اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فاكر الرمال المتحركة اللي كانت دايماً بتواجه أي بطل في الصحراء وتقضي عليه وأنت واقف بتتفرج ومش عارف تعمله حاجة وأنت بتاكل الفشار؟
تعالى بقى نتكلم عن حدوتة الرمال المتحركة .. هي مجرد رمال عادية -ولازم تعرف أن الرمال العادية عادة بيبقى فيه فراغ بين حبيباته بيملاه الهوا أو المياه - ولكن اتأثرت بعدة عوامل خارجية زي الاهتزازات الأرضية، ارتفاع منسوب المياه ، ضغط عالي عليها وغيرها.. ولما بتتأثر الحبيبات بعامل من العوامل دول ، تبدأ قوى الاحتكاك تختفي وبالتالي بتزداد إمكانية حركة الجزيئات دي ف بتتحول لرمال متحركة وغير ثابتة . وممكن تكون الرمال دي جافة وممكن تكون عبارة عن طمي متحرك . والرمال دي مش من الصعب وجودها ، بالعكس دي ممكن تلاقيها علي جوانب الأنهار، الشواطئ ، المناطق التي تحتوي على بحيرات.. بالبلدي أي منطقة فيها منسوب مياه كبير.
إي حكاية الموت بسببها ده؟ لا ده نادر جداً تلاقي حوادث تؤدي إلى الموت أو الغرق فيها ؛ وده لأن كثافة الرمل عادة ما بتكون كبيرة وبالتالي يقدر الإنسان يطفو عليها بسهولة ولكن أي شغل كبير هيبذله وهو في الرمال دي ممكن تخليه ينسحب لتحت أكتر وده لأنه بيوفر عامل من عوامل تكون الرمال المتحركة !
أهرب منها إزاي؟ ببساطة جداً حاول تسترخي تماماً وتخلي جسمك خفيف على أد ما تقدر لحد ما تلاقي أي مساعدة خارجية ، أو لو تقدر تتحرك بس ببطء بحيث متكونش شغل كبير على الرمال اللي أنت فيها . #بوحسنيات
المصادر : https://science.howstuffworks.com/environmental/earth/geology/quicksand1.htm
