حب لحد الجنون 🤤💘

بارت ١٣

#حب_جنوني

بارت 13

الم يجتاح الجسد ويضرب كضربه السيف لروح لاتعرف مصير من احترقوا بساعه لطيش وتملك اناني
كل التعذيب الي صار كان المه ينحمل اله الم التفكير وكلمت لو وشلون اله تامل بروحي مكادر اتحملهن تعرفت ع الرجال الي شالني من شمروني بالعنبر طلع خطيب جامع انسان جدا محترم سولفتله سالفتي وهوه الوحيد الي حجيتله كالي ارمي حمولك ع ربك واطلب ان ربك يتوالها برحمته الي سويته غلط لكن مووقت لاعقاب ولا حساب وقت دعاءلان ماباليد حيله بس الدعاءنكدر عليه
3شهور اني بالقاعده الامريكيه لااحد حقق ويانه ولااحد سئلنه يطونه وجبتين يمكن اكل جلابهم مايناكل من جوعنه مرات ناكل ومرات لا الشمس نشوفهه من شباك مربع عالي بالعنبر بين فتره وفتره يطبون علينه بالعصي وين ميوجعك ومحد بينه يعرف ليش مسجون هنا ولااحد يقبل ايحاجينه والله لاهمني كتل ولاهمني شي كل الي همني هوه لوبس احصل تلفون ابلغ اهلي يلحكون ع رغد مافوتت فرض ولاتركت وقت ماذكر دعيت لنفسي جنت اول ماادعي اكول ياربي استاهل كل الي صارلي واكثر بس هيه مالهه ذنب وانت تعرف عدت ثلاث شهور ودخلو علينه كلبجات برجلنه لبسونه وبيهه زنجيل طويل وكلبجه توصل للايد غطو راسي بقماش اسود مثل الكيس طلعوني امشي واحد لازمني مشينه مسافه وخر القماش عن وجهي واكفين سره كدامي ولد ماعرفهم واحد واحد صعدونه طياره عسكريه ورجعت تغطت وجوهنه وره فتره يمكن نزلت الطياره وخر لقماش عله كد نزول من الطياره جانت بنايه جبيره وساحه جبيره كدامنه حطو القماش ع وجوهنه اقفال انفتحت طببونه ساحه كعدونه ع حصو وارفع لقماش عن وجوهنه اكو ملثمين واكفين واكو لابسين بدلات امريكيه وسلاح بيدهم وواكفين4رتب ع اجتافهم عراقيين وواحد بيده سجل كاعد عله كرسي كدامه ميز حديد ثنين ثنين يكومونه نطي الاسم والعمر وندخل غرفه بيهه دواليب واكف بيهه جندي يطينه بدله برتقالي وبطانيه بعدهه دخلنهه ممر وكل مجموعه ذبوها بعنبر اني ويايه الشيخ محمود اكو تقريبا 12سجين بهل عنبر بعد السلام والاسئله عرفنه احنه بسجن بوكه بس سئلونه ع التهمه لااني ولاشيخ محمود نعرف تهمتنه شنو ثاني يوم فتحو البوب طلعونه بالساحه عود نتشمس هنا الي لازمين السجن عراقيين حاولنه ويه الجنود ع تلفون رادو فلوس واني والشيخ ولادرهم فاتت 10ايام وهمه كل يوم ايطلعونه ايشمسونه ودكونه زيان صفر اليوم الحرس مونفسهم الي نشوفهم كل يوم حاولنه نحجي وياهم مقبلو بس بدخله من ده ايدخلونه واحد واكف يم باب لعنبر حاولت احجي وياه قفل الباب البوب حدايد مثل حدايد الشبابيك وحده بصف الخ ومساحه قليله بين وحده وحده
-متكولي شتريد خبصتني
امير: رحمه لاامك ولاابوك اني صارلي 4شهور اهلي ميعرفون بيه عايش ولاميت بس تلفون اروحلك فدوه
-وين اربع شهود اول مره اشوفك
امير: جنت بالقاعده وحولونه لهنا
-تهمتك شنو
امير: كفيلك الله ماعرف شنو تهمتي جابوني وذبوني لاحققو ويايه ولاكالولي تهمتي شنو
-بخمسه الترميشه
امير: وربك ماعندي حته ورقه مال دفتر ماكو بجيبي كفيلك الله اخذو كلشي مني داخل عله الله وعليك بس ابلغ اهلي فدوه لهل وجهه
-استغفرالله ماشي بس تكولهم همه يخابروك موتصرفلي لرصيد
امير: اي اي والله بس اكولهم اني امير دكو عليه والله حته اوكف يمي اذا مصدك
-هههههه لامااوكف مبينه سالفتك سالفه شوف راح اروح هسه ومن اشويه تخف الحركه اجيك بس ها جفن روحك بالبطانيه وخابر ممنوع احد يسمع اويعرف تره اتعاقب واني راح اسويهه ل الله واخليك تخابر لاتندمني
امير: عيوني تدلل الله لايوكع بمصيبه ويسترك ويرعاك انت وعائلتك
يالحبيب اعرف لحيت وياك اروح فدوه لطولك شايف هل رجال ابولحيه البيضه الجبير ذاك هذا حاله مثل حالي والله تكسب بينه اجر بس نبلغ اهلنه فدوه لهل وجهه بشاربك احنه
-ماشي ماشي بس مثل موصيتك يله راح اروح وارجعلك عود
حجي يمكن فرجت راح نحصل تلفون
شيخ محمود: يارب بشاره خير
