عودة أمل 💛

الحلقة ٥ ج٣

عودة أمل3
بوسي مصطفي
.....................
الحلقة الخامسة

يدخل حسن من باب الفيلا بغضب / فين مراتي
هشام نازل من فوق اول ما عينه تلمح حسن يجري ناحيته
أمل جوه مع مراد بتعيط / بابا انت كويس
مراد / الحمد لله. ..لو ملحقتنيش بالدوا مش عارف ممكن كان يحصلي ايه
أمل / في زعيق بره يا بابا
منال بتصرخ. ...يجري مراد وأمل
هشام بيضرب في حسن وخانقه يدخل مراد بينهم
مراد / سيبوا يا هشام متوديش نفسك في داهية
هشام مازال ممسك برقبة حسن
أمل بتصرخ
مراد بيبعد هشام عن حسن
مراد/ بس بقى أعمل حساب لوجودي يا اخى
هشام وهو بيبعد عن حسن / انا آسف يا بابا
أمل ممسكه بإيد هشام وبتعيط
هشام وهو بينظر ليها وبيوجه كلامه لحسن / الظاهر محدش علمك الذوق والأصول بيت الناس ليه حرمه ولا ترضي حد يدخل بيتكو بالطريقة الهمجيه دي
أمل وايدها علي شعرها وتحاول تغطي نفسها فهي كانت لابسه بيجامه
طلعت فوق بسرعة
مراد لحسن / أدخل نتفاهم جوه في المكتب
حسن / نتفاهم ايه بعد اللي عمله ابنك المتربي
هشام ينظر ليه بغضب
مراد لحسن / بلاش انت بالذات تتكلم عن التربية
ويلا نتفاهم جوه وإلا تاخد بعضك وتمشي من هنا
دخلوا جوه المكتب
مراد لهشام/ اقفل الباب يا ابني
قعد حسن وقعد هشام قصاده وهو بيفرك في أيده
مراد وهو قاعد علي كرسي المكتب / واحد غيري كان قتلك دلوقتي علشان اللي عملته في بنتي بس انا همسك اعصابي وأحاول اتفاهم معاك
حسن / عملت ايه انا يعني مش فاهم
هشام / عملك أسود ومهبب انت كمان ليك عين تسأل
مراد بغضب / هشام هتسكت ولا تخرج بره علشان أتكلم براحتي هشام / حاضر يا بابا
مراد لحسن / ضربت بنتي ليه
حسن / هى اللي استفزتني وخرجتني عن شعوري
هشام / بقي هي اللي استفزتك ولا دماغك اللي كانت متكلفه
حسن بغضب/ محدش بيدفعلي حاجة من جيبه كله بفلوسي وانا حر
مراد/ يعني ايه الكلام ده انت فاكر ايه بنات الناس لعبه وفي حد يعمل في مراته اللي انت عملته دا
ايه متعرفش عن حاجة إسمها حب اللي يحب واحده ياخد حقه منها غصب وضرب
حسن بحرج / بنتك هي السبب من يوم جوازنا وهى كده
مراد/ ومجتش قولتلي ليه الكلام ده
حسن / شوف يا عمي احنا رجاله مع بعض ومش هتكسف لما اقولك إن بنتك كل ما أقرب منها تصرخ وتزعق وبتبقي ليله مش معديه وانا بصراحه زهقت
هشام / انت مش بس بجح دا أنت قليل الأدب ومتربتش
حسن / متشكر اوي يا هشام بيه بس أحب اقولك بقي بصفتك واحد متجوز واكيد فاهمني لو مراتك عملت كده هتعمل ايه
هشام / هعمل لنفسي كرامة واطلقها ثم انت متدخلش في حياتي وملكش علاقة بأهل بيتي
حسن / وانت بقي بتدخل في حياتي ليه
هشام /:علشان مراتك تبقي اختي لما تجيلي معيطه ومتبهدلة كده لازم اجبلها حقها
مراد / اطلع هات اختك من فوق
هشام بدهشة/ ليه يا بابا
مراد/ من غير ليه اطلع اعمل اللي قولتلك عليه
..................
