للعصر خابر كرار ليسار وكاله امه تخربطت بسرعه تعال
يسار خطيه بعد ما يشوف دربه كام يمشي ويتعثر ركب سياره وركض خابرته وره ساعه ما رد خابرت سرى كالت اني هم كرار ما يرد..... للتسعه بالليل خابرني يسار
.. ها حبيبي بشرني شلون صارت عمتي
.. ضاربتها جلطه
.. ياااا عزه بعيني خطيه ؟ وهسه شلونها
.. الحمد لله جلطه خفيفه وخابرنه هوار كلناله بسرعه تعال امك بالمستشفى من شافته شويت صارت احسن وهسه بال١٠ نطلعها
.. خطيه الف حمد الله ع سلامتها ما تستاهل عمتي
.. الله يسلمج حبيبتي يله لازم اروح
.. براحتك
بالليل خطيه اجه تعبان مطلعيها عمتي وباقي هوار وكرار يمها ويسار تعشه بسرعه نام
ثاني يوم بدلت من الصبح ب٨ ورحت ويه يسار اشوف عمتي لكيت يمها نسوان كومه ولكيت ام نسرين وبنتها نسرين وكان ناصر موجود اللي ما سلم عليه اول ما شافني دار وجهه
سلمت على عمتي جانت تعبانه خطيه بس مرتاحه لأن هوار موجود يمها
شفت هوار رحت سلمت عليه هو هم استقبلني بالسلام كان وجهه ذبلان ما ردت اذكره برواء خطيه بس كتله بعد لا تعيدها وتعوفنه هيج والله هبطتنه عليك كام يبتسم وترخص مني وراح
اجت هاجر كعدت يم نسرين وكامن يتباوعن الي ويسولفن ما اهتميت الهن اكو نسوان رادن يطلعن سرى كانت ملتهيه بالمطبخ كالت عمتي كومي اطلعي وراهن فشله
كمت وراهن وصلتهن للباب وحده اندارت عليه وكالت
.. اكولج يمه رجلج شعده ويه ام وسام؟
اني صفنت عليها
.. يا ام سام ؟
.. ام وسام جارة عيالج الارمله
.. ما اعرفها .. بس يسار ما عنده شي وياها اكيد
.. امداني ديري بالج على رجلج يا حظي ..تره رجلج يوميه يمها والنسوان ما يكعدن راحه وام وسام بنيه حديثه لا عبالج جبيره تره بس ٢ جهال عدها يعني تلف عقله وتاخذه منج
اني انصدمت هاي شدا تحجي صاحتلها مره بره منتظرتها عافتني بحيرتي وطلعت
واني الشك بده يتغلغل بقلبي... يسار دائما يمي بس هو دوم يروح لاهله يجوز مناك يروحلها ؟؟؟؟يجوز متزوجها ؟؟؟؟يجوز كان يسد موبايله ويتأخر ما ينزللي اجازه لأن يبقى يمها ؟؟؟؟؟ يجوز ... يجوز ......
