دائي و دوائي 🥀🖤 ( مكتملة )

الجمرة الاخيرة ( الجزء الثاني )

ابو سجاد وخايف من ردة فعل سجاد بس ما كدر ما يجي لفاتحة ابنه ..

سجاد فتح عيونة بصدمة وكالة وهو يكتم غضبة من هالانسان الي بس بالجنسية اسمه يتبع اسمه على انو ابوو .. : شجاابك ؟؟

ابو سجاد دموعة بعينه : غير لفاتحة ابني ..

سجاد بعصبية بس لزمة حسن يهدي : ابننننك .. هسه عرفت ابنك .. ذيج السنه اجاك لبيتك مشتاقلك يريد يشوفك طردته من الباب وكتله مااريدك .. وكسرته وخليته مكسور وهسه جاي لفاتحة ابنك بعد ما مات جاي تكول ابني .. اطلع برااا اطلع براااا اكلك ..

حسن يهدي بي : سجاد اهدى هذا ابووك ما يصير هيج تحجي ..

سجاد نزلت دمعته : عن يا ابو تحجي انت هذا البحياته ما عرف وين عشنه وشصار علينه .. هسه اسألة اذا يعرف شكد عمري لو ادرس لو كاعد بالبيت لو متزوج لو لا اسئلة اذا جاوبك على وحدة تعال وحجيني .. اللله ياخذك شكد اكرهههك .. اطلع بررررة ..

ويتهستر كلما يتذكر ابوو من راحلة فهد وطردة واجه فهد يبجي ..

ابو سجاد تندم على حياته لان عاف ولدة والتهى بمرته الجديدة وولدة منها وعاف ولدة الكبار .. طلع وهو متندم وكلبة ينزف على ابنه المات وهو ما يعرف شكد عمرة حتى ..

سجاد بعد ما يتحمل يضل واكف يريد يبجي يريد يصيييح يريد يصرخ كلشي يسوي بس يطلع الوجع البكلبة ..

دخل للبيت من الباب الوراني وسمع عياط امه ونزلت دمعته وراح توجه لغرفته دخل بيهه وسد الباب وهو يسمع عياط امه والنسوان ويبجي ..

بنين شافت سجاد دخل للغرفة راحت لزهراء وكالتلهه تلحكة .. راحت زهراء وهي تمسح دموعهه دخلت وهي تتجنب انو احد يشوفها حتى لا تبدي الناس تحجي صح انو هي زوجته كدام الله ورسولة بس هم الناس تحجي ..

دخلت وسدت الباب وراهه .. شافته حاضن قميص ويشم بي ويبجي زهراء نزلت دموعهه على حالته .. راحت وكفت يمه سجاد رفع وجهه وشافهه ..

كللهه وهو يشم بالقميص : جان يبوك هذا القميص مني .. واني ارجع واخذة منه واصيح علي .. نزلت دموعه خل ياخذ كب هدومي بس خل يرجع ..

زهراء كعدت يمه وتصبر بي لزمت ايدة وكالتله : سجاد يعني اذا انت هيج عمتي خاجية شتسوي غير انت تصبرها .. من تشوفك هيج شيصير بحالها ..

التفتلهه سجاد وعيونة ممليه دموع : ماكدر والله ماكدر اخووي هذا .. جربتي فكد الاخت وشفتي شلون يحفر الكلب زهراااء مخنوووك ومكبوووت راح اموت ..

زهراء بخوف ودموعهه ما جاي توكف : اسم الله عليك لا تحجي هيج .. لازم تصير قوي هسه علمود عمتي خاجية حتى فيصل ووليد مو هنا ..

سجاد تذكر . رفع وجهه وهو يمسح دموعة : صدك وليد شلونهه عمليته ؟

زهراء وملتهين بالفاتحة نست حتى وليد كالت : اي والله صدك بعد الصار نسيت اخابرهم ..