عودة أمل 💛

الحلقة ٨ ج٣

عودة أمل3
بوسي مصطفي

*************

الحلقة الثامنة

في شقة عمر
عمر بيغير هدومه. ...نور قاعدة علي السرير سرحانه
قرب منها عمر وقعد جنبها / في ايه يا نور شكلك زعلان من ساعة مخجرنا من البيت عندكو في حاجة
نورهان بحزن /'بابا هيتجوز
عمر / طب وفيها ايه
نورهان /'نعم! ..انت شايف الموضوع عادي كده
عمر/ شوفي يا نور باباكي بردو محتاج ست تاخد بالها منه وترعيه وانتوا كل واحد فيكو بقي ليه حياته وانا شايف إن دا حقه
نورهان / الموضوع مش حكاية رعاية واهتمام لو علي ده ف أمل مش مقصره في حاجة  هو عايز يتجوز علشان يبقي ليه زوجة فهمت
عمر ببتسامة / طب وفيها ايه مش شايف إن دي فيها حاجة بردو
نورهان / يعني ايه يا عمر مفيهاش حاجة يعني لما أحب اروح البيت عندنا الاقي ست غريبه في البيت غير ماما
عمر وهو بتغطي / الغريبه دي هتبقى مرات باباكي يعني مش هتكون غريبه ولا حاجة
نورهان/ مراته يعني هيحبها اكتر مني
عمر / هههههه الموضوع غيره بقي
نورهان / طبعاً مش بابايا ولازم اغير عليه
عمر/ بس انتي اتجوزتي مفروض موضوع الغيره دا يقل شوية
نورهان / انت بتعمل ايه.
عمر ببتسامة / بنام عايزة حاجة
نورهان / اقعد معايا شوية
عمر/ الساعة واحده اقعد ايه اكتر من كده وبعدين وقفت كتير في العزا ورجلي وجعتني
نورهان / اممم وشوفت ماجد هناك
عمر / اكيد يعنى ليه بتسألي
نورهان / كويس إن هشام مرحش
عمر/ طيب تصبحي علي خير
نورهان/ انت هتنام بجد
عمر / ههههه لأ بهزار في ايه يا نور
نورهان / فيه إنك مبقتش تقعد معايا ولا نتكلم زي زمان
عمر / علي أساس إننا متجوزين من عشر سنين مثلاً وبعدين ما احنا كنا بتتكلم دلوقتى سبيني بس انام وبكره نتكلم براحتنا
نورهان بضيق تمسك المخده تخبطها في دماغ عمر / ماشي يا عمر نام
عمر/ هههههههههههههههه
.................................
بعد كام يوم في مكتب هشام
مازن / صباح الخير
هشام / صباح الخير ايه اللي اخرك كده
مازن / نغم كل يوم والتاني تقعد تصوت وتقول بولد اروح بيها المستشفي الدكتور يقول لسه بدري ويرجعنا تاني
هشام / معلش بس تلاقيها قلقانه
مازن / دا انا اللي هموت من الرعب تعبت لدرجة اني بقفل التليفون علشان متتصلش
هشام / ولما تتعب مين هيوديها للدكتور
مازن / تتصل بباباها بصراحه نفسي اهرب من الموقف ده بخاف انا من مواضيع الولاده والحاجات دي
هشام / هههههه بكره تتعود
مازن / عقبالك
هشام / لا يا عم مش وقته خالص كفايه عليه هشام وشادي
مازن / يا عم هاتهم وانت شباب علشان يكبروا ويساعدوك في الشغل
هشام / بقولك ايه هنفضل نتكلم كتير هاتلي الورق خليني اراجعه قبل ما يوصل مكتب بابا
مازن / آه صحيح فكرتني اللي اسمها دينا دي بقت بتدخل المكتب عند باباك كتير
هشام متكلمش
مازن /'ايه يا عم هو انا مش بكلمك ولا ايه
هشام / مازن بصراحه بابا هيتجوز دينا
مازن بدهشة وانفجر بالضحك / هههههههههههههههه انت بتقول ايه بتهزر صح
هشام / ايه يا عم هو انا قولت نكته ولا ايه
مازن / هههههه لأ بس غريب يعني الموضوع ده
هشام / غريب إن بابا يتجوز دينا
مازن / لأ هو الغريب إن باباك يتجوز
هشام / ليه يا ابني بابا لسه شباب
مازن بغمز/ ههههههه شباب ايه يا عم هشام احنا هنضحك علي بعض ما انا وانتا دفنينه سوا
هشام / هههههههه يخرب عقلك تقصد ايه
مازن / آه لو باباك عملها وجابلك أخ بقي مش بعيد تطلب تاني في الجيش
هشام / ههههههه وقعتك سودة هو انا ناقص
مازن بغمز/ مش بتقول باباك لسه شباب يبقي هيعملها ويجيب ليكو نونو صغير
هشام / هههههههه طب روح شوف شغلك بدل ما أقوله وساعتها مش بعيد يرفدك من الشركة
مازن / هههههههههههههههه هقوله هشام اللي قالي كده
هشام / طول عمرك ندل أخلص عندنا شغل
...........................
