هلو اسمي ملاك عمري 16 رابع اعدادي مواصفاتي عيوني كبار عسليات
بيضه وشعري طويل كلش اسود وسرح رشيقه مومعصعصه تارسه حنونه وكلبي طيب وخبله 😹 عائلتي متكونه من2 اخوان علي ومحمد و اخت وحده اكبر مني ب سنتين والدتي ووالدي
غزل: هلو اسمي غزل عمري 18 سنه سادس علمي مواصفاتي : بيضه عيوني بني فاتح شعري لضهري مو طويل كلش ناعم ماكو اطيب من كلبي عنوديه وام لسان 😹
مخطوبه من ابن عمي عن حب 😇
كعدت الصبح ع صوت غزل
غزل : وجج ملاكك اكعديي
ملاك : وسمم شبيج من الصبح تعيطين
غزل : ووجع كومي راح نتأخر ع مدرسه
ملاك : كعدت كعدت 😤
غسلت وكملت طلعت ملابسي خليتها ع سرير نزلت جوه
ملاك : صباح الخير يااحلى ناس
الكل : صباح النور
كعدنه نتريك ونسولف ونضحك
غزل : يلا راح نتاأخر
ملاك : علوش كوم وصلنه
علي : اوصلجن بس ب بوسه
ملاك : ههههه مححح 💋
علي : فديت حبيبه اخوها
غزل : احمم اني هم موجوده تره
علي : ههههه يروحي خبلتي انتي هم انطيني بوسه غزل : هههه مححح
ملاك : يلا تأخرنه
علي : يلا امشوا
وصلنا للمدرسه التقيت ب عصابتي 😹
صديقاتي ايه وزهراء وفدك
ملاك : ههلوو
ايه:هلوات تأخرتي وين جنتي
ملاك : اخذتني النومه
شلونجن مشتاقتلجن
ايه وزهراء وفدك : يروحي احنا الاشوق
ملاك : فديتجن يلا نروح للصف
خلص الدوام انتضرنه علي يجي ياخذنه
انتضرنا هوايه رجعنه مشي اني وغزل
وصلنه للبيت زلم واكفين وهوسه صايره
غزل : هاي شنوو صاير
ملاك : امشي نشوف
دخلنه شفت ماما بلكاع تبجي وتلطم
خالاتي وعماتي كلهن موجودات
غزل : عزززه ماما شبيج يوم شصاير؟
ماما متجاوب بس تبجي وتلطم
ملاك : ماما الله يخليج احجي شنو اصار؟
علي كاعده وايده ع خده
ملاك : علاوي شصاير كول الله يخليك
علي : محمد سكران متعارك ويه واحد وكاتله وهسه بين الحياة والموت
ملاك : عززه ومحمد وين هسه
علي : اخذوا الشرطه
اجه بابا : علي امشي نروح لاهل الولد
علي : ماشي
كمنه اني وغزل وحوراء نضفنه البيت وسوينه غده اعرفكم ع حوراء
حوراء زوجة محمد طيوبه وحنونه مثل اختي 💗
اجوي علي وابويه ملاك : الله يساعدك يابه
بشروا اصار وياككم
بابا : بابا ملوكه اريدج بشغله
ملاك : بلي يابه تفضل
بنيتي تدرين معزتج عندي شكبره تعرفين شكد احبج وعزج اكثر من اخوانج انتي الوحيده الي راح تنقضين العائله
ملاك : شونن بابا شنو الكدر اسويه
بابا : ملوكه بنيتي مقبلو بفلوس يردون فصليه تدرين باختج مخطوبه وبنات عمج كلهن متزوجات
ملاك : بلي يابه بس شنو فصليه
جنت صغيره وماعرف شنو الفصليه
شرحلي بابا وضع الفصليه اختنكت وبجيت ماكدر ارفض يقتلون اخويه وافقت مجبورة ابويه : ماشي بنيتي سامحيني ماعندي غير هذا الحل 💔
ملاك : صعدت لغرفتي ابجي والوم حضي اني المدللة هيج تاليتي اجتي غزل وحوراء وماما حضنوني وبجوا 💔
سمعت صوت علي يصيح ع بابا
علي : ملاك متطلع من البيت اله ع جثتي
طبه مرض خلي يكتلونه هوه الجابه لروحه
نزلت ع صياح علي
ملاك : ياعمري علاوي ماعنده غير هذا الحل حضني وبجه 💔
ابويه : ملاك بويه حضري نفسج حتى نروح
ملاك : حاضر بابا طلعت لغرفتي حضرت ملابسي واحتياجاتي
لبست فستان اسود مخصر ع جسمي وشال اسود ولبست ( قراصه ) وسط وكب بصلي وكعب مو كلش عالي نزلت ودعتهم والدمعه بعيني 💔 وصلنه ماشاء الله بيت مثل القصر يخبل نزلنه بابا وعلاوي ويايه
تلكانه رجال جبير بالعمر
بابا : بنتي امانه عدكم ديربالكم عليه مو ذنبهه الصار
بعيني اخليه
تقرب يمي الرجال كالي بنيتي انتي مثل بنتي لتخافين
ارتاحيت من كلامه
دخلنه اتلكتني بنيه حلوه بيضه والعيون خضره ع زركه ماشاء الله
رفل : هلو اني رفل
ملاك : هلوات اني ملاك
حضنتني وبوستني
رفل : اجتي بنيه ويه ابويه عرفت هيه الفصليه ماشاء الله ع جمال الشايلته
تعرفت عليهه وبوسته وحضنتها
رفل : تفضلي اعرفج ع امي
ملاك : ماشي
دخلت اجتي مره لابسه اسود عرفت ام الولد الكتله محمد اجتي تقربت عليه خفت لاتضربني كالت هلا بنيتي لزمت ايدي وكالت لاتخافين مااذيج مو الذنب مو ذنبج الله شاهد اخليج بعيني مثل بناتي
ارتاحيتهم كلش ولكلامهم واتأكد مراح يأذوني
اذا حبيتوا القصه صوتو حتى انزل البارت الثاني 💗💍احبكم