وعد في غرفتها بتعيط
أمل بتحاول تهديها / متخافيش يا وعد هو مش هياخدك غصب عنك بابا وهشام عمرهم مهيرجعوكي ليه وانتي مش عايزة
وعد/ لأ بابا واضح إنه عايز يقعدني هنا كام يوم وبعد كدة يرجعني ليه
امل/ امال انتي عايزة ايه يا وعد
وعد/ عايزاه يطلقني انا تعبانه يا أمل تعبانه اوي
الباب يخبط تستخبي وعد في البطانية
أمل تفتح الباب. ...هشام يدخل
هشام /هي وعد فين
أمل شاورتله علي سريرها. ...قرب هشام بيحاول يرفع الغطا عنها
صرخت وعد
هشام / متخافيش يا حبيبتي انا هشام
وعد ببكاء/ ابوس ايدك يا هشام مترجعونيش ليه تاني
هشام / متخافيش يا وعد لو انتي مش عايزاه محدش هيغصبك تعيشي معاه
بس تعالي معايا تحت بابا عايزك
وعد ببكاء/ لا انا مش هنزل تحت مش عايزة اشوفه علشان خاطري يا هشام
هشام / انا معاكي متخافيش تعالي
مسك ايدها ونزل بيها تحت
مراد / دخل اختك وأخرج يا هشام
وعد وهو ماسكه في ايد هشام وبتعيط / متسبتيش يا هشام
مراد قرب منها مسد علي راسها / تعالي معايا يا بنتي متخافيش
خرج هشام
مراد قعد بين وعد وحسن
وعد بتحاول تتجنب النظر لحسن
مراد لوعد/ مفيش حد غريب موجود انا ابوكي ودا جوزك قوليلي بقي
وعد ببكاء / اقولك ايه يا بابا
مراد/ يا بنتي يعني انتي متعرفيش إن في حاجة إسمها طاعة الزوج اتجوزتيه ليه لما انتي مش عايزاه يقرب منك
وعد/ علشان مبحبوش
مراد/ ازاي يعني امال ليه اتجوزتيه
نظر حسن ليها ببتسامة صفراء
وعد/ كنت فاكره اني بحبه بس أكتشفت اني عمري ماحبيته بابا ابوس ايدك خليه يطلقني
حسن بمكر/ بس انا بحبك يا وعد
وعد/ اللي زيك ميعرفش حاجة اسمها حب
مراد/ يعني دا آخر كلام عندك
وعد/ آه يا بابا
مراد / بنتي هتفضل هنا لما تولد وتقوم بالسلامة إن شاء الله
وبعد كده توصلها ورقتها
حسن / ازاي يا عمي يعني هطلق مراتي غصب
مراد / هي مش عايزاك واديك سمعتها بنفسك شوفلك واحده تانية تقدر تسعدك ملكش نصيب مع بنتي
حسن / بس انا بحبها هي ومش عايز غيرها
مراد / اطلعي يا وعد اوضتك
وانت يا ابني اتفضل كفاية بقي انا مش فاضيلك عندي شغل
حسن / بقي كده ماشي بس خلي بالك يا وعد انتي اللي هتجيلي وقريب اوي
وعد طلعت اوضتها
خرج حسن من الفيلا بغضب
مراد ل هشام / يلا يا ابني خلينا نشوف شغلنا
هشام / عملت ايه معاه يا بابا
مراد/ هقولك في الطريق
تليفون مراد يرن
نورهان /'انا زعلانه منك يا بابا
مراد/ حقك عليه يا بنتي انا عارف اني قصرت في حقك بس جينلك انا وهشام وأمل ووعد بالليل
نورهان / طب ابعت أمل ووعد دلوقتي خالتو مريم عايزة تمشي وانا معنديش حد في الشقة غير حنان وعمر في الشغل
مراد/ حاضر يا بنتي المهم انتي عامله ايه وأخبار النونو ايه
نورهان / تمام. ..الحمد لله. ..مش ناقصني غير اني اشوفكو
مراد / حاضر هبعتلك أمل دلوقتي وانا وهشام هنكون عندك بالليل
.....................
