اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-يلا يا بابا عايزين نصيف =استني ياحبيبي للشهر الجاي ؛ عشان منسوب الماية عالي اليومين دول -لا يا بابا متضحكش عليا ، أنا في ٢ع وعارف إن نسبة الماية ٧١% من الكوكب ومحدش قال إنها بتزيد .. متضحكش عليا =يبني أنا بتكلم عن المد والجزر!!
اي المد والجزر ده؟ تعالي نحكي الحدوتة..
∆المد والجزر دي ظاهرة -أو ظاهرتان واحدة نتيجة التانية - لتغير منسوب المياه عند الشواطئ بحيث إن المد هو ارتفاع في منسوب المياه والجزر هو انخفاض في المنسوب .
بس الكمية الزيادة دي جت منين؟ ∆هي مش زيادة ولا حاجة هي اتحولت من نقطة وراحت نقطة تانية خالص وده بيرجع لموضوع الجاذبية كل من القمر والشمس والأرض بينهم تجاذب وطبعاً معروف إن بزيادة الكتلة بتزداد قوة الجذب ولكن هنا هيظهر التأثير الاقوى للقمر مش للشمس (الشمس بتأثر أه لكن تأثيرها أقل ) ليه؟ عشان ببساطة القمر قريب جداً جداً مقارنة بقرب الشمس .
∆جاذبية القمر بتأثر على كوكبنا وخصوصاً المياه في البحار والمحيطات ف بتجذب المياه دي ناحية القمر ، ف يبدأ يأثر القمر علي شكل الأرض ولكن مع ثبات حجمه بحيث: • المنطقة المواجهة للقمر يزداد فيها منسوب المياه -المد -وكذلك الجنب المقابل بسبب قوة الطرد المركزية نتيجة لدوران الكوكب حول محوره. •في حين الجانبين المتعامدين علي مدار القمر يقل فيها منسوب المياه - الجزر- ف يبدا يتحول شكل الكوكب - بشكل طفيف إلى شكل بيضاوي .
∆استفدنا نحن البشر من الموضوع ده وخاصة الموانئ بحيث إنها تعرف مواعيد السفن وبالتالي بتتحكم في نشاط التجارة وحرفة صيد الأسماك . كما إن ليها دور برضه في السياحة بحيث عادة ما بتكون المياه أشكال جميلة بعد تآكلها.
∆ولكن برضه سلبياتها موجودة ، وده لأنها بتأدي إلى اختفاء الشواطئ سنوياً.
∆بتحصل ظاهرة المد والجزر مرتين يومياً المد : مرة لما تبقى النقطة مواجهة للقمر ف تتأثر بجاذبيته ومرة لما تبقي في الجانب المعاكس فتتأثر بقوة الطرد المركزية
∆للظاهرة نوعان • في حالة إن الأرض و القمر والشمس في خط مستقيم وهنا بتتأثر النقطة المقابلة بأكبر قوة جذب وبالتالي بيرتفع منسوب المياه لأقصى حد (أعلى مد) وبيكون منسوب المياه في النقطة العمودية أقل ما يمكن (أقل جزر)
•في حالة إن القمر والشمس في وضع عمودي (متمثلين في مثلث قائم الزاوية ، نقطة التعامد هي الأرض) هنا بيتأثر بأقل تأثير بحيث إن نقطة عندها أقل مد ونقطة عندها أعلى جذر.
∆بخ قفشتك ، إزاي بتتكرر الظاهرة مرتين في اليوم والأرض بتدور مش ثابتة؟ -هقولك إن القمر بيدور في نفس اتجاه دوران الأرض حول نفسه (عكس عقارب الساعة)بل ممكن تعتبر نفس المدة كمان ، بحيث إن دوران القمر دورة كاملة خلال نقطة هي ٢٣ساعة و١٠دقائق.
∆تقدر تشوف مواعيد المد والجزر من هنا: https://www.tide-forecast.com/
∆يمكن العثور على أعلى المد والجزر في الولايات المتحدة بالقرب من أنكوراج ، ألاسكا ، حيث يصل مد المد والجزر إلى 40 قدم.
