عودة أمل 💛

الحلقة ٦ ج٣

عودة أمل3
بوسي مصطفي
....................
الحلقة السادسة

عاد هشام الي المنزل ف الجميع نائم ما عدا زوجته التي كانت تنتظره ما إن رأته حتي اسرعت إليه تحتضنه
أمل / مالك يا هشام انا قاعدة من بدري مستنيه إنك ترجع اتأخرت  ليه قلقت عليك وكمان قافل تليفونك
بكا هشام بمراره
أمل بحزن / ايه يا حبيبي في ايه
هشام يبتعد عنها ليلقي بجسده المتعب علي السرير
أمل وهي تخلع حذاءه / مالك يا حبيبي في ايه
أقبلت لفتح ازاز القميص ليجذبها هشام بقوة ويحتضنها
هشام / تعبان يا أمل. ...تعبان اوي
أمل / فضفض يا هشام قولي في ايه
هشام / هو انا عملت ايه في حياتي غلط. ...خايف أكون ظلمتك ويكون دا ذنب بيتردلي في اختي
أمل وهي تمسح دموعه / انت عمرك مظلمتني ووعد ملهاش ذنب. ..قولي عملت ايه قابلت الواد ده
هشام بصوت عالي وهو يصرخ / ااااااااااه
تبكي أمل / بس يا حبيبي مبحبش اشوفك كده
يفزع مراد من نومه ليطرق الباب
هشام / دا بابا اوعى يا أمل تقوليلوا حاجة
هزت أمل راسها وهي بتمسح دموعها
تفتح الباب ليدخل مراد سريعاً ليجد هشام نائم علي السرير
مراد / في ايه يا ابني انت تعبان
هشام وهو يحاول أن يجمع قواه / انا كويس يا بابا
الظاهر جالي برد شديد في معدتي
مراد/ اطلبلك الدكتور
هشام / لا يا بابا هاخد الدوا وأبقى كويس
مراد / علشان بتلبس خفيف وانت نازل الصبح أبقى تقل علي نفسك يا ابني الجسم مهما كان شباب ميسحملش البرد  ومتستهونش وحافظ علي نفسك انا كنت زيك كده وانا صغير لكن بعد ماكبرت كل أوجاع السنين اللي فاتت  ردت علي جسمي
هشام / حاضر يا بابا
مراد/ عندك الدوا ولا أنزل اجيبهولك من أي صيدلية
هشام مسك ايد والده / بابا قرب مني
مراد / ايه يا ابني مالك انت مش طبيعي
هشام / بابا احضني انا محتاجلك
مراد بكل قوته احتضن هشام / مالك يا حبيبي في ايه
أمل اعملي لجوزك كوباية ليمون سخنه
هشام وهو يحتضن مراد/ وحشني حضنك اوي يا بابا
مراد ببتسامة/ وحشك حضني ولا أمل مزعلاك
هشام / لا يا بابا أمل مش زعلاني ولا حاجة انا اللي تعبان شوية
مراد/ اوعى يا هشام تكون عامل في نفسك كده علشان الكلام اللي قولتهولك الصبح لو دا اللي تاعبك اعتبر يا ابني اني مقولتلكش حاجة
هشام / لا يا بابا دا حقك وانا مش زعلان ولا حاجة
تدخل أمل بصنيه
أمل / انا عملت اتنين ليمون سخن علشان تشربوا مع بعض
مراد/ تسلم ايدك يا بنتي ولو اني زعلان منك
هشام وهو بيقعد علي السرير / ليه يا بابا
مراد/ مش عجباني اكلتها خالص تقريباً مبتاكلش
أمل / انا باكل علي قد نفسي
مراد/ مش تاكلي كده علشان تقدري علي شقاوة ولادك اللي طول النهار بتجري وراهم دا انتي مفروض متطلعيش من المطبخ علشان تعوضي الحرق اللي بتحرقيه طول اليوم هههه
أمل / هههه مش للدرجادي يا بابا
مراد ببتسامة  وهو بياخد كوباية الليمون / هطلع انا اشربها في اوضتي وانتي تعالى جنب جوزك علشان الدنيا برد
خرج مراد
أمل / هشام انت كويس
هشام / الحمد لله. ..تمام
أمل / طب اشرب اللمون علشان تروق اعصابك
وجريت علي الحمام
هشام / مالك يا أمل انتي حامل ولا ايه
أمل / بتهزر! !!!
