عودة أمل2
(وعودة إلي الماضي )
BOSY
الحلقة الحادية عشر:-
مها / في ايه يا مراد ما تنام بقي
مش عارفة أنام بسببك
مراد / ماتنامي هو أنا عملتلك حاجة
مها وقعدت علي السرير / انام إزاي وانت صاحي عمال تتنهد وتشغل النور وشوية تقوم تمشي في الأوضة
مش عارفة انام بجد
مراد / يعني اعملك ايه. ..
اقولك هنام في أوضة الولاد تصبحي علي خير
----------------------------
عمر / بتعملي هنا ايه في الوقت ده
صرخت نورهان بفزع
عمر بضحكة إنتصار / شوفتي بقي ردتهالك هههه اوعى تفتكري عمر مختار بينسي
نورهان بضيق / محسسني إنك عملت إنجاز
مش شطارة علي فكرة انك تخض بنت
عمر / طب قولي لنفسك
نورهان / انا معملتش كده بقصد لكن انت كنت تقصد تخوفني
عمر / هههه وخوفتي
نورهان / انا اصلا مبكلمكش
عمر / امال بتعملي ايه دلوقتي
نورهان واستدارت الجهة الأخرى
عمر / دا زعل بقي
نورهان بعصبيه / لا مفيش زعل. المهم عملت ايه النهاردة في الشركة
عمر / بتوهي يعني علشان معرفش سبب زعلك ايه
نورهان / بكلمك في ايه وانت بتكلمني في ايه
عمر / أنا قولتلك اسألي ريم وهي تقولك مين دانه
نورهان بدهشة / وايه اللي جاب سيرتها دلوقتى
عمر/ شوفتي بقي إن دا هو اللي مضايقك منى
نورهان / ومين بقي اللي قالك كده
عمر / متنكريش يا نور انا فاهم اطباع البنات كويس
نورهان / يا سلام وانت بقى فهمت ايه
عمر ببتسامة / إن اللي يحب يبان في عينيه
نورهان وابتعدت عنه حتي لايرى ابتسامتها
عمر/ هتنكري؟ !
نورهان / واخرت الحب دا ايه
عمر / انا عايزك بس تستحمليني لغاية ما أقف علي رجلي
وأثبت نفسي
نورهان / يعني عجبك الشغل في الشركة
عمر/ آه هو كويس
نورهان / مالك بتقولها كده من غير نفس
عمر/ لا أصلي يعني لسه جديد في الشغل وشغل الترجمة دا جديد عليه خصوصاً يعني شركتكو كل تعاملها مع الأدوية والصيادلة فتلاقي الشغل في ملل شوية
نورهان / معلش بكرة تتعود
عمر / انا اللي عايزك تستحملي وتوقفي جنبي علشان نقدر نكمل حياتنا مع بعض
خجلت نورهان / حياتنا!!!
عمر / آه حياتنا. ..نور انا دوغري زي ما بتقولوا لا بتاع تسالي ولا وإني أعلق بنت والكلام ده
دانة كانت مرحلة في حياتي
نورهان / نعم!!!
عمر /'كان في مشروع ارتباط لكن دانة معندهاش صبر عايزة كل حاجة بسرعة وانا مبحبش مساعدة من حد حتي لو كان بابا لما قولتلها إني قدامي كتير ولازم توقف جنبي وتشجعني اتخلت عني
نورهان / امممم وايه كمان
عمر/ ولا حاجة
نورهان / لا شكلك مخبي كتير قول بس قول سرك في بير
عمر/ هههه انتي مجنونة يا بنت انتي سر ايه انا مفيش حاجة بخبيها الكلام دا تعرفة ماما وريم
نورهان تنظر في الموبايل / يا خبر الوقت اتأخر وانا عندي محاضرات الصبح سلام يا عمر
عمر ببتسامة / تصبحي علي خير
في الصباح
يستيقظ هشام ل يجد أمل مازالت نائمة فهو اعتاد علي استيقاظها مبكراً
أنت تقرأ
عودة أمل 💛
Romantiek(((((((المقدمة)))))) ((تراجيدي ... رومانسي.. إجتماعي )) فتاة تعيش واقع مأساوي بعد وفاة والديها لتكمل أمل حياتها يتيمه حتى شعرت بالحب لـ يأتي شقيق من احبها ليغير حياتها وتتزوج منه ثم يتوفى لتعود إلى من أحبها لتعود أمل...من جديد. عودة أمل (((٣ أج...