قفل مراد التليفون
مراد / اطلع يا ابني خلي أمل تلبس نور عايزاها معاها هناك في شقتها
هشام / حاضر يا بابا
مراد / خلي وعد كمان تلبس وتيجي تشوف أختها علي الأقل تفك عن نفسها شوية
هشام بيخبط. ..وعد تفتح
وعد /'في حاجة يا هشام
هشام / البسي علشان اوصلك انتي وأمل عند نور
وعد بفرحه / حاضر
هشام يلمح أمل نايمه علي السرير وجنبها شادي
يقرب منها
هشام / أمل. ..أمل
أمل تفتح عينها
هشام / لحقتي تنامي
أمل / عايز حاجة
هشام / كنت عايزك تروحي تقعدي مع نور شوية لانها في البيت لوحدها لو تعبانه خلاص بلاش
أمل / لا انا هقوم البس حاضر
..............................
في الطريق
وعد ببتسامة / النونو شبه مين يا هشام
هشام بمزح / شبه جدو
أمل / يبقي زي القمر هههه
هشام / هو شبه جدو مختار
وعد / ههههههه يا لهووي اوعى يكون كشري ودمه تقيل
الجميع / هههههههههههههههه
وصلوا قدام العماره
مراد لهشام / هطلع معاهم اطمن علي نور دقيقة وراجع
........
جرس الباب يرن
تفتح حنان ببتسامة يدخلوا كلهم
نورهان ببتسامة / أخيرا جيتو
مراد/ حمدا لله علي السلامة.... يا بنتي
نورهان وهي بتحاول تقوم / الله يسلمك.... يا بابا
أمل / خليكي يا نور نايمه علشان متتعبيش
وعد/ حمدا لله علي السلامة ...يا نور
نورهان / عقبالك يا وعد
وعد في ايدها بدر / ما شاء الله. ...قمر
شبه عمر مفهوش حاجة من جده مختار
نورهان /'مين قال إنه شبه جده
أمل / متأخديش في بالك. ...ربنا يباركلك فيه
نورهان / متشكرة يا أمل
مراد / هاتي الولد يا وعد
اخد الولد وطبع قبله علي جبين الطفل ووضع مبلغ من المال في ملابسه
نورهان وهي بتاخد الطفل من ايد مراد/ ليه كده يا بابا دا كتير اوى
مراد/ مفيش حاجة تغلي عليكو يا بنتي لسه هديته موصي عليها هتجيلك يوم السبوع
نورهان /'يا حبيبي يا بابا
ربنا يطولنا في عمرك يارب
مراد / انا همشي بقي علشان اشوف شغلي وانتي يا أمل خليكي انتي ووعد هنا وهشام بالليل هيجي يطمن عليكي يا نور
أمل / بس هشام هيرجع من المدرسة ميلاقنيش
مراد/ اطمني انا قولت لفتحي يبقي يجيبو ليكي اول ما يوصل البيت
خرج مراد
نورهان / ساعديني يا أمل عايزة أدخل الحمام
أمل / حاضر يا حبيبتي
وعد/ معلش انا منمتش طول الليل وعايزة أفرد جسمي علي السرير هدخل انام في الاوضة التانية
نورهان / ادخلي يا وعد شكلك تعبان اوي ووشك وارم معقولة دا من الحمل آخر مرة شوفتك مكنتيش كده
أمل / أصلها اخدت دوا غلط عمل فيها كده
نورهان / يا نهار وعملتي ايه روحتي للدكتور
وعد/ آه وكتبلي علاج
نورهان / واطمنتي علي الجنين يعني كل حاجة تمام
وعد / الحمد لله. ..تمام
أمل لنورهان / تعالي يلا ولا غيرتي رأيك
نورهان / انا بس خايفة رجلي تلمس الأرض أصل الجرح بيوجع اوي يا أمل
أمل / معلش يا حبيبتي كلها أسبوع.....إن شاء الله
وهتبقي تمام وتقدري تمشي لوحدك
..................