في فيلا مراد
تقرب أمل من وعد اللي قاعدة في الجنينه / الجميل قاعد لوحده ليه
وعد / خضتيني يا أمل
أمل / ههههه يبقي كنتي سرحانه ....قوليلي بقي سرحانه في ايه
وعد/ هيكون في ايه هو فيه غيره حسن
حسبي الله ونعم الوكيل
أمل /'ليه ايه اللي حصل تاني
وعد/ متصل من شوية بيقول إنه هيجي هو ووالده والدته قال ايه علشان نتصالح ونرجع لبعض
امل/ ليه هو كان كلام عيال مش قال هيطلق
وعد/ مبقتش مرتحاله كداب اوي وملوش كلمة
أمل / جايين أمتي
وعد/ بيقول بالليل لسه فاكر يجي بنته عندها شهرين دلوقتي وهو ولا هنا ولا فكر يسأل عليها بالتليفون حتي
امل/ متشغليش بالك بيه اعتبريه مش موجود ومتزعليش نفسك
وعد/ ما انا فعلا اعتبرته مش موجود
أمل / سها بتسلم عليكي اتصلت بيها الصبح اعزيها وسألتني عليكي
وعد/ آه فيها الخير
بقولك ايه يا أمل. ...مني اللي كانت شغاله عندى وسابت الشغل اتصلت بيه وعرضت إنها تشتغل هنا عندنا ايه رأيك
أمل / مش عارفة قولي ل بابا
وعد/ شوفي انا فكرت في فكرة هي تراعي الولاد ومنال عليها المطبخ ويوم التنضيف يساعدوا بعض صدقيني هترتاحي هتلاعبلك العيال وتنيمهم وانتي بقي تهدي اعصابك وتفوقي لجوزك بدل ما هو بيجي يلاقي صوتك عالي وبتجري ورا العيال
امل/ ههههه بتشتميني بالذوق يعني
وعد/ كويس إنك بتفهمي هههههههه
أمل / هههه ماشي موافقة ...هروح اشوف الأكل
وعد/ طب معلش وانتي في المطبخ اعملي الرضعة ل ليلي 
أمل ببتسامة / حاضر
....................
