عودة أمل 💛

الحلقة ٣٣

عودة أمل2
(وعودة إلى الماضي)
بوسي مصطفي
.............................
الحلقة الثالثة والثلاثون
.............................
مراد /'اوعى تكون ضربتها
سكت هشام
مراد / يبقي مديت ايدك عليها وانت عارف يا هشام وقولتلك قبل كده اياك  تزعلها يقوم تمد ايدك عليها
هشام / حضرتك متعرفش هي قالت ايه
مراد بغضب / مهما كان اللي قالته مش مبرر انك تضربها
انت عارف ظروف أمل كويس
هشام / ايوه يا بابا لكن زودتها اوي المرادي وكمان قدام خالها
مراد / وسبتها ليه هناك تعالي معايا يلا نروح نجيبها
هشام / مش هينفع دلوقتي يا بابا أمل دماغها ناشفه ولو رحت دلوقتي مش هتيجي معانا
مراد / ما انت دماغك انشف منها
هشام / بابا هطلع اوضتي استريح لاني تعبان
سعاد نازله من فوق
البنات بيقولوا ملهمش نفس
مراد / طيب استني شوية .....تعالى معايا جوه يا هشام
مراد دخل المكتب قعد علي الكرسي
اقفل الباب يا هشام وتعالى
هشام بعد ما قفل الباب
نعم يا بابا بس لو حضرتك هتكلمني وتقولي نروح نجيبها والكلام دا فأنا مش موافق لانها غلطت فيه وغلط كبير كمان
مراد / ومن امتى يا ابني بدق علي كلام أمل انت عارف ان قلبها طيب وبتحبك
هشام / بابا انا طول الليل منمتش عمال أفكر ووصلت لحل
مراد / وايه هو
هشام '/ اني انا اللي غلطت لما اتجوزت أمل
مراد / نعم!
هشام / أمل لو كانت اتجوزت واحد غيري كان ممكن تكون نفسياً أفضل من كده أمل عمرها مهتنسي ان شادي يبقي اخويا مع أنها سامحته بس عمرها مهتنسي وانا حطيت نفسي في موقف صعب ازاي أكون محايد ازاي اجيبلها حقها وانا مش قادر أنطق
مراد / تقصد ايه بالكلام دا يا هشام
هشام /'أقصد اني اريح أمل وارتاح انا كمان
وانفذ اللي هي عايزاه
مراد / بلاش كلام فارغ واعقل بقي
هشام / هي اللي عايزة كده ودي بقي لحظة العقل ياريتني فكرت في كده قبل ما اتجوزها انا الوحيد اللي مينفعش اجبلها حقها لاني وقتها هكون شوهت صورة اخويا
مراد /'يعني هى عايزة ايه يا ابني
هشام / من الاخر كده عايزاني اقول لاخواتي اللي حصل علشان مفيش واحدة تبصلها كده ولا كده
قعد مراد باستسلام
هشام / ايه رأي حضرتك بقي اطلع دلوقتي أكلم أخواتي وارضي أمل وارجعها ؟
هي متعرفش إن حبي ليها أكبر دليل علي إنها إنسانة كويسة متعرفش اني لو مصدق الكلام اللي اتقال في حقها مكنتش ارتبط بيها هو انا  مش كفاية ولا لازم الدنيا كلها تعرف
مراد / طيب تعالي معايا راضيها بكلمتين وهي قلبها طيب هترجع معاك انا عارف
هشام /'ماشي هترجع معايا وبعد كام يوم هتفتح نفس الموضوع تاني.... لا يا بابا الحياة بالطريقة دي متنفعش ما هو لا اما تنسي ونعيش مع بعض وخلاص لا اما بقي اريحها واريح نفسي من العلاقة اللي بالشكل ده
ماما عرفت الحقيقة ووقتها تعبت ومبقتش تتحرك عايزة ايه أمل اكتر من كده انابقول كل واحد يروح لحاله
مراد / الكلام دا مش عايز اسمعه منك تاني مقولتش ليه من الأول إنك مش هتقدر تستحملها قبل ما تخلف منها جاي تقول الكلام دا دلوقتي
هشام / بابا انا طالع استريح تعبان بجد
