دائي و دوائي 🥀🖤 ( مكتملة )

الجمرة الرابعة والثلاثون

لاااا تتحدث عن السعادة بصوتٍ عالٍ...فالحسد نومه خفيف . 😥

**************

اريج : هذا الاختبار الي اني حامل !!!!!

فيصل التفت عليها بصدمة ، حس روحة سمع غلط كال بصدمة : شكلتي ؟

اريج بخوف جسمهه يرجف : هذا اختبار الحمل الي مو لاساور ، اني حامل اقصد عبالي حامل بس طلع الجهاز عطلان ،

الككككككككككككل ، في حالة صدمة البنات صدمتهن انو شلون حامل وهي صار يومين من تزوجت ، والولد اصلا ميدرون عبالهم من غير فيصل يعني لان يدرون بفيصل رافض الفكرة ، وعبالهم هذا سبب صدمة فيصل ،

فيصل ، كل شياطين العالم كامت تتناكز كدامة من العصبية ، راح بسرعة يم اريج وسحبهه من شعرهه وبحرگة عاط بيها : منييييييييين حااامل ؟؟

اريج بصدمة هذا صدك يحجي ، ماتكدر توكف من الم رجليهه ، دموعهه ترست وجهه لان اتهمها بشرفها كدام الكل ، كالت بخنكة وغصة وكوة كدرت تحجي : فيصل شنو منين شجاي تحجي ؟؟

فيصل وراح يتخبل ، صعبة على الرجال يحس بشعور الخيانه من زوجته حتى لو مو عن حب ، فيصل عاط بيهه بصوت عالي : اي منين حامل ، ما صار يومين من تزوجنه ولحكتي تحملين ، احجي لا اموتج هنا وعلي ،

اريج صدمة بعد صدمة من كلامه من كل عقلة جاي يشك بيه ، اي وليش ما يشك بيه مو اني على كولتة بت شوارع ،

كتله واني صوتي يرجف ونسيت وجود الولد عبالك بس فيصل كدامي : فيصل شنو ما لحكت بعدين هو اصلا الجهاز خربان قبل لا استخدمة طلع بي خطين بعد حتى ما استخدمته ، واني جنت شاكة اكو حمل بس هذا كل الموضوع ،

فيصل بعيااط : وشلوووووون شلووون شكيتي بروحج واحنا ماصار يومين من تزوجنه لا تخبليني ، كليلي ويامن سويتيهه بيه احججججي ، كليلي بأبنمن شكيتي ،

اريج ، ما تحملت يتهمني كل هالاتهامات ، كمت وكفت كدامه واني رجليه مموتاتني بس الم كلبي اكبر بهواي من الم رجليه تحملت الالم و رفعت ايدي وضربته راشدي طلعت بي حركة كلبي كلهه ، اصعب شي بالدنيا انك تكون مضلوم ومتهم ،

كتله واني رجليه ترجف راح اوكع وصوتي بي غصة : احتتترم نفسك اني اشرف منك يا مريض ، شحال لو انت تدري كلش زين انو بعدني بنيه وعذراء لحد ما انت سويت سوايتك ، هاي واحد ،

ثنين بعدها ما طلعت من البيت ولا وصلت الباب وبسلامة بت عمتك حركتني وهسه اني وكفه مااكدر اوكف وانت شاهد على كل هذا بعد ليش هذا حجييك ،

واذا قصدك على شكي اني حامل ، اي شكيت الشهرية جازيتلي لان من قبل لا اجي للبصرة اني ما جايتني ،

ونزلت دموعها بقلة حيلة ووكعت على القنفة لان رجليها بعد مايشيلنها ، يعني لان مالي احد كلشي يصير تتهموني بي ولازم اكون غلطانه ، ترة والله الشفناه بالماضي كافي وزيادة ،