في فيلا عاصم
ماجد في ايده الفون تقرب ريم وتخطفه من أيده
ريم /'بتعلب يا ماجد هو انتا فاكر نفسك لسه صغير على الحاجات دى
ماجد بتأفف / مش عارف انتي عايزة مني ايه
ريم / عايزاك ناجح وشاطر في شغلك ودراستك نفسي أحس اني متجوزه راجل افتخر بيه مش عيل لسه بيلعب علي الفون
ماجد / لاحظي إنك بتغلطي يا ريم ومش معنى إني بحبك هسكت
ريم / تقصد ايه تضربني مثلاً
ماجد / افهمي اللي تفهميه بس انتي اللى داخله وعايزة تتخانقي
ريم/ اسمع يا ماجد انا هقولهالك على بلاطه كده زى ما بتقولوا
انا واحده عايزة أعيش مع راجل يقدرني ويحترمني وفوق كل ده الناس كلها تحترمه مش ابقي خايفه الناس تعرف إن جوزي كان مسجون
ماجد/ لا دا كلام جديد اوي. ..انتي يا هانم اتجوزتيني وعارفة عني كل حاجة مخبتش عليكي
ريم / ايوه بس مبتحاولش تعوض ده بانك تبقي ناجح في حياتك مستسلم كده ومعندكش هدف حاول تستغل الفرصة اللي جاتلك وقرب من شغل والدك علشان تثبت نفسك
ماجد/ والدي ...والدي. ..كل حاجة شركة والدي
انتي اتجوزتيني انا ولا الشركة
ريم / اتجوزتك انتا بس لازم كمان تشتغل
ماجد / دا كلام مختار بيه مش كلامك
ريم / انتا ليه حاطط بابا في دماغك
ماجد/ لإنه خاين واحد غيره مكنش زعل أهله ولا وافق علي جوازنا وانا بقي مبرتحلهوش
ريم بعصبيه / أوك يا ماجد انت اللي اخترت وانا بقى مش هستني هنا لحظة واحده
ماجد بغضب/ مع السلامة المركب اللي تودي
..........................
في فيلا مراد
أمل تخبط علي باب المكتب
مراد / ادخلي يا أمل
أمل / العشا جاهز
هشام / شويه وخارجين
أمل / بس الأكل هيبرد
مراد / هنخلص الشغل اللي في ايدنا ونخرج
خرجت أمل بملل وقعدت علي السفرة
وعد نازله من فوق / ايه يا أمل قاعدة وايدك على خدك ليه
أمل بزهق / مفيش يا وعد
وعد/ بابا وهشام لسه جوه
أمل / آه
وعد/ طيب هقولهم الأكل جاهز
أمل / دخلت لاقتهم لسه بيشتغلوا
وعد/ طيب
الولاد بيلعبوا
هشام الصغير في ايده لعبه يحدفها في الأكل
تصرخ أمل وتجري ناحيته بكل غضب
وعد/ سبيه يا أمل مكانش يقصد
أمل بصوت عالي / انا زهقت من القرف اللي انا فيه ليل ونهار ايه هو حد مسلطكوا عليه
وتضرب هشام
يخرج هشام ومراد بسرعة
مراد / في ايه يا بنتي
هشام بعصبيه / صوتك عالي ليه يا أمل
أمل بزعيق / ملكش دعوة خليك أنتا في شغلك اللي ليل ونهار وسيبني اربي ولادي
هشام بغضب وممسك ايدها يبعدها عن هشام / وانتي فاكره نفسك كده بتربي
أمل / خلاص ربيهم أنتا
هشام / اومال انتي بتعملي ايه في البيت هو محدش عندو ولاد إلا انتي معليه صوتك ولا حد هامك
مراد/ خلاص يا ولاد محصلش حاجة
أمل / لأ فيه يا بابا انا بقي بصراحه زهقت من الوضع ده
هشام / انا اللي زهقت من عيشتي معاكي
وعد/ خلاص يا هشام أقصر الشر وتعالوا علشان تاكلوا
هشام / تعبان طول النهار في الشغل نفسي ارجع بيتي اقعد في هدوء ودي مش مراعيه تعبي ايه اموت نفسي علشان تستريحي
طلعت أمل لفوق وهي بتعيط
مراد/ يعني مش عارف تمسك لسانك شوية اطلع بقي صالحها
هشام / انا مزعلتش حد علشان اصالحه
قرب هشام من السفرة علشان ياكل
طلعت وعد ل أمل
مراد/ هي بردو ليها حق يا ابني يمكن اضايقت علشان رجعت من بره ودخلنا المكتب نكمل شغل
هشام / حضرتك يا بابا بتقول شغل يعني لا انا بتأخر بره البيت سهران مع صحابي ولا انا قاعد في البيت بلعب
مراد/ ما هو ياابني لازم يكون في يوم حتي في الاسبوع تخرجها شويه قعدة البيت وحشة
.................
