عودة أمل 💛

الحلقة ٣٦

عودة أمل
(وعودة إلي الماضي)
بوسي مصطفي
...........................
الحلقة السادسة والثلاثون
..............................

الحقوني يا ناس يا طنط مريم الحقينييييي
عمر / يخربيتك انتي بتعملي ايه
جري مختار ومريم ناحية غرفة عمر
قربت نادين من الباب
مختار بعصبيه / افتح يا عمر الباب
نادين / خليه يا مختار يفتح الباب قفله بالمفتاح
مريم / في ايه جوه
عمر/ ماما انا مش فاهم حاجة خليها تفتح الباب
نادين ترمي المفتاح ل عمر
عمر يفتح الباب. ..يجري مختار ناحية نادين
نادين بتعيط /الحقني يا مختار ابنك كان بيحاول. ...
دا جزائي اني جايبه الأكل ليه علشان ياكل ومهنش عليه ينام من غير عشا
مختار نظر ل عمر بعيون بطق شرار
.................................................
وقفت مريم بين عمر ومختار
مريم / انت هتصدق البنت دي انت عارف ابنك كويس وعارف اخلاقة
عمر / معملتش حاجة يا بابا دي هي
قاطعة مختار / آه متلاقي بنت مراد مش ماليه عينك علشان  كمان تبص ل مراتي
عمر / انا ملمستهاش يا بابا
هو انا لمست مراتي علشان ابص لدي
مختار / اعملهم عليه عايز تفهمني إن بنت مراد متربية اوي
مريم / ايوه متربية مش زي اللي انت متجوزها جايه تتبلي علي ابني
نادين بتعيط / انا يا طنط شوفت يا مختار مراتك بتقول عليه ايه
مريم / بلاش دموع التماسيح فاكراني زي جوزك هيدخل عليه
دموعك دي
مختار وقرب من عمر يضربه / هي حصلت كمان لمراتي اناغلطان سبتكو لامكو تربيكو
مريم / سيب الولد بقي مفروض تضرب المحروسة اللي انت جيبتهالنا وتسألها ايه اللي يخليها تدخل اوضة ابني
نادين / كنت جايبه ليه الأكل علشان ياكل
مريم / واللي تدخل علي شاب وتعرف انه نايم تفضل ليه في الأوضة ابني عينيه كلها نوم وباين اوي انك صاحتيه مش معقولة بقي صاحتيه من هنا وهو الشيطان لعب في دماغة علي طول
انتي مين علشان يبصلك خطيبته ضفرها برقبتك يا خطافة الرجاله
وفي واحده محترمه تلبس اللي انتي لابساه ده دا لبس تلبيسيه في اوضة نومك لكن انتي جايه وناوياها بقي
نزل عمر تحت جرى وهو بالبيجامه
شغل العربية وخرج من الفيلا
مختار / مختار بيدافع عن نادين اللي مريم مسكتها من شعرها نادين بتصرخ
انتي عملتي كل ده علشان ابنك ينفد بعملته بس انا مش هسيبه
مريم / بدل ما تلوم علي ابنك لوم علي نفسك علشان اخترت واحده زي دي
وخرجت مريم وسابتهم
...................................
في غرفة هشام
أمل / علي فكرة بقي يا هشام انت احرجتني اوي قدام بابا واخواتك
هشام /ليه يا حبيبتي
أمل / عمال تقولي يلا خلصي أكل وعمال تستعجلني وهما بقي فهموا كل حاجة
هشام / هههههه اللي يفهم يفهم حد له حاجة عندنا
أمل / لأ بردو تحاسب علي كلامك وبعدين انت مكنتش كده ايه اللي غيرك
هشام / بصراحة بقي لما بتوحشيني مبعرفش بقول ايه متنيمي شادي ولا اقولك هدخله لاخواتي وهما يتصرفوا.
