عودة أمل 💛

الحلقة ١٦

#عودة_أمل
#بوسى_مصطفى

الحلقة السادسة عشر :-

هشام وقد تجمعت الدموع في عينه /
أنتي يا أمل تعملي فيه كده. ..عملتلك ايه علشان دا يبقي جزاءي

امل وهي حابسه دموعها /افتح الباب ده
وفتحت بقوة. ..الباب خبط في رجل هشام
تركته أمل وبعدت عنهم وهي منهاره وبتعيط
قرب م هشام من شادي نزله من العربية
هشام / حتي أمل مسلمتش منك
شادي/ هشام لازم تسمعني. ..انت اخويا الكبير ولازم تخلصني من المصيبة اللي انا فيها
انا عارف إني غلطت ولازم اتعاقب بس أمل ملهاش ذنب
هشام وبسخرية /مصيبة ايه دي؟ ...وبعدين ايه علاقة أمل بالموضوع
شادي/نتكلم في أي مكان وانا هقولك علي كل حاجة
______________
مراد في الطريق
تمام يا أستاذ حلمي أنا قربت أوصل خلاص
حاضر هكلمك وانا راجع الشركة
مراد نزل من عربيته
ست كبيرة واقفة في كشك صغير قريب من البيت
مراد/لو سمحتي يا حاجة هي شقة  الأستاذ كمال فكري 
في العمارة دي
ايوه يا استاذ في الدور الخامس
مراد واشتري منها أي حاجة علشان ينفعها ودخل العماره

مفيش اسانسير اضطر يطلع السلم
يرن الجرس. ..
نجلاء (زوجة كمال) / نعم حضرتك عايز مين؟
مراد/مش دي شقة الأستاذ كمال
آه حضرتك. ..أنا المدام
خرج كمال. ..ادخلي انتي يا نجلاء
كمال /اتفضل يا استاذ مراد
مراد بدهشة /حضرتك تعرفني
كمال/طبعاً أعرف حضرتك. ..انت اللي بتراعي ساره بنت اختي
مراد/يعني حضرتك عارف كل حاجة
نظر كمال لتحت عند السلم
بقلق /اتفضل جوه مش هنتكلم علي الباب كده
دخل مراد /اتفضل اقعد 
ونادي علي زوجته /تشرب ايه
مراد/كوباية مياه لو سمحتي
كمال/انا آسف السلم متعب أنا عارف
مراد/لا أبداً ...الظاهر بس الصحه مبقتش مساعدة
كمال/حضرتك عرفت مكاني إزاي
مراد/بصراحة أنا اللي عايز اعرف حاجات كتير من حضرتك
ولمح مراد صورة موجودة علي الطربيزة قدامة
صورة ل كمال ومعاه ست طبعاً مش شبه زوجته
الصورة كانت قديمة ...الشبه قريب كتير من أمل

كمال وقرب من الصورة واحتضنها وهو بيبكي
الصورة دي ليه انا ونادية اختي الوحيدة اللي راحت في عز شبابها
مراد/انا آسف ل حضرتك أني من غير قصد فكرتك بيها
كمال/انا عمري ما نسيتها
مراد/حضرتك آسف في كلامي لو فعلاً عمرك ما نسيتها
ليه مفكرتش تدور علي أمل
كمال بابتسامة هادئة /أمل دي طبعاً ساره بنت أختي
ومين قال ل حضرتك أني مسألتش عليها
انا كنت دايماً بسأل عليها واعرف أخبارها وروحت ليها الدار كذا مره بس طبعاً معرفتش أني خالها ودا وهي صغيرة
لما كبرت قللت زياراتي بسبب الشغل انا عارف اني مقصر في حقها بس صدقي دا لمصلحتها

مراد/مصلحتها إنها تعيش من غير أهل
خالها الوحيدة مياخدهاش في حضنه وتعيش معاه
كمال/أستاذ مراد حضرتك متعرفش ظروفي علشان تحكم عليه
انا مخلفتش يعني ساره كانت هتبقى بنتي