الماضى ونبضات الحاضر

part 22

مر يومين وحازم لم يذهب لعمله بعد ونور تذهب لشركه حازم يوميا حتى يتعافى من اصابته وملك تعتنى به جيدا
نور فى الهاتف: الو ادم ازيك
ادم بخبث: روحى لحقت وحشتك كده ده انا لسه سايبك من ساعه بس مش قادرة على بعادى
نور بملل: تصدق انا غلطانه انى كلمتك وبعدين وحشتك ايه اتغطى اجرى يااخويا انا عايزة ورق الصفقه
ادم: طيب ماتيجى تأخديه انا ماسكك
نور: اه وتعمل زى امبارح وتقعدنى جنبك ومشتغلش اخلص ياادم وابعت الورق مع حد
ادم بحب: ماهو انتى اللى بتحلوى على طول انا هنزل حازم الشركه من بكرة علشان ترجعيلى
نور: انا معاك دايما ياحبيبى وعمرى مااسيبك يلا بقى ابعت الورق مع حد واثق فيه
ادم: خلاص هبعته مع سيف عرفاه
نور: رئيس حراسك اه تمام كده هستناه لتغلق معه وتلتفت لعملها مجددا حتى يأتى سيف بالاوراق
فى القصر، حازم بمكر: ياقلبى قاعده بعيد ليه تعالى جنبى انا مش عارف القصر ده كئيب ليه
ملك: كئيب علشان انت فيه وبعدين انت مش محترم ياحازم حتى وانت تعبان
حازم: ومين قال انى تعبان انا فل اهو اما بالنسبه للاحترام فانا عارف كده كويس يلا بقى اقعدى جنبى
ملك: لاء يعنى لاء فى خدم حوالينا اتهد واسكت انا رايحه اشوف الغدا علشان الشباب قربوا يوصلوا
حازم بغيظ: اتنيلى ده على اساس انك بتعرفى تعملى اكل اصلا امشى يااختى لتضحك ملك عليه فالبفعل هي لا تجيد الطبخ بعكس نور وندى المحترفتين
يوسف بعصبيه: قلت اترزعى هنا ياندى متتحركيش
ندى: ليه ان شاء الله هتحبسنى هنا فى مكتبك
يوسف: انتى مش شايفه الكل عمال يبصلك ازاى قلنا طفلة ماشى بس انهم يعاكسوكى لاء ده كويس انى مقتلتش حد فيهم
ندى بتسليه: بتغيرى ياسكرة انتى وبعدين ده سالم شاب كيوت وامور وعثل ( سالم مدير مكتب يوسف ووسيم وايضا يبلغ من العمر 22 عاما)
يوسف بغضب: ندى متختبريش صبرى
ندى ببرأه: معرفش حد اسمه صبرى ياحبيبى
يوسف بقوة: امشى ياندى فورا واياكى اشوفك بتكلمى الزفت ده تانى فاهمة
ندى بحب: ياعمرى قلبى مفيهوش غيرك انت وبس وبعدين سالم زى اخويا الصغير ده اصغر منى ب4 سنين يايوسف فك بقى متتعصبش
يوسف بتنهيدة: انا بغير عليكى ياندى انتى بنتى وحبيبتى وكل حاجة ليا حتى لو كده انا بردو بغير انتى بتاعتى وبس
ندى بضحك: طبعا ياباشا بتاعك وبس يلا هطير على مكتبى اخلص الورق قبل مانمشى لتخرج سريعا
يوسف ببتسامه: طفلة بس بعشقها
بعد نصف ساعه وصل سيف لمكتب نور
سيف: ممكن ادخل لنور هانم
السكيرتيرة(نغم): دقيقة يافندم معاها مدير المالية بس
سيف: تمام ( سيف شاب فى ال27 من عمره كان مع ادم فى المخابرات ويعرف قصه اختطاف يوسف كاملة كره الظلم الذى يراه فاستقال مباشرة بعد ادم وعرض عليه ادم العمل معه فواقف واصبح رئيس حراسه نظرا لكفائته)
