منيتي

١٥

في جانب آخر
عمر وصل قال لي الشغالة انها تعمل شاي وتتجيبو في الصالون وطلع لقي منيه وأبوها وصلو قال لي منيه خشي جوه انتي بتعرفي الطريق وقت اخلص كلام مع ابوك بناديك  دخلت وهو ساق أبوي ودخلوا الصالون في اللحظة ديك جا أشرف وصهيب دخول الولد الصالون عمر استأذن من ابوي  وساق الولد دخول غرفته وقال ليه شوف انت حتطلع بره وتقول الحاصل بدون لف ودوران وبدون ماتنقص كلمه والا حيكون لي تصرف تاني قال لي عمر اقول شنو وانت منو عمر قال ليه انا خطيب البت الانت وسهي خربتو سمعته قال لي عمر سهي منو انا ما بعرفه عمر زعل 😡😡😡😡😡قرب يخنقه الا جا أسامة داخل لقي عمر زعلان مسكو قال ليه عمر أهدأ نحل الموضوع بالهداوه مافي داعي لي العنف أتلفت علي اسامه قال ليه انت عارفه عمل شنو هو المعاه الاسمها سهي الولد اول ماسمع اسم سهي 😲😲😲😲😲اتخلع واتذكر العملوه زمان وماعارف يعمل شنو عشان يخلص من المصيبه دي بقي يفكر وقال في نفسه انو لازم ينكر معرفته بي سهي ،أشرف قال ليه ايوه عارف سميره حكت لي عمر قال ليه وقت انت عارف دايرني أهدأ بعد العرفته أشرف قال ليه انت كدي أمشي كلم أبوها ، عمر قال ليه خلاص انا بطلع اكلم أبوها وطلع ، اتكلم مع ابوي وحكي ليه القصة ابوي زعل وقال الا يجيبون ليهو عشان يتصرف معاهم عمر هداهو وقال ليه انه هو حيتصرف معاهم مشي لي أشرف قال ليه جيب الولد واتصل بي جيهان انها تجيب سهي وسميره ، بعد كلهم بقو في حته واحده عمر قال لي جيهان امشي اقعدي مع منيه بعد شويه بناديكم جيهان طلعت عمر قال لي سميره جيبي تلفونك ادتو التلفون شغل التسجيل عشان يسمعوه تاني ابوي زعل الا عمر مسكه وقال ليه انت داير حق بتك ابوي قال ليه ايوه داير حقها قال ليه حقها برجعو ليها انت بس اثق فيني بعد شويه جرس  الباب ضرب عمر قال ليهم ده الزول الحيجيب حقها انا كلمت المحامي انه يكلم البوليس ويجيبهم معاه أشرف قال عمر ماتتسرع امكن نحلها بدون شوشره عمر قال ليه منو القتل ليك انه شوشره هو مافي حل غير كده هي ماعندها ذنب وهم شوهو سمعته ولازم ياخدو عقابهم وانا حاسلمهم في نفس  اللحظة جا المحامي ومعاه اتنين من البوليس عمر حكى ليهم الحكاية وسمعهم  التسجيل  البوليس قال ليهم الا ترفعوا قضية تشويه سمعه وتجيبو الصور المحامي قال ليهم بكرا يبدأ بالاجراءات كل ده حصل ابوي قال ليهم ليه بكرا اسع ترفعه واسع بوكلك نيابه عن بتي وكان داير الصور بديك ليها وانت اعمل اللازم البوليس قبض عليهم، ابوي شكر عمر وصهيب واشرف علي العملوه عمر قال ليه انا ما عملت شي غير الكان اعمله من زمان ابوي قال ليه انت اتصرفت بي سبب صدمتك بس انا ماصدقتها ورميتها عمر قال ليه كلنا اتصدمنا بس منيه كانت اقوي مننا واتحملت ابوي قال استاذن وطلب انه ينادون عشان نمشي عمر قال ليه بناديها وطلع جا ناداني ونحن طالعين كلمني بالحصل وانا كنت مادايره ده يحصل عمر قال لي اني أمشي ارتاح وما اهتمه للموضوع هو بحله انا شكرته وطلعته رجعنا البيت ابوي حكى لي امي الحصل انا كنت ماقادره اصدق الحصل كيف سهي تعمل كده وعشان شنو بس انه عمر حباني وداير يتزوجني تقوم تخرب حياتي كده وبعداك معديه روحه هي الصاح وانا الشلت حاجه منها ، بعد تعب عشان قدرته انوم.

في جانب آخر
عمر كان بفكر في الحصل وانه ظلمني وما فكر يتكلم معاي ويعرف ده حصل مني بجد ولا لا في نص تفكيره اتذكر كلمت ابوي وقت قال (انا ماصدقتها ورميتها عمر) عمر مشي لي جيهان عشان يعرف الحصل جيهان حكت ليه بالحصل هو حس بتأنيب الضمير كيف يسافر بدون ما يعرف الحاصل .
بعد كم يوم المحامي اتصل علي وكلمني انه كانت الجلسه الليله وانه كسبنا القضيه  انا فرحت انه الحق ظهر بس زعلت علي سهي ما أتوقعه منها ده .
عمر مشي لي جيهان وقال ليها انه داير يتكلم معاي قال ليه ما اتصل عليها مدخلني في نصكم مالك عمر قال ليها ماحترضي تجي انت اعزميها وانا بجي كانه صدفه قالت ليه يعني انا كبري قال ليه اعملي ده وانا بديك الدايره قالت ليه بعمله خير فيك بس قبل ماتموت لي هنا ملامحه اتغيرت قال ليها كيف يعني قال ليه باين كل شي انت ماشايف روحك وقت بتتكلم معاها ولا بتتكلم عنها ولا يوم حكيت ليك الحصل انت كان لميت في راجله كنت قتلته قال ليها ايوا بحبها وحافضل طول عمري بحبها اها كده ارتحتي  اخلصي و اتصلي بيها .
فجأه تلفوني رنه لقيته دي جيهان اتكلمته معاها وقالت دايره ونتلاقه انا رفضته في الاول بس هي أصرت انا وافقته قال لي بتصل عليك بكرا وبوريك المكان قلت ليها جدا .

#يتبع
ونشوف في الجزء الجاي نشوف عمر حيعمل شنو عشان يرجع لي منيه