عودة أمل 💛

الحلقة ١٢

عودة أمل2
(وعودة إلي الماضي)

الحلقة الثانية عشر:-

مديحة / ازيك يا علاء
علاء / الحمد لله. ..يا طنط
وبدأ علاء ينظر حوله
مديحة ببتسامة / بدور علي حاجة
علاء بارتباك / هو ماجد مش موجود وحشني عايز اشوفه
مديحة / خرج و زمانه جاي
علاء / هي سها مش موجودة؟
مديحة / قاعدة في اوضتها فوق
هناديها. ..
مديحة للخادمة / قولي ل سها تنزل علاء أبن عمتك تحت
علاء / هو خالي في الشركة
مديحة / آه هو بيتأخر في الشركة انت عارف هو لوحده وميقدرش يأتمن حد من الموظفين علي الشغل
علاء / ماجد بقي يبدأ يركز في حياته ويسيبه من السهر والخروجات بتاعته دي ويساعد خالي في الشغل
مديحة / ياريت غلبت معاه ابقي أتكلم معاه يا ابني يمكن   يسمع كلامك انا وخالك تعبنا كلام فيه وهو ولا هنا

تنزل سها / مساء الخير ازيك يا علاء
علاء /الحمد لله
وانتي اخبارك ايه
سها /'كويسة
مديحة /'بعد اذنك عندي مكالمة تليفون.
وخرجت مديحة قعدت في الجنينه

علاء بخجل / سها انتي مبتخرجيش ليه
سها /'هخرج ليه...قاعدة في البيت في روقان بعيد عن الناس
علاء / وليه يا سها خايفة من الناس انتي معملتيش حاجة غلط
سها / وتفتكر الناس هتقول كده ولا كل واحد هيقعد يتكلم ويفكر ويقول يا تري عريسها سابها ليه قبل الفرح بيومين
علاء /'يااااه يا سها لسه بتفكري في الموضوع ده
سها / وعمري ما هنساه
علاء /'لسه بتحبيه؟
سها بارتباك / مبقاش ينفع أحب حد ولا حد يحبني
علاء / بس انا بحبك يا سها
سها / علاء انت بتقول ايه
علاء / بحبك وعمري ما هتجوز غيرك
سها / علاء اسكت انت متعرفش حاجة
علاء /'لا انا عارف كل حاجة
تعبانه شوية وايه يعني عمر دا مهيأثر معايا في حاجة
سها / علاء انا قلبي تعبان يعني مينفعش أكون أم
علاء / مش يمكن أنا يكون عندي مشاكل و مينفعش أكون اب
سها / كلام بتبرد بيه اعصابك لكن وقت الجد هتفكر مليون مره قبل ما كنت تندفع وتتكلم
علاء / استني يا سها متطلعيش فوق انا لسه مكملتش كلامي
بحبك يا سها ومش هتجوز غيرك. ..قالها بصوت عالي

كانت سها وصلت غرفتها والاقت بنفسها على السرير باكيه
جات مديحة من الجنينه / في ايه يا علاء مالها سها
علاء / طنط انا بطلب ايد سها ياريت تقولي ل خالي يوافق
عاصم واقف عند باب الفيلا
مش واجب كنت كلمتني انا راجل ل راجل
جري علاء ل خاله / انا آسف يا خالو بس خوفت حضرتك ترفض
عاصم / انا ارفض في حاله واحدة لو إن سها ليها رأى تانى
مها / علاء كلمها وقالها
علاء / أرجوك يا خالو توافق انا بحب سها اوي وهحافظ عليها متقلقش
عاصم / وسها رأيها ايه
مديحة / سها بتحب علاء وعمرها مهترفض
عاصم /'انا بكلم علاء
علاء / هي أول ما قولتلها طلعت فوق علي طول
مديحة /'مكسوفه انا عارفة دا بيبقى علامة الرضا
نظر عاصم ل مديحة بحده
علاء / استأذن انا بقي
بس علشان خاطري يا خالو تتكلم مع سها
عاصم / حاضر يا ابني