نغم: استريح يافندم لترفع نظرها له لتحل الصدمه كليهما ( نغم سكيرتيرة حازم تعشق عملها بشدة فى ال24 من عمرها تعيش مع والدها )
سيف بصدمه: مستحيل نغم ازاى
نغم بدموع: اتفضل ادخل لمدام نور
سيف بلهفة: نغم وحشتينى اوى ياروحى عاملة ايه كده يانغم ماتقفيش جنبى ليه بس
نغم بحزن: مكنش ينفع اقف قصاد بابا وانت حياتك مكنتش متظبطه وكنت لسه فى الاول
سيف بحزن: انتى شفتى حياتك يانغم
نغم بتوتر: لسه مجاش النصيب ياسيف وانا كده مستريحه
سيف: طيب ينفع اكلم باباكى تانى
نغم بحزن: ماعتقدش انه هيوافق شوف حياتك ياسيف ليدخل سيف بحزن بعدما كسرت قلبه للمرة الثانيه هذه هي حب حياته ولم يفتح قلبه بعدها ثانيه كانت هناك قصه حب بريئة تجمع بين سيف ظابط المخابرات الذى يبدأ حياته ورغد الفتاة التى رأها فى كليه تجارة اثناء ذهابه لصديقه هناك التقى بها ووقع اسير لعيونها البنيه عندما رأها وكان يذهب لرؤيتها يوميا وبادلته هي حبه امام ذلك الوسيم ذو الاعين الرماديه ولكنهم لم يتعدوا حدودهم ابدا وفى احد الايام طلب منها رقم والدها واعطته اياه بخجل واخبرها برغبته فى الزواج بها ووعدته بالوقوف بجانبه فى حياته حتى جاء اليوم الذى حكم على حبهم بالاعدام قبل ان يبدأ اصلا رفض والدها حبهم بحجه انه فى بدايه حياته ولن يستطيع الانفاق عليها كما انه وحيد وحياته فى خطر دائما فرفض ان يعرض ابنته للخطر والوحده التى ستتعرض لها اثناء غياب زوجها ( للاسف دى عقول مريضه ماختلفناش انه خايف على بنته وعايز يأمن مستقبلها بس انه يكسر قلبهم ده شئ غلط مش ذنب سيف انه وحيد اهله وانهم توفوا من فترة مش ذنبه انه مش غنى وبيبنى حياته بنفسه كفايه انه هيحافظ على البنت ويحبها وبحبهم ده هيتخطوا كل الصعاب)
نور: ازيك ياسيف جبت الورق ولا ايه
سيف بحزن: اه يافندم جبته اتفضلى
نور: مالك ياسيف شكلك تعبان فى حاجة مزعلاك
سيف بشرود: للاسف وجع القلب ملوش علاج وانا قلبى اتكسر مرتين وحياتى ملهاش لازمه دلوقتى
نور بحزن فهي مرت بما يمر به: اقعد ياسيف
سيف: اسف يافندم عطلتك مينفعش انا هاخد الورق تانى وامشى علشان ادم بيه لو احتاجنى
نور: قلت اقعد ياسيف واحكيلى مالك
سيف بالم : هحكيلك يافندم يمكن استريح انا حبيت مرة اول ماتخرجت من الكليه وعمرى ماتخطيت حدودى معاها واتحول حبى لعشق وهي كمان حبتنى ولما رحت طلبتها ابوها رفضنى لانى وحيد ومش هقدر اصرف على بنته وعدت السنين وقابلت حبيبتى انهارده تانى وكلمتها وهي مش متجوزة بس مش قادرة تقف جنبى وتخلى باباها يوافق ولما قررت اكلمه تانى قالتلى انه مش هيوافق برضو كسرت قلبى مرة تانيه من غير ماتسمعنى حتى انا عمرى ماحبيت ولا هحب غيرها دى عشقى