في شقة سوسن
سوسن لحسن / اتفضل يا حبيبي اشرب وروق دمك كده ليها حل متقلقش
حسن / ليها حل ازاي بس دول مليون ونص هدفعهم منين
سوسن / مش هما اللي كارهين يبقي تدفع ليه وبعدين يا حبيبي انا ليه رأي تاني
حسن / رأي ايه قولي
سوسن / متطلقهاش دي كنز يا ابني واتفتح لينا علشان نغرف منه براحتنا
حسن / مش فاهمك
سوسن وهي ايدها محاوطه حسن / سيبها متطلقهاش رجعها غصب عنها اللي بيدهولها أبوها كل شهر مش شوية وممكن كمان تضغط عليها علشان يدفعلها اكتر
حسن / ودي هرجعها ازاي يا فالحه
سوسن / كل واحده عندها نقطة ضعف اكيد مراتك عندها الحاجة دي وانت ادرا
حسن / اول مره اشوف واحدة بتحب ضرتها اوي كده ههههه
سوسن / متقولش ضرتي انت جوزي انا مش جوزها هي وبعدين دا كان اتفاق من الأول
حسن / بصراحه البنت زي القمر تتاكل أكل ومستخسرها اوى
سوسن / نعم
حسن / بس مش احسن منك يا جميل
متيجي اقولك كلمة سر
سوسن / هههههههههههه
.........................................
في شقة عمر
حنان ل أمل / كفاية كده يا مدام انتي تعبتي اوي من الصبح وحضرتك ايدك بأيدي في كل حاجة
أمل / ايد علي ايد تساعد انا هطلع انشر الهدوم
حنان / لا انا اللي هنشر
أمل / لا ادخلي انتي المطبخ شوفي الأكل استوا كده
حنان / حاضر
وعد خارجة من الاوضة / ياااه دا انا نمت نوم
أمل / نوم الهنا تعالي اقفي معايا في البلكونة وانا بنشر شمي شوية هوا
وعد/ ولادك محدش سامع ليهم حس يعني
أمل وهي بتنشر / نايمين جوه في الاوضة التانية
.....................
في فيلا مختار
مختار ل ريم / عامله ايه يا بنتي مع جوزك
ريم / تمام. ...الحمد لله
مختار / ماشي في الشغل تمام
ريم / يعني ...
حضرتك عارف الدراسة بقي اخده منه وقت كبير
مختار / الشغل في شركة والده أهم من الجامعه مليون مره دي اللي هتجبلو الفلوس إنما الشهادة دي ملهاش لازمة دي للشباب اللي معندوش حاجه يتسند عليها
مريم / انت بتقول ايه يا مختار لأ طبعاً الشهادة مهمه
ما ولاد مراد. ..ماشاء الله. ..عندهم اللي يكفيهم لكن اتعلموا بردو وهشام شايل الشركة كلها
مختار / أهو انا يا ريم عايز جوزك يبقي زي هشام كده يعرف كل حاجة  عن شغل
والده واكيد كلها هتبقى بتعته لما والده يتوفي مش ابنك اللي شغال عندهم يعني ممكن يرفدوه في أي وقت
مريم / طيب بلاش تتكلم في الموضوع ده علشان مزعلكش واقولك إننا كان عندنا شركة أكبر من شركة مراد وحضرتك كتبتها للمحروسة اللي باعتها من وراك وهربت
مختار / بقي كده يا مريم.
مريم / انا كاتمه في قلبي وساكته وعايشة معاك بقول اصون العشره لاني بنت أصول
وقامت مريم بغضب
ريم /"متزعلش من ماما يا بابا هي بس اعصابها تعبانه من جوازك من اللي متتسماش نادين
مختار/ وانا مش هسيبها تتهني بفلوسي انا بس برتبلها موضوع لو حصل هاخد حقي من عينها
ريم / انا همشي ماجد بيتصل مستنى بره
مختار / قوليلوا يدخل عايزة في موضوع مهم
ريم / حاضر يا بابا
.............................
في شقة عمر
نورهان / معلش يا أمل تعبتك النهاردة انا عارفة وكمان انتي لسه تعبانه
أمل / لا انا كويسة. ..الحمد لله
نورهان / هو هشام مطلعش معاكو ليه
أمل / اصلوا كان متأخر علي الشغل
نورهان / ما هو بابا طلع وهو كان مستني تحت مكانش قادر يطلع يشوفني
أمل / ما هو زمانه جاي هيقعد معاكي لما تزهقي
الباب يخبط
أمل بفرحه  / دا اكيد هشام
نورهان / هي حنان روحت
أمل وهي بتقوم / آه روحت من شوية هفتح واجيلك
أمل بتفتح الباب
هشام ببتسامة / مساء الورد
أمل / مساء الخير يا حبيبي
هشام / هو البيت ساكت ليه كده
أمل / نور صاحيه ووعد جوه في الاوضة التانية
هشام / متيجي اقولك كلمه
أمل /هو دا وقته يا هشام ادخل الأول اطمن علي نور
هشام / بصراحه عايز اصالحك انا اتنرفزت عليكى الصبح.