هشام / امال اعمل ايه ما انا لو مهزرتش هطق
أمل وهي خارجه من الحمام / بعد الشر عليك عملت ايه مع الواد ده
هشام / قوليلي بس انتي عامله ايه
أمل / الحمد لله. ..كويسة شوية دوخه
هشام / من قلة الأكل شوفي جسمك بقي عامل ازاي 
أمل / قولي عملت ايه قابلته
هشام / طالب اتنين مليون
أمل / يا بجاحته كده عيني عينك
هشام / مش عارف أتصرف في المبلغ ازاي مفيش غير اني ابيع حتة الأرض اللي لسه شاريها
أمل / متبعش حاجة انت معاك كام
هشام / كل اللي معايا سبعموميت الف
أمل / طيب وبالدهب يعلموا كام
هشام / دهب ايه يا أمل
أمل وهي مقربة من الدولاب / انا عندي دهب كتير ملوش لازمه عندي ولا بلبسه يبقي هسيبوا ليه في حاجات أهم
هشام / مستحيل اخد الدهب ده
أمل / ما هو انت اللي شاريه بفلوسك يعني بتاعك
هشام / أمل قفلي علي الموضوع انا هتصرف بس كل اللي غايظني إن الواد ده ازاي يعمل فينا كدا
أمل / بجد بجاحه مشوفتش زيها
هشام / نسيت اقولك. ..بابا عايز يتجوز
أمل بدهشة/ ايه
هشام / حقه يا أمل
أمل / طب احنا قصرنا معاه في ايه لو عايزني اسهر طول الليل جنبه انا مستعده
هشام / يا حبيبتي بابا عايز زوجة فهمتي
أمل / بس دا هيكون صعب اوي يا هشام انا مش متخيله الوضع ابدا
هشام / ولا انا
أمل / وهي مين العروسة
هشام / هو محددش واحده معينه بس هتفرق في ايه
أمل بتعيط
هشام / أيه دا يا أمل انتي بتعيطي
أمل / مش بابا هيتجوز لازم اعيط
هشام / ههههه امال لو قولتلك إن انا اللي هتجوز كنتي عاملتي ايه
أمل وهي بتضغط علي أسنانها / نعم!!!...دا انا كنت قتلتها
هشام / يا نهار انتي وشك قلب ألوان كده ليه انا بهزر
أمل وهي بتخبطه علي كتفه / متهزرش تاني لانك متعرفنيش لما بضايق
هشام / بتبقي حلوه اوي وانتي مضايقك بالذات خدودك دي بتحمر كده زي التفاح يا تفاحة قلبي
أمل / ههههههه اللي يشوفك دلوقتي ميشوفكش من شوية
هشام وهو بيغير هدومه  / بحاول أنسي متفكرنيش بقي وتعالي يلا نامي جنبي
وبعدين انتي قولتي هتقتليها مقولتيش هتعملي فيه انا ايه
أمل وهي بتفرد شعرها / مش عارفة بص انا هقتلها الأول وبعدين اتصالح انا وانت
هشام / ههههه وهي ذنبها ايه مفروض تعاقبيني انا
أمل / مقدرش اعملك حاجة حتي لو اتجوزت عليه
هشام /'وانا إستحالة عينيه تشوف غيرك ابدا
امل/ يعنى لما أكبر في السن وشعري يبقي ابيض وسناني توقع ونظري يضعف مش هتبص كده ولا كده
هشام / هههههه بعد الشر عليكي وبعدين لما يحصلك كده وانتي أصغر مني انا هكون عامل ازاي تقريباً كده مهشوفكيش اصلا علشان ابص لغيرك
أمل /عندك حق ههههه
هشان/ههههه كفاية كده الليلة علشان انام و اشوف هعمل ايه الصبح
أمل ببتسامة / حاضر
.......................
