ثاني يوم كان لازم يسار يلتحق حضرتله جنطته والدموع تجري هو كام يبدل واني كاعده بالكاع وابجي
اتأذه حيل عليه نزل قرفص وكعد كدامي وحضنني
.. لا تبجين لجيني والله كطعتي قلبي.... اريدج تصيرين قويه
الله هو الحافظ واذا الله كاتبلي بعد عيشه لو يحطوني بنص جهنم هم ارجعلج.. اني بس اريدج تديرين بالج على نفسج وعلى ابننا الله عليج كافي والله ما يهون عليه تبجين
كمت ابجي اكثر مسح دموعي وحضنني حضنة قويه وشم شعري وباس متني واخذ جنطته وطلع ركضت وراه راد يفتح الباب الخارجي صحت بصوت
.. يساااااار
اندارلي اجيت ذبيت نفسي عليه وابجي هو لمني لحضنه
.. ابوس ايدك لا تتاخر عليه تره ما عندي احد بهالدنيا بعدك بس الله وانت
.. صار
باس راسي وطلع ركب سيارته وراح واخذ روحي وياه
بقيت يومين بس ابجي وعايشه بقلق اجت امه وكام تبات يمي خابرت اهلي وضعهم كلش تعبان بابا لسه ما طلعوا راتبه
لان معاملته تتاخر و نفس حكومه ولسه يركضون بيها
مع العلم يسار وليث شالو كل الفاتحه تقريبا بس راتب بابا كان هو مصرف البيت ما عدهم وارد غيره .. واسراء بده مستواها بالدراسه يضعف بسبب موت بابا كلش انقهرت عليهم
واحمد دا يحضر اوراقه يريد يطلع للخارج يدور على شغل ويستقر هناك الاخبار كلها مو زينه وتقهر بس فرحتني شويه من كالت ليث رجع سحر وكفت بعينه وكفتها ويانه بالفاتحه الحمد لله اكو خبر زين من بين هاي الاخبار
رجعت خابرت فرح اللي اول ما سمعت صوتي كامت تبجي خايفه احمد يعوفها وتشكيلي منه كلتلها لا تخافين مو احمد اللي يعوفج وهسه الايام تثبتلج بقيت اسولف وياها واطمنها شويه هدأت
مر ١٠ ايام على التحاق يسار و جهازه مغلق ما احجيلكم ع القلق اللي كان خانكني بوكتها الف فكره اجت ببالي والخوف اكل قلبي اكل
بالليل راسلني ع الماسنجر كانت فرحتي ما تنوصف
🗨شلونج يا الروح
🗨 يا روحي وحياتي يسوري شلونك والقران مشتاقتلك وقلبي وروحي كلها يمك
🗨اروح فدوه لروحج وقلبج حبيبة عمري واني هم ميت عليج....يزن شلونه خو ما يسوي وكاحه ويه امه
🗨 😂😂😂😂 لا الحمد لله حباب على امه طالع مو على ابوه وبعدين شمدريك ولد يجوز بنيه تطلع
🗨 يمه هيج من الله وتطلعلي بنيه تشبهج شريد من الله بعد ؟!
🗨 ههههههه .. منيلك شبكه حبيبي؟
🗨 والله هي شبه معدومه بس ما اعرف اليوم الله هاديها وصارت زينه بس ضعيفه كلش حسافه ما اكدر اسمع صوتج
🗨 😔😔😔😔😔 شلون مشتاقه اسولف وياك
🗨 شبيج يا روحي منو وياج ، متضايقه من شي ؟
🗨 اي .... تعبانه
🗨 شبيج احجيلي لا تخلين بالي يمج حياتي !
🗨 يسار والقران محتاجتك حباب والله الليل شطوله يصير لان انت ماكو تدري هسه اكتب وابجي
🗨 لا تزعليني منج ليش تبجين حبيبتي هاي مو جاي اراسلج
🗨 يسار الله عليك لا تكطع بيه كلما يصير عندك مجال او شبكه راسلني والله تردلي الروح من اسولف وياك
🗨 رحت فدوات لروحج لج لجين تدرين شكد احبج بس الله وحده يعرف هذا اللي بقلبي شدا يسوي علمودج خفقان على دكات قويه على اهتزازات مسويها كربلا بغيابج ... مشتاق لوجهج مشتاق لجسمج مشتاق لصدرج لشعرج لكلشي بيج
🗨 لا تهيجني بكلامك عفيه كوه صابره من تحجي وياي
🗨 هههههه ماشي يله يا روحي اني كلش نعست من الصبح ع هالكعده ورمي وقلق اريد اخذلي كسره شويه
🗨 نوم العافيه حياتي دير بالك على نفسك والله عليك كلما يصير عندك مجال راسلني
🗨 ماشي حياتي تصبحين على خير
🗨 وانت بمليون خير
نمت بليلتها واني مرتاحه راحه نفسيه مو طبيعيه ع الاقل عرفت هو بصحه وعافيه
