رواية ليبية "لعبة الحياة💙" (مكتملة)💚

الحلقة28

#لعبة_الحياة
.
.
الحلقة الثامنة والعشرون
.
.
عز >> كيف حال صحتك
امه >> الحمدلله
هدى>> اووه جايبين قاتو عيد ميلاد من
عز >> لا عشان مريم وهكي اليوم دارت تحاليل وطلعت حامل

هدي جت اضبطتني >>الف مبروووووووك
انا>>الله يبارك فيكي ياخيه

ام عز >> وليش مستعجلين ؟
عز>> اللي تجي من ربي الحمدلله
وبعدين كيف مستعجلين ؟ هذي سنة الحياة
ام عز >> انت حر غير مش تجيبو وتعزقولي
ماني ماسكة حد ما صدقت كبرتكم

بحتت في عز و ابتسمت بغصة 🙂

هدى>> معلش امسحيها في وجي
عز صبا وبصوت عالي >> وديني ! ماني خاش لهل حوش مرة ثانيه لعند تلقو حل لهل قصة !
صبي هيا

صبيت وانا ساكتة ونحس في روحي تعبانة وجسمي تالف !

ركبت فسيارة
عز >> نحطك عند اية
انا>>لا مافيش داعي بكرا تو نمشي بالمرة

سكتنا و كنت مخنوقة بكل ما عرفتش شن العار يلي درته عشان نستاهل المعاملة هذي ! ما ليش ذنب ف اي شي صارلي لا ليا ذنب في اني نقعد ارملة ولا ليا يد في حبي العز ! كله حاجات يجن بنصيب و ب ارادة من ربي ، ليش الناس ماتبيش تفهم !

//
//

ثاني يوم طلع يزيد من المستشفي وصحته كويسة و العيلة كلها فرحانه بيه

خش جدو اذن في وذنه 😍❤️ و قعد يلعب فيه

مع خشت محمود >> اووووه هضا بياخذ منا الدلع الشياب مكبدين

امي >> عقبالك نفرحو بيك
محمود>> وليش لاء
باتي >> انت بس اعقل والساع تخطب كلا هكي ما نفضح بروحي ونعدي نخطبلك

محمود>> شفتي يا امي هه بعدها قوليلي كنك متبيش تجوز ومديورلك كتيبة ما كتبية 😒

رغد وشوشتله>> و نورهان وين
محمود >> مش عاطيتني وجه بكل 🙂 خليني ساكت
رغد >> هههههههههههه تستاهل

مع خشتي انا جيت سلمت عليهم
انا >> محمود يبيك عزو برا
محمود >> عزو ؟ 😒 قولي عز الدين مافيش احترام
انا >> اطلع را يخشلنا هنا 🌚😂

طلع محمود العز و قعدت مع البنات وقتلهن اني حامل طبعا زهرة امس ما قالتلهنش

رغد >> ياخية الاخبار السمحة يجن مع بعضهن
انا >> الحمدلله
ايه مقعمزه حذانا و ماسكة زيزو في يدها

اية>> وليش زعلانة؟
انا>> مشينا الامه 😕
رغد >> العقرب باهي شن قالت

وحكيت للبنات شن اللي صار و قعدن يهزبن
انا >> مش علي حاجة والله بس كسرت خاطري بكل  ووجعني عز ☹️حسيت روحي انا السبب مهما كان هذي امة

خشت عميمة زهرة ماسكة روز

رغد >> ياخيه امتي جت
زهرة>>توا جابها بوها