وخرج هشام. ..قابلته نورهان علي السلم
نورهان مسكت ايد هشام / مالك يا هشام في حاجة
هشام / تعبان شوية وطالع استريح في اوضتي
تركها هشام ودخل اوضته
نزلت نورهان وبعدها وعد
مراد خارج من المكتب / ايه يا بنات مش هتتغدوا
قعدت نورهان بحزن ونظرت لغرفة والدتها
قرب منها مراد واحتضنها
بكت نورهان في حضن والدها وهي بتقول / ماما وحشتني اوي يا بابا
وعد جريت ناحية الغرفة فتحتها
مريم كانت نايمه
مريم /'في حاجة يا وعد
وعد بحزن خرجت بعد ما اتاسفت لخالتها وقعدت جنب نورهان
مراد / يلا علشان نتغدي مع بعض انا مأكلتش حاجة من امبارح وجعان وعايزكو تفتحو نفسى علي الأكل
وعد / ملناش نفس
مراد قرب قعد وسطهم واحتضنهم
مراد / طب ما انا امي كمان وحشتني
نورهان ووعد نظروا لبعض
مراد / متستغربوش مهما الواحد كبر هيفضل يحن لأمه زي الطفل الصغير
انا منمتش طول الليل كنت عايز انام في حضن امي وتضمني ليها وبكره انا كمان اموت وتشتاقوا ليه
نورهان ووعد في نفس واحد / بعد الشر
مراد / الموت مش شر. ..الفراق هو اللي صعب علي اللي لسه عايش الحياة مبتوقفش بموت حد بنحبه امبارح ماما ماتت وبكرة انا هموت
نورهان ببكاء/ كفاية يا بابا علشان خاطري احنا مبقناش مستحملين فراق حد بنحبه قلبنا وجعنا
وعد / وانا شادي وحشني اوي ولو مت هكون مبسوطة علشان هشوفه بس خايفة يكون زعلان مني
مراد وهو بيمسح دموعه / عايزكو تركزوا في مستقلبكو وتفكروا في بكرة انتوا لسه شباب وياما الدنيا هتديكو دروس بس تتعلموا منها إن الخبطه اللي مبتموتش بتقوي
مبقولش تنسوا لكن تحاولوا تتكيفوا علي الوضع ده
ماما كانت تعبانه وهي دلوقتي استريحت متستكتروش عليها الراحة اللي هي فيها علشان عايزينها معاكو
وعد / بس احنا اللي تعبنا من فراقهم
مراد / ادعولهم في صلاتكو إن ربنا يرحمهم ويجمعنا بيهم في الجنه
وقومي بقي يا نور استعجلي سعاد وساعديها في تجهيز السفرة لاني واقع من الجوع
نورهان / حاضر
مراد / وتعالي معايا يا وعد عايزك تكوي ليه البدله علشان خارج بعد شوية
نورهان /'-هي أمل فين مش سامعه حس ل هشام غريبة يعني
مراد / هي وهشام متخانقين وانا رايح اصالحها بس اتغدي الأول
وعد / خناق ايه دلوقتي هو دا وقته
مراد / عيال بقي هنعملهم ايه. .. يلا نور علي المطبخ وانتي كمان يا وعد تعالي معايا يلا
............. .....................
في شقة كمال
نجلاء في الغرفة مع كمال
نجلاء /  سيبتو يعمل فيها كده ليه  يا كمال
كمال / يعني تفتكري ممنعتوش
نجلاء/ يعني ايه هما علشان ربوها هيذلوها ويبهدلوها كده مش شايف البنت وشها وارم ازاي
كمال / انا مبقتش فاهم حاجة
نجلاء/ يعني مفهمتش ايه سبب الخناقة اللي حصلت بينهم
كمال / انا عمال أجمع الكلام في دماغي وبردو مفهمتش حاجة
بس اللي فهمته إنها اتجوزت أخوه غصب عنها
نجلاء / ازاي غصب عنها
كمال / ما انا بقولك مش فاهم حاجة
نجلاء / طب قوم أدخلها هديها بكلمتين وخرجها من الاوضة اللي حابسه فيها نفسها دي
وخرجها علشان نتغدا مع بعض
كمال / حاضر
.........................