في شقة والد مني ومنال
مني / عامله ايه يا منال فى الشغل
منال / أهو كل يوم مشاكل في الفيلا يا اختي الراجل اللي متجوزاه الست وعد اللي انتي شغالة عندها جه وبهدل الدنيا وهشام بيه كان هيقتله خوفت عليه اوي
مني بغمز/ وخايفة عليه من ايه
منال/ لا يتهور ويقتله ويودي نفسه في داهية
مني/ أممم بتحبيه يا منال
منال بتردد/ انا مين قال كده
مني/ يا بت عينيك فضحتك ...بتحبيه وواقعه لشوشتك كمان
منال / هو في حد ميحبوش دا قمر يا بنتي قمر بنت المحظوظة اللي متجوزاه دي ايه أمها راضيه عنها
مني/ يا بت انتي مجنونه تحبي واحد متجوز
منال / اسكتي انتي متعرفيش حاجة لو شوفتيه مش بعيد تتجنني يالهوي لما ياكل ولا يضحك ولا يقولي هاتي يا منال ودي يا منال بيبقى هاين عليه أقوله بحبك يا أخي حس بيه
مني/ وملقتيش إلا اللي متجوز معندك أبوه
منال/ هو وابوه نسخه واحده بس الفرق إن دا شباب بقي طول بعرض كده حاجة تجنن يا بت
مني/ طب لما هو شبه أبوه متحاولي توقعي الراجل الكبير
منال/ يا لهوي انتي بتقولي ايه
مني/ الكبير سهل يوقع بكلمتين بشوية دلع وخصوصاً إن مراته ميته أما الصغير لسه شباب ومتجوز
منال/ واللي متجوزاه حلوه اوي يا اختي جمال طبيعي كده ولا مكياج ولا بتاع وصغيرة اوي تحسي كده إنها لسه عيله
مني/ طب ما انا بقولك أهو الكبير تقدري توقعيه أما الصغير دا يا اختي صعب وبعدين هتتنغنغي يا بت وهيغرقك هدايا وفسح متفوتيش الفرصة من ايدك
منال/ بس انا بحب هشام وبعدين الراجل الكبير بناته يااختي مش هيسبوني في حالي وهينكدوا عليه عيشتي وبعدين هو يعنى هيبص لوحده زيي
مني/ يا بت انتي حلوه وصغيرة وهو راجل كبير عايز واحده ترجعله شبابه وانتي بقي وشطارتك
منال/ هو مش كبير اوي بردو يااختي العز مبيبينش السن اوي ناس عايشه مرتاحه هيجيلها الهم منين
مني/ يااختي كفاية جوز بنتهم واللي عمله فيها دي ياعيني لا بتاكل ولا بتشرب وقافله علي نفسها الباب ولو هوب بس ناحية باب اوضتها تصرخ وتقوله هتصل بهشام
يخاف علي طول وينزل تحت يسهر بره زي عوايده
منال/ يااختي مش دي آخرت الحب خليها تشرب
مني/ امال انا بقولك ايه من الصبح ماهو دا اللي بقولهولك سيبك من الحب والكلام الفاضي ده ودوري علي مصلحتك
منال/ تصبحي علي خير يا مني عندي شغل الصبح بدري
مني/ وانتي من أهله يااختي انتي حره
..........................
