يااااااااااااااة لسة فاكر حاجات كتير اووي ، مش ناسي اي حاجة ؛ مش ناسي ايام ما كنت اطلع بسرعة قبل بابا البيت و انا جاي من المدرسة علشان احس ان انا عرفت البيت لوحدي ، مش ناسي لما كنت هنام و قومت بسرعة علشان سمعت ماما بتتكلم في التليفون حد من قرايبنا ، مش ناسي ايام ما كنت بخاف اسهر لبعد الفجر كنت فاكر ان بعد الفجر دة حاجة مرعبة ، كنت بفرح باللعبة الحلوة او اتاري جديد او اشوف اغنية بحبها في التليفزيون او اخرج مع عيلتي و لما كنت ازعل كنت ازعل علشان بابا و ماما زعلوا مني علشان كسرت للعبة جديدة او سمعت خناقة في الشارع و ناس بتزعق و ان بابا و ماما مش بينزلوني من البيت ، لما كبرت شوية و دخلت 6 ابتدائي كدة تقريبا بدأت اتجاهل حاجات و ابدلها بحاجات ، كنت بفرح بقي ان انا كبرت و هدخل اعدادي و هبقي كبير و بقيت اشوف الناس الناجحة و هي رايحة الشغل الصبح و اقول ( دة انا هبقي زيهم بالظبط و كمان هتعب اكتر و ابقي احلي منهم ) ، و فضلت الايام تمر مرور الكرام ، الاحلام بتزيد و بصحي كل يوم الصبح بدري اشوف نفسي في المرايا اضحك و افرح و اقول كبرت و كل حاجة هحققها ، فضلت 4 سنين بقي اسمع عمر خيرت و اتابع برنامج صباح الخير يا مصر و انا بذاكر و كل الطاقة الايجابية جوايا ، لا لا لا انا مش هنسي لما كنت اخلص الامتحان في اللجنة و ابص من الشباك لسما كنت ابتسم و اقول ( عدت سنة و باقي علي تحقيق احلامي خطوات قليلة ) ، بدأت احس بايجابية و تميز لما الاقي اي حد اتعامل معاة يقولي انت انسان كويس و محترم و الاقي اي حد بيحبني بسرعة جدااااااا بدأت استغرب ان الناس تشوفني تميزني عن اي حد و عرفت ان السبب في عفن المجتمع و ان الشارع اتحول لساحة من السب و القذف و المعاكسات و الفشل و الضياع ، و ان انا علشان بس مجرد عملت بسلوك ديني بقيت مميز و اصلااا دة الطبيعي ، و بعد ما كنت بزعل زمان ان انا سمعت صوت خناقة بقي الموضوع بالنسبالي عادي ، و زعلي من بابا و ماما ان انا مش بنزل الشارع اتحول لفضل ليهم عليا ، طبعا الناس اللي كنت بشوفها الصبح رايحة شغلها و اتحدي نفسي بيهم بقيت اشوف انهم عادي و مش مبهرين و بكدة نحط بقي اول طوبة في مبني الاحباط و اليأس 
:) في ثانوي بقي الموضوع كلة اختلف رأسآ علي عقب ، كنت عايز التلات سنين يخلصوا لان بدأت اسمع من المجتمع الفاشل ان الثانوي دي بعبع و تدخلها و انت 16 سنة تطلع عندك 44 و الكلام دة ، و لما أقول لحد نفسي اطلع صحفي او صانع افلام قصيرة يقولي ( ياعم مفيش شغل و المجال محتاج لواسطة ) و ننزل بالكلمة المشهورة بقي ( محدش بيشتغل اللي هو عايزة ) ، من كتر الضغط و الاحباط اللي يصنع من نجاح فشل ، بدأت اتعب بجد تعب مش طبيعي بعد ما خلصت اولي ثانوي ، تعبت لدرجة مميتة و بدأت اعاني من الانطوائية لدرجة كنت بروح لدكتورة نفسية الحقيقة ان الدكتورة سمعت الكلام سكتت مبقتش عارفة ترد اقتصر كلامها علي التنمية البشرية و الكلام الايجابي ، بس ادخل العيادة ابتسم و انزل الشارع اتصدم بالواقع ........ و فضلت كدة لحد ما صدفة غريبة حصلت !!زي كل يوم بفتح موقع التواصل الاجتماعي فيسبوك لقيت شات نزلي من السما ، كان فية شخصية اسمها معناة جبل بس مكنش الاسم علي مسمة و افتكرت بقي حديث الرسول ( رَضوى رضيَ الله عنه، وقُدْس قدَّسه الله، وأحدٌ جبل يحبنا ونحبه.. ) شخصية خلتني بدأت ارجع تاني 5 سنين لورا اينعم مكناش بنتكلم و كل الكلام يختصر في " حضرتك " بس شخصية خلتني اتنفس تنفس الصعداء ..... حلفت ان انا هطلع افكاري في كاميرا و هكتب افكاري دي في ورقة و بدأت اعمل اللي بحبة ( صحافة و صناعة افلام ) ، اشتغلت كتير في الموضوع دة لحد لما وصلت ان انا اكون مدير مواهب مدرستي !!! ايوة انا اللي ماسك المواهب في مدرستي ، حسيت بكمية فخر مش طبيعية بس في نفس الوقت كل شغلي اللي علي الانترنت مش ظاهر و مش واضح جالي شوية تعب جسدي كدة و كلاكيت تاني مرة افتح الفيسبوك الاقي رسالة من الشخص اللي ادالي دفعة بيقولي عامل اية !! الحقيقة بعدها بشوية بايام لقيت نفسي اتعرفت بصورة كبيرة في " حدايق القبة " بقيت معروف باني الشخص المصوراتي في الشارع و مرة واحدة اعرف ولد سوري و اعمل فيلم اخراج سوري و تأليف تونسي و تمثيل ابن النيل حفيد الفراعنة ( حســــام جمال ) فضلت ناجح و بقي عندي فريق بقدم منة افكار و حاجات و مرة واحدة تمر الايام و ابقي شبة خسرت الفريق بالاشخاص اللي فية و اتحذف اكتر من 11 محتوي علي اليوتيوب و الفيسبوك ، و مرة واحدة نرجع لنقطة الصفر تاني 
:( و لما خلصت بقي ثانوي روحت اشتغلت علي مشروع ماسبيرو ، الحقيقة مطولش و علشان معرفش حد " انطوائي " المشروع خلص بدري بدري و اكتفيت بفيلم ( انطواء ) اللي كان قاب قوسين او أدني من انة يبوظ بس استخدمت خبرتي بقي في اداراة ازمات الافلام و بدل ما كان يبقي فيلم قصير بقي بانتيوم ، بس طلعت منة بايام حلوة مع ناس اقل ما اقول عنهم انهم اهلي و اسرتي اللي يضحك كل دة ان المجتمع صح و كلام الناس صح لما قالوا ( محدش بيشتغل اللي هو عايزة ) ، بقيت ادرس اثار اللي هي بعيدة كل البعد عن هدفي ........... فينك يا جبل ياللي اسمك مش علي مسمة !!!!!!!!؟ السؤال هنا بقي بيطرح نفسة !!؟ - هل مجتمعنا هو اللي بيتحكم فينا ولا احنا كبشر بنتحكم في المجتمع و نصنعة و نسيطر علية - هل الطاقة الايجابية اللي جوانا احنا اللي بنهدها ولا ظروف المعيشة و المجتمع اللي بيحولها و يهد فيها - و السؤال الاهم هو فعلاا في ناس بتيجي تصنع حياة ناس من غير ما تحس - و السؤال اللي مش لاقي علية رد هل الواقع خبيث ولا حميد !!!!!!!!؟ :(
