انقهرت من كلامه كمت احس روحي بسجن
.. ماشي اي اوامر ثانيه استاذ هوار
نفخ بنفاذ صبر
.. لجين لا تضوجين مني والله يسار لو موجود ويشوف نظرات علي الج يحرك الدنيا على راسه وتدرين بيه شكد كان يحب علي هو؟؟؟؟!!!! واصلا اني راح اعاتبه لان انتي عرضنه وما يصير هيج يتباوع
.. هذا هو هوار ما صار شي انت اخوي وتمون
.. تسلمين ... اجيت اريد اكولج اهل رواء وافقوا واتفقنه عكب باجر مشية الزلم ونفس اليوم عقد المومن
ابتسمتله وكتله
.. الف مبروك ... تستاهل كل خير
هو تباوعلي بحزن
.. الله عليج ما متضايقه
.. مع الاسف عليك هوار شتفقنه احنه والقران تزعلني منك
.. لا لا هذا هو عمي انتي فركًاس ما ينكَاس
... ههههه يله لعد روح من كدامي
طلع وهو يضحك واني ضحكت صدك يستاهل رواء صبر هواي بس خفت خاف اهلها يبطلون اذا عرفوا بزواجنه
كلت اني ما راح احجي بيوم العقد عود استفسر من هوار شنو اكول الهم
صار يوم المشيه اني بدلت صح كنت لابسه اسود بس لبست ثوب اسود طويل وبيه جاكيه سوده وبيها فيونكه حمره بالصدره وبدلت لزيوني وامونيطهم اللي جابهن االهم هوار البارحه صدك طلعوا يخبلون
صحت ميسم اجت اخذت اموني واني شلت زيوني واخذت جنطتي وعباتي وطلعنه
شفت هوار لابس قاط طالع كيوت ضحكت عليه فدوه طالع حليو رحت يمه
.. الف مبروك هوارو
.. تسلميلي ام يزن
.. اكولك ردت اسالك شلون اذا هناك عرفوا بزواجي منك خاف يرفضون
.. لا تخافين اني وصيت اهلي محد يحجي كدامهم ولا رواء راح تحجي منا لمن نعقد محكمه اني اروح افهمهم
.. ماشي ... يله خلي اطلع
.. لفي نفسج زين اكو زلم بالباب
.. ماشي
لفيت نفسي عدل وطلعنه ركبنه بكيا ورحنه قبلهم لبيت اهلها كان بيتهم شويه بعيد بس بمنطقه حلوه
دخلنه بس بدون هلاهل لان كلنه كننا حزنانين ولابسين اسود لان لسه ما دارت سنته ليسار ....سلمت على رواء اللي كانت لابسه بدله سمائي وطالعه تجنن وكلتلها اني لجين هي شافتني وهي انقلب وجهها ما اعرف شبيها عذرتها هم حقها عفتها وكعدت ابتسم حتى ما ابين للعالم انه اني مقهوره وانه اني ما عندي شي ويه هوار
اجوا الزلم مشوا وقروا الفاتحه واجه السيد وره الباب وكعدوا رواء بالجهه الثانيه والسيد يحجي وهي تردد وراه خلص باركولهم العالم وعمتي كانت فرحانه الهم كلش بس صلينه على النبي
اجه هوار دخل يم النسوان وباس رواء وكعدوا واحد يم الثاني يسولفون ويضحكون عمتي طشت عليهم جكليت وجابت الهم الذهب حتى يلبسها
وكانت ايده ترجف يستحي صاحني كال تعالي ساعديني انطيت يزن لعمتي وكمت هو لبسها الحلقه والسوار واني لبستها التراجي والكلاده حسيت بالبنيه تشنجت ما اعرف شبيها رغم ما هوار كايللها عن وضعنه بس ما اعرف احسها ابد ما ارتاحتلي
خلصنه ورجعنه كانت الفرحه بعيون هوار ما تنوصف خطيه
ربي يسعدهم
بعد يومين اجاني هوار دك باب الغرفه فتحته كال
..لجين ممكن احجي وياج
.. تفضل
كعد ع الجربايه والحزن تارس عيونه
.. شبيك هوار خو ماكو شي ؟
.. بيوم العقد بالليل خابرتني رواء بس تبجي تكولي ما اتحمل اشوف مرتك داير مدايرنه شكد حاولت اقنعها انتي مو مرتي وحتى عقد محكمه ماكو بيننا بس ما اقتنعت
.. ليش انت مو كايللها ؟
.. تكولي ما عبالي هيج حلوه كنت اتوقعها عاديه وجبيره تكول طلعت حلوه وعطرها ولبسها يسبي سبي كل عقلك اني اتزوجك وهاي بحياتنه يوم يومين وتلف عليك وتاخذك مني قنعت شكد وحاولت ردت ماكو قافله تكولي ما اعقد محكمه والك مهله اسبوع اذا ما طلكتها نفسخ وكلمن يروح بدربه اني ما اتحمل وحده تشاركني بيك اني انصدمت
.. يااااا صدك تحجي هاي شبيها رواء والله حتى اتعمدت اضحك واسولف وما ابين الها غير بس الفرح حتى ما تتضايق من وجودي
حط ايده ع راسه ودنك
.. هاي بعد عقلها هيج كوليلي شاسوي هسه
.. شتسوي بعد ما عندك حل غير تطلكني
تباوعلي متفاجأ
.. من كل عقلج ابوي يخليني اطلكج هو وافق على رواء علمودج انتي وولدج تجون يمه والله اذا طلكتج ابوي يخرب الاول والتالي عليه علمود اعوف رواء
.. شلون لعد تريد احاجيها الك
.. ما يفيد لجين كلتلها تكلي ما اريد اسمع صوتها اصلا
.. هاي شبسرعه كرهتني
.. ما اعرف والله
.. وهسه ؟شحتسوي؟
.. ما اعرف راح ابقى اقنع بيها منا لنهاية الاسبوع اذا ماكو احاجي ابوي اواخذج لبيتهم نحاجيها بدون ما تعرف ما اعرف والله محتار
.. ادلل بس اهم شي ما اكون حجرة عثر بطريقك
.. لا شعليج انتي
