكى قرطاس لب مش هيعرف يدافع عن اخته

ريناد: آدم ونبى بلاش هرى واه صحيح انت تقدر على الغريب لكن القريب لاا

آدم فضل باصصلها و هو فاهم هى تقصد ايه و بعدين قال

آدم: انتى مكنتيش كدا لما كنت بجى ازورك فى باريس مكنتيش كدا

ريناد: اه تقصد المرتين اللى جيتلى فيهم لما كان عندى 13 سنة و المرة التانية لما كان 16 والله كتر خيرك

آدم:كنتى عاوزانى اعمل ايه يعنى انا وقفت ادامه كتير و رفضت انك تكونى بعيدة عننا كنتى عاوزانى اقطعه مثلا

ريناد: آدم بالله عليك قفل انت الكلام معاك لا يطاق

آدم: احسن برده
______________________________
باسم بيكلم يارا فى التليفون

باسم: ايه يا روح قلبى هنتقابل بليل

يارا: ممكن اه و ممكن لا

باسم: انا عاوز اشوفك و هشوفك يا موزتى

يارا: افرض حازم موافقش

باسم: هقتله

يارا: هتقتل اخويا يا باسم

باسم: مش هيمنعنى انى اشوفك

ولسه يارا هترد عليه سمعت صوت واحدة فى التليفون و بتقول انت لسه بتكلم المحروسة انت حياتك كلها يا فى التليفون يا فى الشغل وقت امك فين بقى
يارا كانت هتعيط بس حبت متبينلوش دا

يارا: طيب روح شوف طنط عاوزة ايه
ومستنش رد باسم عليها و قفلت على طول

باسم بعصبية: انتى ازاى تقولى كدا و انا بتكلم مع يارا

سهير بزعيق: يعنى بتتكلم مع الكونتيسا ياخويا.. ماهى واحدة زى اى واحدة و مالها بنت خالتك مش احسن من المفعصة دى