أمل / نعم أنت عايز تفضحنا
هشام / ههههه الجميل بيتكسف ولا ايه
أمل / آه بتكسف ونام بقي علشان اعرف انيم شادي
هشام / لأ مستحيل انام ايه
انتي اكيد بتهزري
الباب يخبط
هشام يفتح / يا أهلاً أهي كملت
نورهان / هههههه مش ذنبي هشام هو اللي مش عايز ينام بيعيط وعايز مامته
هشام / وماله يا حبيبتي خليه يجي يقعد جنب أخوه مسهرتنا شكلها صباحي الليلة
نورهان / ههههه وبما انكو سهرانين ما تاخدوني وسطيكو أهو السرير واسع ومريح
وقربت نورهان تقعد علي السرير مسكها هشام من ايدها
هشام ل نورهان / نعم انتي كمان هي ناقصة طب انا هنيم دول انتي بقي هنيمك ازاى
نورهان / طيب يا عم خلاص خارجين
نورهان عند الباب وهي بتخرج تغيظ في هشام
ليلتكو زي الفل. .انا كده قلبي اسرتيح اني عكننت عليكو هههه
مسك هشام لعبه صغيرة من بتوع هشام وحدفها ناحية نورهان
جريت وهي بتضحك
أمل / معلش يا هشام هحاول انيمهم
هشام بتنهيدة / ولا يهمك يا حبيبتي تعالي يا هشام احكيلك حدوته
التليفون يرن
أمل / مين هيتصل في وقت زي ده
هشام مسك التليفون / دي خالتي
بلهفه /'الو. ..انا كويس
في ايه بس قوليلي. ..لأ مش سامع حاجة بردو
عمر!. ..ماله عمر
طيب حاضر هشوفه فين واقولك. ..مع السلامة
أمل / في ايه يا هشام ماله عمر.
هشام وهو بيفتح الدولاب / تقريباً حصلت مشكلة بين عمر ووالدة وخرج من البيت ميعرفوش راح فين
أمل / طيب انت رايح فين
هشام / هروحله الشقة يمكن يكون هناك
أمل / متتصل بيه واعرف هو فين
هشام  / قافل تليفونه الظاهر الموضوع كبير
أمل / طيب خلي بالك من نفسك وتليفونك يفضل مفتوح علشان اكلمك
هشام / حاضر خلي بالك من الولاد سلام
بالحق اوعى تقولي ل نور حاجة
أمل / حاضر
..........   .......................
في شقة عمر
هشام باندهاش/'بنت الايه معقولة يطلع منها كل ده
عمر / انا مصدوم اوي ومش عارف اعمل ايه  وكمان بابا مصدقها
هشام / ليه حق يصدقها ما هي سبكت الدور صح
بس بقولك افتح بقي تليفونك مامتك اتصلت كتير وانا كمان ومش فاهم قافله ليه يعني مش عايز تطمنها عليك
عمر / حاضر
وفتح التليفون اتصل بمامته
مريم وهي بتعيط / بقي كده يا عمر قافل التليفون وانا كنت قربت اتجنن من قلقي عليك
عمر / انا اللي هتجنن من اللي حصل
مريم / انا كمان اديتهملها وباباك دلوقتي عمال يهديها أصلها عامله فيها زعلانه
عمر / صدقيني يا ماما محصلش أي حاجة بيني وبينها ولا جيت ناحيتها خالص انا اتفاجات انها نايمه جنبي
مريم ^'عارفه يا حبيبي ومصدقاك مخالش عليه اللي عملته ابدا لاني عارفه اخلاقك كويس المهم انت فين دلوقتي يا حبيبي
عمر/ انا في الشقة بتاعتي ومعايا هشام
مريم / طيب يا ابني خليك عندك دلوقتي علشان باباك زعلان علي الهانم بتاعته ومش عايزة تحصل مشاكل بينك وبينه تاني وانا هبقي اجي عندك الصبح بواحده تنضفلك الشقة وهجبلك هدوم كام يوم بس لحد ما يسافروا
عمر/متقلقيش عليه يا ماما انا هعرف أتصرف لوحدي العمال خلصوا دهان النهاردة يومين ولا حاجة وهجيب حد ينضفها علشان افرشها وهشام معايا هنا دلوقتي
