عودة أمل 💛

تعلق مراد ب أمل وغيرة مها الحلقة ٤

#عودة أمل
#بوسي

-----------------------------------♡
الحلقة الرابعة :-
في المساء المنزل في سكون ف الجميع نائم
يستيقظ مراد بفرع يحاول أن يأخذ انفاسة يضع يدية علي وجهه يريد أن لا يتذكر ما شاهدة في أحلامه
فهو رأي أمل وهي تكاد تسقط من أعلي الجبل ممسكه بيد سيدة قد سقطت إلي الأسفل
تحاول أمل إنقاذها
أمل "متسبنيش خديني معاكي"
ظلت أمل ممسكه بيد السيدة التي رأها مراد حتي أخذتها وسقطت هي الأخرى معها
مراد يستيقظ من نومه بصوت عالي /أمل تعالي امسكي أيدي يتخيل له أنها ناظرة إليه ثم تسقط إلي الأسفل

---------------------------------------------♡
مها تستيقظ بفزع/في ايه يا مراد
مراد يتنفس ببطء
مها تمد يدها ب كوب ماء /اشرب أكيد دا كان كابوس
مراد بعد أن شرب والتقط انفاسة /وأي كابوس دا فيلم رعب
مها محاولة تهدأته/ أستعيذ بالله من الشيطان الرجيم
وضمته إليها
مراد/ أمل يا مها أنا قلقان عليها
وقد تغير وجه مها /يا حبيبي أمل دلوقتي نايمه ف سابع نومه متقلقش عليها هي هتكون كويسة هناك
مراد/ أنا مش خايف عليها دلوقتي أنا قلقان عليها لما تكبر وتسأل عن باباها ومامتها يا تري هتفهم أنهم ماتوا خلاص ولا هتسأل عن السبب
مها وقد بدا عليها الضيق فهي لم تستكمل نومها وها هي الآن تسهر لتستمع لحديث مراد عن أمل
"لما تكبر قولها معرفش عنهم حاجة " ونام بقي خلينا أعرف أنام

------------------------------------♡
في الصباح
تستدعي فريدة الدادة سامية
تأتي سامية
فريدة /الأطفال فطروا
سامية/فطروا يا مدام بس. .. واترددت سامية
فريدة /في ايه يا داده مخبيه حاجة وعايزة تقوليها
سامية/بصراحة يا مدام الطفلة اللي جت امبارح الصبح
فريدة/أمل؟ ....مالها؟!
سامية /منامتش طول الليل ....تعيط وتقول
بابا.....ماما.....جبل
أنا مفهمتش منها حاجة
فريدة/ شوفي يا دادة انا عايزة اطلب منك حاجة
سامية/ عينية يا مدام
فريدة /تهتمي ب أمل ....طبعاً اهتمامك يكون بكل الأطفال
بس عايزة أقولك إن أمل مرت بظروف صعبة
الأطفال اللي عندنا فيهم اللي كان ليه أب وأم وتوفي
لكن أمل اللي شافته كان صعب اوي

---------------------------------♡
وبدأت فريدة تحكي ل الداده كل حاجة تعرفها عن أمل من كلام مراد ليها
بعد إنتهاء فريدة من سرد حكاية أمل والحادث التي رأته
سامية/ يا حبيبتي يا بنتي
وبدأت في البكاء
علشان كده منامتش طول الليل وكانت بتقول" جبل "
فريدة/لو لسه نايمه صاحيها تفطر وتلعب مع صحابها وفهميها أنهم أخواتها واتكلمي معاها كتير لأني ملاحظة إنها متأخرة في النطق
سامية/حاضر يا مدام أي خدمة تانية
فريدة/ لا يا داده متشكرة

الدادة سامية/إمرأة في الأربعينيات أرملة ولم تنجب ف أصبح كل الأطفال في الدار أبنائها ف اشبعت عاطفة الأمومة لديها بهؤلاء الصغار وتهتم بهم أكثر من زمايلتها في العمل

------------------------------------♡
هويدا. ..داده أخري ....في نفس عمر سامية. ..ولكن لا تهتم بالأطفال كما تهتم بهم سامية بالرغم أن لديها بنتين
أعمارهم 15،13 سنه
هويدا بعد خروج سامية من مكتب فريدة/ انتي كنت عندك بتعملي ايه وسايبني محتاسة مع العيال
وتعالى شوفي البنت الجديدة دي
واضح إنها عملت علي نفسها
سامية/أنت خوفتيها
هويدا/أنا قولتلها تدخلي الحمام وهي قعدت تعيط وتخبط في الأرض هي البنت دي مبتتكلمش؟ !