الحلقة السادسه
كانت النتيجة من ماما
ماما........أصلآ أنتن اللي حاطات الشي هدا في راسها😡
عماتي.......هذا جزاتنا عشان ننصحو فيها وخايفين عليها😢
ماما ........هي امشي قدامي فوق 😡😠
ضربتني ماما وخلتني نرقا معاها ونبكي بعبره عشان هي مش،مصدقتني 😭😭
جينا للشقه .....
ماما .........عارفه مره ثانيه تحكي فالكلام هذا والله تحصلي طريحة سمحه 😡😡
وتكر فيا مع وذني
مرام.........😭😭😭 اح ياماما والله مانكذب
كانت في قلبي غصه كسرت طفلة
معقوله الشي هذا نشوفه من ماما وبابا
😢😢😢
كانن أفكار طفله في راسي
زعما انا بنتهم ليش يعاملوا فيا هكي😢😢😢
وقضيت طفولتي كلها مع جدو 😍😍
قعدت اول مانوض فالصبح طول ننزل نفطر معاه ونقعد نهدرزله ويسمعني كان يحب كلامي 😍😍
وكنت نحب نساعده لما يطلع للشارع يبي يتمشى او يبي يدخل الحمام حشاكم لأن جدو كان ضرير 🙈
حبيبي هو 😢😢
ومشن الأيام وكنت البنت الدلوعه عند أهل بابا بس المنفورة عند أهل ماما 😢💔
والحاجه اللي نبيها تجيني طول 😍😍
بس كانوا مربيني أن مهما كان في خاطري بس مانتنازل ونطلب من حد غريب ربوني ع عزة النفس 😌👌
لعند جا اتعس يوم بحياتي
اليوم اللي، عرفت فيه ان معش،نشوف جدو
كان مريض وتعبان ع الأخر
وقاعدين كلهم ع راسه وعمو سالم يقرأ عليه فالقرآن
نخش عليهم فالمربوعه ونشوف جدو ونطلع كنت صغيره بس تفكيري تفكير شخص،بالغ
مرام........اه ياسندي كان في قلبي خوف ونظرة حزن وتفكيري هل هذي اخر مره نشوفك فيها
خلاص يعني معش نلقى من يحميني باهي ولما يضايقني بابا وين الظهر اللي،يحميني ولما انوض فالصبح ننزل لي من من يسمعني من ينسجم مع كلامي 😢😢 من يقولي تعالي وصليني
خلاص يعني تبي تسيبني ياسندي ياهلي وناسي كلهم
....................
وتوفى جدو رحمة الله عليه وكنت فالعزاء الطفله اللي،مش فاهمه شي بالنسبه للناس 😢
بس طبع زرعته فيا يا مرحومي يازينك طبع
أن مهما انكسرت ومهما تعبت من هموم الدنيا ومهما صارلي مانبين ضعفي للناس وان البسمه تقعد ديما ع وجهي
وتعلمت منك جبرت الخواطر أن مانكسر بخاطر حد
لأن كسرت الخاطر واعره ومانشيل من حد لأن مرات نفقد الشخص هذا ونندم أن زعلت منه لذلك نصفي نيتي مع الناس عشان نخش للجنه هكي كنت تقولي 😢😢
........................
ماللبيوت العامره طعم ياخوي
إذا خلت في يوم من حس شايب
وبيبانها طرما وجدرانها سود
ويصفق نوافذها قوي الهبايب
رحمك الله فقيدي😢💔
....................
وقعدت من غير جدو 😢
بس قعدت نفس الروتين ماغيرته وقتي كله مع عمامي وعميماتي
وكنت ديما مع عمو سالم😍😍
كان ليا أخ وأب وصديق كان ديما دايرني حاجه كبيره ويرفع في معنوياتي ويسمعلي لما نحكي 😍
وعشت وتربيت بين أسره طيبة وتحب الخير للغريب قبل القريب وبسيطه جدآ عز العرب نا هلي،
بس،كنت نكسد من القعده نبي،حد نلعب معاه وللشارع مانطلع واجد يخافوا عليا كنت ديما نزن ع راس ماما عشان نمشي نلعب مع صغار خالاتي وخوالي،بس كنت نمشي ونندم نقعد نبي نروح عشان معاملتهم زفته لأن حنينه كانت تحبني وتخاف عليا عشان البنت الوحيده لماما
وكانت ديما توصي عليا والحاجه السمحه ليا وطبعآ أطفال غيرة 😅
وللأسف طبعهم هذا اتجاهي،أستمر معاهم لعند كبرنا هل مازالت غيره او انا اللي،مش،محبوبه عندهم والمحبه بخوت 💔
........................
وفي يوم مشينا لعيت جدو وكانت فترتها طلعت النتائج
نجحت بتقدير ممتاز الترتيب الأول وفرحانه 😍😍
مشيت لخوالي
خشيت
مرام.......خويله شوفي نتيجتي،جبت ممتاز 😍😍
خويله......😑😑 نعليا ماهر،وليدي ماشي يجيب في،نتيجته
مرام.......خويله شوفي بس😍
خويله.......باهي باهي ياماما مبروك☺
ياقسوة قلبك ياخويله واعره كسرت خاطر الطفل يقولو الخال والد والخاله مكان الأم بس،ماشفت
شي من الكلام. هذا🙁.
طلعو لصغار كلهم وكانت مدرسة ماهر قريب من حوش جدي
ماشيين يجيبو في ماهر من المدرسه😊
مشيت معاهم 😊😊
روحنا وفالطريق،شايلين ماهر
والبنات يزغرتن ويغنوا عشان ماهر نجح بمقبول😅😅
وانا كا طفله نجري في،جرتهم حتى انا نجحت 😍😍
والله نجحت جبت الأولى 😍😍
آيه........عارفينك شاطره غير خطينا بس هالثقيله 😏😏😒😒
وزقتني ع الأرض
وطحت وتوسخ دبشي وقعدت نبكي😭😭😭😭😭
اه ياكرعيه😭😭😭😭
راجل👨..........بنت من انتي ياسمحه من طيحك 🙁 اس اس خلاص تبكيش ياعمو وريني حوشكم نوصلك😘
ونظفلي دبشي وصلني للحوش
واستمرت التفرقه ليومنا هذا
كانت كل لعبه نلعبوها يطلعوني منها وهكذا 😕😔
وقلنا ماعلينا 😔👌
....................
وقعدت ديما مع عمامي وعماتي نحبهم والله
لعند جا اليوم اللي اجوز فيه عمو سالم
😢😢😢
فرحت وفي نفس الوقت غرت وقلت توا تاخذه مني الوليه ونقعد بروحي😭😭
وكرهتها وكملتها مشاكل معاها مع ان صغيره كنت شن جيبني لها بس لساني كان طويل معاها 😅😅
بس طلعت كويسه وتعامل فيا معاملة اخت وجابو صغار وكبدت عليهم من دون عويل الأخرين وعماتي اجوزن وعمامي اجوزو
ورديت لحوشنا وقعدت مع هلي بس نقولها لعند اليوم اه ياغيبة سندي
.......................
بعض الخيبات كفيلة
بأن تمنحنا نضجآ
يفوق أعمارنا
.......
راح نعرفو فالحلقات الجيات شن يبي يسير مع مرام
وهل تتغير معاملة اهلها او لا
الكاتبة Wesa Elzargi.........