نور بحزن: لازم تحارب علشان حبك ياسيف وهي لازم تبقى قوية شوية علشان تقدر تواجه تحب اساعدك
سيف: هحاول يا فندم وربنا يخليكى ولو مفيش فرصه تانية انا مستحيل واحده تدخل قلبى غيرها هي اللى هتشيل اسمى وبس لاما بلاش
نور بامل: خلى ايمانك كبير بربنا وهو هيقف جنبك ليستأذن سيف ويخرج من الشركه دون ان يحدث نغم ثانيه لينتهى اليوم على خير وفى صباح اليوم التالى يصل ادم للمطار ومعه نور لاستقبال عائلتهم دون اخبار احد بموعد الطائرة
نور بصراخ: بابى وحشتنى اوى ليضمها عاصم بقوة فهي ابنته المشاكسه التى يعشقها
عاصم بحب: قلب بابى من جوا انتى وحشتينى اكتر ياروحى عاملة ايه
كمال بمرح بعدما سلم على ادم: سيبنى احضن بنتى بقى ليضمها اليه بحب: وحشتينى اوى يانونو
نور بحب: انت اكتر ياكيمو عايزة اكلمك كتير اوى
كمال: كيمو كله معاكى وهنتكلم ياقلبى كان ادم يموت من غيرته فهي تضم الجميع الن يكفيها ابيها حتى ياتى ابيه ومن بعد احمد واخيرا محمد
ادم بغيرة: يشد نور كفاية احضان بقى مزهقتيش
منى: انا لسه محضنتش يا ادم هي شافت عاصم نسيت الكل خلاص ولا سألت على ماما حتى
ادم بحب: روحى انتى يا ماما ياقمر ليضم حنان ومنى معا وبعد السلام على الجميع
سميه: اومال فين ندى وملك والباقى
ادم: انا مقولتش لحد على معاد الرحلة هنعمل مفاجأة يلا هنتقسم على عربيتين والشنط واحد من الحرس هيجيبها
كان ادم يركب احدى السيارت الكبيرة لتجلس جواره امه وفى الخلف احمد وفاطمه ومحمد وسميه بينما فى سيارة نور ركب كمال بجانبها بعد عصبيه ادم وضحك عاصم عليهم وفى الخلف ركب ابويها
كمال بهمس: هنتكلم امتى يابت انتى
نور بهمس ايضا: مش عارفه هخلع من ادم بكرة واقابلك
كمال: تمام هستناكى
عاصم بمرح: هقول لادم انكم بتتفقوا عليه وعايز نور تتطلق منه وتجوزك
نور: يااه ده املى علشان ادم يقتلنى
منى: ربنا يخليكم لبعض ياولاد واشوف احفادى قريب بقى متشوقه اوى واشوف ولادكم
لتمر سحابة حزن بعينى نور رأها كمال ليشد يدها حتى يقويها : متقلقيش كله هيبقى تمام صدقينى يانور وبعد ربع ساعه يقف الجميع امام بابا القصر ليدلفوا ويتفاجأ حازم بهم وايضا يوسف
حازم بتعجب: بابا ماما انتو جيتو امتى
احمد بصدمه: مين عمل فيك كده يا حازم وايه ده
حازم بتوتر: مفيش حاجة يابابا انا كويس حمدالله على سلامتكم كلكم
يوسف: بقى كده متقولش انهم جايين
ادم: حبيت تكون مفاجأة احلى ولا ايه وبعد السلام والترحيب يجلس الجميع لتناول الغذاء
كمال: قولولى بقى ايه اللى حصل فى غيابنا وحازم اتعور من ايه ومن غير كدب ليحكى له ادم الموضوع باختصار