مريم / هات هشام عايزة اكلمه
عمر / هشام ماما عايزة اتكلمك
هشام مسك التليفون / انا معاكي يا خالتو متقلقيش علي عمر هيروح معايا
عمر يهز دماغه
مريم / انا كنت عايزة اقولك كده بردو عمر مش هيعرف يقعد في ال شقة بالشكل ده
هشام/ وانا مكنتش هسيبه بردو يقعد لوحده
مريم / طيب يا ابني خلي بالك منه وانا جايه عندكو الصبح
هشام / حاضر حضرتك نامي ومتقلقيش كله هيبقى تمام
تصبحي علي خير
قفل هشام التليفون
هشام / يلا بقي يا عمر علشان نروح
عمر / نروح فين
هشام /'متقلقش اوي كده هتيجي معايا البيت
عمر /'لا مينفعش أجي البيت عندكو باباك ونور هيقولوا ايه
هشام / ما انا مستحيل اسيبك تقعد وسط التراب ده وبعدين هتنام ازاي كده
عمر/'هستحمل للصبح عادي كويس اني كنت سبت فلوس في العربية من الصبح هبدا أنضف البيت
هشام /'طب  والشغل هتروح كده بالبيجامه اللي عليك
انا ممكن ارجع البيت اجيبلك هدوم عادي بس انا مش عايزك تقعد في الشقة وهي بالحالة دي يلا قوم
ومسك هشام عمر من أيده وقومه
عمر بينضف هدومه
هشام بيكح / ايه يا ابني التراب ده كنت هتقعد في الشقة دي ازاي كده
..........................
قدام الفيلا
هشام نزل من العربية وقرب ناحية عمر
هشام / أنزل بقي يا عمر
عمر / أنزل كده
هشام / هههه يا عم مفيش حد صاحي دلوقتي متقلقش
عمر /'لا بردو الاحتياط واجب
هشام / ماشي انا هطلع اجيبلك هدوم بس بقولك اوعى تمشي أزعل بجد
عمر/ لا أطمن انا واقف أهو مش هتحرك
هشام / دقيقتين ورجعلك
.................... ..
طلع هشام فوق بهدوء أمل والولاد نايمين
فتح الدولاب بهدوء اخد قميص وبنطلون وبيجامه ونزل جري علي السلم.
هشام ل عمر/ اتفضل بس مش عارف هتلبس ازاي في العربية
عمر / أقف هنا بس داري عليه لما البس لاعربية تعدي ولا حاجة  منظري هيبقي وحش
هشام / هههه ماشي هم يبكي وهم يضحك بجد
عمر بيلبس / ايوه بقي اقعد اتريق براحتك
هشام / يا ابني خلص لو عربية عدت دلوقتي منظري انا اللي هيبقى وحش
عمر فتح باب العربية / انا خلصت لبس
هشام /'طيب اقفل العربية ويلا بينا
.........................
في غرفة عمر في الفيلا
هشام / هدخل بقي المطبخ اجيبلك عشا خفيف كده
عمر / لا يا هشام مليش نفس
هشام / ملكش نفس ايه تلاقيك متعشتش اصلا
دخل هشام المطبخ اخد أكل من التلاجه وخرج
عمر / مكنش ليه لزوم اللي انت عملته ده انا اصلا مليش نفس للأكل
هشام / كل بقي وبطل الكسوف اللي انت فيه ده
انا نفسي اشرب شاي اعملك معايا ولا هتشرب قهوة بصراحة مبعرفش اظبطها اوي
عمر / لا ولا حاجة انا اصلا تعبان وهنام
هشام /'يا عم متتعبنيش بقي قول هتشرب قهوة ولا شاي
عمر /'خلاص يبقى شاي
هشام / وعندك اتنين شاي علي مياه بيضه وصلحه هههه مش بيقولوا كده
عمر / ههههه وانا ايش عرفني يا عم انت ادرا
هشام /'مش عارف تقريباً بيقولوها كده
أمل نازله من فوق تلمح باب الاوضة مفتوح والنور شغال تقرب من الاوضة
أمل /'في ايه يا هشام. .