أمل / لا خلاص أنا مش زعلانه
هشام وهو بيقفل الباب بغمز/ مش زعلانه ازاي دا أنا لازم اصالحك
أمل / بس يا هشام احنا مش لوحدنا
عمر بيفتح الباب. ..أمل تدخل جري لنورهان
عمر ببتسامة / انا آسف نسيت إن أمل ووعد هنا
هشام / لا مفيش حاجة انا داخل اطمن علي نور
في اوضة نورهان
هشام بيقرب يحضن نورهان
نورهان / لا اوعى كده انا زعلانه منك
هشام / وانا مقدرش علي زعلك بس صدقيني كنت تعبان اوى امبارح ولحد دلوقتى منمتش
نورهان / ومنمتش ليه
عمر / خلاص بقي يا نور مهو بيصالحك أهو ولا أجي انا اصالحك نورهان / لأ اوعى تقرب مني كفاية الجرح عليه
هشام / يعني خلاص مش زعلانه
نورهان / لا مش زعلانه وقرب بقي سلم عليه
أمل / هدخل اجهزلكوا العشا
عمر/ هنتعبك يا أمل
نورهان / بصراحه أمل النهاردة تعبت اوي معايا
هشام /'متقوليش كده انتوا أخوات وبعدين قريب تتعبيلنا احنا كمان
نورهان / هههههه طيب بس أقوم انا الأول بالسلامة
هشام / امال وعد فين
أمل / دخلت الاوضة من بدري ولسه مخرجتش
هشام / بعد اذنكو هدخل اشوفها
عمر / متنساش الولاد خدهم معاك عايز انفرد بمراتي شوية
هشام /'ههههه لا يا شيخ هو انا مقولتلكش انها عامله عمليه وفاتحه بطنها
نورهان / يا لهووي متفكرنيش ابوس ايدك كفاية اللي انا فيه
عمر/ يا عم عايز أقولها كلمه سر محدش يسمعها غيري انا وهي
هشام / هخدهم وخد راحتك انت احنا اصلا مروحين
نورهان / ليه يا هشام هو انت لسه قعدت
هشام / معلش اعذريني انا منمتش كويس وتعبان اوي
عمر / لا فعلا واضح انك تعبان بجد بس نتعشا مع بعض الأول
......................
أمل في المطبخ
هشام يخبط علي وعد .....تقوم تفتح وهي معيطه
هشام بقلق / فى ايه يا وعد مالك
وعد ببكاء/ السافل اللي معندوش دم شوف باعتلي ايه
تفتح وعد الرسايل
هشام بدهشة / هي حصلت كمان
وعد/ قولى اعمل ايه دا بيهددني لو مروحتش البيت هيكلم بابا ويقوله إني كنت بروحله الشقة قبل ما نتجوز وإن اللي حصل دا كان برضايا
هشام قعد علي طرف السرير باستسلام / ملهاش حل يا وعد
وعد/ يعني ايه يا هشام
هشام / بابا عنده القلب وخبر زي ده مش هيستحمله
وعد/ ما هو كاتب كده بردو بيستغل تعب بابا علشان يضغط عليه وارجع البيت بس انا الموت عندي أهون من اني ارجعله
أمل بتخبط علي الباب
أمل / انا جهزت الأكل ليهم مش يلا احنا بقي علشان تعبانه وعايزة انام
هشام / طيب يلا بينا
وعد / انا هرجعله يا هشام
هشام / انتي بتقولي ايه
وعد / ما هو ملهاش حل زي ماقولت دا باعتلي صور كتير في شقته القديمة وانا نايمه 
هشام يجري على وعد اللي فقدت الوعي
امل بتصرخ. ...عمر بيجري ناحيتهم
عمر / في ايه مالها وعد 
هشام / مفيش هي بس تعبانه من الحمل
عمر وضع برفيوم علي أيده وقربه من وعد اللي بدأت تستعيد وعيها
.............