ادم: وامبارح فعلا اسهمهم كلها فى البورصه خسرت واعلنوا افلاسهم
محمد بحكمه: بص ياادم يابنى من خبرتى فى مجال البيزنس احب اقولك انها مش هتسكت وهتحاول تأذى اي حد فيكم فخدوا حذركم بقى
احمد: كلام محمد كله صح فعلا
كمال: وبنتى فضلت هاديه بعد ما شافت الصور وكل ده
نور بضحك: مانا كنت معاها وعرفت اتصرف وانقذ اخويا وبعد العديد من المحادثات وبحلول الليل اتجه احمد وعاصم لفيلتهم وحازم ومحمد كذلك وصعد يوسف وادم كلا منهم لجناحه الخاص تبعهم صعود كمال وحنان لينالا جزءا من الراحه
تخرج نور من الحمام الخاص بالجناح مرتديه برمودا قصيرة وتشيرت ربع كم فهي تشعر بالحر وجدت ادم جالس على الفراش
نور: منمتش ليه ياادم مش هتروح الشركه بكرة
ادم: هروح طبعا وانتى هترجعى معايا لان حازم وملك نازلين الشغل بكرة هما كمان
نور: بس انا هقضى اليوم بكرة مع بابا مش هروح الشغل لانهم وحشونى اوى
ادم بغضب: طيب وانا فين من كل اهتماماتك دى يانور قلتى نصبر على جوازنا فعلا صبرت بقالى شهر ونص ساكت مبتكلمش عارفه انى بغير عليكى ومع ذلك كنتى بتحضنى الكل انتى بتهتمى بالكل اه بس انا اخر اهتمام عندك انهارده حازم بكرة بابا بعده مش عارف مين انا فين من حياتك اعترفتلك بعشقى ليكى بس مش شايف لهفتك عليا شايف حزنك بس بتداريه ببتسامه كدابة انا جوزك يانور افهمى دى كويس بقى لو حد غيرى كان زمانه زهق ومل ده حتى كلمه حبيبى بتقوليها لحازم اكتر منى يانور ليييه كده ، كانت نور تراه اول مرة يتحدث معها بغضب هي تحتاج الحديث مع كمال اولا لتعرف كيف تهيئ الموضوع للجميع وهو لا يعطيها الفرصه اي انانيه يانور واي فرصه تتحدثين عنها لقد مر على زواجكم اكثر من 3 شهور وهو لم يطالب باي حق له بل ترك الحق لكى انتى وفى كل مرة تتراجعين فيها عن التحدث بمرضك هذا ليس خطأه هذا خطأك عندما اخفيتى عن الكل
نور ببكاء وهي تحضتنه: انا انا اسفه سامحنى بس مش قصدى والله انا طول حياتى مليش ام ولا اخت عشت معظم عمرى مع حازم وبابا وبس بالرغم من ان ندى كانت معايا بس حازم كان اقرب ليا معرفش حاجة غير حب بابا وحازم ولما جيت انت غيرت كل حاجة علشان خاطرى متزعلش منى وانا هعمل اي حاجة انت عايزها
ادم بالم: مش عايز حاجة يانور يلا علشان ننام
نور بشهقات: لاء انت زعلان وحياة اغلى حاجة عندك متنمش زعلان منى
ادم: نامى يانور وبكرة نكمل كلامنا ليشتد الم قلبها مع كل كلمة تخرج منه ليشعر بتراخيها بين يديه عندما تفقد وعيها
ادم بقلق: نور فوقى حبيبتى اصحى انا مش زعلان ومش هزعلك تانى بس يلا كلمينى ليحاول افاقتها لتستجيب له وتبكى بصمت على صدره لتغفو بعد فترة ليحاول ابعادها ولكنها متشبسه به بقوة لينام بجانبها وهو مازال حزين