امير: بس لازم همه ايخابرون حافظ رقم انت
الشيخ محمود: حافظ رقمي اكيد هسه مفتوح عند الاهل لان. هوه كان للكل مال البيت يعني وانت حافظ
امير: والله اذا اكولك حته املي ضعيف بهل اتصال حافظ رقم حجي ضياءالي حجيتلك عنه لان رقمه ورقمي اشتريناهن سوه واختلاف بالارقام الاخيره فرق بينه بالارقام وكون الكاه مفتوح
شيخ محمود: شوف ابني انت دك اول مره اذا حصلت كان بها اذا محصلت اني متاكد لرقم ميغيروه الاهل اطينه عنوان اهلك. وابني يروح لهلك ايبلغهم
امير: اخ ياحجي والله مهامني غيرلموضوع الي تعرفه يارب لخاطرهه مو لخاطري عدن 19يوم وكالو زياره للمساجين اني متاكد محد يجيني بس اتفاجأت صاحو اسمي طلعت شفت حجي ضياء وواحد وياه سلمت عليهم وعرفت هذا الي وياه جاي يفتهم شلون وصلت لهنا سولفتله وكام راح عافني اني وحجي ضياء
حجي ضياء: ممصدك تطلع هل عمله منك
امير: غصبا عني مو بوعيي والله
حجي ضياء: شلون يعني مو بوعيك
امير: شارب ع... ك واخذت حبايه هلوسه
حجي ضياء: لك امير انت الي تصلي وتصوم شوداك لهل درب شمشاك بيه
امير: هيه جانت بس بذيج ليليه اول مره جانت ضايج واوراس اطاني شربت والحبايه اطانياهه كال حته تكدر تخطفهه اني جنت ناوي اخطفهه حته اضغط عله اهلهه ايوافقون بس
حجي ضياء: لاتبجي يول الزلم عيب تنزل دموعهه هذا اوراس كم مره حذرتكم منه مسمعتو مني اخ اخ هوه هم مختفي متعرف عنه شي
امير: جان ويايه بيوم الحادث واخر مره شفته بالقاعده مال الامريكان بااس......... .يه
حجي ضياء: ياحادث يعني انتو الاثنين
امير: لالاحجي بس اني دخلت هوه جان بره ينتضرني بسياره ومن طلعنه وصلنه لشارع العام شالونه الامريكان حجي لبنيه مالهه ذنب اني غصبتهه دخيلكم اني مستعد لكلشي بس هيه لا
حجي ضياء: يصير خير ابني اني وابوك ده نحاول نعرف شصار بيهم
امير: ليش شصاير بيهم
حجي ضياء: البيت مالهم فارغ من اجه خالهه تهمناه بقتلك وجاي ايلفق تهمه ومن يومهه معرفنه وين راح فص ملح وذاب
امير: ورغد
حجي ضياء: ربك العالم بحالهه بعد
امير: حجي دخيلك دورو عليهم دخيلك حجي خبر منهم اريد
حجي ضياء: ابني الزياره انتهت هسه ادعي ربك يفرجهه امك دزتلك اكل وهدوم وهاي فلوس ابوك منع احد يروحلك عسه وعل منا لزياره الجايه شويه رايح غضبه
امير: حجي خل ياخذ روحي والله مستعد اذا تكولولي انذبحك اني اتمدد بس لبنيه حجي لبنيه
حجي ضياء: ايصير خير ايصير خير يله هذا كام ايصيح الحرس ثيمالا
امير: طبيت مشتعل نار احس صداع قوي عندي وين راحت ذبحوها لا ممعقوله امه شافت اني طبيت غصبتهه لاذبحوها حته يخفون الشغله كلهه اني السبب الكاع كامت تفتر بيه ومحسيت بشي بعد
حسيت واكف يمي رجال ضرب ابره بالمغذي الي معلكيه الي
-شلون تحس نفسك
مصدع دكتور الدنيه ادور بيه
-عندك هبوط بالضغط هسه تتحسن حالتك. ماكو شي يخوف يكمل المغذي ماله ورجعوه لعنبره ماكو داعي يبقه هنا طلع وضل الحارس واكف واني دماغي ايودي ويجيب خلص لمغذي ورجعوني سولفت لشيخ محمود كالي اصبر لاتستعجل متعرف الي صار شنو يجوز انهزمو يجوز سافرو
امير: اني بالي يمهه اشسولها
شيخ محمود: لعلم عد ربك محد يعرف غيره
عده شهر واجه موعد لزياره قبلهه كم مره خابرت ع حجي ضيااءيكولي ماكو جديد محد يعرف عنهم شي وابويه يدور عليهم بس ميريد ايشوفني ولايسمع صوتي
صاحو اسمي طلعت شفت امي وحجي ضياء حضنتهه وكامت تبجي واني دموعي تنزل وياها ضربتني عله جتفي هيه وحاضنتني وكالت ليش لك ليش مربيتك هيج ابتعدت عنهه كعدو حجيت السالفه كلهه وكتلهم راضي وقابل لوتعلكون مشنقتي بس اسمع خبر عنهه
حجي ضياء: اني وابوك ده نركض من الجيران محد يعرف شي يكولون فجاءه اختفو حته بيتهم طبينه مابيه قفل قوي قفله مال واحد طالع خطار ويرجع مو مختفي  صار اكثر من8 شهور سئلنه ع دوام الرجال ورحنه لدائرته كالو جان ماخذ اجازه وخلصت الاجازه ومابين واكثر من انذار طلع بااسمه لحد مفصلوه من دوامه
يتبع