~~ نور ~~ بقلم >> أميرة أميرة أبي (2015)

الفصل السادس

نور / بقلم أميرة أبي

فبيتها وكعادتها متكية على فراشها ودايرة تليفون على ودنيها
سارة: وقولت ليك كنت مسافرة هاد الويكاند
سيمو: اه وهانتي رجعتي
سارة: اممم
سيمو: صافي اسارة عرفت جوابك تهلاي فراسك واخر مرة نبرزطك
سارة: لا لا بلاتي متقطعش عفاك ابب
سيمو: انا ماشي دري صغير غادي نبقى تابعك ومخلي شغالي
سارة: صافي انا موافقة نتلقاو منقدرش نخصر ليك الخاطر
سيمو: ودابا هضرتي هي نشوفك العشية
سارة: اممم واخا
سيمو: اوك ندوز موراك
سارة: ااا لا لا مبغيتش شي حد يشوفك ويصدق موصلها لبابي
عايشة: ساااارة سارة فاينك
سيمو: شكون كيعيط عليك ماماك
سارة بإرتباك ها لا لا غير الخدامة يلا نخليك ابب باي (قطعات عليه بالخف)
عايشة فتحات عليها الباب ودخلت ييه الالة مجبدة ليا تما هاد دار وداك الكوزينة شكون يجمعهم
سارة: اففف اماما مالكي على هاد الغوات غير بشوية هاني نايضة
عايشة: هوا داابا تحررركي
سارة كتسوط وتنتر  ياربي تهنيني يااااربي
عايشة: انا بغيتلك طيارة تطيرك وتهنيني من وجهك المنحوسة وهاانا مشيت نرجع ونلقى شي روينة دكساعة هضرة اخرى المسخوطة
سارة: قريييب قريب نتهنى من هاد الزلط ونولي حتى انا مرت فلان والخدم وطموبيلات والفلووووس غير بلاتي...
فسيارة  جالسة نور لقدام حدا نسرين لي سايقة و ايلاف لور
نور: نسرين واش عندك شي مشكل شفتك ساهية فين بالك نسرين تنهدات بصوت مسموع
ايلاف: ادا ماكنتيش باغيا تدوي حدايا ماشي مشكل نزليني فين ماكان نمشي وخودو راحتكم
نسرين شافت فيها من المراية لا لا ماشي عليك (بقات غادية شحال عاد وقفات حيدات السمطة ودارت لعندهم كتشوف فنور و ف ايلاف قدات نظاظرها) احم صراحة انا محتاجك بزاف انور طبعا سمعتي عمي زكريا شنو قال الصباح على الخطبة
نور: اه فين كاين المشكل
نسرين: المشكل كاين ف ماما
نور: واش ماوفقاتش
نسرين: لا ولكن مابغات تعاوني فوالو وقاتلي دبري راسك وديري لي عجبك تخيلي رغبتها ووالو قالت بلي انا خرجت على طوعها ودرت لي فراسي نتحمل النتائج (نزلو دموعها)
نور مدات يديها ربتات على كتافها عفاك ماتبكيش
نسرين: فخطبة ليلى الله يرحمها بعدنان كانت دايرا ليها كيف الاميرة وتكلفات بكولشي وانا نكراتني انا مابغيت والو بغيتها غير تكون قريبة مني ونحس حتى انا عندي ام لي فرحانة بيا ومهتمه لأمري (زاد بكاها) ما اا ب بغيت و والو غير تفرح معايا ووتكون فجنبي ص صافي
نور قربت منها وعنقاتها عفاك ماتبكيش وادا غير على الحفلة انا هنا نعاونك فلي بغيتيه غير ماتبكيش عفااااك انسرين
نسرين بعدات منها ومسحت دموعها بصح بصح غادي تعونيني
نور:  طبعا غادي نعاونك
ايلاف لي تاثرت نطقات بتردد احم حتى حتى  انا ادا بغيتي نعاونك ماعندي حتى مشكل
نسرين بفرح شدات فيديهم شكراااا بزاااف (بحماس وفرحة) اممم منين نبداو
نور: نجلسو فشي كافي نديرو شي بلان ونتافقو على كولشي شنو بان ليكم
نسرين: اوك مزيان مشينا ديمارات طموبيلتها وزادت...
