الـحب الأعـمـى

الـبـارت 75

{ الحب الأعمي }

الحلقه 75

هيثم : يرن ع موبايل. رن رن ماردش
دز مسج وقعد يرجا

طلع يوسف من حمام يمسح في راسا بالمنشف
سمع موبايلا جاه مسج
قدم ع كوميديني وبحت في موبايل وهو ماسك منشف ويمسح في راسا
رفع الموبايل وقرأ مسج
وطلب رقم

طلعت لبسا ديشمبر ولفا شعري بمنشف
ونبحت في يوسف وماشيا شور دولاب 
وهو ماسك موبايل وحطا ع وذنا

يوسف : تعالي كوليني يا منجوها
انا: هههه تو نجيك انطلع دبش بس
يوسف: غمزلي بعينا . وعض علي فما .
انا: فكيت منشف من شعري ونمسح فيه .  شن حركات صياع الي ادير فيهن ياسامط
يوسف: يضحكلي وفتح عليه هيثم . الو خير ياطيري
هيثم: ايوا تضحك وينك يامدير نحسابك راقد
يوسف: وهو يعزق منشف ع سرير . ويقدم شور دولاب ويصبي جنبي ويمد في يدا يطلع في تيشرت
لا وين نوم شنو قاعد كنت اندوش هذي الطلعا
هيثم: باهي نعيماً
يوسف: الله ينعم عليك
هيثم: باهي فاضي توا ولا لا
يوسف: وهو يلبس في تيشرت ويبعد في موبايل من وذنا عشان يلبس كم تيشرت
ويرد موبايل علي وذنا وينزل في تيشرت امتاعا علي جسما
فاضي كنك في شي
هيثم: لا نبيك في موضوع كنك فاضي انزلي وكان مش فاضي خليها بكره عادي
يوسف: لا فاضي تو شويه وننزلك
هيثم: خلاص تلاقاني لوطا قدام الحوش راه مش في جنان
يوسف: تم ياطيري عطيني خمس دقايق بس وننزلك 
هيثم: خلاص اوكي
يوسف: سكر موبايل .وعدا ع زيانه يمشط في شعرا

انا: كنا هيثم
يوسف: فضول طبعاً يقتل فيك
انا: ههههه غير هيا كنا
يوسف: والله علمي علمك . اكيد مضايق من حاجه بيحكي فيها
انا: بتنزلا انت توا
يوسف: بحت فيا من مرايا . ورفعلي حاجبا . كنك مازلتي مرايفا عليا . وغمزلي
انا: ابتسمت. مش هكي يامسوس تفكيري نسأل فيك عادي
يوسف: يانا عليا انا وخلاص . تو ننزل ونرقالك تخافيش
انا: ان شاء الله هذا كان لقيتني واعيا
يوسف: ههههه. خلاص يا حبيبي انا نازل باهي كان نعستي ارقدي ماترجينش
انا: باهي
يوسف: قرب مني وباسني بوسا خفيفا علي.... تشاوو
انا: باي

