عودة أمل 💛

الحلقة التاسعة

#عودة_امل ج١
#بوسى_مصطفى
عودة أمل
بقلمي/
بوسي
----------------------
الحلقة التاسعة:-

في الصباح / في غرفة البنات

نورهان ل أمل
هتخرجي معانا يعنى هتخرجي بطلي بقي فكي عن نفسك وسيبك من الإكتئاب ده

وعد/معقولة يا أمل يكون عندك اكتئاب وأنا موجوده في حياتك هههه

شادي/دا كفاية وجودك انتي في حياة أي واحد ميحسش بالاكتئاب وبس دا يدخل مستشفي المجانيين ههههه

أمل /متشكرة اوي بجد ضحكتوني
نورهان/ايوه يا بنتي فكي كده مكانتش مادة يعني
عارف شادي دا بالرغم إنه فاشل بس معرفش نجح إزاي

شادي/يا بنتي في حاجة إسمها شطارة من غير مذاكرة
نورهان/ازاي بقي متقولنا علي الطريقة ومنك نستفيد احنا داخلين علي مرحلة صعبه ومحتاجين اوي نصايحك الغالية دي علشان نعدي

شادي/لا دي حاجات متقدروش تعملوها
انا بقي وقعت في لجنه كلها بنات مكانش غير كام ولد بس معايا
وعد/وقعتك هباب عملت ايه

شادي/ظبط اللجنه كلها واخدت من كل واحده سؤال
أمل نظرت ل شادي بضيق
نورهان/طول عمرك بتاع بنات وتلاقيك مظبط الدفعة كلها دلوقتي
شادي/هههه وأنا مالي أنا بدخل الكلية احط رجلي اليمين تكون نص البنات جايه تجري ولسه هااا برجلي الشمال الاقي الباقي مبشوفش قدامي بعدها

وعد/ههههه طول عمرك مغرور وعلشان كده هتوقع في واحدة تطلعه علي عينيك
شادي وقرب من وعد يهزر بأيدة يخبطها

دخل هشام /صباح الخير
شادي/أهو هشام يشهد بقي
تعالى قولهم علشان مش مصدقين

هشام/ألف سلامة يا أمل
امل/متشكرة يا هشام

شادي نظر ل هشام بصوت خافض قرب منه/احم احم نسيبكو بقى مع بعض ونخرج
هشام وزهق شادي بكتفه
شادي/أنا بس بحب أخدم

دخلت سعاد
البيه والهانم منتظرينكو تحت
نورهان /يلا يا أمل ننزل

أمل /لا مليش نفس أكل
وعد/يلا علشان خاطرنا بقى يا أمل

هشام/لازم تأكلي كويس شكلك تعبان. ..انزلوا افطروا
وأنا هوصلكو في سكتي ل النادى
نورهان/يلا بقي يا أمل

----------------------------------
علي السفرة /
مراد /صحتك عامله ايه دلوقتي يا أمل
أمل /الحمد لله. ..تمام

وعد/بسرعة بقي علشان نلحق التمرين
مها /انتوا هتخرجوا كلكو
نورهان /عندنا تمرين النهاردة وأمل هتيجي معانا

قام مراد
مراد / حصلني يا هشام علي الشركة
وانت يا شادي مبسوط اوي منك منكنتش اعرف إنك شاطر كده

شادي/ من بعض ما عندكم
نورهان /يا مغرور

وجهت كلامها ل وعد وأمل
خلصوا أكل وحصلوني فوق علشان منأخرش هشام
وقامت علشان تلبس