تدور وشها الناحيه التانيه بحرج /'انا آسفة معرفش ان عمر هنا
هشام / لا يا حبيبتي مفيش حاجة تعالي
تقرب أمل وتدخل / ازيك يا عمر
عمر /'الحمد لله. ..انا آسف قلقت نومكو
أمل /'لا ابدا مفيش حاجة
هشام / أمل بقي اللي هتعملنا اتنين شاي من ايديها الحلوين دول
أمل ببتسامه /'حاضر من عينيه
وخرجت أمل للمطبخ
هشام /'كمل اكلك بقي خمسه ورجعلك
عمر يبتسم /'لا خد راحتك
..............
أمل واقفه في المطبخ بتعمل الشاي
هشام / الجميل سرحان في ايه
أمل / أخص عليك يا هشام خضتني
هشام /'ههههه انتي اللي قلبك خفيف بتتخضي من أي حاجة ايه اللي قدامك ده
أمل / دا كيك
هشام / طب دوقيني منه
أمل مسكت المعلقة وقربتها من هشام
هشام / امممم الشوكولاته اللي في الكيك جميله اوي
أمل بدهشة / شوكولاتة ايه! !..الكيك مفيهوش شوكلاته
هشام ببتسامه/ ما هو انتي الشوكولاته يا شوكلاته
أمل / هههه بس يا هشام بقي حد يدخل يقول ايه دلوقتي
نورهان / احم احم نحن هنا
هشام بارتباك /'مش تخبطي قبل ما تدخلي
نورهان /'نعم هو انا كنت دخلت عليكو اوضة نومكو دا مطبخ والباب مفتوح انتو اللي غلطانيين
هشام /'ايه اللي مصحيكي دلوقتي
نورهان / ابدا جعانه قولت أنزل أكل مكنتش مفكره الرومانسية بتاعتكو وصلت المطبخ كمان
هشام /"ما انتي جيتي هيكون فيها رومانسية ادخلي يا اختي علشان تاكلي معرفش أكل ايه الساعة تلاته الصبح
نورهان / وانا مش عارفة شوكولاتة ايه بردو في الوقت ده ومش قادر تصبر كمان في المطبخ
أمل / الشاي يا هشام. ..تصبحو علي خير
نورهان مسكت ايدها / ابقي امسحي الشوكولاته اللي علي بوقك
أمل بخجل ايدها علي بوقها
نورهان / هههههههههههههههه صدقت إن في شوكولاته علي بوقها ههههه هو انتي اكلتي شوكولاته اصلا
أمل / امال بتقولي كده ليه
نورهان / الحق يا هشام مراتك دي علي نياتها اوي هههه أقصد يعني اني شوفتكو
هشام / يا سلام علي غلاستك اتفضلي الشاي دخليه ل عمر جوه
نورهان / عمر!...جه أمتي وليه
هشام /'من شويه متخانق مع باباه
نورهان / هو باباه شكله كده مش هيجيبها لبر
أمل / انا طالعه انام تصبحو علي خير
هشام / تعالي معايا يا نور ندخل لعمر
....................
في غرفة عمر
نورهان تدخل
عمر بخجل / نور
هشام / قلقت من نومها زي اللي قلبها حاسس انك هنا
متقلقش بقي يا عمر ها وبكره تتصالح انت وباباك
نورهان ل هشام / انت بتغمزلو ليه في ايه يا عمر هو في حاجة تانية غير انك متخانق مع باباك
هشام / اطلع انام بقي اشربي انت الشاي مع عمر وتطلعي تنامي مفهوم متطوليش ماشي
نورهان / ماشي اطلع بقي
هشام / ابقي شيلي الأكل بعد عمر ما يخلص خليكي ست بيت كده كلها كام شهر وتبقى مسؤلة عن بيت وزوج
نورهان / انت عمال تديني في دروس عن الحياة الزوجية دلوقتي اطلع انت أمل منتظراك فوق يلا تصبح علي خير
هشام / تصبحو علي خير
رددوا وانت من أهله
نورهان /'في ايه يا عمر
عمر / بصراحه يا نور اتعرضت لموقف وحش اوي
نورهان بقلق / ليه ايه اللي حصل
هشام طالع فوق يقابله مراد
مراد / ايه يا ابني لسه صاحي منمتش
هشام / لا يا بابا أصلي كنت قاعد مع عمر تحت
مراد / هو عمر هنا
هشام / آه قاعد تحت هو ونور
مراد / ليه في حاجة
هشام / متخانق شوية مع والده
مراد / تاني. ..وبعدين في الراجل ده
هشام / عادي يا بابا ولا حاجة. ..انا عرفت إن هو  مسافر هو ومراته الجديدة قريب
مراد / يسافر ولا يقعد مش فارقة
..............
