عودة أمل 💛

الحلقة ٢٣

#عودة_أمل ج١
#بوسى_مصطفى

الحلقة 23:-

هشام /معرفش يا ماما هي وقعت كده مره واحدة واحنا بتكلم في العربية  ..
مها /لما توصل المستشفي كلمني طمني متقولش ل مديحة حاجة
هشام /هي بتتصل مردتش عليها
مها /بابا نايم هصاحيه مسافة السكه
إن شاء الله
قفلت مها التليفون
مها وقربت من مراد /مراد اصحي يا حبيبي
مراد /يوووه يا مها تعبان مش قادر أقوم سبيني انام بقي
مها باضطراب /مراد قوم. ..سها تعبانه وهشام اخدها علي المستشفي

قام مراد ب فزع / مستشفي ليه
دي كانت لسه معانا وبتضحك
مها /معرفش يا مراد. ..بس الموضوع ميطمنش
مراد/هاتلي هدوم من الدولاب ...انا داخل اغسل وشي
خرجت مها
سعاد متناميش وخلي بالك من البنات لما نرجع
سعاد /حاضر يا هانم
مراد خارج من الغرفة
يلا يا مها

هشام قاعد في المستشفي
سها جوه الدكاترة بيكشفوا عليها
الدكتور خرج /حضرتك تقرب لها ايه
هشام /خطيبها. ..خير يا دكتور
الدكتور /اتفضل معايا جوه في مكتبي

في مكتب الدكتور
اتفضل حضرتك استريح
قعد هشام /لو سمحت يا دكتور انا عايز اعرف في ايه
الدكتور /ليه حضرتك متعرفش
هشام /معرفش ايه قلقتني
الدكتور /الآنسة عندها القلب. .ودا من فترة كبيرة وبتتعالج
هشام /حضرتك ازاي خطيبتي احنا نعرف بعض من زمان اوي
عمري ما لاحظت ده أبداً
الدكتور /هي مع العلاج بتكون كويسه لكن واضح إنها بقالها فترة ماخدتش العلاج بتاعها
هشام /والحل ايه دلوقتي يعني لو انتظمت في العلاج هتبقى كويسة ...فرحنا بعد أيام
الدكتور /جواز ايه دلوقتي؟ !..حضرتك شغال ايه
هشام /انا صيدلي
الدكتور/يعني حضرتك عندك فكرة علي إن مرض القلب مرض مزمن المريض بيستريح بالعلاج لكن دا بيكون كمسكنات فقط  وأي حالة المريض بيعيشها بتأثر عليه
سواء بقي حزن أو فرح
وواضح انها عاشت فترة كانت فيها سعيدة
هشام /انا مبقتش فاهم حاجة
الدكتور /الآنسة التدخل الجراحي جه متأخر اوي نسبة نجاح العملية لا يتعدى 20%
وانا بقولك للأمانة المهنية تنسي موضوع الحمل نهائي
لإنها في الحالة دي بتعرض نفسها ل قدر الله
انت فاهمني طبعاً

خرج هشام من عند الدكتور وهو بيمسح دموعه ملحقش يفرح
دخل ل سها اللي كانت نايمه علي السرير
سها وبتعب /هشام الدكتور قالك ايه
هشام بيحاول يداري وجعه /مفيش يا سها شوية تعب
بسيطه 
نظرت ليه سها بحزن
هشام /ليه يا سها مقولتليش إنك تعبانه
سها /هو الدكتور قالك ايه
هشام /قالي انك كويسة لو انظمتي علي العلاج
سها /لا واضح إن قالك حاجة تانية بتحاول تخبيها
قولي الحقيقة يا هشام انا مش هزعل
انا عارفة من زمان إن قلبي تعبان لكن ماما عمرها
ما خلتني اقعد مع الدكتور وهو بكلمها عن حالتي
قولي انت
انا عارفة انك مش بتكذب
هشام /صدقيني يا سها هو دا كل اللي قاله الدكتور