تحت في العربية
هشام / دا كان مرتب لكل حاجة بقي من الأول
وعد/ يلا يا هشام علشان متأخرة انت وأمل وصلني وروح
أمل / مستحيل ترجعيلوا بعد كل ده دا مستحيل يبقي زوج ولا حتي راجل
وعد بتصرخ / رجعها ولا اقتلوني وخلصوني من حياتي دي كلها
أمل بتحضنها وهي بتبكي / بس يا وعد متعمليش في نفسك كده
هشام الصغير اللي قاعد جنب هشام / بابا هي عمتو وماما بيعيطوا ليه
هشام شغل العربية وساق بسرعة
........................
قدام شقة حسن
هشام بينظر في الساعة / هو متعود يتأخر كده علي طول
وعد هزت راسها
حسن طالع علي السلم  
انتفضت وعد من مكانها هشام مسك ايدها
حسن ببتسامة صفراء/ أهلا دا الحبايب كلهم مجتمعين طب محدش يتصل بيه ينفع توقفوا كده
فتح حسن الباب
هشام / قبل مندخل عايزة اقولك كلمة
كور هشام أيده وبكل قوة في وجه حسن ودخل بوعد جوه
حسن وهو يده على وجهه / ماشي يا هشام بكره اندمك علي كل اللي عملته
دخل حسن
هشام / اوعى تكون فاكر إنك كده راجل لما تعمل الحركه دي انا جبت اختي لكن مش هسيبك يا حسن هلبسك قضية وتروح في داهية
وعد/ دا إن عاش اصلا اوي تفتكر اني وعد بتاعت زمان
انا هندمك علي اللي عملته هخليك تخاف تأكل أو تشرب في البيت هسمك يا حسن
ضحك حسن بسخرية وهو أيده علي وجهها /'القطة بقت بتخربش دا احنا فعلاً اتغيرنا
هشام / اضحك بكره تعرف اني مش بهزر
مضيعيش نفسك يا وعد من غير سم ولا حاجة هيموت بردو
حسن / لا بجد طيب انا مستني
مش يلا بقي تتفضل علشان عايز اقعد مع مراتي براحتنا
هشام وهو بيلوي دراع حسن / لو لمست شعره منها هتبقى في عداد الأموات
حسن / ههههه لا بجد ضحكتني وانت بقي اللي هتتحكم في حياتي وهاخد من حضرتك الإذن
هشام /"كل يوم هاجي اطمن علي اختي ولو عرفت انك بس همست ليها بكلمة مش هتعرف هيحصلك ايه
عند باب الشقة
هشام لوعد / متخافيش الوضع دا مؤقت بس لحد منفذ اللي مخطط ليه ولحد اليوم دا ميجي تاخدي بالك من نفسك ولو عمل حاجة اتصلي بيه علي طول ودا تليفون تاني إحتياطي تخبيه ميشفوش في ايدك
وعد/ حاضر
هشام بتردد / تصبحي على خير
وعد ودموع في عينها / وانت من أهل الخير طمني لما توصل
هشام / حاضر مع السلامة
دخلت وعد الشقة
حسن وهو قاعد في الصاله / جهزي العشا يا حبيبتي
وعد/ جهز لنفسك لاني لو دخلت المطبخ هحطلك سم في الأكل
حسن باضطراب / أنا نازل أجيب أكل من تحت
دخلت وعد اوضتها وتركته
.......... .................
في فيلا مراد
مراد بعصبيه/ الظاهر انا بقي مليش كلمه في البيت ده
هشام / يا بابا هي اللي أصرت
مراد/بقي هي اللي أصرت
هشام في ايه مخبيه عليه انا مبقتش أصدقك وحاسس إن في حاجة تانية
هشام / هو دا كل اللي حصل يا بابا كنا مع بعض في شقة نور فجأة لاقيت وعد بتقولي انا هروح لحسن بعد ما بعتلها رسالة اعتذر فيها عن اللي حصل
مراد/ ماشي هصدقك بس هقولك كلمة اختك اللي اختارت لو بقي المره الجايه قتلها من الضرب مش هروح عندها ولا اجيبها
وترك مراد هشام وطلع اوضته
تنهد هشام وصعد لأعلي
......  ..... .