عمر/ مصدقاني يا نور
نورهان/'طبعاً مصدقاك وانت هتكدب عليه ليه وبعدين انا واثقة فيك ما انا أهو قاعدة جنبك ولوحدنا وعمرك معملت حاجة كده ولا كده
عمر/ علشان عايز أحافظ عليكي لآخر دقيقة قبل منتجوز ومش عايز اخون ثقة والدك وهشام فيه
نورهان بمزح /"مش اوي يعني طب حتي قول أي كلمة كده تريح قلبي
عمر/ هههههه ما هو انا لو أتكلمت مش مسؤل عن حاجة تانية
نورهان /'لا لا خليك كده احسن
عمر/ ههههههههه ضحكتيني وانا مليش نفس
نورهان /'طب واللي اسمها نادين دي عملت كده ليه
عمر/ ما هو انا عمال أفكر بردو موصلتش لحاجة
نورهان / يعني قبل متتجوز باباك مكنتش بتحبك يعني
عمر/ لا طبعاً محصلش
نورهان / ومالك اتخضيت ليه كده انا بقول انها يمكن تكون بتحبك من قبل متتجوز باباك وانت متعرفش
عمر/ لا اكيد لو كده كنت هعرف
نورهان /'الظاهر حبايبك كتير مره دانه ومره نادين مش عارفة هتظهر لينا مين بعد كده
عمر/ انتى قلبتي مره واحده ليه كده ما احنا كنا كويسين
نورهان / لا مفيش انا بس بفكر معاك
يقرب مراد من باب الغرفة
نورهان توقف بارتباك / بابا
مراد ينظر ليها
نورهان / انا طالعه انام تصبحو علي خير
عمر بارتباك /انا آسف يا عمي اني جيت كده من غير ميعاد
مراد / لا يا ابني انت تيجي في أي وقت دا بيتك
عمر /'يومين بس لما أجيب الفرش وافرش الشقة
مراد / ليه انت مش ناوي ترجع البيت
عمر/ لا يا عمي بابا من يوم متجوز وهو متغير معانا  ومشاكل علي طول فأنا قولت اقعد في الشقة وخلاص
مراد / بس اوعى بقي نورهان يكون  ليها دخل بالمشاكل دي
عمر/'لا يا عمي نور بره الموضوع
مراد /'طيب يا ابني تصبح علي خير
عمر/ وحضرتك من أهله
مراد طالع فوق يلمح نورهان في المطبخ
مراد / بتعملي ايه يا نور
نورهان / كنت بدخل الأكل التلاجه.
مراد / طيب تعالي عايزك فوق
قربت نورهان من مراد وطلعت اوضتها
نورهان / اتفضل يا بابا
مراد دخل / وعد نايمه
نورهان / آه من زمان
مراد/ هشام الصغير فين
نورهان / دخلتوا جوه ل أمل كان بيعيط وعايز مامته
مراد / ابقي بعد كده حاولي تسايسيه شوية لغاية مينام مينفعش ينام على السرير مع أمل وهشام
نورهان /'حاضر يا بابا
مراد / وكمان اللي شوفته تحت دا مش عايزة يتكرر مينفعش تقعدي مع عمر لوحدكو في الاوضة
نورهان / مفيهاش حاجة يا بابا احنا كنا بنتكلم عادي والباب مفتوح
مراد / انا قولت ميتكررش تاني سامعه
نورهان / حاضر يا بابا
مراد / تصبحي علي خير
نورهان / وحضرتك من أهل الخير
خرج مراد
وعد تقوم وتبتسم ل نورهان
نورهان / انتي منمتيش
وعد / انا مش هنام إلا لما أعرف عملتي ايه انت وعمر تحت وايه اللي جابه  دلوقتي
نورهان / هو ايه اللي عملت ايه كنا قاعدين عادي بنتكلم وعمر قالي علي المشاكل اللي بينه وبين والده ارتحتي دلوقتي لما قولتلك تصبحي علي خير بقا
............................
