البارت 3
®®®®®
عند ريهام وعبدالمعز
.
.
.
.
كانو يتفرجو وريهام كانت خايفه وعبدالمعز شوي شوي ويشوف فيها وشوي وجت لقطه تخوف وريهام لا ايرادين حضنت عبدالمعز
عبدالمعز؛ مصدوم 😲 وريهام فطنت لي روحها وخرت عنه
ريهام؛ اسف مكنتش نقصد
عبدالمعز؛ ولا يهمك عادي
مع جيتي انا؛ شن الي ولا يهمك احكولي
ريهام؛ اتمتم اه لا مفيش شي. انا بنطلع برا
انا؛ وشن يصير في الي جبته
عبدالمعز؛ نطلعوه معانا برا
انا؛ اوكي تمام بس تعالي معاي ريهام نزيدو شوي اخرى
ريهام؛ اوكي
عبدالمعز؛ تمام انا بنطلع
عبدالمعز طلع ونا وريهام مشينا للكوجينه كنا ساكتين ولا صوط وكسرت الصمت وقلت
انا؛ شفتكم شن درتو بس محبيتش نخرب عليكم
ريهام؛ 😟مش بقصدي والله مفطنتش ع روحي
انا؛ اي عارفه بس بنقولك شي
ريهام؛ قولي
انا؛ عبدالمعز يحبك
ريهام؛ 😳
طلعت وخليتها في الكوجينه
©©©©©©
عند الشباب في الجنان
.
.
.
.
.
صالح لاهي في فونه
ابتهال؛ صالح مع من تهدرز وتتبسم 😒
صالح؛ نحكي مع خالد قلتله متلمدين مع بعضنا
هيمو؛ كلمه فيديو خليه يشوف اجوائنا
صالح؛ ماشي تو نرن عليه. ماشي اهو يرن
خالد؛ هلا برو شنجوك
صالح؛ والله تمام الحمدالله اهو خليني نوريك الشباب ليك فتره ماشفتهمش اهو جنبي مراتي ابتهال
ابتهال؛ كيف حالك خالد
خالد؛ بخير الحمدالله
وهضا معتصم وهض خطيبته ابتسام
معتصم وابتسام؛ هلا كيف حالك
خالد؛ اهلين
وهضا سند وهض امل
خالد؛ اهلين اهلين
وهضا هيمو هو الي أصر عليا نكلمك فيديو في هل وقت 😂😂
خالد؛ بجوده بهيمو والله
صالح؛ وهض خطيبته وهضا رمزي
¶¶¶¶¶¶¶
كنت طالعه من الكوجينه وفي ايدي سفرت الشقاشق الي جايبتهن وطلعت للجنان وشفت صالح ماسك فونه كنت نحسابه يصور قربت منهم
انا؛ معقوله تصورو عني
صالح؛ اووو واهي جت الانسه روند اكيد متتذكرش فيها
"رفعت عيني في الفون شفت خالد كان شاب حلو يهبل اسمر وباين انه طويل وعضلات وشعر اسود يلمع ولحيه محدده وعيونه سود يقتلن كان جميل بمعنى الكلمه 😍😍"
هيمو؛ اوي انت وين رحتي سلمي ع الولد
انا؛ اه ه ه ههلا خالد كيف حالك
خالد؛ ضحك 😏 اهلين روند الحمدلله كيف حالك انت
انا؛ الحمدالله كويسه
صالح؛ ماشي برو نبيش نطول عليك هي سلام
خالد؛ سلام نلتقي بعد سبوعين أن شاءلله
صالح؛ إن شاء الله. وسكر
££££££
&خالد&
.
.
.
.
كنت نكلم فيهم فيديو وشوي وجت عيني في عينها كانت تهبل بكل بيضه وعيونها يهبلو عسليات وشعرها روعه مع اني نحب الشعر الطويل بس عجبني الشعر القصير عليها "اه ورقد وهو يفكر فيها
#######
روند
.
.
.
.
.
.
قعدنه شوي في الجنان وبعدها خشينا رقدنا
#الجمعه
نوضتنا امي ع الفطور فطرنا وحسنا في الحوش وبدينا في سريب الغداء طبعاً الغداء ثابت بازين ومر اليوم كله بصاره وضحك وجو
.
تسريع أحداث
.
مر الأسبوع الأول وكملت انا وريهام امتحانات ومر الأسبوع الثاني والمفروض يروح فيه خالد
وطبعاً في أي مناسبه في فيلتنا نتلمدو لأنه أكبر فيله وثاني شي لانه بابا أكبر حد فيهم ولأنه حنى معانا
وجاء اليوم الي يروح فيه خالد وكلنا نحوسو وكل حد يدير في شي مجموعه ع الموالح ومجموعه ع الحلو ومجموعه ع العشاء
@@@@@
&خالد&
.
.
.
واخيرا جاء اليوم الي نروح فيه لي ليبيا وأخيراً متصدقوش الفرحه الي انا فيها طيارتي الساعه 4العشيه نضت الصبح بكري وتيت دبشي ونزلت ندور في المحلات قبل الطياره ونودع اصحابي ودعتهم ومشيت لي محل هدايا جبت للرجال ساعات وللصبايه عطور وانا طالع شفت سلسله بأسم روند عجبتني وخذيتها وتغديت وطلعت في السياره وموصلتش للمطار الا والساعه 3:30 شوي وركبت في الطياره وانا مش مصدق بعد أكثر من 7 سنين وتو بنروح لي ليبيا واخيرا اه ياربي مش مصدق والساعه 8 وصلنا لي ليبيا ونزلت من الطياره ومشيت شوي وشفت صالح وهيمو عيسى يستنو فيا سلمت عليهم وعيوني دمعن من الفرحه وبعد كل هل سنين وأخيراً شفتهم مش مصدق عيوني
ركبنا في السياره ونحنى في الطريق فتحت الروشن وشميت هوا بلادي ونشوف في المباني والبلاد كيف تغيرت
مهما كانت بلادك فيها حرب ودمار بس مهما يكون هيا عرضك ووطنك ووطن اجدادك ومتقدرش تتخلاء عنها مهما يصير
ووصلنا قدام الفيله ونزلنا وسلمت عليهم كلهم واخر وبكينا واخر وحده سلمت عليها روند
روند؛ الحمدالله ع السلامه
انا؛ الله يسلمك
روند؛ كيف حالك
انا؛ الحمدالله بخير وانتي
روند؛ الحمدالله
قعمزنا وهدرزنا. شوي وجابو العشاء وكانت الوجبه الرئيسيه رز بالخلطه وموالح ومشروب تعشينا وشوي وجابو التحليه والحلويات وطلعت الهدايه وكل حد عطيته هديته وتذكرت اني مجبتش هديه لي..... 😳
زعما من الي مجبلهاش خالد هديه ستنوني في البارت الجاي 👋😘سلام
وايش رايكم في هذا البارت
ومتنسوش تفاعلكم
للكاتبه؛ ﴿♬ MØømä Hë ❤♩℡┊❥..
