🔪شمكارة زووهرة 🔪 (مكتملة )

البارت 40

بقيت كنشوف فيه هوا غارق في دمايتو شوية نترت ليه أيدو من أيدي وخرجت وخليتو بحدو في البيت

أما هوا يمكن رجع تمغط حيت المرض قضا عليه باينة فيه مريض بزاف مشيت لمريح بقيت نمشي ونجي فيه نمشي ونجي درت أيدي علي جنبي وفقت نخمم في هدا المشكيلة لي عندي دبا في الدار أش غادي ندير معاه

جريت ليا واحد الكرسي ديال الكوزينة وبركت عليه حيت مبقيتش قادة نبقا واقفة معا لحمل ،حطيت أيدي علي فمي وبديت نخمم تاني بحال لمرة الشارفة بقيت نخمم نخمم مبان ليا حتا حل كولشي الطرقان تصدات في وجهي مبقيت عرفت أش غادي ندير

بقيت باركة واحد الشوية وأنا نجمع النوضة ومشيت لعندو لبيت طليت عليه بان ليا رجع تاني نعس لي شافو يقول السيد منعس عام هدا

قربت حتا لعندو بان ليا بلي باقي مريض بزاف لعرگ ولا كيهبط ليه معا وجهو و الحرارة خارجة منو وشعرو مطلوق ومشعكك وعرقان

الصراحة مني شفتو في هاد الوضعية منكدبش عليكم عجبني أح قلبي الصغير لا يتحمل 💔💔 كيبان زوين وكيووووت وبگوس وملاك في نفس الوقت

سبحان الله مني ناعس دبا مكيبانش عليه سيفت لخطا بحال ديما كيبان بريئ وزوين خصارة غير ديك الندبة لي مخصراه شكون دربو الله وعلم أما وجو دبا عليه سيفت البرأة كون مكنتش كنعرفو ونعرف لفعايل لي كيدير نكدب ونقول مهواش بقيت كنشوف فيه شوية وأنا نزعم ومشيت بديت كنفيق فيه

أنا : (بتردد )⁦🖐️⁩⁦🖐️⁩أدهم أدهم

وبديت كنحرك في بأيدي الصراحة جاتني غريبة هاد السمية هادي أول مرة من نهار عرفتو كنغوت عليه بسميت أدهم لعجب لمعجب والله منكدب عليكم راكم عارفين لي كاين بقيت كنود فيه حتا بان ليا حل فيا عينة وبدى كيشوف فيا 👀👀

أدهم :( بصوت ناعس )ماداااااا

أنا : (بالصوت متردد ومبغاش نشوف فيه ) نوض وقف نديك لسبيطار

أدهم : دعييييييني وشأني

أنا : نوض بركا من لعگز نود نديك لسبيطار راه حرارة طلعات ليك بزاف وتقدر يتفلاشا ليك لمخ نووووض وقف

أدهم : ( بالأبتسامة مستفزة ) أنضرووو من يخاف علي من كانت سببا في جعلي مريضااا هكدا الأن

أنا : واش غادي تنوض ولا لا واش مكاينش شي نهار تكون حتا نتا طبيعي بحال الناس وتحيد منك شميت في الناس واش نتا مكتبدلش الصراحة أنا لي مديرة فيك راسي أيوا بقا ناعس حتا تخرجك الروح أنا مالي گاع أش دخل شطاطتي

خليتو وتميت خارجة وأنا نسمعو كيهد معايا

أدهم : حسناااااا توقفي دعينا ندهب هيا تعالي وألبسني ملابسي

أنا :😳😲😳 شنهوااااااا شنهوااااا شنهوااااا واش داوي من نيتك ولا بديت كتخرف كيفاش نلبسك لبس راسك علاش لبسك أنا مالك مهرس ولا شنو ملبست حتا حويجي بقيتي ليا غير نتا لبسك حوايجك ولهيلا زوينة هدي بغينا نديرو فيه خير غادي يردنا خدامة عندو