في فيلا مختار
نادين في التليفون / الخطه مشيت زي ماكنت عايزة واكتر
الطرف التاني / تمام يعني كل اللى قولتلك عليه اتنفذ بالحرف
نادين/ههههه عمر دا طلع مؤدب اوي
الطرف التاني / مغفل
نادين / اصلوا بيحب خطيبته اوي
الطرف التاني / بس لو عرفت الحكاية ممكن تقلب عليه
نادين / ميهمنيش تعرف ولا لأ المهم انه خرج من الفيلا ومختار غضبان عليه وقالي انه هيحرمه من الميراث
الطرف التاني/ المهم انتي
نادين /'متقلقش عليه هو قالي انه هيكتبلي جزء كبير من املاكه مع بنته ريم هههه اصلوا هيطلق طنط
الطرف التاني / يا بنت المحظوظة ضربتي عصفورين بحجر ههههه
نادين / هو احنا بنلعب انت عليك الدماغ واحنا علينا التنفيذ
الطرف التاني / يا سلام بقي لو جبتيله حتة عيل هتاخدي نصيب الأسد من املاكه
نادين / نشوف الموضوع ده أهم حاجة ميرجعش في كلامه ومراته تاكل عقله بكلمتين
الطرف التاني /'ميصحش اللي بتقوليه ده امال تأثيرك راح فين
نادين / هههههه أنا هخليه زي الخاتم في صباعي
الطرف التاني / ايوه كده عايزين الثقة دي دايماً خليكي وراه لحد ما يكتب التركه باسمك....... الكلام سهل المهم التنفيذ
نادين / طب اقفل دلوقتى علشان بينادي عليه
الطرف التاني / سلام يا نونا
نادين / سلام
وتقفل التليفون / حاضر جايه 
.............................................
في الصباح في فيلا مراد
هشام جاي ناحية السفرة / صباح الخير يا بابا
مراد / صباح الخير يا ابني .....مالك منمتيش كويس ولا ايه
هشام / نمت. ..انام ازاي بس شادي صاحي طول
يا داده اعميلي فنجان قهوة لو سمحتي
مراد / ونام دلوقتى ولا لسه صاحي
هشام / معرفش نام أمتي انا سبتهم ونمتلي ساعتين علشان اقدر أقوم الصبح
تنزل نورهان / صباح الخير
مراد / صاحيه بدري يعني. ..علي فكره يا هشام عمر لسه نايم
خليه النهاردة يستريح
عمر بيخرج من الغرفة
هشام / جيبنا سيرة القط
عمر / صباح الخير
رددوا / صباح الخير
نورهان ببتسامة / تعالي علشان تفطر
عمر / لا مش قادر انا رايح الشغل
مراد / يا ابني مينفعش مفيش شغل من غير فطار قرب بقي
تنزل أمل ب هشام
بصوت ناعس / صباح الخير
هشام بدهشة / ايه اللي مصحيكي دلوقتي
أمل / الأستاذ هشام مش عايز ينام قولت أنزل افطره
هشام ببتسامة وأمل بتقعد / دا بقي من حظي انا علشان اتصبح بالوش اللي زي القمر ده
نورهان / احم احم نحن هنا. ..القمر بيطلع بالليل مش الصبح ها عمر ومراد يبتسموا
مراد / متستعجليش بكرة تسمعي كلام حلو انتي كمان
نورهان وهي ناظره ل عمر / مش باين
عمر يخبطها في كتفها / مش باين. ..طيب هنبقي نشوف
أمل / أنا أمل ل هشام /'انا هطلع انام مش قادرة افتح عينيه
هشام / اطلعي يا حبيبتي نامي انا عارف انك منمتيش بالليل
أمل /"معلش يا نور اكلي هشام هطلع انام جنب شادي شوية قبل ما يصحي
نورهان / تعالى يا هشام اكلك
مريم داخله من باب الفيلا / صباح الخير
رددوا / صباح الخير
قام عمر احتضنته مريم / انت كويس يا حبيبي