فى الصباح استيقظت نور اولا لترى ادم نائما او هذا مااعتقدته فهو لم ينم وظل طوال ليلته يفكر هل قسى عليها هو يعرف ان ظروفها من جعلتها هكذا ولكنه لا يتحمل بعدها
نور بهمس: انا عارفه انى جرحتك كتير بس غصب عنى انت كل حياتى ياادم وقريب كل حاجه هتتغير لتقوم وتدلف للحمام
ادم: انا فعلا هغير كل حاجه يانور بس صبرك عليا وبعد فترة كانوا يتناولون فطورهم ليتحدث كمال: هتروحوا الشركات ياولاد
حازم: اه طبعا كفاية اجازة وملك معايا
يوسف: وانا نفس الوضع وكادت نور ان تتحدث ولكن سبقها ادم
ادم: انا كمان هنزل بس نور هتفضل هنا
نور: لاء انا هاجى معاك طبعا
ادم ببرود: انتى كنتى تعبانه امبارح خليكى هنا وانزلى بكرة ومش هكرر كلامى يانور يلا سلام ليلاحظ كمال حزنها وايضا حازم ولكنه قرر تأجيل كلامهم لحين عودتهم
نور بحزن: طيب كمل فطارك
ادم: خلصت وصحيح ممكن اتأخر سلام
وبعد فترة تجمعوا عند عاصم ولاحظ الجميع شرود نور
منى: مالك ياقلبى فى حاجه مزعلاكى
نور: مفيش ياماما انا كويسه
احمد: كويسه ايه انتى بتضعفى اكتر مانتى ضعيفه اصلا وبعدين باين اوى انك زعلانه
نور: انا كويسه بجد بس مصدعه شويه هطلع اريح شوية بعد اذنكم
حنان: مالها نور كانت امبارح مبسوطه ايه اللى حصل زعلها
عاصم بقلق: مش عارف هنستنى لحد لما ادم يرجع يمكن يكون عارف
كمال: انا هطلعلها ياعاصم ممكن
عاصم: دى بنتك ياعاصم اتفضل يااخويا اطلع ليصعد غرفتها لترتمى فى حضنه وتبكى بقوة ليغلق الباب حتى لا يسمعهم احد
كمال بقلق: مالك ياحبيبتى فى ايه
نور ببكاء: ادم زعلان منى وانا مبقتش قادرة اتحمل والله تعبت ده ده حتى مرضيش ياخدنى معاه الشركه
كمال بحزن: ايه اللى حصل خلاه يزعل
نور: هحكيلك كل حاجه
اما فى الشركه يجلس ادم شاردا حزينا يتعجب الجميع لرؤيته هكذا فهو بارع فى اخفاء مشاعره ولكن الان حبيبته بعيدة عنه هو لا يعلم ماذا يفعل ليغيرها لا يستطيع ان يرى دموعها التى كان السبب فيها امس وقلبه المتألم الان يعنى انها مازالت تبكى هو ابعدها حتى يستطيع التفكير براحه
نور: انا مش عارفه اقوله ازاى يابابا وهو مش هيسمعنى
كمال: من حكم خبرتى بابنى احب اقولك انه هيتعامل معاكى ببرود الفترة دى فحاولى تستحملى لحد مانهيئ الموضوع وازاى نقول بس انتى كلمتى محسن واطمنتى
نور بتوتر: ها اه اه كلمته قريب
كمال بشك: وقالك ايه بقى وايه اخبار الفحوصات
نور: زي ماهي ماتغيرتش هيحصل ايه يعنى
كمال: للاسف مش مصدقك انا هكلمه شخصيا ، الو ازيك يادكتور عامل ايه
محسن: تمام ياكمال بيه انت اخبارك ايه حمدالله على سلامتكم
كمال: الله يسلمك بس انت عرفت منين اننا سافرنا