كمال يطرق الباب
كمال /'ادخل يا أمل؟
أمل وهي بتمسح دموعها /"اتفضل يا خالى
يدخل كمال ويقعد جنبها ويحضن هشام
كمال / ايه مش ناوية تخرجي بقي من وقت ما دخلتي هنا وانتي مبطلتيش عياط
بمزح/طب حتي اطلعي كلي دي نجلاء عامله أكل ريحته ماليه الشقة بنت الايه جوعتني
أمل / مليش نفس
تدخل نجلاء / ملكيش نفس يعني ايه الواد اللي بيرضع دا ذنبه ايه انتي هفتانه ويدوب والده من شهر محتاجة تتغذي والزعل ممنوش فايدة
هشام / انا جعان يا ماما
كمال / شوفتي بقي أهو ابنك عايز ياكل أهو قومي بقي علي الأقل اكليه
نجلاء / يلا يا هشام تعالي معايا ساعدني ماما مش عايزة تقوم تجهز معايا السفرة
قامت أمل بخجل / انا جايه بلاش هشام يعمل معاكي حاجة هيوقع الأكل
نجلاء وهي مبتسمه ل كمال / طب يلا مستنيه ايه
دخلت أمل مع نجلاء المطبخ
أمل / تسلم ايدك الأكل فعلاً يفتح النفس
نجلاء / ايوه كده فكي بقي الدنيا متستاهلش
طلعي الطبق دا علي السفرة
قعدوا كلهم علي السفرة
كمال / انا عايز الأكل دا كله يتاكل ميرجعش منه حاجة
نجلاء وقربت طبق فاضي ل أمل
اكلي هشام بقي ولا اكله انا علشان تعرفي تاكلي
أمل / لا انا هاكله
هشام / لا انا عايز تيته تاكلني
نظرت ليه أمل بدموع
ماما مينفعش تاكلك يعني
هشام / لا انا عايز تيته
نجلاء /'طب تعالي جنبي هنا يا هشام اكلك ما انا تيته بردو
قام هشام جري وقعد جنب نجلاء
نجلاء ببتسامة /تاكل كل الأكل دا ماشي
هز الصغير رأسه ببتسامة
ابتسم كمال ونظر ل أمل / مبتاكليش ليه يا أمل
أمل / هاكل أهو
بعد فترة من الصمت
نظرت نجلاء ل أمل اللي كانت الدموع في عنيها
ونظرت ل كمال اللي اخد باله من أمل / ايه يا بنتي بتعيطي ليه دلوقتي
ارتفع صوت أمل وهي بتعيط
ترك كمال المعلقة وقرب منها / ليه بس كده يا بنتي ما احنا كنا كويسين دلوقتي
نجلاء / شوفتي بقى أهو ابنك بطل أكل بسبب اللي انتي عملاه في نفسك ده
جرس الباب يرن
كمال / خليكو قاعدين هقوم اشوف مين
كمال قرب فتح الباب
كمال / أستاذ مراد
جريت أمل دخلت الغرفة وقفلت الباب
دخل مراد جوه
كمال / اتفضل الغدا
مراد / متشكر انا آسف اني جيت من غير ميعاد
كمال / ودا كلام بردو حضرتك تيجي في أي وقت اتفضل بقي علي السفرة
مراد /'لا متشكر ...ونظر ل هشام ببتسامة
جري هشام احتضن جده
كمال / اعمللنا قهوة يا نجلاء
نجلاء وهي بتنضف السفرة / حاضر
كمال ل مراد / اتفضل حضرتك هتفضل واقف كده
قعد مراد وهو واخد هشام في حضنه
هشام / انا زعلان يا جدو
مراد / من ايه يا حبيبي
هشام / علشان بابا ضرب ماما هنا وهي متعورة وبتعيط
اضربوا بقي يا جدو
مراد /'حاضر انا هضربه بس تروح معايا
هشام /'ماشي انا هدخل اقول ل ماما علشان تلبسني واجي معاك
جري الصغير ناحية الغرفة
مراد / ممكن اتكلم مع أمل شوية
كمال / آه طبعاً بس تشرب القهوة الأول
...........................
