عودة أمل 💛

الحلقة ٢٤

عودة أمل2
(وعودة إلي الماصي)
    بوسي مصطفي
-----------------------
الحلقة الرابعة والعشرون

حسن / سكوتك دا رضا ولا رفض فهميني
وعد / قفل علي الموضوع دا مش وقته بابا نازل

أقبل حسن نحو مراد علي آخر سلمه
ألف سلامة عليك يا عمي انا لسه عارف دلوقتي من وعد
مراد / متشكر
اتفضل اقعد يا ابني
حسن وهو بيقعد / قابلت ريم في الجامعة وهي اللي قالتلي إن طنط تعبانه ألف سلامة عليها
إن شاء الله. ..تقوم بالسلامة ونطمن عليها
مراد / يارب
شربت حاجة؟
حسن / ملوش لزوم يا عمي انا بس كنت جاي أطمن عليكو
مراد / معلش مضطر اسيبك عندي شغل
البيت بيتك
نظرت وعد لوالدها / بابا انت رايح الشركة؟ !
مراد / في مشكلة بس في الشركة هروح احلها واجي علي طول
وعد / خلي هشام يروح وحضرتك تفضل هنا علشان ماما
مراد / ماما نايمة انا مش هتاخر ساعة وجاي وهشام موجود لو في حاجة ابقي اتصلي بيه
حسن / حضرتك هتعرف تسوق ولا أوصلك يا عمي
مراد / لا كتر خيرك يا ابني السواق موجود
اتفضل اقعد انت
هشام هينزل يقعد معاك
قدمي حاجة لخطيبك يا وعد
جت سعاد من المطبخ حامله صنيه بها كوب عصير وقطعة كيك
مراد / بعد اذنكو
حسن / اقعدي يا وعد واقفة ليه
وعد قعدت بحزن
قرب حسن منها بيحاول يواسيها
وعد / لو سمحت اقعد مكانك
رجع حسن مكانه وظل ينظر ل وعد اللي كانت دموعها بتتساقط
شعر بغصه في قلبه لم تعطيه الفرصة ليواسيها
بيقول لنفسه قد ايه كنت إنسان وحش معاها
لو كنت فعلاً حبتها من الاول وعاملتها كويس كنت هكون اول إنسان تترمي في حضنه وتعيط

-----------------------
هشام يستيقظ من نومه لم يجد أمل بجانبه
خرج من الغرفة

في غرفة مها
أمل/ لا يا طنط استني بس متعمليش ايدك كده انا هساعدك
أمل كانت بتحاول تلبس مها
ثم بدأت بتمشيط شعرها
مها كانت معترضة ودموعها بتتساقط بتقول لنفسها بقي دي تبقي نهايتي
أحضرت أمل الكرسي بجوار السرير ثم بدأت بإنزال قدم مها لتضعها علي الكرسي
يدخل هشام بدهشة
ثم يركض نحوها يمنعها
هشام / بتعملي ايه يا أمل ؟!
أمل / بقعد طنط علي الكرسي علشان تفطر في البلكونة
هشام / مينفعش يا أمل علشان الحمل وسعي انتي وانا هساعد ماما
أمل / هطلع الفطار في البلكونة
وضعت أمل الأكل علي طاولة صغيرة في البلكونة
اجلس هشام والدته علي الكرسي ثم اتجه للبلكونه
بدأ بتعديل وضع الأطباق وهو بيقول
هاتي يا أمل الدوا هتلاقيه جنب السرير
أمل / حاضر
مريم تدخل بدهشة تنظر للسرير / مها فين؟ !
أمل / في البلكونة هشام قعدها في البلكونة علشان نفسها تتفتح للأكل
تجري مريم بلهفه ل مها
وجدت هشام قاعد علي الأرض قصاد مها وبيبكي
دموع مها كمان بتتساقط
مريم ل مها /'يا حبيبتي متعمليش في نفسك كده هتبقي كويسه
مش كده يا هشام؟
هشام بتردد وهو بيمسح دموعه/ آه طبعاً هتخف وهتبقي كويسه بس لازم تاخد الدوا وتاكل كويس
هاتي يا أمل الدوا
لم تجب أمل. ..نهض هشام لإحضار الدوا
نظرت  مها لمريم نظرة عتاب
مريم / انا مسبتكيش يا حبيبتي انا قاعدة جنبك طول الليل بس خرجت من شوية كنت في الحمام
هشام / ايه يا أمل بتعملي ايه دا كله؟!
أمل وهي ماسكه ضهرها / ابدا يا هشام بس تعبانه شوية
الدوا أهو
هشام بقلق / تعبانه من ايه
أمل /'حاجة بسيطة متقلقش هروح استريح
؛------------------
هشام وقرب من مامته / يلا بقي يا ست الكل تاخدي الدوا
علشان تفطري
مها بايدها التانية تزق كوباية المياه
هشام / علشان خاطري يا ماما خدي الدوا علشان تخفي
مريم / سيبهالي يا هشام وانا هاكلها وهديها الدوا
هشام / لا يا خالتو بس علشان المواعيد
مريم / هو انت فاكرني مش هعرف اقرأ مواعيد الدوا والجرعة ولا ايه الموضوع مش محتاج صيدلي يعني
هشام / لا يا خالتو انا مقصدش بس انا عايز اقعد جنب ماما واطمن إنها اخدت الدوا
يلا بقي يا ماما
اخدت مها الدوا
مريم / خلاص انت مهمتك انتهت انا هاكلها
روح انت استريح شكلك منمتش
هشام بحزن / المهم ماما تقوم بالسلامة
مريم / بإذن الله
هشام / طيب انا هروح اريح شوية لو في حاجة رني بس عليه
مريم / حاضر يا ابني
هشام / ولو ماما زهقت من القاعدة اتصلي بيه علشان ارجعها السرير
هشام قبل جبين والدته
انا هنا في الأوضة اللي جانبك مش خارج في ايه حتة قاعدلك هنا
نظرت له مها ببتسامة ومسدت علي كتفه بذراعها الأيسر
مريم / بالحق دا حسن قاعد تحت مع وعد
وعد تدخل / لأ هو مشي
هشام / صباح الخير
وعد / صباح الخير وقربت من والدتها قبلت يدها
عامله ايه يا ست الكل
هشام ببتسامة / زي الفل اخدنا الدوا وهناكل وهنخف
إن شاء الله
وعد / يارب
هشام / بعد اذنكو