الـحب الأعـمـى

الـبـارت 80

{ الحب الأعمي }

الحلقه 80

يوسف: ها شن يادكتوره طمنينا
انا: كنت انبحت في دكتوره ونرجا شن اتقولي
دكتوره: هيا اتبحت في صور . رفعت راسها وبحتت فيا انا ويوسف
لا الحمد الله الكيس اختفاء تماماً ياحياه
انا ويوسف: باهي الحمد الله
الدكتوره: وفيش شي يعني كلا مسأله وقت الحمل متاعك لان فحوصات امتاعك سليمه كلهن
انا: بابتسامه .باهي كويس
يوسف: باهي يادكتوره الكيس هذا مش حيرد اخره
دكتوره: لالا لان كيس دهني يصير ديما بنسبه 70%مع كل شخص بأختلاف الامكان بس
ومافيش منا خوف
يوسف: باهي ماشي. يادكتوره بارك الله فيك
دكتوره: لا عادي واجبي
وان شاء الله جايا تانيه اديري فحوصات الحمل ياحياه
انا: بأبتسامه. ان شاء الله شكراً يادكتوره
دكتوره: عفواً
يوسف: بحت فيا . هيا
انا: طلعت قدام يوسف . ويوسف كان ورايا وماسك تحليل في يدا
طلعنا وسكر باب ع دكتوره
وجا جنبي
وقعدنا نمشو
انا: اوفتي
يوسف: نعم
انا: ذكرت مستشفي
يوسف: كيف
انا: اول لقاء ليا انا وياك فيه
يوسف: هههه اها عليك ايام
انا: فيهن جو صاح
يوسف: بأبتسامه. سماح اني عرفتك فيهن بس انا كنتش نصرف صاح
انا: بالعكس انت ديما صاح
يوسف: يانا عليا من الي يدعم ويرفع في معنويات
انا: ياسامط
يوسف: جا وقف عند سياره وفتحلي باب
اركبي يامدامتي 
انا: ابتسمت وركبت. وسكر يوسف باب عليا
وركب سياره
يوسف: الحمد الله ان كيس حول هذا وين تريحت وطمنت عليك
انا: الحمد الله ربي كريم
يوسف: فعلاً ونعم بالله كريم وعظيم
انا: اوفتي
يوسف: عيون اوفتك نعم
انا: خاطري في عصير ليمون بالنعناع طبيعي
يوسف: بحت فيا . والله
انا: والله
يوسف: حاظر ياعمري تو نتكيلك علي جنة الفواكه ونجيبلك احلي ليمون بالنعناع ادللي انتي بس
انا: ههههه نجك ليا وربي يخليك ليا ياروحي
يوسف:ويخليك ليا يارب