في الفيلا
وعد بتتكلم في التليفون
وعد / لا انا كويسة
حسن / ممكن اجي دلوقتي؟
وعد / لأ أصلي بابا مش موجود وهشام نايم
حسن / وفيها ايه يا وعد انتي مش واثقة فيه
وعد / مش حكاية ثقة بس مين هيستقبلك صاحب البيت مش موجود
حسن / ليه بتحطي حواجز بينا يا وعد مفروض انا اكتر واحد يخاف عليكي بس انتي مش عايزة تحسي بكده
وعد / انت اللى مفروض تحس بيه وبالظروف اللي احنا فيها
حسن / خلاص انتي زعلتي ولا ايه انا آسف مقصدتش حاجة انا بس كنت عايز اقعد معاكي علشان تفكي كده وتحاولي تنسي
وعد / انسي!
أنا عمري مهنسي ماما أبداً
حسن / معلش يا حبيبتي هو الموضوع في الأول بيكون صعب لكن بعد كده بتتعودي مبتنسيش بس أهو الحياة بتمشي
ربنا يصبرك
وعد / اللهم آمين
حسن / بابا وماما راجعين  بكره هيبقوا يجو علشان يعزوكي ابقي عرفي باباكي
وعد / حاضر مع السلامة بقي دلوقتي
حسن / هتوحشيني من هنا ل غاية بكرة
ابتسمت وعد / طيب مع السلامة بقي دلوقتي علشان في ناس تحت جايين يعزو
حسن / مع السلامة يا حبيبتي
.....  ...............
مراد واقف مع كمال قدام باب الغرفة اللى فيها أمل
كمال / يا بنتي ميصحش كده الراجل جاي يراضيكي خليه يدخل بقي
أمل  بتعيط ورا الباب
مراد / افتحي يا أمل علشان خاطري انا عارف إنه غلط في حقك بس افتحي بقي عايز اتكلم معاكي كلمتين
فتحت أمل الباب واستدارت لتقف أمام باب البلكونة
مراد / مكنتيش عايزة تفتحي وكمان مش عايزة تشوفيني
وقرب منها ولف وشها ناحيتة
مراد باندهاش / ايه اللي في وشك ده
أمل وهي بتعيط / ابنك اللي عمل فيه كده
مراد / ماشي بس لما اروح حسابي معاه
هقطعله أيده لو ده يرضيكي
أمل بلهفه / لأ. .