في غرفة هشام
وعد /'علشان خاطري يا أمل بطلي عياط بقي انتي عارفة هشام بيحبك قد ايه اكيد في حاجة مضايقاه في الشغل معلش استحملى
أمل وهي بتعيط  / انا مستحمله بقالي كتير ومبنطقش ولما جيت اتكلم قالي إنه زهق من عيشته معايا
وعد/ معلش هو لما يهدي هيصالحلك متزعليش يلا انزلي علشان تاكلي
أمل وهي بتمسح دموعها / لا يا وعد مليش نفس انا هنام
وعد/ مينفعش كده يا أمل انتي مبتاكليش خالص وشكلك تعبان اهتمي بصحتك شوية
امل / معلش يا وعد سبيني دلوقتي علشان عايزة انام
وعد/ براحتك يا أمل تصبحي علي خير
...........
وعد نزلت تحت
مراد/ مجيبتهاش معاكي ليه
وعد/ هاريه نفسها عياط وبتقول مش عايزة تاكل سيبتها بتنام
قام هشام / بعد اذنكو
مراد/ ياريت يقدر يلين دماغها وتنزل تاكل
وعد/ أمل دماغها ناشفه وهشام دماغه انشف منها بس بيحبوا بعض وهيقدر يصالحها
.................
في غرفة هشام
أمل بعصبيه / لو ماقومتش من جنبي دلوقتي هسيبلك الأوضة وأخرج ابات في أي حته في البيت
هشام ببتسامة/ خلاص بقي يا أمل ماانا جاي اصالحلك أهو
أمل / لأ جيت علي نفسك ليه متروح تكمل اكلك
وبعدين سيب أيدي
هشام يقبل ايدها/ خلاص بقي علشان خاطري وهدي أعصابك شوية
امل / مش انت زهقت من عيشتك معايا
هشام ببتسامة/ مين المغفل اللي قال كده بس
أمل / متشتموش علشان بزعل
هشام / هههههه لأ بقي انا اشتمه براحتي
أمل / ايه بقي اللي كان مضايقك
تنهد هشام وهو بيفرد جسمه علي السرير / تعبان يا أمل رجلي بتوجعني شوية
قربت أمل لهشام بدهشة / ايه دا يا هشام رجلك دي فيها حاجة
هشام / آه فعلا بتوجعني
أمل / الرجل دي غير دي مكشفتش ليه
هشام / مش فايق لحاجة
أمل / ليه يا هشام في ايه
هشام / الواد مش عايز يطلق
أمل / ليه هو كلمك
هشام / طالب خمسه مليون
أمل / نعم!...لا دا واضح إنه بيستهبل وشكله كده ناوي علي حاجة
هشام / هروحله بكره واهي آخر محاوله اشوف اخرتها ايه معاه ....خلاص يعني صافي يا لبن
أمل ببتسامة / حليب يا قشطة
هشام / طب انزلي علشان تاكلي
أمل / مليش نفس
هشام وهو بيغمض عينيه / انزلي يا حبيبتي انتي مأكلتيش
أمل / تصبح علي خير  يا هشام
..........  ........
في الصباح
أمل قاعدة تحت لسه بتشغل التليفزيون
ينزل مراد من فوق
مراد / صباح الخير يا أمل هو هشام لسه نايم
أمل / صباح الخير يا بابا
هشام تقريبا نزل من بدري أصلي كنت نايمه مشفتوش وهو نازل
مراد/ هيكون راح فين حتي التليفون مبيردش عليه
أمل بقلق / يعني هو مرحش الشركة
مراد / جربي كده من تليفونك يمكن يكون فتح تليفونه
................. ..
