#عودة_أمل2
(وعودة إلي الماضي )
الحلقة الثالثة :-
في النادي
مديحة ل سها /كلي يا حبيبتى انا طلبتلك الأكل اللي بتحبيه
سها / مليش نفس يا ماما وبعدين بابا اجبرني علي الفطار
علشان الدوا مش هقدر أكل دلوقتي
مديحة / تيجي نتمشي شوية
سها / هنتمشي لوحدنا
مديحة بدهشة /يعني هنجيب حد يمشي معانا ياسها
سها بحزن / وعد ونور وحشوني اوي يا ماما
مديحة / وبعدين مش قولنا ننساهم خلاص مبقاش ينفع
سها / هشام اتجوز مين ياماما؟. ..أمل مش كده !
مديحة /بتسألي وتجاوبي علي نفسك. ..ايوه أمل
سها بأنفعال / اشمعنه أمل بالذات
مديحة / علشان كانت مرات أخوه وكمان عشان ابنهم وقفلي
علي الموضوع ده
سها / لا يا ماما مش علشان كده
مديحة / امال ايه يعني
سها بألم / علشان كان بيحبها. ..
هشام كان بيحب أمل أنا كنت عارفة انه بيحبها
مديحة/ بيحبها مبيحبهاش احنا دخلنا ايه في الموضوع ده؟
سها بحزن / قلبي اتوجع اوي يا ماما
مديحة بحزن / الكل موجوع يا بنتى وكفاية تقلبي المواجع
انا جايه هنا افك عن نفسي
مقلبش في الماضي
_______________
في فيلا مراد
أمل / مينفعش كده يا هشام لازم تأكل
هشام / أنا عايز ألعب
أمل / مفيش لعب تأكل الأول
هشام بيجري ...أمل قعدت وفي ايدها الطبق
شردت في الماضي وتذكرت شادي وكلماته الأخيرة التي
لن تنساها
"أمل سامحينى علشان أموت وأنا مستريح"
انتفضت أمل من مكانها إثر سماع صوت هشام وهو يتأوه
وضعت أمل الطبق علي السفرة لتركض نحوه
خرجت سعاد من المطبخ / في ايه يا بنتي
أمل صارخه / بطل شقاوة بقي خليت عينيه وسط رأسي
لا عارفة انام ولا عارفه اقعد
وبكت أمل كالاطفال فطفلها قد ورث بعض طباع والده
عنيد غير مطيع شقى وكل يوم مشكلة بسببه
مها تغدق عليه بالحنان والرعاية الزائدة
تتصرف مع الطفل بصورة خاطئة علي عكس ما تريده أمل
"تعالى بقي نطلع ننام شوية
نورهان / هاتيه ليه يا أمل انا هعرف انايمه
أمل وهي بتمسح دموعها / لا يا نور انا عارفة مش هينام معاكي
هشام الصغير مازال يجري في المكان يلعب ويكسر كل شيء أمامه
نورهان بنفاذ صبر/ وله انت تعالي هنا
يخرج الصغير لسانه لغيظ نورهان
نورهان / كده طيب يا هشام انا بقي هنايمك يعني هنايمك
أمل / يا ابني تعالي بقي
نورهان وأمل بيجروا ورا الصغير
تصدم أمل بشاب طويل القامه يقف مبتسم لهم
هشام / حاسبي يا حبيبتي علشان متتعوريش
نورهان / تعالى أمسك الواد دا يا هشام
هشام / نعم! أنا جاي من الشغل علشان أجري ورا هشام
أمل وهي بتبكي وجلست أرضاً / تعبت من شقاوته مش قادرة خلاص
اقترب منها هشام / يا حبيبتي كل العيال كده
هههههههههههههههههه بطلي بقي عياط وانتي زي القمر كده
ابتسمت أمل خجلا
نورهان / احم احم نحن هنا
هشام ل نورهان / هو انا يعني هلاقيها منك ولا من هشام
نورهان ببتسامة/ يا عم محبكتش هنا يعني
هشام واخد أيد أمل / بعد اذنك يا نور
بس تعملي فينا خدمة تنيمي هشام
نورهان / لا... لا يا عم انيم هشام ايه هى انا قادرة اتحرك من الجري وراه
أنت تقرأ
عودة أمل 💛
Romance(((((((المقدمة)))))) ((تراجيدي ... رومانسي.. إجتماعي )) فتاة تعيش واقع مأساوي بعد وفاة والديها لتكمل أمل حياتها يتيمه حتى شعرت بالحب لـ يأتي شقيق من احبها ليغير حياتها وتتزوج منه ثم يتوفى لتعود إلى من أحبها لتعود أمل...من جديد. عودة أمل (((٣ أج...