وسكتت بخجل
مراد ببتسامة /'خايفة عليه يبقى بتحبيه وبعدين اضرب مين دا بقي أطول مني مش هطول اضربه اصلا
ابتسمت أمل
مراد / ايوه كده اضحكي وفرفشي  وغيري هدومك علشان ترجعي معايا
أمل / لا يا بابا انا مش راجعه البيت بعد اللي عمله
مراد / خلاص هتصل بيه يجي يراضيكي وتروحو مع بعض
أمل / لأ يا بابا انا مش راجعه حتي لو جه
فين كرامتي ازاي ارجع معاه بعد ما مد أيده عليه ازاي هونت عليه
وعيطت أمل. ...احتضنها مراد
مراد / اعذريه يا أمل هو في ظروف صعبه مكنش ليه لزوم تتكلموا مع بعض في الموضوع ده في الظروف دي
أمل / انا متكلمتش في حاجة انا كنت داخله اهديه واقوله كلمتين اوسيه بيهم زي ما حضرتك قولتلي هو اللي فتح الموضوع وقالي إن مامته عرفت كل حاجة اضايقت
مراد / وهي كمان اضايقت انا اللي قولتها علشان تبطل تظلمك ودا كان سبب تعبها ورقدتها في السرير
بعد الخناقة اللي حصلت بينكم في الاوضة ولما حاولتي ترمي نفسك من البلكونة اضطريت أقولها كل حاجة وهي تعبت اوي وقتها وزي ما انتي شايفة رقدت في السرير لحد يوم وفاتها
أمل / طب ليه عملت معايا كده ليه صرخت في وشي بالليل وانا بشربها
مراد / معلش يا بنتي اعذريها وسامحيها المرض وحش يا أمل وبيذل البني آدم
انا دايماً ادعي اني اموت وانا كده بصحتي علشان متعبش حد حواليه
أمل / بعد الشر عليك يا بابا
أمل / يعني مش زعلانه منها ومسمحاها
هزت أمل راسها
مراد / طيب هخرج انا واقعد بره لما تغيري هدومك علشان تروحي معايا
أمل / لا يا بابا انا مش هروح بعد اللي عمله هشام
بعد ما قدر وهونت عليه يضربني ارجعله مستحيل
مراد / يعني لو جه هو يصالحك هتروحي معاه
سكتت أمل
مراد / طب خلاص هروح انا وابعته ليكي يصالحك ماشي
ابتسمت أمل
مراد / خلاص يبقى اتفاقنا
.................................
..........
في فيلا مراد
مريم / وايه اللي جايبك دلوقتى يا مختار
مختار/ جاي اعزي واشوفك يا مريم انتي ناسيه إن بقالك سنه مسافره بالولاد
مريم بسخرية /لأ فيك الخير
لسه فاكر انك ليك زوجك وولاد جاي تشوفهم. ..آه ما انا نسيت إن بنتك كان عندك كفاية وجودها في حياتك لكن انساني انا وابني ملكش حاجة عندنا
مختار بغضب / انتي ناسيه انك مراتي ولا ايه
عمر/ لو سمحت يا بابا ماما اعصابها تعبانه دلوقتي يا ريت تسيبها تستريح شوية
مختار بغضب/ متدخلش بيني وبين مامتك مش اتجوزت اطلع ل مراتك
مريم / ايوه اتجوز
اتجوز بنت اختي حسب ونسب وأخلاق مس زي الواد اللي جوزتو لبنتك
مختار / ماله ماجد ما هو شاب زي الفل حسب ونسب بردو ولا نسيتي إن عاصم كان شريك مراد في الشركة
مريم / اديك قولتها كان دا قبل ما ابنه يعمل عملته اللي حرقت قلبنا نسيت انه قتل ابن اختي ازاي جاتلك الجرأة وعملت كده
طب جاي دلوقتي ليه مش جوزتها وخلاص
مختار / جاي اعزي يا مريم ومش جاي افتح مواضيع احنا لينا بيت نتكلم فيه
مريم /متشكرين. ...سعيكم مشكور
اتفضل دلوقتي قبل ما هشام يصحي ولا مراد يرجع من بره لأنهم بصراحه مش طايقينك
خرج عمر بره الغرفة
نورهان بغضب ل عمر /'بابا لو جه وشاف باباك أو هشام نزل دلوقتي مش هيحصل خير انا ماسكه نفسي علشان خاطرك
قرب عمر من نورهان /'علشان خاطري يا حبيبتي استحملي بس خمس دقايق وبابا هيخرج بلاش نعمل مشكلة الوضع مش ناقص توتر اكتر من كده
نهضت نورهان ووقفت / لو باباك مخرجش دلوقتي مش هيحصل طيب
وجريت نورهان ناحية بابا الغرفة فتحته
مختار بغضب /'ايه قلة الأدب دي يا بنت انتي محدش علمك لما تدخلي علي حد تخبطي الأول
ولا كنتي بتدخلي علي باباكي ومامتك وهما مع بعض كده
نورهان / طب انا قليلة الأدب وحضرتك تبقى إيه بقي
تقتل القتيل وتمشي في جنازته
عمر / اهدي يا نور علشان خاطري
نورهان بغضب / الرجل دا بجح اوي جاي بتنا تعمل ايه
قرب مختار ورفع أيده يصفع نورهان علي وجهها
جه هشام ومسك أيده مع عمر
هشام بغضب وهو بينزل ايد مختار بقوة / معاش ولا كان اللي يمد أيده علي اختي
مختار / عال اوي كبرت يا هشام وبقيت تبجح
هشام / انا مش عارف مين اللي بجح بصراحة
دخل مراد / في ايه صوتكو عالي ليه كده؟!