في غرفة هشام
هشام بيتكلم في التليفون أمل قاعدة علي السرير
هشام / عامله ايه يا وعد
وعد/ الحمد لله. ..انا قاعدة في اوضتي دلوقتي
هشام / وهو فين
وعد/ معرفش أهو خرج ولسه مرجعش
هشام / ياريتو مايرجع يبقي ارتاحنا منه خلي بالك من نفسك هكلمك اول ما اصحى الصبح تصبحي علي خير
وقفل التليفون
أمل نظرتله بغضب
هشام /'في ايه يا أمل انتي كمان.
أمل بغضب/ مقولتش ليه لباباك علي الحقيقة واخلصت بدل ما الواد دا يعمل فيها حاجة
هشام /  بتهزري!
انتي عارفة لو بابا عرف حاجة عن الموضوع ده ممكن يحصله ايه؟!
أمل / والحل
هشام وهو بيريح جسمه علي السرير/ الحل إنه يدخل السجن
أمل / ايه هتلبسه قضية
هشام / عندك حل تاني
أمل / عندي حل بس توافق عليه
هشام / لو كان الحل ده هيخلص وعد من الواد ده طبعاً موافق
أمل / اعرض عليه فلوس انا حاسه إنه طمعان في قرشين يخدهم ويغور بعيد عننا
هشام / ايوه بس لو طلب مبلغ كبير هدفعله منين وانا بردو مقدرش اقول ل بابا
أمل / شوفه بس هيطلب كام ووقتها هتتحل. ..بإذن الله
هشام / يااااه حاسس اني في كابوس مش عارف هصحي منه أمتي
أمل / نام دلوقتي والصبح اتصل بيه واتقابلوا في مكان وشوف آخره ايه.
هشام / الصبح ربنا يحلها. ..تصبحي علي خير
..........................
في الصباح
كمال في التليفون / عارف اني مقصر في حقك بس ظروف سامحيني
أمل / لا يا خالو مش زعلانه المهم انكو كويسين
كمال / انا كويس. ..الحمد لله. ...لكن نجلاء هي اللي صحتها في النازل والدكتور طلب تحاليل واشعة
أمل / خير يا خالو مالها بعد الشر
كمال / صدرها تاعبها وخايف عليها هروح دلوقتي معاه نعمل الأشعة والتحاليل
أمل / الف سلامة عليها لما ترجعوا البيت ابقي طمني
كمال / حاضر سلام علشان انا قاعد في العربية ونجلاء جايه
أمل / مع السلامة
.... ...................
علي السفرة
مراد ل هشام / لما تخلص أكل عايزك جوه في المكتب
هشام / حاضر يا بابا
أمل نازله من فوق / صباح الخير يا حبيبي
هشام / صباح الخير يا حبيبتي. ..هشام راح المدرسة
أمل / من بدري. ..كلمت وعد
هشام / آه لسه قافل معاها من خمس دقايق هي كويسه
الحمد لله
أمل / وجوزها في الشغل
هشام / بتقول مرجعش من وقت ماخرج بالليل
أمل / هتتصل تكلمه
هشام / هشوف بابا عايز مني ايه وهبقي اكلمه في وانا سايق
أمل /'نور اتصلت وقالتلي إن طنط مريم عندها ومش محتجاني النهاردة
هشام / خلاص اطلعي استريحي فوق انتي تعبتي امبارح
أمل / هفطر واطلع
.........
هشام يخبط علي باب المكتب
مراد/ أدخل يا هشام
هشام / خير يا بابا
مراد/ اقفل الباب واقعد عايز أتكلم معاك
هشام بقلق / حاضر يا بابا
قعد هشام. .قعد مراد قصاده.