في شقة حسن
وعد نايمه يدخل حسن الغرفة بسرعة يدور علي حاجة في الدولاب
تفزع وعد وتقف بجوار السرير
حسن بنظرة حاده / متشوفتيش الفلوس اللي كانت هنا
وعد بقلق / لأ مشوفتش فلوس وبطل استهبال انت عارف انك مستش فلوس في الدولاب واتفضل بقي من هنا علشان عايزة انام
حسن وهو بيقرب من وعد وهي بتبعد عنه بخوف حتي التصقت بالحاءط / هاتي الفلوس اللي معاكي
وعد بخوف وهي بتحاول تصنع القوة /'نعم دا مصروفي ومن فلوس بابا ملكش فيها جنيه
حسن بعدم إهتمام / هاتيهم وانا اول مقبض هرجعهملك
وعد/ انا عارفة إنك مش هترجع حاجة
حسن بعصبيه / هو انا هتحايل عليكي
وقرب من الدولاب ورمي هدومها في الأرض وخرج الشنطة من وسط الهدوم وهي بتحاول تبعده وقعها في الأرض وفتح الشنطة
حسن وهو ممسك بالفلوس / بتسمي دي فلوس روحي شوفي هشام اخوكي اللي اخد الشركة كلها في عبه ولا حد هامه كانها بتاعته لوحده وانتوا ملكوش فيها حاجة وفي الآخر ابوكو بيرميلكو الفتافيت
وعد/ فلوس هشام من تعبه وشقاه عشر سنين في الشركة اتعب انت زيه وبعدين اتكلم ولا علشان هشام محطش قدامك الاتنين مليون اللي انت طلبتهم بتحاول تكرهنا في بعض
حسن بسخرية/ اتنين مليون أيه اللي بتتكلمي عليهم دا كان جس نبض بحاول اوقعه ما هو لو معاه اتنين مليون بعد الشقة والأرض اللي اشتراهم يبقي اكيد بيسرقوا
وعد/ أخرس اخويا أشرف منك انت تعرف ايه عنه علشان تقول كده اخويا اللي مش عجبك وبتحقد عليه علشان مهوش زيك دا ناجح طول عمره في دراسته وشغله بيشتغل من الصبح لآخر الليل بيرجع بيته ينام مش فاضي للصرمحه والسهر زيك
حسن وقرب منها بيحاول يضربها
كانت وعد في ايدها التليفون / لو قربتلي هتصل بهشام يجي دلوقتي وهتطلقني غصب عنك علشان هيلبسك قضية تجارة مخدرات وساعتها هطلقني جوه السجن ومفيهاش بقي اتنين مليون ولا حتي جنيه واحد
بعد حسن عنها وهو ممسك بالفلوس / أبقى خلي باباكي يزود المصروف شوية سبع تلاف ميعملوش حاجة
وعد/ انت مش بس قليل الأدب دا انت بجح بجاحه مشوفتش زيها حسن / اسكتي بقي انا رايح اعمل دماغ ومش عايز اسمع صوتك خالص
وعد/ عايز تشرب من الهباب ده يبقي بره بيتي
حسن / ماشي هروح أشرب عند مراتي التانية وبالمرة اعدي اجيبلها عشوه حلوه ونقضي ليله زي العسل بعيد عن النكد
وعد واقفه في ذهول من اللي بتسمعه قعدت علي طرف السرير وهي واضعه ايدها علي وجهها وبتبكي
...................
في اليوم التالي في شقة عمر
عمر ببتسامة وهو شايل بدر/ بجد شبهي هو انا حلو كده
نورهان / طبعاً حلو وزي القمر كمان ولو مطلعش شبهك هيطلع لمين
عمر بغمز وهو بيقرب من نورهان/ دا غزل بقي
نورهان وهي بتحاول تبعد عنه / عمر انا تعبانه ومش قادرة اتحرك اكتر من كده
عمر/ سلامتك يا حبيبي ألف سلامة هو مفيش حد هيجي النهاردة ولا ايه
نورهان / أمل اتصلت الصبح وقالت إنها جايه
جرس الباب يرن
عمر/ الظاهر جات بنت حلال بتيجي علي السيره
خرج عمر فتح الباب
أمل / مساء الخير
عمر/ مساء النور اتفضلي
أمل بدهشة/ غريبه جاي من الشغل بدري النهاردة
عمر / لا انا استأذنت ساعة علشان اطمن علي نور وراجع الشغل تاني
نورهان من جوه بصوت عالي/ تعالى يا أمل علشان تغيري للواد ده
دخلت أمل جوه
نورهان/ ييييييه انتي جايبه العيال دي معاكي ليه