نظر مراد بدهشة ل مختار
مختار!..ايه اللي جابك هنا
مختار بسخرية / واضح انك عرفت تربي يا مراد
واحده بتعلي صوتها علي حماها والتاني ناقص يضربني
مراد / انت ايه يا أخي معنديش دم جاي عايز ايه بعد ما جوزت بنتك للقتل ابني
مختار / قتل ابنك ليه مش ولادك اللي اتجهموا عليه علشان المحروسة بنتك كانت معاه في الشقة
مراد / انت انسان قليل الأدب وطردك من بيتي مش كفاية
مريم /'علشان خاطري يا مراد متزعلش وانت يا مختار أخرج بقي كفاية اللي قولته لحد كده
مختار / ماشي انا هخرج وتحصليني انتي وابنك
ونظر ل نورهان /لو عايز تتجوز البنت دي انسي إن ليك أب
مراد / وانا هكون سعيد ميشرفنيش انك تكون أبوه أصلا
مختار / ماشي يا مختار حسابنا بعدين انا بس عذرك علشان الظروف اللي انت فيها
خرج مختار بغضب
وعد قاعدة  علي السلم بتعيط قربت منها نورهان وطبطبت عليها مراد ل عمر / تعالى ورايا علي المكتب عايزك شوية وتجيلي يا هشام
..............
في مكتب مراد
مراد ل عمر ونورهان / اقعدوا واقفين ليه
نورهان نظرت لوالدها وهي بتعيط / شوفت يا بابا  عمو قال ايه
مراد / متزعليش نفسك يا بنتي
عمر وهو بيطبطب عليها / انا آسف يا نور حقك عليه
مراد / شوف يا ابني باباك راجع وناوي علي حاجة في دماغة
عمر /'حاجة ايه دي يا عمي
مراد /'باباك جاي وناوي يفركش الجوازة
نورهان بغضب / يبقي احسن
نظر ليها عمر بغضب
مراد /'اهدي يا نور. .انا بقول نتمم الجوازه وتدخلوا الاسبوع الجاي
نورهان / ايه. ..بسرعة كده
مراد / الشقة جاهزة والفرش كمان يبقي هتستنوا ايه
عمر / ايوه يا عمي بس ليه الاستعجال ده
مراد /'يا ابني أنا عارف انكو بتحبو بعض وباباك مش هيستريح غير لاما يبعدكو عن بعض
تخلصوا وتتجوزوا ولا بلاش ونفضها سيرة بقي لاني بصراحة تعبت
نورهان /'وماما يا بابا ازاي نتجوز وهي لسه
وانهارت نورهان بالبكاء
مراد / انتي هتلبسي فستانك وجوزك هيجي ياخدك وتروحوا شقتكو مفيش أي حاجة هتحصل اكتر من كده
عمر/ طب وليه كده يا عمي انا بصراحة عايز نور تفرح بس بالطريقة دي هنفرح ازاي
مراد / انا اللي عندي قولتهولكو وانتو أحرار بقي
عمر نظر لك نورهان / ايه رأيك يا نور
نور بحزن  / اللي تتفق عليه انت وبابا انا موافقة عليه
عمر / خلاص يبقى زي ما قال عمي الاسبوع الجاي
هروح أقف مع العمال لحد ما يخلصوا دهان وبعد كده هروح المعرض أجيب الفرش اللي حاجزوا هناك
نورهان / ماشي
مراد / ايه يا بنتي مش فرحانه ليه
نورهان / مبحبش الكروته دي