هشام واقف قدام باب شقة والد حسن
يرن الجرس
والد حسن ببتسامة / ازيك يا ابني صباح الخير
هشام / صباح الخير حسن فين
والد حسن / جوه اتفضل
دخل هشام
والد حسن / انا بصراحه محرج اوي منكو بس لسه واصلين امبارح ونمنا من التعب
هشام / لا ما هو ابنك عمل الواجب وزيادة الحقيقة مقصرش
والد حسن / بس اقعد وفهمني ايه الموضوع هو ومراته متخانقين ليه
هشام / لو عنده الجرأة يقولك
والد حسن ينادي / يا ام حسن صحي ابنك اشوف في ايه
هشام / أنا مش هتكلم كتير انا جاي اقولك ابنك يطلق اختي بالذوق بدل ما اتكلم انا وساعتها مش هيعجبك الكلام
والد حسن / من غير غلط يا ابني أنا عايز أفهم الموضوع
يخرج حسن وهو بيتتاءب / ايه الزعيق ده علي الصبح
هشام / مش تصحي بقي علشان تستلم الخمسه مليون اللي طلبتهم
والد حسن / خمسه مليون ايه حد يفهمني
حسن / عايز ايه يا هشام علي الصبح
هشام / عايزك تحكي لوالدك ووالدتك علي سفالتك وقلة ادبك مع اختي اللي متستاهلش ضفرها
حسن / طيب اسكت بقي احسنلك وخليني ساكت انا كمان
هشام / لا يا حبيبي اتكلم عادي براحتك دول أهلك ماهما كمان لازم يعرفوا اختي ليه مش عايزة تعيش معاك وليه طلبت فلوس علشان تطلق
والدة حسن / انت عايز ايه بالظبط بنتكو اللي كارهه
هشام / فعلا احنا اللي كارهين وعلشان كده كتبتله شيك باتنين مليون جنيه علشان يطلقها لكن ابنكو طمع وعايز بدل الاتنين خمسه شوفتوا بجاحه اكتر من كده
لأ ومصور مراته كمان وبيبتزنا بالصور علشان ياخد اكتر
والد حسن وهو ممسكه من رقبته / الكلام دا صحيح
حسن / انت بقي فتحت علي نفسك نار مش هتنطفي يا هشام
هشام / النار مش هطولني لوحدي تحب أكمل الحكاية لأهلك ولا تيجي معايا تطلق من سكات
والد حسن وهو بيتركه وبيقعد علي الكرسي / مردتش يبقي الكلام صح ....هي وصلت سفالتك لكده كمان
هشام ومقرب من حسن وبهمس / تيجى معايا دلوقتي تسحب الفلوس من البنك وهستلمهم منك ملكش نصيب فيهم أهو بغباءك لا طولت خمسه ولا اتنين ولا حتي جنيه واحد
حسن / ايه اللي مخليك واثق من كلامك اوي كده
هشام / علشان والدك زي ما انتا شايف صحته على قده ولو كملت الحكاية هيروح فيها
حسن / هههههههههه
هشام / كنت عارف إنك ميهمكش حاجة غيرنفسك بلاش ابوك وامك في حتة حشيش كده اترمت في شقتك اتصال واحد وهتروح في داهيه واوعي تقولي هقول مش بتاعتي والكلام ده لانه في تحليل هيثبت إنك بتتعاطي ومش بعيد تكون بتاجر كمان
حسن / دخلت شقتي ازاي
هشام / مش هقولك بس تنزل معايا دلوقتى ونخلص في الموضوع علشان مش طايق اشوف وشك
حسن / انا داخل البس
هشام / وانا مستنى تحت
.............................
بعد مرور ساعتين
هشام بيتكلم في التليفون
هشام / جهزي نفسك حسن جاى دلوقتي ومعاه المأذون
وعد بفرحه/ بجد يا هشام. ..يااااه أخيراً
هشام / هقفل معاكي علشان بابا بيتصل
مراد بعصبيه / انت فين من الصبح
هشام / انا آسف يا بابا كنت في مشوار
مراد/ ولما انتا مش جاي الشركة مقولتش ليه
هشام / كنت بتفق مع حسن علي الميعاد اللي هيجي فيه علشان يطلق
مراد / كده من غير ماتقولي
هشام / معلش يا بابا هي جات كده المهم هما جايين بعد ساعة
مراد / نعم! ...ومقالش ليه علشان اعمل حسابي يعني اسيب الشركة علشان حضرته جاي دلوقتي
هشام / بعد ما يمشوا انا هرجع أكمل الشغل متقلقش وحضرتك ابقي استريح
مراد / طيب اتصل بأمل بقي يجهزوا غدا ليهم
هشام / حاضر
...............................