محسن: من الغبية اللى عندك كلمتها تاتى يوم سفركم وقالتلى انها مش هتيجى غير لما ترجعوا من السفر
كمال بذهول: يعنى بقالها شهر مجتش عندك
محسن: لاء مجتش واخر مرة بلغتها انه حالتها بتسوء وقلبها ضعف جدا والنسبه بتقل ياكمال وفرصه نجاتها بتضعف وانا تعبت من تأنيب الضمير
كمال: انت بتقول ايه علشان كده بدأت تضعف
محسن باستعطاف: حاول ياكمال تكلمها هتضيع وتضيعنا معاها خليها تيجى تعمل العملية خليها تجيلى المستشفى والمرة دى هحبسها بالقوة
كمال بقوة: قريب اوى هقولك معاد العملية ليغلق معه وينظر لنور التى تتوتر من نظراته ولكن تصدم من كلمته
نور بصياح: مش هعمل عمليات انا عاجبنى نفسى
كمال بغضب: هتعمليها يانور وهنزل اقول للكل ليلتفت عاقدا العزم على انقاذ تلك الفتاة الغبية ولكن ينظر لها وهي تتهاوى ارضا ليصعد الجميع على صوتها العالى
عاصم بقلق: فى ايه يا كمال مالها نور
كمال: اتعصبت شوية ومشكلة بينها وبين ادم وفى الاخر اغمى عليها
منى بفزع: انا هكلم اي دكتور
عاصم: لاء هي هتفوق لوحدها وبعدين لما بنتك بتزعل بتلجأ للخيال فبتقع كلمى ادم يجى بس
حنان: انا هكلمه اهو
احمد: انا هنزل اجيبلها مايه علشان افوقها
ادم: الو ايوة ياماما خير
حنان: حبيبى نور اغمى عليها من شوية ومش راضيه تفوق بس بتنده باسمك
ادم بفزع: انا جاى حالا ليلتقط مفاتيحه سريعا ويغادر الشركه وفى خلال نصف ساعه كان الجميع فى غرفتها ومازالت فاقدة للوعى
حازم بتوتر: هي مش راضيه تفوق ليه هو ايه اللى حصل بالظبط اول مرة تطول كده لينظر كمال بقوة لادم ليتعجب ادم منه ولكنه يعرف الاجابة
عاصم: طلعت تريح وكمال طلع يكلمها وفجأة صوتى على واغمى عليها
ملك: طيب صوتها بقى عالى ليه
كمال: شكل فى حد مزعلها وهي مبتستحملش اصلا
نور بضعف: ادم متسبنيش انا اسفه
ادم: انا معاكى ياقلبى متقلقيش
يوسف: تعالوا نخرج بره ونسيبها تستريح يلا
وبعد فترة تفيق نور لتجد ادم يحتضنها فلم تتحرك ولكنه يعرف انها استيقظت عندما تسقط دموعها على قميصه
ادم ببرود: فوقتى الحمد لله يانور اما اقول للجماعه بقى
نور : ادم استنى بس ولكن ادم اختفى
مر يومين وادم يتعامل ببرود معهم والكل لاحظ ذلك ولكن لا احد يستطيع التدخل الى ان جاء ذلك اليوم
كانت نور مع حازم فى شركته تنهى معه بعض الاوراق لتشعر بانقباض قلبها فجأة
حازم: مالك وشك عمل ليه كده
نور بتوتؤ: مش عارفه انا خايفه اوى
حازم: حبيبتى اهدى مفيش حاجة وبعدين ادم ماله
فى ذلك الوقت كان ادم يتحدث مع سيف امام شركته ليلاحظ سيف دراجه تسير بسرعه كبيرة جدا وبدون مقدمات يصرخ سيف: اددددم حااااسب ليتحضتنه بقوة ويدوى صوت الرصاصه عاليا
