مسارات الحب💙🎼
الكاتبه:Alaa_Ha💙
الكاتبه الصغنونه👶💙
الحلقه الاولى💙،
لجين"رمت روحها ع السرير:اوووف ملييت خيره حظنا غير الناس لا نطلعو لا نخشو
ايه"تأفف":اي واالله خاطري في السوق خاطري نسافر
صفاء"وهيا منشغله في للاب توب":الي يسمعكم يقول مسكينات ديما محبوسات"وبعديت سكرت للاب توب وشافت لي ايه بهزوة"وانتي قاعده في ليبيا وتقولي خاطرك تسافري
لجين"شافتلها بنص ":انتي بالله عليك خليك في رواياتك وشعرك وخلينا في همنا
صفاء"رفعت حاجبها":لا والله"وربعت يديها"ماتنسيش اني اكبر منك وأنك انتي خشيتي غرفتي
لجين"نفخت":فوفو بالله عليك طلعينا
صفاء"رمت عليها المخده":شن فوفو هذي تحقي في جروك ياحيوانه.
لجين"ضحكت وتحسست يدها":باهي بالله عليك طلعينا
ايه"دارت عيون الجرو":ايي بالله عليك وراسك طلعينا
صفاء"بعدت عيونها من عيون ايه":ماديريليش وجه الجرو عندي قرايه وبنكمل روايتي وبنقرا قصه "Black" عشان نردها بكرا لصاحب المكتبه مش فاضيتلكن عندي شغل لفوق راسي
لجين"ناضت تافف":اوووف اوووف ليش نحنا مش زي البنات كلهن يمشن السوق ويشرن دبش الى نحنا مانشروش الي في العيد ومانطلعوش للملاهي ولا نطلعو للمطاعم يا في الحوش يااما عند جداك لليش"وطلعت
ايه"ناضت وشافت لصفاء":لجين معاها حق امتى آخر مره طلعنا فيها كل مانطلبو منك تطلعينا ياتقولي مشغولة يااما عندك امتحان يااما الفلوس مايسدنش وحتى لما بيطلعونا البنات ولا ولاد عمنا انتي ماتوافقيش"ولحقت لجين
صفاء"خواتي معاهن حق اني مقصره معاهن لهيت في قرايتي والشغل والمصروف ونسيت خواتي حتى لما يطلبن لبسه ولا حاجه نطلع اني ونجيبها لهن ع السريع وأني مانخليش فيهن يطلعن مع ولاد عمي عشان خايفه عليهن مش عشان ماعنديش ثقه فيهن بس عشان نخاف عليهن الوقت معش يطمن"فتحت اللابتوب بسرعه وكملت شغلي وقلت توا نقرأ الروايه بعدين فتحت دولابي لقيت فيه مبلغ كويس مشيت لي دار خواتي
صفاء"طق طق طق
ايه،لجين:تفضل،ادخل
صفاء"خشت راسها:قاعدات
لجين"بهزوة":لالا اختي بطلعنا للسوق
صفاء"ابتسمت بهدوء:اي هيا البسن نطلعكن
لجين"بتهكم:لا لا اختي صغا"بعدها فاقت ع الي قالاته صفاء"كييف تحكي جد
صفاء"رفعت حاجبها":لالا نكذب عليك"وجت تبي تطلع"5دقايق تلبسن فيهن ولا نغير رائيي"وطلعت خلت خواتها يحوسن ويلبسن خايفات يتأخرن عشان عارفات صفاء تحب الالتزام بالوقت وعادي تغير رأيها لو تأخرن