عمر / الحمد لله
مراد / اتفضلي يا مريم الفطار
مختار / وانا مينفعش
مريم بتتلفت /'انت ايه اللي جايبك هنا انت ماشى ورايا
مختار / ايه مكنتيش عايزاني اجي هنا ل حبيب القلب
الجميع بينظروا لبعض
مختار / ايه هي خالتك يا هشام مقالتش ليكو أنها كانت بتحب جوز أختها ولا ايه
عمر/ بابا ميصحش كده
مختار/ امال ايه اللي يصح خلاص مراد طواك تحت جناحه
مراد / انا مش هرد علي قلة ادبك والكلام اللي قولته بس هقولك حاجة ابنك مش صغير علشان امشيه زي ما انا عايز
مختار / كنت بس بفكرك إن مهما لفت الأيام ودارت هيفضل عمر مختار ابني مش ابنك
مراد / أهو عندك أهو مش مخبيه منك
مختار / لا تفتكره زي البنت اليتيمه اللي ربيتها لأ انا لسه عايش مموتش
أمل بتعيط
هشام قرب من مختار بعصبيه
عمر واقف بينهم / انا آسف يا هشام حقك عليه انا
نورهان / علي الأقل بابا إنسان قلبه كبير مش زيك مفيش حد بيطيقك حتي ولادك بيكرهوك
مختار / عال اوي سمعت يا مراد بنتك المتربيه بتقول ايه
مراد / عيب يا نور
مختار بعصبيه / هو دا اللي قدرت عليه بدل متضربها قلمين علي وشها
مراد / ومضربتش بنتك ليه لما راحت اتجوزت
مختار / بنتي انا اللي جوزتها
هشام / تصدق معندكش دم
عمر بيبعد هشام عن والده
الصغير بيصرخ
هشام بعصبيه ل أمل / اطلعي وخدي هشام معاكي
مراد / انت كل متيجي هنا تعمل مشاكل أخرج بقي من هنا
مريم /:قبل ما يمشى يطلقني
مختار / دا بعينك عايزة ترجعي ل مراد زي معملتيها زمان وروحتي اتحايلتي عليه علشان يتجوزك وهو خاطب اختك
مريم / كفاية بقى انت جاي عايز ايه بالظبط
مختار / طلاقك قصاد إن ابنك يطلق بنت مراد
نورهان تنظر ل عمر
عمر / انت بتقول ايه يا بابا
مختار / دي قرصة ودن بس ولسه حسابنا علي اللي عملتوا امبارح بس في البيت
عمر / ولو رفضت
مختار / يبقي مفيش مليم هطوله مني
عمر/ وانا مش عايز حاجة
مختار / خلاص يبقى هسيب أمك كده زي البيت الوقف
وأبقى اتجوز انت المحروسة وخليكي هنا يا مريم جنب حبيب القلب
هشام / انت مصر بقي تتهزأ
مختار / وانا هندمك يا هشام علي كل كلمة قولتها
خرج مختار
مريم / انا آسفة للحصل بعد اذنكو
قعد مراد علي الكرسي وهو متعب
هشام / تعبان يا بابا
هز مراد رأسه
هشام / اتصلك بدكتور القلب
مراد / آه يا هشام تعبان اوي
نورهان قربت من مراد / ايه يا حبيبي ايه اللي بيوجعك
مراد بيشاور مكان قلبه
نورهان بتصرخ / إتصل بالدكتور يا هشام
نزلت وعد وأمل جري
وعد بتعيط/  في ايه يا بابا
أمل بتصرخ / حد يطلب الاسعاف
هشام بعصبيه /'بس بقي مش عايز اسمع صوت حد
وقرب سند مراد ومعاه عمر
نورهان ووعد مسكوا في هشام
وعد / هنروح معاكو متقعدناش في البيت زي يوم ما اخدتوا ماما المستشفى ومشوفنهاش
أمل / وانا هاجي معاكو
هشام بعصبيه / مفيش حد جاي معانا يلا يا عمر
..................................
تفتكروا مراد هيموت؟ 😭😭
عودة أمل2
(وعودة الي الماضي)
📖✏بقلمي
بوسي مصطفي