عودة أمل2
(وعودة إلي الماضي)
بوسي
---------------------؛
الحلقة الثالثة والعشرون:-
في فيلا مراد
أمل قاعدة في الجنينه
نورهان راجعة من الجامعة
قربت نورهان من أمل / قاعدة لوحدك ليه يا أمل امال فين هشام
أمل / فوق في أوضة باباكي
نورهان / باباكي! آه وبعدين
نظرت ليها امل ثم استدارت الجهة الاخري
نورهان / دا زعل بقي
أمل / انا مبزعلش من حد
نورهان / لا يا ام كرش انتي مقموصه
ابتسمت أمل
نورهان / انا عارفة إن قلبك طيب بس عايزة أفهم انتي زعلانه مني ليه
أمل / انا اللي زعلانه منكو ولا انتو اللي معاملتكم ليه اتغيرت
نورهان / لا أبداً يا أمل محصلش
ايه اللي بيخليكي تقولي كده
أمل / دي حاجة بتتحس يا نور
نورهان / يمكن نكون بطلنا نتكلم ونرغي مع بعض زي زمان بس صدقيني لا انا زعلانه منك ولا حابه انك تكونى زعلانه
أمل / انا بالنسبة ليكو ايه يا نور
نورهان / أمل احنا متربين مع بعض ونعرف بعض كويس بلاش الأسئلة دي
أمل / آه متربين مع بعض يعني مش أخوات
انا بقي البنت اللي دخلت حياتكو لخبطها مش كده
نورهان / انتي مجتيش لخبطتي حياتنا ولا حاجة احنا اتولدنا لاقيناكي هنا معانا عشنا صحاب واخوات
واذا كان في الفترة الأخيرة كل واحد اخد جنب
فأنتي بعدتي يا أمل عننا
أمل / انا مبعدتش بمزاجي
نورهان / شوفي يا أمل واضح إنك مخبيه حاجات كتير عننا وعمرنا ما هنرجع زي الأول طول ما انا في دماغي أسئلة كتيرة نفسي تجاوبيني عليها بس انا متأكدة إنك مش هتجاوبي
أمل بحده / انا عارفة كل اللي بيدور في دماغك وإنك عمرك ما هتنسي أني اتجوزت شادي
وفي دماغك سؤال محيرك ليه أنا اتجوزت شادي
كلام مامتك خلاكو تشكو فيه
نورهان / لا يا أمل الأمور موصلتش لدرجة الشك انتي فاهمه غلط
أمل / واضح اني فهمت الدنيا غلط فهمت كل الناس غلط
كلكو صح وانا اللي غلط
نورهان بغضب /'عارفه يا أمل انا أوقات كتير بحس إنك عايزة تعيشي دور الضحية دور عاجبك وعايزة تحسسي كل اللي حواليكي بالذنب
أمل / انا يا نور
نورهان / أمل مهما كنتي عايشة حياة صعبه وقاسية فأنتي طول عمرك عايشة وعارفة إن في قلوب بتحبك
هشام وبابا بيهتموا بيكي اكتر مني انا ووعد
علي العموم بردو مش زعلانه
بس لازم انتي كمان تعرفي انك اخدتي حاجات بتمني إنها تكون عندي
أمل / حسداني على أني لاقيت حد يحبني
أمل نهضت لتسير الي الداخل
ملت من كلام نورهان معاها
يقابلها هشام متسائلاً
فيه ايه يا أمل؟
لم ترد علي سؤاله واكملت طريقها الي الداخل
هشام أقترب من نورهان الذي وجدها غاضبة
هشام /'في ايه انتي كمان مالك؟
نورهان / ومسألتش أمل ليه
هشام / أسألها على ايه مش فاهم؟
في الوقت دا تدخل وعد ومعاها ريم
اقتربوا من هشام و نورهان
ريم /'آي... سيبي أيدي بقي
هشام /'في ايه يا وعد ماسكه ريم كده ليه ؟
ريم /'هشام خليها تسيبي
وعد / الهانم كانت واقفة مع اللي ميتسماش ماجد
هشام ونور في نفس واحد/ ماجد
ريم / آه ماجد انتوا مالكو بقي هو انتوا تعرفوه
نورهان / ماجد ابن اونكل عاصم
ريم /'ايه؟ !...يعني هو مين اااا؟!
وعد / دا كان صاحب وابنه ماجد هو
ريم / انا مش فاهمه حاجة
أجابة نورهان / هو اللي قتل شادى
ريم بدهشة / انتو بتقولوا ايه
أنت تقرأ
عودة أمل 💛
Romans(((((((المقدمة)))))) ((تراجيدي ... رومانسي.. إجتماعي )) فتاة تعيش واقع مأساوي بعد وفاة والديها لتكمل أمل حياتها يتيمه حتى شعرت بالحب لـ يأتي شقيق من احبها ليغير حياتها وتتزوج منه ثم يتوفى لتعود إلى من أحبها لتعود أمل...من جديد. عودة أمل (((٣ أج...