أمل / يعني اوديهم فين وبعدين استحمليهم معلش يا نور
نورهان / لا طبعاً انتي اللي تستحمليني معلش بقي غيري ل بدر والهدوم عندك شغلي الغسالة الواد ده مبيبطلش تغيير امال لما يكبر هيعمل ايه
أمل / انتوا اللي مبتعرفوش ترضعوه ومبهدلين هدومه
نورهان / هو اللي مبيفتحش بوقة والرضعة كلها بتتكب علي هدومه
عمر / انا نازل عايزين مني حاجة
نورهان/ لا يا حبيبي تيجي بالسلامة
خلعت أمل الحجاب ولفت شعرها
نورهان/ ايوه كده استعدي للشغل معلش بقي حنان والدتها تعبانه وقالت إنها مش هتقدر تسيبها
أمل / وحتي لو هنا هجيلك بردو
نورهان / تسلمي يا أمل طول عمرك جدعه
جرس الباب يرن تخرج أمل تفتح الباب
ريم ببتسامة / ازيك يا أمل
أمل / الحمد لله. ..اتفضلي
تدخل ريم وتسلم علي نورهان وتبدأ أمل بترتيب الشقة ونشر الهدوم وبعدها تدخل المطبخ
بعد فترة
ريم بتصرخ تجري أمل
كريم ابن ريم واقع في الأرض والدم نازل من بوقة أمل تاخده الحمام تغسله
ريم بعصبيه ل امل/ شوفتي ابنك عمل أيه في ابني
هشام بخوف/ انا معملتلوش حاجة هو اللي وقع لوحده
تقوم نورهان بتعب وهي بتتسند علي الحائط
ريم لهشام/ بقي هو اللي وقع لوحده دا انا شايفاك بعنيه قرب بقي علشان اعورك زي ماعورته
نورهان / خلاص يا ريم حصل خير
ريم / يعنى لو ابن اخوكي اللي وقع واتعور كنتي هتقولي كده
أمل بعصبيه / ايه عيال مع بعض انا جريت واخدت ابنك وغسلتله وهو كويس أهو مفهوش حاجة يبقي انتي مكبره الموضوع ليه بقي
ريم / وشفايفة اللي اتفتحت دي اخبيها ازاي دا ماجد مبيطقش عليه الهوا
أمل بعصبيه / قوليلو ابن شادي هو اللي عوره اترتحتي كده
ريم / قصدك ايه يا أمل تولع فيها
نورهان / هو مين اللي بيولع فيها يا ريم انتي اللي عايزة مشاكل
ريم / لأ مرات اخوكي هي اللي عايزة تعمل مشكلة تقصدي ليه بابن شادي يا أمل
أمل / أقصد اللي فهمتيه جوزك مبيطقش علي ابنك الهوا وانا ابني بردو كان ليه اب جوزك بقي معوروش وبس
يدخل عمر الشقة/ خلاص يا أمل علشان خاطري بلاش نتكلم في المواضيع دي هشام طالع ورايا  علي السلم
قعدت أمل صامته والدموع في عينيها
يرن هشام جرس الباب يفتح عمر
تقعد نورهان جنب أمل بتعب ريم مازالت واقفه شايله ابنها
يدخل هشام ببتسامة / مساء الخير
يتبدل وجهه إلى الغضب بعد أن يرى ريم وابنها
ريم / انا ماشية
كان وقتها ماجد واقف تحت بالعربية  علشان تخرج
خرجت ريم
هشام لأمل / في ايه انتي معيطه ولا ايه
أمل / لا مفيش هشوف الأكل علي النار
وجريت بسرعة للمطبخ
هشام / عامله ايه يا نور النهاردة
نورهان / الحمد لله
أمل خارجة من المطبخ / الأكل استوا هتاكلوا دلوقتى
عمر/ آه هناكل كلنا مع بعض
هشام / لا معلش مش هقدر  انا عايزة اروح انام ومش قادر اقعد
نورهان / أخص عليك يا هشام  كل ما تيجي تقول نفس الكلام وتمشي من غير منقعد مع بعض
هشام وهو شايل شادي / معلش يا نور بكون راجع من الشغل تعبان ومش قادر اقعد بجد .....تتعوض يوم الجمعه
يلا يا أمل البسي وهنزل أشغل العربية
اخد هشام في أيده ونزل
أمل / عايزة مني حاجة يا نور
نورهان / لا يا حبيبتي متشكرة روحي انتي وبلاش تقولي لهشام حاجة
هزت أمل راسها ونزلت بسرعة
عمر لنورهان/ هو ايه اللي حصل انا دخلت سمعت زعيق مفهمتش حاجة