رواية ليبية "لعبة الحياة💙" (مكتملة)💚

الحلقة13

#لعبة_الحياة
.
.
.
الحلقة الثالثة عشر
.
.
.
.
يوم الزفة فالصبح

ناصر >> وين مفتاح السيارة🙄
محمود>> تي وين ماشي ؟
ناصر>> بنطلع شويه
محمود >> هاك هاه

كان ناصر متوتر بكل وخصوصا انه ماحكش مع ايه له كم يوم واخر مكالمة بينهم كانت مش صافية

طلع ناصر ونحن كنا جوا كلنا نفطرو كانت الساعه ١١ الظهر وكلنا كنا مقعمزين فالصاله اللي برا

مروة >> امتي بتجي الكوافيره ؟؟
انا >> عل ١ قالت لانه بتبدا فينا بدري
مروة>> من ومن بيدير 🌚

انا >> نحن البنات بس بيجن اثنين وحده مكياج ووحده شعر والصبايا لكبار ما بنش قالن لالا مكياج البنات مش كيف كل وحده بيشيلها راجلها 🌚💔

رغد >> معناها تبدا فيا انا اول وحده شعري بيش نكمل ونساعدهم في شيل الحااجات

انا >> اوك

لمينا سفرة الفطور وشويه وجت الكوافيره وبدت فينا

مروة>> شعري نبيه علي طولة مانبيش لاتسريحة لا شي

الكوافيره>> اوكي نكمل للبنت قبل

رغد برضو شعرها كان قصير دارت استشوار بس وبدت ادير في مكياج

وكل حد قعد يدير في حاجة ويوتي في روحه

انا كملت مكياج وشعر بس مازلت بدبش الحوش
خش محمود جوا و قعدو يشيلو فالدبش من الحوش للصالة

عمر >> مافيش حاجه اخرى؟؟ بنشيلو شيله وحده را مش رادين🙄فكوني. من السريب

عميمه>> لالا مربوحة معاك انتصار "مرات عمي" وفريحة "عمتي " سبقنا غادي مع الخدامات تو يتلقنكم وماطولوش الله يربحكم بيش تجو تاخذونا تشيلونا بعدها تردو بيش تزفو ناصر

عمر >> تم تم سقدو بس

طلعو الشباب بسيارتين شور الصالة وسبقهم محمود شال الصبايا لي بيمشن بدري للصالة

مروة>> كملت بنركب نجري فوق انا
انا >> اركبي البنات فوق بنرن علي ايه

\\
\\

ايه >> الو
انا>> شن صار ؟😪
ايه>> فالكوافير معايا سارة شوي  ونكمل ونرد للحوش نلبس
خايفة بكل😭
انا>> ماتخافيش ارخي روحك وافرحي يومك هضا عطيني سارة😑

سارة>> نعم يا ميمي
انا>> كليتن حاجه ولا ندزلكن حد يجيبلكن؟
سارة>> كلينا جاب سفيان خويا حاجات مبدري
انا>> ايوه مية الرقية معاك!😪
سارة>> لالا فالحوش رادين نحن بتلبس غادي
انا>> تمام خليها تشرب قبل ما تطلع اوكي بنعدي نلبس
سارة>> تم

//
//
ركبنا فوق ولبسنا عسريع والتمينا كلنا لوطا وجو فالسيارات يبيبو كلهم ولبسنا عباياتنا وطلعنا ما كانش في حد براني كلهم عمامي وعيال عمامي بس
وعز كان فسيارة قاله محمود يقعد