ودرس يوسف ع جنة الفواكه في حدايق . جاب بريوش وجابلي عصير
وقعد يبرم بيا في بنغازي وشوارعها  وحلينا اغاني
عند كملنا حاجات وبرمنا اشويه وروحنا
ع حوش

~~~~~~~~~~~~~~~~~~~~~~~~~~~~~~
رحاب: مفنصا اعيونها وتبحت في رحمه . كنك
رحمه: وهيا تبكي وعيونها منتفخات. عصاام
رحاب: قعمزت مقابله رحمه ع سريرها. كنا
رحمه: مش عارف شكلا خلاص يارحاب سيبني
رحاب: وعليش
رحمه: قتلا ع علاقتي بمهلهل
رحاب: هييييي .باهي وشن قالك
رحمه: مش فاهما تنرفز وقالي كل شي انتهاء وسكر موبايل في وجهي قعد بنرن عليه رن وماردش سكنتلا قفل موبايلا
رحاب: حطت يدها ع فمها. باهي توا شن يعني
رحمه: مش عارفا مش فاهما شي.
رحاب: ياريتك ماحكيتيلا ماداما هكي
رحمه: كان حكيتش وكذبت وقتلا عمري مادرت علاقه ايجي يوم وننكشف حبل الكذب اقصير
بذات هو شهدني من ديني .يعني حتي ربي كان مهلني وستر عليا توا مرات تندريش بعد نجوزا ايصير اي شي يعرف عصام اني ديرا علاقه وقتها شن تصوريه حيصرف
معش يبحت في وجهي بكل
انا حبيت انكون صادقه امعاه ونحكيلا الحقيقه
بس هو شكلا ماحبش الحقيقه
رحاب: اصلاً هذوما شباب . يحكيلك هو عادي ع ماضيه ويقعد يبيك انتي تفهميه وتسامحي وتفوتي عادي وكنك درتي قصه يقولك ماضي وانتي مادخلكش بيه
بس لما اتجي انتي بتكوني صادقه وتعترفيلا لانك بتعيشي نظيفه امعاه
تكون ردت فعلا كيف عصام يايسيبك ويفوتك يا يدير معاك مشكله وسامحك بس بعدين يقعد ديما شاك فيك
رحمه: تبكي. وتسمع لكلام رحاب
رحاب: ومشكله تعرفيش كيف تصرفي وهذا الي خلا معظم بنات تقعد ديرا علاقه ماتحكيش بكل وتسكت وتعيشا في وهم وكذب انها عمرا مادرت علاقه ويقعد هو مصدق
ويستاهلو هكي هما اصلاً
بس الي اتجي تعترف وبتكون صادقه يسيبوها ومشكله يأخذو في وحدات ياما ديرات
ويكذبن عليهم انهن عمرهن ماعرفن راجل في حياتهن ويبقو هما مصدقين ويحسبو اروحهم وين وخذين وحدات قطاطيس مغمضات وهما عيشين في وهم وكذب كبيير
رحمه: وانا هذا كنتش نبيه حكيتلا لاني انسيت مهلهل وبنعيش امعاه هو ونحبا هو ونصون ونخاف ربي فيه هو
بس هو مش عارفا شن بيدير توا
رحاب: انقولك حاجه كان سيبك يبقا خسران وتو اتشوفي شن يأخذها
وكان قعد معاك يبقا خلاص وبعدين مهما كان شي صعب عليه راجل ومن حقا يزعل ويأخذ موقف بس كان هو يفكر بعقلا حيلقاك انك انتي صاح والي اعترفتيلا معناها عمرك ماحتكذبي عليه وانك انسانه صادقه
بس في الي يحسبها غلط بعد تعترفلا البنت يمشي ويسيبها
ويعدي لبنت غيرها ياما دايره وتكذب عليه وتقولا مش دايره شي
وفي الاخير مافش شجره ماهزتها ريح
رحمه: باهي شن اندير انا توا قوليلي
رحاب: ماديري شي فوتيه وعطيه وقتا .كان يحبك صاح يارحمه تو يفكر بعقلا ويجيك ويسامحك ويفوت موضوع وكان يبيش تو يسيبك وفي الاخير الي جابا يجيب غيرا
ماتبيش توقف الدنيا عليه هو
رحمه: ليش انا هكي عنديش حظ مع حد ليش الي انتعلق بيه يسيبني ويكسرني
رحاب: هذينا كلهن اختبارات من الله . عشان تعرفي يارحمه ان كل شي غلط انديرو فيه انتعاقبو عليه
علاقتك بمهلهل غلط في غلط تدفعي ثمنها توا في خطبت عصام لكي
مش عارف ليش البنت ماتقرش وتعيش حياتها وتطلع وتدهور بدون مادير علاقه وجيج مع شاب
يعني مش لازم اتجرب وتلبز مع كل واحد
مشكلتهن يسبوهن اول وحدين تقعد اتجرب مره تانيه وثالثه ورابعه نين خلاص هيا وحدها اتمل
وتوصل لمرحله تبقا عندهش ثقه في رجالا
ومشكله ان نصيبها ايجيها من حيث لاتدري ويدق بابها وتوافق عليه
وتأخذ واحد لاشفتا لاشافها وتحبا وتكبد عليه وتندم ع كل علاقه درتها في حياتها
ومشكله الاكبر ان بنت ماتوصلهش القناعه هذي الا بعد ماتجرب
ومهما حكيتي ونصحتي مايقتنعنش
مش فهمين ان المكتوب ع جبين اتشوفا العين والي كتبا الله هو الي حيصير مهما درتي من علاقات وعرفتي شباب
لان علاقات مشاكل وتلقيط ذنوب ويخربنك وخلاص وكارثه ان ثمن علاقات هذينا تقعدي تحسبي روحك علاقه ومرت وانتهت وخلاص مش حيصير شي لكن كارثه ان ثمنها تدفعيه بعدين
لان ربي يمهل فيك بالك اتوبي بالك تقتنعي لكن فيش فايده عند ماتصير كارثه بيش وقتها توصل لقنعا اتمنا ان وصلتلها من زمان
وقناعه عليش يقولو كنز لان مش اي حد يوصللها
لانها فعلاً قناعا كنز والي توصل للمرحله من قناعه انها اتفوت رجالا وتعيش حياتها بنت عاديه
عند يندق بابها والي يبيها صاح يجيها من باب الحوش
بس هاتي من يوصل للكنز هذا ويقتنع بيه