في بحر عيناك تائهه 💜🌸

الحلقه 1

حرام عليك يابوي بالله انا منبيشي وولدي لمن بنخليه
الاب : لا حرام لاشي اسكتي وسكري فمك لامتي بتقعدي ماده وجهك اه قولي معنديش بنات يقعدولي حتي وكان كنتي ارمله
هي : وولدي انا نبي انربيه منبش انتزوج باللله يابوي متبعدنيش عليه ولدي صغير
الاب: حلاص قولت اخر كلام عندي انا هيا اقلبي وجهك للدار انتي وولدك .........
اهلين انا اسمي تميم م 89 طبعا شوفتوا بدايت عيشتي كيف منكده امي بيزوجها بالسيف وبتسيبني وانا لربي طبعا بوي ميت ليه سنه تقريبا بوي خذي امي غصبا علي الكل يعني ببساطه العيلتين مش راضين علي زواج امي وبوي طبعا اهل بوي امه ( حناي) تبرت منه وعلفتله علي الحوش باعتبار جدي ميت يعني هيا الي حاكمه في العيله خليني توا انعرفكم علي عيلتي المنكوبه
جدي اب بوي ( مصباح) متوفي ليه سنين
حناي ( سعاد) عزوز متسلطه مفيش واحد طالع من تحت سلطتها في العيله وكلمتها تمشي غصبا عن الكل
عندي عمين وعمه
وبوي التالت اسمه محمد متوفي ليه سنه تقريبا
طبعا عمامي مش مهمين ومليهمش ادوار هلبه في قصتي باعتبار هما متبرين من بوي علي خاطر حناي متبيشي ياخد امي لسبب الله اعلم 🤷‍♂️
وقالتلا مادامك خديتها متعفسش حوشي لين نموت ومنعت عميمي من التواصل مع بوي منعا باتا
المهم نجو لأقاربي من جيهت امي
جدي (مفتاح ) راجل صعب كبيير في العمر يمكن في نص السبعينات
حناي طبعا متوفيا ليه فتره وجدي اتزوج يمكن اشر جنس حواء علي وجه الارض
مرت جدي (مبروكه )
عندي 3 خوال الكبير (محمود) والمتوسط (فرج) والصغير (احمد) وبعدين امي (غاليه ) بس يعني معنديش خالات امي البنت الوحيده يمكن متصدقوش يعني معقوله ببنتا الوحيده وداير فيها هكي المهم خلونا في القصه
طبعا امي خشت لدار وعيونها حمر ومقفوش بكيه من كثر ماتبكي نين جفو دموعها طبعا انا كان عمري في هضاك الوقت سنه تقريبا كنت نشبحلها بنظرة طفل خايف مش فاهم يعني اكيده اي شخص يشوف امه اقرب الناس ليه حتي لو كان طفل تبكي اكيده بيتأثر قعدت نبكي
غاليه :" بصوت مخنوق " خلاص اولدي حبيبي بالله عليك والله منقدر نتحمل خلاص 😭💔
~ تسريع احداث ~
وجاء اليوم الي بيأخذو فيه امي الي بتسيبني فيه ومعاش بنشوفها او بالاحري منعلمش هل مزلت بنشوفها او لا
غاليه: تضبط في ولدها بكل قوه آه ياولدي ليش بس مقدرتش مقدرتش نقعد معاك
جدي : هيا يافرخه راجلك برا هيا اطلعي
مبروكه " كاينه واقفه بحدا جدي وتشبح في امي بكل برود " : هيا اطلعي وانتي درتيلنا فيها جو عزي
ملاحظه : ( مبروكه معندهاش صغار ومتحبش امي نهائي لأن امي كانت تشبه حناي الله يرحمها ومن لما بوي توفا وهي تزن علي جدي بيش يزوجها )
غاليه : " مضبطتني وتبكي " صح مقدرتش نربيك صح مقدرتش نقعد معاك لاكن حيجي يوم ونوليلك انت مش بروحك انت معاك ربي وتوا 《 استودعك الله وليدي استودعك الله الذي لا تضيع ودائعه 》
وطلعت و .......
يتبع 💔💔
valerie