كان خدام مركز ف pc حتى قاطعو الياس لي دخل مدرم كيما العادة
عدنان هز راسه فيه داك الباب لاش دايرينو حنا
الياس جلس على الكرسي وباينة فيه معصب
عدنان حيد نظاظر مالنا اش كاين
الياس بجدية واش خالتك ماموفقاش على زواجي من نسرين
عدنان: وانت اشمن غراض عندك بها تبغي ولا ماتبغيش
الياس: ماباغيهاش تعكسلنا شي حاجة فاخر لحظة
عدنان كيلعب بستيلو بيديه وبثقة قال متقدرش
الياس باستفهام شنو لي ضمنلك
عدنان : انت ليك نسرين واش باغياك ولا لا حاجة اخرى متشغلش بالك بها
الياس: وراه كتبقى مها وانا منقدرش نشوف نسرين مقلقة ولا ماشي مرتاحة وليوم ماما قالت لي شافتها خرجات كتبكي من بعد ماخرجنا حنى وكنت وعيطت ليها ماجوباتش وباين شكون قلقها
عدنان: خلي الموضوع عليا
الياس: شنو ناوي تدير
عدنان مجوبوش ووقف تمشا جيهت الزاج كيطل شنو درنا فالمشروع ديال التازي
الياس بجدية التقرير لي دار الخبير لي مشا يشوف الارض كيقول بلي الارض صالحة للبناء وحتى الموقع استراتيجي وغيساعدنا بزاف فالبروجي
عدنان: اها مزيان خليك على بال انا مكنتيقش فداك التازي
الياس: كن هاني .. داك خونا فاق ولا مزال
عدنان: لقيتيني عاد دويت مع الطبيب مزال
الياس: طول
عدنان : غادي يفيق !!
نزلات من طوبيس ساخطة شعرها تنكش وصباطها توسخ نازلة كتسب وتعاير وتقاد حوايجها دخلات مع درب ضيق ووقفات كتقاد شعرها وجبدات عكار حمر كتعكر وتعاود طلعات صايتها حتى بانو فخاضها وفتحات سلسلة ديال الكويرة لي لابسة حتى بان صدرها تحنات كتمسح صباطها وقفات جبدات مراية من صاكها كتأكد من راسها
سارة: هححح عليا ليوم نجيب ليه التمام ويجي يخطب ونتهنى من هاد الزلط وطوبيسات والعيشة المكفسة قاطعها تليفونها كيصوني هزاتو وحسبات حتى ل 10 عاد جوبات كتعوج
سارة : وي بب فينك
سيمو: 2 دقايق نكون عندك
سارة: اوكي انا كنستناك... قطعات شافت فراسها وخرجات من داك الدرب كتعوج فمشيتها بداك الطالون ووقفات كتستناه ماهي إلا دقيقة حتى وقفات كطكاط بيضة قدامها خلاتها تفتح فمها نزل الزاج وهبط نظاظر دالشمس على عينيه وشاف فيها
سيمو: طلعي
سارة : دارت راسها ماسمعاتوش وكتشوف فظفرانها
نزل كان شاب طويل لابس سروال جينز مع تيشرت وجاكيط ديال كوير قرب عندها وهز يدها بكل لباقة باسها وفتح ليها لباب تركب طلعات وقلبها كيشطح السامبا ولكن كتحاول ماتبينش ودافعة كبير دار هو بخفة وطلع حداها ديمارا وزاد....
من بعد ماانطلق دار شاف جهتها وابتسم
سيمو:فين تبغي حبيبتي تمشي
سارة متصنعة الخجل فين ما بغيتي
بعد دقائق كانو قدام كافي نزل وفتح ليها الباب وزادو دخلو وهي منبهرة بالمكان لي كان زوين وراقي تقدم واختار طبلة جر ليها الكرسي وجلسات
سارة :  ميغسي
سيمو : مابينتناش (غمزها وجلس مقابل معاها) نهار كبير لي تواضعتي وقبلتي تشوفينا
سارة: وراك عارف بابي صعيب ودخولي وخروجي بالحساب
سيمو وعينيه على صدرها لي نصو باين اممم عارف عارف
وكن  ماحبي ليك مانصبرش هاد الوقت كامل (مد يديه خدا يديها  وشاف لعندها) بغيت نتعرف عليك كتر
سارة : راك كتعرف عليا كولشي
سيمو : بغيت نعرف كتر راك غادي تولي مرتي زعما
سارة وقلبها كيرفرف بالفرحة ابتسمت حتى بانو سنانها شنو بغيتي تعرف
سيمو: كولشي الصغيرة والكبيرة(غمزها )
بعد ما دارو بلان للخطبة وسجلو كل ماغادي يحتاجو مشاو لعند متعهد الحفلات لي كانو تعاملو معاه فحفلة ريم تافقو معاه على لي خصهم ومن بعده توجه لعند أشهر مصممة فالبلاد باش يشوفو قفطان للخطبة حيت نسرين بغات كولشي يكون تقليدي وعلى حقو وطريقو ختارت القفطان لي عجبها وخداو مقساتها باش يقادوه ومن بعدها وصلو ايلاف لدارها وتافقو باش غدا يكملو شغالهم دازو خداو ريم ورجعو لدار حل المساء كان نور كيف عادتها مع ريم فبيتا
نور: شين
ريم: سين
نور: شيين
ريم: صييين
