عودة أمل 💛

الحلقة ٢ ج٢

عودة أمل2
(وعودة إلي الماضي )
     بوسي

الحلقة الثانية :-

مازن / أنا زهقت هو الشغل دا مبيخلصش ولا ايه؟ !
هشام / هو أحنا لسه اشتغلنا بلاش الدلع دا يا مازن
مازن / بصراحة بقي كنت مواعد نغم اغديها النهاردة
       بما إنك مكنتش جاي
هشام / خلاص  شوية وأبقى أخرج بس خلص
       الكام ورقة دي علشان بابا عايزهم علي مكتبه دلوقت
مازن بفرحه / ثواني واخلصهم
هشام / هههه مكنتش عارف إن نغم بتأثر فيك اوي
       كده دا انا بقي لما احتاج حاجة بعد كده هقولك
      نغم تروح مخلصها علي طول
مازن / الحب بهدله بقي وانت اكتر واحد عارف كده
هشام / طيب خد الورق دا راجعه علي مكتبك مش
     عايز فيه غلطه اوك
مازن بغمز/ اوك هخرج علشان تتكلم براحتك
هشام / ههه انت عرفت منين
مازن / يا ابني دا أحنا عشرة عمر خمس سنين جامعه
        مش شوية يعني قول كده وصلنا ل لعشر سنين نعرف بعض
هشام / طب أخرج بقي ومتدخلش حد

خرج مازن من المكتب وهو في ايده مجموعة من الأوراق
ويقول لنفسه / مش عارف هخلص دا كله قبل ميعاد الغدا
إزاي
سمعه هشام وهو ايده على سماعة التليفون /أخلص يا
مازن وأخرج
أمل /صباح الخير يا حبيبي
هشام وانتبه لصوت أمل وهو بيتكلم مع مازن  
صباح الجمال على أجمل صوت اتصبح بيه
أمل / علشان كده خرجت النهاردة
هشام / انتي عارفة يا حبيبتي الشغل بقى
كنت عايز ادخل أصبح عليكي بس قولت هشام ممكن
يصحي وانا عارف إنك منمتيش غير متأخر
أمل / وحشتني اوي
هشام ببتسامة / انا كده مش هقدر أكمل شغل وهتلاقيني
جاي جري
امل ببتسامة / لأ انت عايز بابا يزعل مننا ولا ايه
هشام / تصدقي بقي من أول دقيقة دخلت فيها المكتب وانا
بشتغل لدلوقتي عيني مبقتش شايف بيهم كويس
أمل / عارفة يا حبيبي إنك بتتعب خلي بالك من نفسك
قولي بقي تحب اعملك ايه علي الغدا
هشام بحزن / مش هقدر اجي علي الغدا

أمل بحزن / ليه يا هشام يعني لا فطار ولا غدا
هشام / هعوضهالك في العشا متزعليش
أمل بضيق/ لا مش زعلانه بقي يلا سلام
هشام ببتسامة / مش عايزة تقولي حاجة
أمل / لا معنديش حاجة أقولها
هشام ببتسامة  / انا بقي اللي عندي كلام كتير
عايز أقوله بس مش دلوقتى طبعاً لما اروح 
أمل بخجل / طب يلا اقفل بقي مامتك بتنادي
هشام / ماما بتنادي بردو ولا عايزة تهربي
أمل /لا بجد في صوت حد بينادي
هشام / خلاص براءة
سلام يا حبيبتي
أمل / سلام متتاخرش بقى يا هشام
هشام / حاضر. ..مع السلامة

قفلت أمل التليفون

امل/داده سعاد أدخلي
سعاد ببتسامة/ صباح الخير يا عروسة
ونظرت إلي الصغير بدهشه
أمل /صباح الخير يا دا ده
وهي تفرد ذراعيها بتتاءب
سعاد/ ههههه لسه عايزة تنامي؟
أمل / لا خلاص شبعت نوم اقوم بقي أخد دوش وأنزل
سعاد/ هكون حضرتلك الفطار كلهم فطروا على فكرة
هشام بيه موصيني أني مسبكيش إلا لما تفطري
أمل ببتسامة   / حبيبي يسلم قلبه الطيب
سعاد ببتسامة / طب يلا بقي علشان حبيبك ميزعلش
أمل / حاضر يا داده انزلي وانا هحصلك
قربت أمل لفتح الدولاب وأخذت لبس ودخلت الحمام