ادم بصياح: سيف ليه عملت كده ليجرى حرس ادم ويستطيعوا امساك الرجال وبعد فترة يقف ادم متوترا ف سيف كاد ان يضحى بحياته من اجل ادم ، عرف يوسف ماحدث ليتجه للمشفى فورا ورن بحازم ليأتى هو الاخر
حازم بتوتر: نور تعالى معايا ليخرج سريعا ولكنها توفقه
نور بقلق: حازم فى ايه اتكلم متقلقنيش
حازم: فى ناس ضربوا رصاص على ادم بس سيف خد الرصاصه بداله وهما فى المستشفى لتشهق احدهم والتى سمعت الحديث بالصدفه وتبدأ فى البكاء بقوة
نور بشك: انتى تعرفى سيف ولكنها لم تلتقى ردا لتتأكد ظنونها
نور: انتى حبيبه سيف صح تعالى بسرعه معانا
حازم: انا مش فاهم حاجه
نور: بعدين يلا بس بسرعه علشان ادم وسيف وبعد فترة يصلوا للمشفى
نور بلهفة: ادم انت كويس
ادم بشوق: انا كويس ياقلبى متقلقيش
حازم: فين سيف ياادم ومين اللى ضرب
ادم: سيف كويس الرصاصه فى كتفه وهيفوق كمان ساعه واللى عمل كده اعترف انه من رجالة جاكلين وبكرة الصبح هيكون مقبوض عليها
نغم ببكاء: يعنى سيف كويس با ادم بيه
ادم: نغم انتى تعرفى سيف منين لتحكى لهم نور ماتعرفه عنهم ويقرر ادم الوقوف جانبه واخذ عهد على نفسه بانه سيتمم زواج سيف ونغم
يوسف: ان شاء الله هتتجمعوا
نور: ادم متبعدش عنى
ادم ببرود: متخفيش ويلا روحوا انا هاجيب سيف كمان شوية ونيجى
حازم: بس ياادم
ادم: انا قلت اللى عندى كلكم امشوا يلا وانتى ياانسه نغم سيف لما يفوق هيجى يخطبك يلا اتحركوا ليغادروا جميعا ونور حزينه ويصلوا للقصر ويعرف الجميع ماحدث ويشكروا سيف ويقرر كمال مساعدته فهو انقذ ابنه الوحيد
وبعد ساعه يصل ادم وسيف للقصر
ادم: جهزوا لسيف اوضه الضيوف لانه هيقعد هنا
سيف: لاء يافندم انا هرجع مكانى واي حد مكانى كان هيعمل كده انت جمايلك علينا كلنا
ادم: سيف انت عارف انى بعتبرك اخويا من زمان وانت انهارده اثبتلى انك اخ فعلا وده مكانك من دلوقتى هتقعد معايا
سيف بخجل: لاء طبعا ياادم بيه ده واجبى مش هقدر معلش
ادم بمرح: يالا انت مش قايلك نكون لوحدنا قولى ادم بس احنا اصحاب قبل ماتكون شغال معايا
سيف ببتسامه: هو حد هيكون زيك ياوحش الداخليه
كمال ببمتنان: ادخل يابنى استريح البيت بيتك انتو اصحاب من زمان يلا ياسيف ونتكلم لما تصحى ليحيه الجميع ويدلف للغرفه التى اعدها الخدم له
ادم ببرود: بعد اذنكم انا طالع استريح ومش عايز حد يزعجنى وهاصحى بمزاجى سلام
ليتعجب الجميع من تبدل حاله كان يمزح والان يتحدث ببرود
نور : بابا كمال عايزاك فى حاجه جوا
كمال: تعالى يابنتى وايضا ازدادت صدمه الجميع فنور لا تقول لكمال بابا ابدااا وما الموضوع التى تحتاج نور لكمال فيه
نور بحزن: جه الوقت يابابا انا هطلع اكلمه ومش عايزة حد يطلع فوق خالص جه وقت المواجهة يابابا ولازم اتحمل نتيجه افعالى