مراد بتردد / شوف يا هشام انا هتكلم معاك مش كلام أب ل ابنه لأ كلام راجل ل راجل
هشام /'بابا انا قلقت في ايه
مراد / يا ابني انا زي ما انت شايف مقصرتش في حق حد فيكو واطمنت عليكو. ..الحمد لله
واذا كان علي مشكلة وعد فهي ياما البيوت بيحصل فيها المهم تكون مبسوطه دلوقتي مع جوزها
هشام / بابا انا مش فاهم حضرتك عايز تقول ايه
مراد/ انا يا ابني حاسس بالوحده وأوقات ببقي محتاج حد جنبي يناولني كوباية مياه ولا حتي لما أقلق الاقي حد أتكلم معاه
مامتك سابت فراغ كبير اوي في حياتي
هشام / انا موجود يا بابا لو عايزني في أي وقت هتلاقيني جنبك علي طول
مراد / هتقوم من جنب مراتك كل ليله علشان تشوفني تعبان ولا عايز حد يناولني كوباية مياه ولا حد افضفض معاه
هشام / يعني ايه يا بابا
مراد/ انا بفكر أني اتجوز
هشام / ايه
مراد/ مستكترها عليه
هشام / لا يا بابا مقصدش دا حقك بس يعني
مراد/ بس يعني ايه تقصد أخواتك البنات
ما هو علشان كده فاتحتك الأول علشان عارف هما بيحبوك قد ايه وبيسمعوا كلامك عايزك تقنعهم
انا عمري ماهعمل حاجة انتوا مش حابينها
هشام / بس أخواتي صعب يتقبلوا فكره زي دي
مراد/ البركه فيك انت بقي تقدر تقنعهم
هشام / يا تري مين العروسة
مراد / لسه معرفش انا بس بفكر قولت اقولك لو وافقتوا هبدا ادرو علي عروسة مناسبة
هشام / انا مقدرش أعارض حضرتك دا حقك بعد اذنك يا بابا علشان متأخرش علي الشغل
مراد/ فكر في الموضوع واتكلم مع أخواتك وانا مستني ردهم
هشام / حاضر بعد اذنك
..................
في المساء
حسن لهشام / انا وصلت للمكان اللي وصفتهولي انت فين
هشام / انا داخل علي المكان هركن واجيلك
قعد حسن علي كرسي علي أحد الاستراحات اللي علي الطريق
هشام جاي من بعيد يشاروله حسن
يقرب هشام ويقعد
حسن / مساء الخير
هشام / لا صباح ولا مسا ندخل في الموضوع علي طول
حسن / ياااه واضح إنك مستعجل اوي والموضوع مهم نشرب حاجة الأول وبعد كده اتكلم براحتك
هشام / لا انا هتكلم علي طول
حسن / براحتك اتفضل
هشام / تاخد كام وتطلق  اختي
حسن بسخرية / اختك ولا بكنوز الدنيا افرط فيها
هشام / بلاش لف ودوران قولي عايز كام
حسن بمكر/ تقدر تدفع كام
هشام / خمسوميت ألف كويس
حسن / ياراجل بقي اختك متسواش في نظرك إلا المبلغ الصغير ده دا هي عندي تسوا كتير
هشام / وانا مببعش ولا بشتري في اختي انا بدفع فلوس مقابل حريتها
حسن / وحريتها متسواش عندك غير المبلغ ده
هشام / دا اللي معايا
حسن بسخرية / بقي هشام بيه اللي شاري أرض من كام شهر وشقة علي النيل ولسه مغير عربيته ميحتكمش غير علي خمسوميت الف
هشام / دي فلوسي لا بسرق ولا بنهب دا عرقي وشقايا وبعدين انت مالك عندي ايه
حسن / بس المبلغ قليل اوي
هشام / وانت بجح اوي يا اخى
حسن / المليون ونص المؤخر مش هدفع منهم جنيه
هشام / موافق مش عايزين منك حاجة
حسن / اتنين مليون واعتبر اختك في بيتك
هشام بسخرية / واضح إنك بتهزر أو اتجننت ملهاش تفسير تالت
حسن / لا دا ولا دا بس انا بقدر الست اللي معايا وكمان المبلغ قليل بردو بس معلش هنمشيها وخلاص
هشام بغضب/ وانا قولتلك اختي لا بتتباع ولا بتتشري وانت هطلق غصب عنك
حسن / دا آخر كلام عندي اتنين مليون يتحطو علي التربيزة دي في الوقت اللي تحدده اختك تكون عندك في البيت ووعد مني اول ما تولد ورقتها توصلها وهكتبلك إقرار بكده
هشام / بس انا قولتلك معنديش المبلغ ده
حسن / أتصرف بقي يا دك
انا قولتلك اللي عندي والباقي عليك سلام يا اتش
.........................
عودة أمل3
📖✏بقلمي
بوسي مصطفي