صعدت دكيت الباب وكالتلي فوتي ها دلو شلونج تمام اكلج متجين وياي بس اسبح والله ضهري بلكوه ارفعه ماشي ادللي عاد رفعته داليا شويه بس انحري ضهرج تره فد نوب يولي اخاف ونبي مو بيدي لا حبيبتي توكلي ع الله هوه النطا وهوه اليحفضه ونعم بالله ونبي لو تعرفين يدنو روح حميد وروحي بي ويتوسل يكول بلكي بنيه وتشبهج انشاءالله خيتي بس ارفعي شويه بلكوه رفعته
دخلته للحمام وخطيه كعدت ع تخته واني اسبحه حته ضهره ليفته وهاي اصيح ع كيفج يولي
دلو بس اهدي ما مسويه شي لحد ما كملت وكله ع كيف احركه منا اوديه منا
نشفته وبدلت وطلعنه الحمام صاير بلهول يم غرفهم عاد طلعت شغلتله الصوبه ولفيت شعره وكعدته ع جربليه داليا اوكفي بس خل اخليلج مخاد وره ضهرج ولج ونبي تعبتج لا يعمري تعبج راحه
هاء اها ارتاجي يله وقدمت اصوبه بعد خل بس امشطلج كعدت امشطله دلوو ها اذا بنيه شسميه والله اذا بنت ابوهة يسميه ادري يولي بس شنو العاجبه
هوه يريد اسم روان يكول حلو اي صح حلو وحته
نفس اسامي خالاته مو هههه اي ونبي وخاصتن اسم رانيا اوف شوكت يجي باجر ويجون
يله هسه غمض فتح وتلكين امي فوك راسج يولي كملت بعد خل بس البسج جواريب حته تدفين
وين خالتهن بجرار يمج مال الكنتور رحت جبتله ولبسته وغطيته بلبطانيه اووف يدنو والله حمل ونزاح كلساع اريد اسبح واتعاجز هههه يعمري عافيات اهم شي لتعبين روحج ولج حميد يسبحني واضل استحي واغطي روحي حته مو هلكد ينضفني من كد ما اشلشه
ثول مو زوجج شكو تستحين اي يدانيا هسه تزوجين وشوفين المستحه احمم خلينه هيج احسن
ها لازم اخذتي درس من هذاك النسونجي مو لا مو قصه اخذت بس لعبت نفسي الله كريم ربي يعوضج
داليا غرفتج هوسه حنضفه عيب باجر خاف يجن نسوان عمي ورجلج يطب ويطلع هوه والله اسوين فضل وين اكدر انضف ورقيه صارله اربع ايام مداخله للغرفه
ماشي بديت ارتب بيه وهيه دكلي هنا وهنا حطي
الغراض بقالي المسح رحت اريد اجيب صطل والوصله
اول مدخلت الحمام وازحلكت يابه متت انوب اريد انهض روحي ماكدر لحد ما سمعت صوت مجتبى ها الله الله سلامات كومي خطيه مدلي ايده كومني الله يسلمك مادري ازحلكت يله بريش بريش هههه هم صدك خطيه كومني ونزل
اخذتهن واني اعرج دخلت اريد امسح شافتني اعرج ضلت تحجي عوفي ولتكملين وشبيج كتله كافي ونبي مابيه هيج وكعت هيه ضلت ع مسح كملت
بلكوه سكتت مسحته وكملت وفتحت الشبابيك شويه لئن صارت دافيه وشغلت الضويه ورشيت معطر وطلعت بعدني بلباب
ودخل حميد اول مفات الله شنو هلعطر داليا هاي دنو خطيه سبحتني ونضفت الغرفه والله مشكوره خيتي الف رحمه ع جدج هم ونزاح من الغرفه لا يمعود قابل اسويت تعبناج خطيه اجيتي خطار وكعتي ع شغل ولك حميد هوه اني اجيت علمود اعاونكم لا لا ميصير اذا صاحبك حلو لتاكله كله ضضحكت علي ديله علساس مسويه انجاز جاوو اريد اسبح روحي باي
عفتهم ونزلت سبحت وطلعت بلحديقه افتر اجه حيدر جان بلعلوه مال عمي عدهم علوه وحته مسواكهم طالع منه وعدهم بيكم هم للمسواك
صاح ع فهد نزل المسواك من الكيه ودخلو جوه نزل المسواك وهوه باوع علي كلي هلا شلونج تمام الله يساعدك والله مشكوره
ههه يله ادخلي رحت يم بيبي كاعده تقره قران ومرت عمي دا اتقلم باميه للعشه
كعدت وحيدر دخل سابح وبس لابس شورت وفانيله وينشف بشعره شافني بلستقبال كبل طلع عود يستحي
غير ضحكت فهد دخل كال ابويه وين لعد عمتي والله ابوك راح يشوف صاحبه علمود الكيه مالته الكوستر حته باجر نطلع بيه يادوب تكفي كاله يمه والله ولا
