رواية ليبية "لعبة الحياة💙" (مكتملة)💚

الحلقة20

#لعبة_الحياة
.
.
.
الحلقة العشرون
.
.
.
صاحبه>> فكها ازف
عمر>>خليني فحالي النبي
صاحبه>> تي باهي فهمني شن صاير بس
عمر>>ماصاير شي خليني بروحي بس
صاحبه>> ان شاء الله ما تطلعش وحده دايره فيك هضا كله بس 🙂

عمر صبا خذا باكو الدخان و طلع يدخن قدام الحوش

كان من الاول هدفه بس ان يلعب ب مروة عشان عنادها وطول لسانها ، بس بعدها معش قدر يلعب ومشاعره غلبنه وحب مروة واللعبه نقلبت حقيقه ' ماكانش متوقع ان بعد مروة تعرف وبعد كل شي ينتهي هكي ح يوجعه قلبه وهكي ح يتأثر !
.
.
.
وزي ما كان الليل ما يبيش يمشي علي عمر كان برضو بطيء عند مروة اللي كانت دايره روحها راقده قدام البنات بس دمعتها علي خدها

ومش قادره تروح للحوش خواتها صغار وماعندهش من يواسيها

مروة>> بنات رقدتن ؟
انا >>لاء
مروة>>مخنوقه بكل 😭
رغد قعمرت ع السرير >> مروة خلاص طلعيه من بالك
مروة>> لو طلع من بالي ه يطلع من قلبي ؟
انا >> انتي بس اذكري حقارته و ح يطلع من حياتك كلها
مروة>> لو كان براني ممكن بس هو ولد عمي !
رغد >> وانتي علي اساس كليوم تشوفي فيه ولو شفتيه كانه ساس

كنت حذاهن ورن تلفوني مشيت من جنبهن و خليتهن يهدرزن وطلعت نرد علي عزو

انا >> عزو
عز>> بيب
انا >> توا كيف روحت ؟؟
عز>> من ساعه هكي
انا >> باهي تمام
عز >> بكرا ماشيه لجامعة ؟
انا >> لاء ايه بدتلي في طروح الحمل ولوحم ومش ماشيه ف ماعنديش عليش ماشيه بروحي 🙄
عز >> هههههههه قبل نبيك تواعيني بكرا بنوض بدري بنعدي نشوف الشقه
انا>> اي شقه
عز >> شقتنا ❤️
انا>> انا ويّاك؟
عز >> ها امالا تحسابيني حنديرلك شقة بروحك وانا بروحي ولا كيف 😂
انا>> قصدي مش عارفه شعور غريب 😭🤷🏻‍♀️
عز >> ولا غريب ولا حاجه نكمل الشقه وتختاري كل شي فيها و ح تجي تسكني فيها ❤️
انا>> ههههههههه ان شاء الله
كملت هدرزه مع عز وخشيت لقيت البنات مرقدات

كنت كل ما نكلم عز نحس اني نحب من جديد ! قلبي يدق بعد ما مات من جديد ! التفاصيل يلي نعيش فيهن معاه ماعشتهنش مع كمال نحس في روحي كأني اول مره نحب ...

قولو اوڤر بس هضا اللي قلبي حاس بيه🤷🏻‍♀️
نحس فيه حلم ومانبيش انوض منه !
.
.
.
.
مر شهر واحنا علي حالنا

ربيع وسارة علاقتهم خلاص انتهت
عمر معش يجي الحوش جدي نهائيا الا فيوم الجمعة مايخشش علينا يتغدا ويطلع
مروة لاهيه في جامعتها ومازال قلبها عند عمر

وانا وعزو نوتو في شقتنا 🙊❤️
.
.
.
اما ايه وناصر

ايه >> ناصر معش تحوس دبشك هكي
ناصر >> شن ندير يعني مروح من الشغل تعبان لميه
ايه>> كيف هذي لميه مش خدامه انا !
ناصر >> انتي رايحة اتحسسي بكل و من كل كلمة اديري موضوع ! هضا كله مازلتي ما سكرتيش ثلاث شهور حمل كيف ح نصبر ست شهور اخري