مدحت طول الوقت في الطياره منطقش بكلمه كان دموعه بس الي بتنزل وضميره اد ايه وجعه ازاي هو قدر يعمل كده وازاي الدنيا اثرت علي شخصيته وغيرتها حس انه مكنش هوه وقتها وان كان فيه حد تاني هو الي عمل كده في الست وانه مفاقش غير لما سمع صوت الازاز بيكسر والست متغرقه دم
زياد طول الوقت كان بيحاول يهديه لكن مدحت كان في حاله صمت كان بيدعي طول الوقت ان الست متكنش ماتت وفكر لما الست الي ظلمته بس عمل فيها كده طب ايه الي حيحصل لما يشوف عبد الله صاحب عمره الي خانه وقتل امه علشان يجوز مراته
زياد و مدحت وصلو فرنسا وصاحب زياد كان حجزلهم في فندق نزلو فيه بعدها مدحت قال لي زياد انه نازل يشتري حاجات
فجاه مدحت رجع ومعاه مسدس
زياد حاول ياخده منه و يهديه ويقوله متنساش بنتك مع عبد الله بلاش تهور و البوليس هنا صعب انت ازاي تعمل كده
مدحت مكنش بيرد علي زياد وحط المسدس في جيبه وقاله ملكش دعوه انا حر
زياد قدر الحاله الي مدحت فيها وسابه بعدها مدحت فضل يفكر ايه الطريقه الي ممكن يعملها علشان يعرف ندي و عبد الله فين
مدحت و زياد فضلو يسالو كتير ويدوروا في صفحه عبد الله و ندي علي الفيس بوك لكن للاسف مفيش اي علامه تدل هما فين لحد ما جه صوره كان حطتها عبد الله وهو شايل بنت مدحت وندي متصوره جمبه
مدحت دموعه فضلت تنزل بسكوت مفيش نفس بيطلع هو حتي ميعرفش بنته اسمها ايه
مدحت ساب زياد ودخل اوضه وقفل علي نفسه
مدحت فضل يومين ما بيكلش وحالته الصحيه بتسوء اكتر وابتدي يخس كل حاجه اتغيرت بعد الصوره لحد ما في يوم مدحت لقي تيلفونه بيرن رقم من فرنسا مش علي خطه علي خط الحاجه فاطمه الي كان واخده منها مدحت مرداش يرد وجري علي زياد قاله انا عايز اعمل تتبع للخط ده بسرعه وفعلا زياد علشان اشتغل في اكتر من شركه كمبيوتر قبل كده زمان قدر يحدد موقع التيلفون انه في سوبر ماركت جمبهم بشارعين مدحت بسرعه دخل اوضه وخد مسدسه ونزل مع زياد وخد تاكسي وطار علي السوبر ماركت
مدحت دخل علي السوبر ماركت زي المجنون فضل يزق في الناس ويدور في السوبر ماركت لكن للاسف مدحت وصل متاخر وكان عبد الله مشي من السوبر ماركت
مدحت و زياد رجعو البيت
مدحت: افتح الكمبيوتر وشوفلي هما فين دلوقتي
زياد: الخط اتقفل ومش قادر احدد موقعه
مدحت مسك في زياد وقاله لو حسيت انك بتلعب بيه حقتلك
زياد:زي ما قتلت صاحبه الكباريه كده!!!!!! مدحت ساب زياد وفضل مبرق وساكت
مدحت:انت بتقول ايه؟؟؟؟
زياد: اه يا مدحت الخبر عرفته من يومين بس مردتش اقولك الست فضلت اسبوع في المستشفي وماتت و الكباريه اتقفل
مدحت اتصدم وسكت وفضل يمسك دماغه ويزعق بكلام مش مفهوم وبعدها دخل اوضه وقفل علي نفسه
بعدها زياد دخل عليه الاوضه وفضل يهديه لكن مدحت مكنش بيكلم
زياد خد مدحت ونزلو يخرجو ويتفسحو وفعلا زياد قدر يغير حاله مدحت بعدها رجعه البيت
تاني يوم مدحت لقي زياد نزل يجيب الفطار مدحت دخل استحمي ودخل اوضه بيفتح الدورج ملقاش المسدس بتاعه بعدها زياد رجع
مدحت:فين المسدس يا زياد
زياد : مش حدهولوك احنا حنرجع بنتك من غير دم
مدحت : اه اه انا نسيت مهي مراتك خانتك في سريرك وقتلتها الظاهر بعدهها رجولتك بقت بالسالب و عايزني لما اشوف مراتي مع عبد الله اسقفلها.
زياد محسش بنفسه غير وهو بيضرب مدحت بالبوكس في وشه
مدحت قام وزق زياد علي الحيطه وفضلو الاتنين يضربه في بعض لحد ما زياد وقع علي الارض مدحت خد منه المسدس وشد الاجزاء بس زياد كعبله وفضل ينزل فيه ضرب وخد منه المسدس ووجهه ناحيه مدحت وقاله قوم ادخل اوضك يا مدحت كفايه لحد كده
مدحت كان عارف ان الصداقه الي بينه وبين زياد حتمنع زياد انه يقتله
مدحت قام ووقف قدام زياد وقاله اضرب!!!!!!!!زياد رمي المسدس علي الارض وقاله انا حسيبك تعمل الي انت عايزه بس لو قتلت عبد الله انا معرفكش تمام يا صاحبي. وسابه دخل اوضه
مدحت جري خد المسدس و خباه من زياد .
زياد فضل لحد بليل مخرجش من اوضه بعدها مدحت دخله الاوضه
مدحت:متزعلش مني يا زياد انت اكتر واحد عارفني وعارف انا اد ايه محروق عارف لو كان حد غريب مكنتش زعلت اد منا دلوقتي انا طول طفولتي معرفش غير عبد الله كان صاحبي الوحيد ولا هو يعرف غيري عارف لما صاحبك يبيعك علشان واحده
مش كده وبس ده بيتصور مع بنتي كانها بنته عارف يعني ايه ابقي انا هنا وعارف ان بنتي بتقوله هناك يا بابا
زياد انا مش قادر استحمل معلش افتح الاب توب بتاعك وحاول تعرفلي مكانه تاني
زياد دمع وقاله انامستحيل ازعل منك انا لو مش عايز اساعدك مكنتش جيت معاك لحد هنا
فعلا زياد فتح الجهاز بتاعه وبعد ساعات قدر يحدد المكان بتاع عبد الله والمرادي بيت مش سوبر ماركت يعني اكيد هما عايشين هنا
فعلا مدحت جري علي الاوضه وجاب مسدسه ونزل مع زياد وخدو تاكس وراحو المكان
مدحت و زياد وصلو المكان. مدحت قبل ما يطلع طلع مسدسه زياد قعد يقوله بلاش بس مدحت مكنش سامعه
مدحت و زياد طلعو البيت مدحت خبط علي الباب وفي ايده المسدس و الغضب مالي عينيه لحد ما الباب فتح وكانت المفاجاه
ان بنت مدحت هيه الي فتحت الباب !!!!!!!!!!!!!!
أنت تقرأ
رسائل الموت
Mystère / Thrillerلم يعد المعنى الوحيد للموت هو الرحيل عن هذه الحياة، فهناك من يمارس الموت بطرق مختلفة، ويعيش كل تفاصيل وتضاريس الموت، وهو ما زال على قيد الحياة.
