عودة أمل 💛

فراق امل لمراد💔 الحلقة ٣

#عودة أمل
#بوسي

(((آلم الفراق )))
الحلقة الثالثة:-

بعد تناول العشاء الاولاد ناموا
هشام وشادي  
وأمل اللي كانت بتبكي كتير قبل النوم مراد قعد معاها بيلاعبها يلاعبها حتي هدأت ونامت في السرير.

-------------------------------------♡
مراد رجع الغرفة لـ مها.
مها :  كل الوقت دا علشان تنام انت مكنتش بتعمل كده مع الولاد!
مراد : يا حبيبتي الوضع مختلف
أمل ملهاش حد وعايزة إهتمام.
مها : أفهم من كده إنك رجعت في كلامك وناوي تسيبها عايشه معانا هنا؟!
مراد : معرفش لكن أنا فعلاً دورت وكلمت ناس تسأل عن مكان يكون كويس بكرة  هروح كذا مكان ومش هوديها إلا مكان اطمن عليها هناك.
مها : اوك تصبح على خير.
مراد بابتسامة حب : تصبح علي خير إيه أنا لسه مكملتش كلامي.
تنظر مها لمراد بابتسامة.

--------------------♡
في الصباح.. التليفون يرن📞
الخادمة تتوجه إلى مراد
سعاد : تليفون لحضرتك يا دكتور.
مراد : الو... مراد الاسيوطي
آه طبعاً حضراتكم في غني عن التعريف
حاضر......جاى. ....هتعجبنا اكيد.....مسافة السكه. ..... سلام.
مها بتسأل : مين اللي كان بيتكلم ؟
مراد : دي مسؤلة عن دار للأيتام إتصلت بيه علشان تحدد معايا ميعاد اروح أشوف المكان لو تحبي تيجي معايا.
مها : مفيش مانع
مراد : لكن أمل هتقعد هنا لوحدها
الولاد في المدرسة.
مها : سعاد معاها وبعدين هي نايمه دلوقتي نلحق نروح ونرجع علي طول علشان تشوف شغلك.
مراد : يوووه شوفتي نسيت أقولك عاصم ومديحة كانوا في المستشفي ب سها.
مها : هي سها دايماً مدواخاهم كده.
مراد : إتصلي بيها وأنا بالليل هزورهم
مها : خلاص نروح مع بعض أنا هطلع ألبس بسرعة علشان نلحق قبل الولاد ما يرجعوا من المدرسة.

-------------------------------------------------♡
وصل مراد ومها لـ الدار في دهشة وذهول
الدار كانت عبارة عن فيلا ب مساحة كبيرة.
مها : إستحالة دي تكون دار للأيتام دي ولا القصر.
مراد بابتسامة رضا : واضح إن المكان هنا جميل و أمل هتكون مبسوطة.
استقبالتهم دادة بتقوم برعاية الأطفال
مراد سألها عن مسؤلة الدار السيدة فريدة
الدادة مرحبا : اتفضلوا من هنا....شاورت علي المكتب
سبقتهم على هناك.
الدادة لـ السيدة فريدة : في جماعة بيسألوا علي حضرتك.
دخل مراد ومها.
مراد : السلام عليكم.
فريدة :  وعليكم السلام....أستاذ مراد مش كده؟
مراد:  أكيد عند حضرتك خبر ب زياتنا ل الدار اللي هي بصراحة تعتبر قصر.
فريدة : هو فعلاً قصر اتبرعت بيه مدام علياء للأطفال وهي صاحبة القصر اتفضلوا اقعدوا واقفين ليه.
مها : بجد حاجة في منتهي الروعة نضافة ونظام أكيد الأطفال هنا مبسوطين.
فريدة : إحنا هنا بنوفر كل أنواع الرعاية للأطفال ودا طبعاً من التبرعات دا غير كفالة بعض الأيتام هنا.
مراد : بجد أنا في منتهي السعادة من النظام اللي شايف عليه الدار.
فريدة : حضرتك عندنا هنا الأطفال ف أرقى المدارس رحلات شهرية بنوفر ليهم مدرسين عندنا نادي رياضي ليهم مطعم خاص بيجهز أطعمة نضيفه وصحيه
كمان في ملحق بالدار للفتيات بعد سن 15 سنه
أما الشباب ف بيتم الفصل بينهم وبين البنات
الشباب ليهم مكان خاص ولكن بعيد شوية عن المكان هنا وفي نفس مستوي الدار هنا
مراد/ : بجد كلامك طمني أوي.
فريدة وقامت تنادي للدادة التي كانت على قريبة من المكتب.
--------------------------♡
دادة سامية جايه الدار.
فريدة لـ مراد ومها :
دي الدادة سامية أم لكل الأطفال اللي هنا بقالها سنين معانا كلهم بيحبوها هنا
طلبت منها حاجة ساقعة لـ مراد ومها
فريدة مرحبا : تشربوا بقى الحاجة الساقعة ويلا تاخدوا فكرة عن المكان ولو في أي إستفسار أنا في الخدمة.