عودة أمل 💛

الحلقة ١٥

عودة أمل2
(وعودة إلى الماضي)
    بوسي
----------

الحلقة الخامسة عشر:-

أمل ووعد / 😳😳
هشام ببتسامة / مالكو عاملين ليه كده
كنتو بتقولوا سر مش مفروض أعرفه
نهضت أمل / مفيش أسرار ولا حاجة
يلا يا هشام ندخل ننام
هشام ببتسامة / وانا مش عايز أنام انا هقعد مع اختي نحكي مع بعض للصبح
أمل / بس وعد عايزة تنام
هشام / مبتتكلميش ليه يا وعد حد مزعلك في البيت
وقرب منها / لو حد مزعلك قوليلي وانا هاخدلك حقك
احتضنته وعد بقوة
هشام وابعد يدها ونظر لها بقلق / فيه ايه قوليلي
وعد وهي بتبكي / مفيش مخنوقة شوية قولت اقعد عندكو يومين
هشام / بس كده ولا في حاجة تانيه
وعد هزت رأسها وهي بتبكي
هشام / طب بتعيطي ليه دلوقتي
وعد / علشان وحشني حضنك انا آسفة اني ضايقتك
هشام / احنا أخوات يا وعد مفيش الكلام دا بينا
انا بس كنت بنصحك وبعرفك لانك صغيرة والشباب اللي من النوعية دي انا أعرفهم
زاد بكاء وعد
هشام / ياااه كنتي بتحبيه اوي كده
بكرة تنسي ويجيلك اللي احسن منه
وعد / معلش يا هشام انا عايزة انام
أمل ل هشام/ يلا ندخل احنا ننام والصبح تكون راقت
هشام ل وعد / يعني مش عايزة تقولي حاجة
وعد وهزت رأسها بالنفي
هشام / تصبحي علي خير
وامسك يد أمل وخرج

----------------------
هشام / هو هشام فين
أمل وهي تنظر عند السفرة / حبيبي دا نام في الأرض
وأقبل هشام وحمله
أمل / هاتنيمه معانا ؟
هشام / علشان وعد تاخد راحتها في النوم
وعد أغمضت عيونها تحت البطانية وظلت تبكي

--------------------
في الصباح
مديحة / لا كله تمام الفستان اتظبط
وحجزنا في القاعة
احدي الصديقات / والشقة
مديحة / لأ هي هتسكن في الفيلا مع حماتها
الصديقة / هههه شكل العريس كده مستعجل
مديحة/ معلش هقفل دلوقتي وهكلمك بعدين لإن والدة العريس بتتصل
مديحة / الو ازيك يا هيام
هيام / الحمد لله
كان علاء قالي انكو جايين النهاردة تشوفوا الدور اللي فوق في الفيلا بعد ما اتفرش
مديحة / لو ميضايقكيش
هيام / لا أبداً وانا هضايق  من ايه المكان كله  تحت امركو
مديحة / تسلمي يا حبيبتي
هيام / هي سها فين انا زعلانه منها
مبتتصلش ولا بتسأل عليه
مديحة /'لا يا حبيبتي إزاي بس هي  مشغولة اليومين دول ما انتي عارفة
هيام / طيب سلام بقي علشان مشغولة شوية
مديحة / مع السلامة

--------------------
قفلت مديحة التليفون وهي بتقول /
مشغولة! !!..هو انا اللي كنت اتصلت بيكي
تنزل سها ببتسامة / صباح الخير يا ماما
مديحة / صباح الخير يا قلب ماما
صاحية بدري يعني
سها / علاء كلمني وجاي بعد نص ساعة علشان نكمل باقي الفرش
مديحة / كفاية يابنتي هو المكان هياخد ايه ولا ايه
سها / قولت كده ل علاء بس هو مصمم هعمل ايه
مديحة / ابقي اتصلي ب عمتك قال ايه زعلانه
سها / زعلانة من ايه
مديحة / شغل حموات بقي ...اعملي اللي عليكي واتصلي بيها
سها / حاضر يا ماما