نور: ريم حبيبة حاولي تقلديني راه كاين فرق بين حرف السين والشين مثلا نقول شمس بحرف الشين و سماء بحرف السين عاودي من ورايا شمس
ريم: سمس
نور مسحت على وجهها بتعب
ريم بدات كتبكي مكنعرفس نقولها
نور قربات منها لا احبيبة متبكيش عادي دابا تتعلمي (شافت فساعتها) ليوم باركة علينا ودابا جا وقت العشا يلا نزلو لتحت
ريم : لا مبغيتس مافياس زوع (جوع)
نور: حبيبتي ضروري تاكلي باش تكبري
ريم: مبغيتس نكبل (سكتات وعاود نطقات برجاء ) نووول
نور  شافت فيها شنو
ريم جمعات يديها ودبلات عويناتها بغيتك تقلاي ليا قصة
نور: امممم واخا ولكن بشرط
ريم: موافقة
نور : حتى تعرفي الشرط
ريم : علفت نكمل ماكلتي كلها
نور مسحت على راسها برافو شطورة يلا زيدي قدامي
بعدما دوزو النهار كله مع بعض شافت فيه
سارة : خاصني نمشي
سيمو: صافي سخيتي بيا
سارة: لا بب غير هو ضروري نرجع قبل ما يجي بابي ويسول فيا وميلقانيش
سيمو مد يديه خدا يديها وكيشوف فيها بجرأة انا مسخيتش بك ولكن من دابا لفوق كل نهار غادي نشوفك ومانبغي حتى اعتراض واخا حبيبة
سارة بفرح ههه احم ا ا وي داكوغ انا بصراحة ارتحت ليك وبزاف
سيمو: باس يديها حبيبتي انتي يلا نوصلك
طلعو فطموبيل والطريق كلها وهو كتغزل فيها فاش سارة لحضات بلي مابقى والو على مدخل القصر طلبت منه يوقف
سيمو: لا غادي نوصلك مايمكنش تنزلي هنا
سارة نو حبيبا مابغيتش سكيوريتي يشوفوك يصدقو قايلينها لبابا تبغي تجبدلي الصداع
سيمو زفر بضيق قريب هدشي يسالي
سارة متصنعة الغباء ها كيفاش مافهمتش شنو لي قريب يسالي ؟
سيمو شاف لعندها وشد يديها قريب تولي ديالي ومنخافو من حتى حد
سارة: ااا بصح
سيمو: مالنا كنتفلاو
سارة بفرح ههه اه لا المهم انا خصني نمشي .. فتحات الباب باش تنزل حتى جبدها
سيمو: فين غادا
سارة: اا لدار
سيمو: مانسيتي والو
سارة ابتسمت و قربات منه طبعت قبلة على فخدو ونزلات بسرعة خلاتو مبتاسم وكيدوز يديه على صدرو وزادت حتى قربات للبلب نزلات الصاية وسدات سلسلة ديال الكويرة جمعات شعرها وخدات كلينيكس مساحت العكر عاد زادت وهي داخلة تلقات بنور
سارة: اهلا اهلا ببنت خالي
نور بابتسامة سارة لباس
سارة كتعوج عينيها طوب دطوووب
نور الحمد لله دكشي لي نبغيو يلا بسلامة (وزادت)
سارة يديها فخصرها اوا عطاك الله الصحة ماعندي مايتسالك كتطيحي واقفة
نور دارت كتشوف فيها باستفهام مافهمتش
سارة: هههه شحال كيجي معك هاد الدور
نور: شمن دور اسارة ؟
سارة : هههههه ديال حجابي عفتي )زادت وخلاتها غير كتشوف)
نور : لا حول ولا قوة الا بالله الله يهديك و
غير خرجات مع الباب بان ليها ايمن متكي على طموبيلتو شافها ووقف كيقاد جاكيت استغربت من وجودو وعينيها دغيا مشاز جهة السيارة كتشوف واش معاه اسامة
ايمن قرب منها احم السلام عليكم
نور: عليكم السلام
ايمن: اا اسامة عندو عملية مع البروفيسور جاتو على غفلة وصونا ليك باش يعلمك ماكنتيش كتجاوبي وطلب مني نجي ناخدك
نور بتوتر اا احم علاش عدبتي راسك نقد ناخد طاكسي
ايمن : لا عدابك راحة تفضلي.. فتح ليها الباب
نور شافت فالسيارة وعودات شافت فيه اا معليش اخويا انا غادي ناخد طاكسي غير سير
ماحملش يسمع منها كلمة خويا بلا مايحس زير على يديه حاول مايبينش ويتكلم عادي
ايمن: اا ن مايمكنش نخليك تمشي فطاكسي عفاك طلعي
بغات تجاوب وقاطعها الكلاكسون ديال سيارة لي كن فالخلف طلت وبان ليها عدنان عاقد غوباشتو وكيشوف لعندهم وكيكلاكسوني بدون توقف
ايمن: طلعي راه واقفين فطريقو
طلعات بزز منها وهي كارها الوضع سد ايمن الباب ودار بالزربة ركب وخرج يديه كا اعتدار لعدنان
لي ماحيدش يديه على الكلاكسون
ايمن: هذا ماله على هاد الصداع كله ماقادش يصبر دقيقة لا حول ولا قوة الا بالله... رجع للجنب فاتح ليه الطريق وغير دخل عدنان قلب هو الدورة وزاد ...