طلع يوسف وانا قعدت انلم في دار وننشر في منشف وخشيت نشفت الحمام وبرمت عليه ورديت دبش الي كان في  ساكو امتاعي
وطلعت للمطبخ كنست كبايا الي انكسرت مني وقعدت اندور في بشبو لقيتا معزوق جنب طاوله
جسمي كوش منا وتقشعر خذيت لماما ومكنسا لميتا وعزقت في سطل كناسا وبرمت ع مطبخ
وطفيت ضيا وضي الحوش كلا وخشيت للدار ولعت وناسات وطفيت ضي الدار ولعت تلفزيون وخشيت في سرير قعدت انتفرج ونرجا في يوسف يرقا وبحتت في ساعه لقيتها ساعه 2 قعدت انفكر هيثم شن يبي في يوسف
ونفكر في خطيبة هيثم وكيف حتجي وشن حتكون حياتها مع هيثم الي رافضها وباينا فيه  وكنت متشوقا انتعرف عليها

~~~~~~~~~~~~~~~~~~~~~

هيثم : يدخن قدام الحوش برا في شارع ومقعمز ع كرعية ركبا ونص
ومنسند ع ساس
يوسف: فتح باب فيلا كان سحاب
وطلع للهيثم . اوووي شن جو
هيثم: تمام
يوسف: كان لبس سروال توتا وتيشرت ولبس فوقها جاكت توتا وشبشب اصبع
شن في ياطيري شغلتني
هيثم: ينفخ في دخان. نبي نبدأ في شقه
يوسف: باهي تمام وابدأ تبي عمال  وهكي يشطبو
هيثم: لا نعرف تو نجيبهم . بس
يوسف: بس شنو
هيثم: ماشي صاح انا ولا غلط
يوسف: تنهد . وقعمز جنب هيثم بنفس الوضعيا . ان شاء الله ماشي صاح
هيثم: يعني مش حنظلمها امعايا
يوسف: لو فتحت قلبك من بدايه وعطيت روحك ولها فرصه مش حتظلمها بس لو سكرتها وقعدت بجبروتك هذا صدقني تظلمها وتظلم روحك
هيثم: انا قاعد انحاول امعاها ونتعرف عليها بس تبي الحق
يوسف: شنو
هيثم: وصف علي رقبتا. من هنا مابتش تنزل
يوسف: اتحق فيا قدامك صاح
هيثم: اها
يوسف: قلتها قبلك . وتو هذينا وشير علي عيونا . مايشوفنش الا فيها وهذا وشير علي قلبا . ماينبضش الا لها
هيثم: خاطري يصيرلي كيفك ونحب انا في حياتي كلها انت عارف عمري ما كبدت اول مره انكبد وتعجبني بنت هيا إكرام بس باتي نطزلي زي الهم وخرب عليا كل شي وطلعتلي قصة بنت هذي الي كلما مانبحت في وجها انحس فيها شئم عليا
يوسف: ماتقولش هكي انت تعرف عليها قبل بالك مع الايام تأخذ عليها وراه الحب بالعشره ومواقف الي بينكم هيا الي اتحببك في شخص لكن نظرات هذينا كلهن مراحل أعجاب بس لكن الحب الحقيقي والحب الصاح راه بعد تحكي مع الواحد وتعرف طبعا وشن يمشي مع طبعك ولا لا وتبدأ تعرف علي شخص جديد واهتمام وموقف خلنك اتحب
وان شاء الله تو تحبها وتأخذ عليها
بس رد بالك اتعاملها معامله مش تمام ولا تمعيل امعاها
انا كان نادم علي حاجه هيا بدايتي مع حياه تمعيلت واااجد وانت تكررش غلطتي وخليك راجل امعاها في الاخير بنت ضعيفه سيبت حوش هلها وجاتك واحتمت بيك
هيثم: لا اكيد هذي عارف . انا مرات نقسا بس بعد نفكر بيني بين روحي انقول هيا مالهش ذنب كيفي انعدي انحاول نصلح معاملتي معاها بس هيا اوووف راسها كيف هذا
وخبط بيدا ع ساس الي وراه .
يوسف: هههههه معنديا قصدك
هيثم: معنديا وبس تي كلمه بكلمه امعاها ومافيش قويه هكي وصارمه
يوسف: ههههه كيف صار ع اساس محامي تقدرش تأخذ حقك منها يعني
هيثم: تي هيا ايصير منها قاضي
يوسف: خههههه ماهو كل شخص يلقا نصا الي يشبهلا وانت هذي الي تمشي معاك وحدا شخصيتها قويه وماتسكتلكش لان طيبه معاك انت ينهضم حقها بعدها
هيثم: باهي يا تعبان شن اتحق فيا . والله كويس
يوسف: خبط بيدأ ع كتف هيثم. عارفك وربي يسعدك يا مدير . ودفا ع جنب طيحا
هيثم: تي نعن جدك يا مسخ .
يوسف: ههههه احسن شي انك اتسب في باتك ع اساس جدي مش باتك يعني
هيثم: وشن عرفك جدك معناها باتي نحكي علي جدك بات امك
يوسف: الله يرحمه راجل في قبرا خليه متريح
هيثم: عزق سبسي بعيد جا ع طريق
باهي وانت شن قصتك
يوسف: تنهد وسكت. ومد يدا في جيبا وطلع قرطاس فتحا وقدما علي فما وكر سبسي بسنونا
وخذا ولعا ولع سبسي في فما
ودس قرطاس و ولعا في جيبا
وطلع سبسي من فما ونفخ في هواء