الفصل ( 1 )
مامى كلمتنى النهارده و أنا فى الكليه و قالتلى أن محمد ابن طنط أنعام _ و انا مش عارفه محمد و لا حتى طنط انعام_ جاى الليله عشان يشوفنى و يتقدم لى .
عشان كده ماما قالتلى ما بهدلش نفسى فى الشمس فى الكليه اوى و ارجع بدرى عشان العريس جاى الساعه سبعه
و الحق اجهز .
مش عارفه اول مره ييجى بيتنا عريس يتفرج رغم ان اخواتى البنات متجوزين يمكن عشان كل واحده فيهم كانت مرتبطه بعريسها قبل الخطوبه و كانت مجية اهله عندنا مجرد شكليات .
انما انا طول عمرى رافعه شعار لا للارتباط قولو على عسكرى بقه اى حاجه لكن انا كنت شايفه انى لازم انتظر النصيب و ما فيش حد من اللى كانو عايزين يرتبطو بيا شكله نصيب خالص شكلهم كلهم ناس عايزه تتسلى و انا مش بتاعة تسالى .
المهم روحت و لقيت الشغاله قاعده تلمع فى طقم الفضيه الشهير و مامى بنفسها بتطلع طقم الشاى التركى من البوفيه لحسن البنت تدشه والاستعدادات شغاله على ودنه .
مامى : نعم يا حبيبتى
:::جنى ::::مين محمد ابن طنط انعام و عرفنى منين
مامى : ما يعرفكيش يا حبيبتى و لا طنط انعام كمان دى واحده صاحبتى لسه متعرفه عليها النهارده الصبح
:::::: جنى :::: : اي ده يا مامى احنا هنهزر ازاى يعنى النهارده الصبح
مامي : و الله كنت عند الخياط باخد التايير بتاعى قابلتها هناك و بعدين واناباخد بنطلونك اللى كان بيضيق سالتنى انت عندك بنات قلت لها اه عندنا دكتورة جنى فى اعدادى صيدله قالت لى طيب ممكن نتعرف عليكم عشان اناعندى ابنى مهندس بترول فى السويس و ما بيجيش الا كل اجازه وهو هنا و عايز يشوف بنتك
:::::جنى ::::: : يعنى من غير اى اساس كده يا مامى دى حتي ما تعرفش احنا مين و لا عيلتنا و لا اى حاجه
مامي : لا ماهو واضح ان الخياط كان مضبط معاها المعاد
و قايلها علينا ده هو اللى كلمنى النهادره و اصر انى لازم اروح اخد التايير
:جنى :: : ماشاءالله ده كمان خاطبه
مامي: يعنى اهو وسيله الناس تعرف بيها بعضها و مش حانخسر حاجه
:جنى ::: : خلاص يا مامى انا حاجهز و اجرب الموضوع ده هاها انا حاسه انى داخله انترفيو فى الجامعه ربنا يستر بقه
و ما فضحكوش
مامي: لا انشاء الله تعدى على خير
و جاء العريس مع امه فى الميعاد تماما كويس انا احب المواعيد الكويسه بس كان جايب شكولاته كوفرتينا
انا بقه ما بحبش شكولاته كوفرتينا دى ربنا يستر بقه
و طلعت قعدت مع الناس و حسيت انى داخله على جهاز اشاعه مش على انترفيو بس يعنى طنط انعام قعدت تقسني من فوق لتحت بالقلم و المسطره و هى بتبوسنى حضنتنى جامد اوى مش عارفه ايه السبب و كان فاضل بس تطلعلى البندقه اكسرها بسنانى
