عودة أمل 💛

الحلقة ١١

#عودة_امل ج١
#بوسى_مصطفى

الحلقة الحادية عشر :-
--------------------------

شادي بانفعال /أنزلي ل اكسر العربية دي
وخبط جنب العربية برجله
ماجد نزل من العربية /في ايه يا شادي محصلش حاجة

شادي/اخرس انت حسابي معاك بعدين
أنزلي انتي قاعدة بتعملي ايه ؟!
وشدها شادي من العربية

وعد/محصلش حاجة يا شادي
شادي/ادخلي نادي ل نور من جوه
وعد بخوف /حاضر

شادي ل ماجد/وانت غور من وشي دلوقتي
لو مش خايف علي سمعت اختي كنت عرفت أتصرف معاك
حسابي معاك بعدين
ماجد ركب عربيته وساق بسرعة

نورهان خارجة وفي ايدها وعد اللي كانت خايفة
نورهان /هو في ايه يا شادي
شادي بانفعال / اركبوا  يلا

نورهان/سوق علي مهلك يا شادي احنا كده مش هنوصل علي البيت
شادي بيتنهد بقوة
نورهان ل وعد/هو في ايه يا بنتي
وعد/بتعيط وخايفة ماسكه في أيد نورهان

----؛----------------
وصلوا عند الفيلا

أمل في الجنينه ماسكه كتاب وبتذاكر
شافت وعد بتعيط جريت ناحيتها
أمل /فى ايه يا
نور
وعد مالها؟ !

شادي/لو سمحتي يا أمل خليكي في مذاكرتك
أمل رجعت مكانها
وعد وهي ماسكه في أيد نورهان
متسبنيش يا نور اطلعي معايا

طلعوا للأوضة

شادي قفل الباب
نورهان /ايه جو الرعب اللي معيشنا فيه ده هو ايه اللي كان حصل لكل ده

شادي/أسألي اختك....تقولك كانت قاعدة هي وماجد في العربية ليه
وعد/اخرس اوعى تفتكرني زي البنات الزبالة اللي تعرفهم
شادى وقرب من وعد صفعها علي وشها

نورهان/ايه اللي انت عملته ده
شادي/ليها عين تتكلم

وعد/اوعى تفتكر إنك لما تصاحب بنات وتلعب بمشاعرهم وتكسر قلبهم مش هيجي اللي يكسر قلبنا احنا كمان
أهو ماجد طلع زيك ميتخيرش عنك

نورهان/اهدي بقي يا وعد
وعد/لأ مش هسكت انا كان ممكن أكون النهاردة زي  البنات اللي تعرفهم لكن علشان متربية فتحت الباب وكنت لسه هخرج قبل ما أنت تشرف

شادي /لا برافو عليكى فعلاً. ...بتبرري اللي عملتيه بصورة مدهشة

نورهان /أخرج دلوقتي يا شادي
شادي / انا مش هقول ل بابا علي اللي حصل
لاني عارف إنك مش هتكرريها

--------------------------------
شادي نزل تحت الجنينه
أمل شافته طلعت فوق بسرعة

دخلت. ..وعد بتعيط. .نورهان بتهديها
أمل /في ايه يا وعد.؟!..
  يا خبر ايه اللي في خدك ده!

نورهان /هعملها كمادات
وخرجت نورهان

امل/ايه يا وعد مين اللي عمل فيكي كده
وعد/شادي شافني قاعدة مع ماجد في العربية وعمل مشكلة زي ما انتي شايفة