اشكال افكار اجتني اجه يسار كال ترحين كتله اي
طلعنه بالسياره واني شارده بغير عالم افكر فجأه سويت روحي ادور ع موبايلي كتله
.. يسار اشو انطيني موبايلك خلي ادك ع موبايلي خاف ناسيته
انطانياه وكانت عينه ع الطريق طلعت جهات الاتصال كتبت ام وسام وصدك طلع اسمها موجود واني هنا تأكدت عنده شي وياها والشك تربع وكعد بقلبي نهار كامل ما خليت ورقه بكنتور يسار ما كلبتها ادور على عقد الزواج مالتهم وما لكيته ولو هو لوتي يضمه هنا اكيد يضمه ببيتها
كامت النار تغلي بقلبي اكيد هسه هو يمها رحت ركض للتلفون
دكيت عليه جاوبني
.. الو ها حبيبي
.. يسار وين انت ؟
.. يم اهلي كولي تردين اجيبلج شي وياي
اتسمعت زين ماكو صوت يمه اكيد يمها هسه سديته بوجهه اني اعلمه
انتظرته يدك عليه ماكو طبعا ما يرجع يدك عليه مرتاح يمها والله لأعوفله البيت والبيه وحته ابنه انطيهياه ما دام يدور عليه نسوان
الظهر ب١ اجه كنت مغطيه راسي بالبطانيه متضايقه كلش منه ما اريد اشوفه حسيت بيه نزع ملابسه واجه تمدد جوه الغطا وبده يبوس بيه ويتلمس بجسمي اني احس الضوجه منه صعدت فول دفعت ايده وكمت
.. انت شدا تسوي ؟
هو تفاجأ بردة فعلي كال
.. هاي شبيج لجين ؟
.. شبيه يعني شنو ششايفيني مخبله كدامك ليش اجيتني ليش ما بقيت يمها ؟
.. منو هي ؟
.. ام وسام مرتك
هو انصدم وتباوعلي متفاجأ
.. شنو ؟ ام وسام منو ؟ مرتك شنو ؟ شبيج بابا شدا تخرطين انتي
.. انت مو يوميه يمها
.. هاي شبيج منو حاجي براسج ؟ مره ارمله اروحلها بشغله انسانيه
اني انصدمت وحطيت ايدي على حلكي وعيوني كام يجرن
.. يعني ما تنكر تروحلها ؟
.. بابا على شنو انكر قابل نايم وياها استغفر الله بس مو مثل ما تفكيرلج مصورلج .... هذه مرة صديقي الشهيد وعندها ايتام وابوي على اعتباره شيخ يدزلهم هواي مساعدات ومحد يوديهن غيري من اني موجود لأن زوجها وصاني عليهم قبل لا يستشهد
كمت اصيح
.. واني شنو ذنبي يحترك قلبي من وحده بحجة تنطيها مساعدات وانت تروح تنام يمها
.. لجين عيب عليج شنو انام يمها منو كالج هالكلام ؟
.. المنطقه كلها تحجي والنسوان ما عدهن سالفه غيرها
يسار انت ابد ما تحبني
وكمت ابجي فز من مكانه واجه لزم وجهي
.. الله ياخذ عمري اذا ما احبج والله ما عندي شي وياها غير اللي كتلج بيه
وخرت ايده ودفعته
.. لو تحبني ما تروحلها كان دزيت احد غيرك ما مجبور تروحلها
صار عصبي
.. ولج ابويه والقران من الباب ما عندي شي وياها.. اني ما احبج ؟؟؟؟؟!!!!!
..لا ما تحبني..... ما اعرف.... او يمكن ما تحبني كفايه
.. ما احبج كفايه ؟ اني لوما احبج ما جان تزوجتج ولمستج ما مجبور اخذج ... اني لو ما احبج ما تباوعت لوجهج اني لوما احبج ما تحديت اهلي علمود اتزوجج شدا تحجين انتي؟
كمت امسح بدموعي
.. انت ما دا تفهمني يسار اني نار بقلبي
قرب وجهه مني وحجه بحده
.. ليش تسوين هيج لجين ؟... ليش تخلينه نعيش هيج مشاكل؟ ما تريديني كولي؟ متضايقه من شي مني كولي؟ مليتي مني كولي؟ اذا جان هذا السبب اتفهمج بس لا تخلقين مشاكل بيننا
درت وجهي عنه ومشيت للجربايه
.. مو هذا السبب يسار ولا وحده من هذني .
بده يلبس ملابسه ويحجي بعصبيه
.. انتي اللي وصلتينه لهذه الحاله اني تعبان اجي للبيت اريد ارتاح الكه بس المشاكل لو يمج لو يم اهلي ....عبالي اتزوج وارتاح يمج بس الما اله حظ بهالدنيا يبقى طول العمر ما مرتاح
راح للمطبخ رحت وراه وحجيت بقهر
.. انت اللي وصلتنه لهاي الحاله مو اني ....مره ارمله وانت غريب طبتك يمها وطلعتك تخلي اي بشر يشك
.. شنو لجين ما عندج ثقه بيه لهالدرجه حبي الج ما جاي تشوفيه ؟ ما جاي تحسين بيه ؟ بس تدرين شنو اني السبب اني لو اسويها صدك واروح اتزوجها جان هسه راسي بارد ع الاقل محد ينكَ براسي