كمال بألم: ماشى يانور وانا هحاول اهيئ الموضوع بره ليخرجوا كلاهما وتتجه نور لحازم وتحتضنه بقوة ومن ثم ابيها وهي تبكى بضعف
حازم بانقباض: مالك ياقلبى في ايه ولكن نور تصعد سريعا لاعلى
عاصم لكمال: بنتى مالها فى ايه ادم من شوية ونور دلوقتى ايه اللى بيحصل ياكمال
كمال بتوتر: انتو عارفين ان كل حاجه بتحصل فى حياتنا بتبقى قضاء وقدر صح
احمد: ونعم بالله اكيد طبعا
محمد: ايه ياكمال انت موترنا ليه كده
كمال: اصل اصل بصوا استنوا 5 دقايق بس وهقولكم
تفتح نور باب الغرفه ويكون ادم بدل ملابسه باخرى مريحه للمنزل
ادم ببرود: انا مش قلت مش عايز حد هنا ولا ايه
نور: لازم تسمعنى ياادم وتفهم منى كل حاجة
ادم بغضب: افهم ايه ولا ايه يانور انتى بتموتينى كل يوم عن اللى قبله انتى مبتحبنيش يانور
نور بعصبيه: لاء بحبك ياادم وبعشقك كمان ازاى انت اعمى ومش شايف حبى ليك قلتلك انت روحى وعمرى ومقدرش اتخيل حيااتى من غيررك
ادم بعصبيه اكبر وصلت للاسفل: لاء انتى مبتحبنيش يانور انتى انانيه مش بتفكرى فيا وهاثبتلك كده دلوقتى
نور بحزن: لاء ياادم وهثبتلك انا العكس
عاصم: انا هطلع لبنتى اشوف فى ايه صوتهم عالى جدا
كمال بسرعه: محدش هيطلع غير حازم وبعد 3 دقايق يطلع هو اللى هيقدر يهديهم فوق
منى بقلق: انت مخبى ايه ياكمال عننا
كمال بألم: هتعرفوا كلكم دلوقتى
حازم بغضب: انا طالع لاختى
كمال بتوتر وعصبية: قلت استنى ياحازم
ادم: هاا تحبى اثبتلك يلا يانور جاهزة نكمل جوازنا دلوقتى بدل مااحنا اخوات كده يلا يانور ثم بصراخ : جااااهزة
لتصمت هي فماذا تقول له
ادم بغضب اعمى بصيرته: عرفتى انك مبتحبنيش يانور ودلوقتى هطلقك يانور لانى تعبت خلاص ثم تابع بوجع: ليه بتعملى فيا كده ده انا بعشقك وبتمنى اشوفك اسعد واحده انتى دمرتينى وكسرتى قلبى ادم البارد اتكسر على ايد نور الدمنهورى ثم يصرخ ويبكى: ادم اللى مكنش حد بيهمه انهارده بيبكى عليكى بيبكى الم وقهر وتعب علشانك يانور بس بحيكى بصراحه انتى كسرتينى بجد يابنت الدمنهورى للاسف انتى من انهارده بره حياتى
نور بصراخ : لاء ياادم مش هتعمل كده انا مقدرش اعيش من غيرك انت كده بتقتلنى فعلا ياادم
ادم بضعف: خلاص يانور انا قررت بس عايز اعرف ليه عملتى كده ليه كنتى قاصدة تكسرينى ليه بعدتينى عنك
نور بصراخ والم يقتلها: بعدتك عنى علشان مريضه قلب وهموت ياادم
مريضه قلب موت مريضه قلب موت كلماات ظلت تتكرر فى اذنه كالسم القاتل لتجحظ عينيه من الصدمه

ياترى ادم هيعمل ايه ورد فعل الجميع لما يعرفوا ومين هيترمى عليه اللوم محسن اللى خبى السر ولا كمال اللى سكت ولا المتسبب الرئيسى نور لانها هددت الاتنين؟؟؟؟؟
هنعرف البارت الجاى👋👋👋👋👋