#لعبة_الحياة
.
.
.
الحلقة الثانية
خذت اميه وقعدت تشرب مع خشت ربيع يكلم بتلفون
ربيع : طريقك بيضا وحده وحده بس ويضحك
ضحكته كانت سمحه وساره تبحت فيه
ربيع بحت في ساره : خلاص اوكي توا وسكر التلفون
ساره فطنت الروحها حطت الميه عالطاوله وجت بتطلع
ربيع : انتي ماتبيش تريحي روحك وتهمدي في مكان واحد
سارة بحتت فيه بصدمه : نعم ؟؟
ربيع : مره نلقاه عند باب الصاله مره عند الباب البراني
سارة مصدومه و منحرجه من الموقف ووجها حمر بكل مع خشت اخت كمال الصغيره كانت فالاعدادي : حيييي ربيع نحسابك بتوصل كمال
ربيع : لالا عدا بروحه
ساره ساكته وتبحت فيه ووجها حمر وربيع يبحت في ساره
اخت كمال : انتي سارة صاحبة العروس صح
ساره هزت براسها
اخت كمال : انتو الاثنين تهنيتو علي اصحابكم اليوم وضحكت وطلعت
ساره بسرعه بدون حتي ما تبحت فيه مرت من جنب ربيع وطلعت وقلبها يدق
ربيع ضحك وطلع
.
.
.
.
.
عندي انا وكمال
وصلنا للفندق وخشينا وكنت متريحه مش مرتبكه بس متحشمه شويه
كمال : جيعانه؟
انا : بكل يا روحي ونعسانه
كمال : من اللي نعسان ؟
انا ضحكت : شن كنا نحكو نحن لنا شهر ؟
كنا نقولو بشويه صح ؟
كمال : شوية هذي من
انا : حبيبي
كمال : مانعرفش حد اانا
وكان يفتح في بطم السوريا متاعي
انا : خليني نحول الڤيلو باهي نفك التسريحه
كمال يضحك : كله تو نديره اناااا
خليكي بس
.
.
.
.
ومر تقريبا اسبوع وعدينا لمشرق وروحنا ما قدرنش نتباعدو لانه امتحانات كمال قربن ومابيتش نخرب عليه مازاله شويه ويكمل الماجستير
انا : حبيبي ليوم بنمشي الهلي باهي وجاياتني سارة وايه
كمال : تمام يا عيوني تو نشيلك بعدين
انا : تمام تريح شويه و تو نواعيك علخمسه هكي نكون واتيه
كمال : تمام
خش كمال رقد وانا فتحت التلفزون وقعدن نبرم عالحوش و مكسده بكل
حوشنا بروحنا في عمارة عندنا جيران بس مازلت منعرفش حد
.
.
.
.
في العشيه لبست ومكيجت وشلت معايا حلويات وفاكهه و عصاير جابهن كمال و مشيت لهلي هذرزت معاهم ومع خواتي و جن فالعشيه ساره وايه وقعدنا نقرمو ونهذرزو
أنت تقرأ
رواية ليبية "لعبة الحياة💙" (مكتملة)💚
Romanceكاتبة رواية المستشفي💉💊🚑 منقولة من صفحة ﺭﻭﺍﻳﺎﺕ ﻟﻴﺒﻴﺔ ﺧﻴﺎﻟﻴﺔ كلام الكاتبة👇 المهم بنوضح حاجه انا كاتبة رواية المستشفي عندي غير رواية المستشفي | لعبة الحياة و اختيار خاطيء وفي بلاد الغربة وانا وانتي وعيت النازحين هذينا روايات يلي كاتبتهن انا شخص...