في المساء في فيلا مراد
نورهان / مزعله نفسك علي أيه يا وعد يعني هو كان يستاهل
وعد/ انا مش زعلانه إنه طلقني بالعكس هم وانزاح من علي قلبي انا بس زعلانه علي نفسي وعلي بنتي دا حتي مفكرش يسأل عليها
نورهان / متزعليش نفسك اعتبريه مش موجود في حياتكو اصلا وعيشي حياتك علشان بنتك
وعد/ عمري ما اتخيلت إن دا ممكن يحصلي
أمل تدخل ببتسامة / يلا انزلوا العشا جاهز
نورهان / هو عمر جه
أمل / آه. ..قاعد تحت هو وبابا
وعد/ هو هشام لسه مرجعش
أمل / لسه في الشركة
نورهان / يلا يا وعد ننزل ناكل انا جوعت
...........................
في اليوم التالي في المساء
أمل في المطبخ
وعد/ بتعملي الأكل دا كله لمين يا أمل
أمل / لينا هيكون لمين
وعد/ حمام وبط وفراخ ومحاشي وطواجن لينا ولا للعروسة
أمل / ههههه وهي العروسة هتاكل لوحدها بردو
وعد/ شوفتي بابا ماصدق وافقنا راح علي طول يكتب الكتاب لأ وايه جوزك يروح معاه
أمل / مش بابا اللي طلب كده وبعدين لازم بقي نتعود علي الوضع ده وبطلي تحرقي في دمك كده
وعد / الظاهر جم
أمل / وعد خليكي طبيعيه وسلمي عليها عادي ماشي
وعد/ انا نفسي اشوف اللي خطفت قلب بابا دي ونسيته ماما
أمل / هشام بينادي
وعد شوفي انا لبسي كده حلو
وعد/ يااختي يعني هي كانت مين متحبكهاش يا أمل
أمل / لا يا بنتي انا أقصد هشام
شكلي كده حلو ولا متبهدله من المطبخ
وعد بغمز/ لا متقلقيش هشام مبيفرقش معاه الحاجات دي هو بيحبك كده زي ما انتي
أمل / مع إن كلامك فيه شوية غمز ولمز بس ماشي
يدخل هشام / بتعملوا ايه دا كله قاعد بنادي علشان حد منكو يطلع ولا حد هنا
أمل / معلش يا حبيبي هات دي عنك.....هي فيها ايه دي يا هشام
هشام / هتعرفي بعدين وسعي بقي علشان أدخل الحاجة التلاجة
أمل ووعد واقفين
هشام / اطلعوا سلموا ميصحش تفضلوا كده
يخرجوا من المطبخ
مراد ودينا قاعدين في الصالون
مراد محاوط دينا بذراعية وببتسامة/ نورتي بيتك يا حبيبتي
ابتسمت دينا بخجل
وعد/ أمل هي مين دي
أمل بدهشة/ تقريباً العروسة
وعد بغيظ/ عروسة ايه دي شكلها أصغر مني
أمل /'هههه مش اوي يعني هشام بيقول عندها أربعين سنه
وعد / دا انا اللى عندي أربعين مش هي
أمل / هههههههه
مراد ببتسامة / قربوا يا بنات واقفين عندكو بتعملوا ايه
قربت وعد ببطء ومعاها أمل
مراد ل دينا / دي بقي تبقي وعد بنتي
دينا تسلم / ازيك يا وعد
وعد / ازيك انتي يا طنط
أمل تقرصها في رجلها
وعد بمكر/ ما انا بصراحه معرفش يعني مرات الأب بيتقالها ايه
دينا / قوليلي دينا. ...دينا وبس
وعد بتصنع الابتسامة / أوك يا دينا
مراد / دي بقي تبقي بنتي التالته أمل مرات هشام
دينا / أهلا يا أمل ازيك
أمل ببتسامة / الحمد لله
دينا / تعرفى من كتر ما مراد كلمني عنك كان نفسي اشوفك اوي
أمل / أهلا بحضرتك نورتي بيتك
مراد / مش يلا بينا بقي يا دينا نطلع نستريح
وعد/ ليه يا بابا مش هتتعشا معانا
مراد/ لا اي حد يبقي يطلعلنا العشا فوق
يخرج هشام من المطبخ
مراد وهو ممسك ايد دينا ببتسامة / تصبحو علي خير
...... .....
تقعد وعد
وعد لهشام بدهشة / مين دي يا هشام
هشام / هههههههه مرات ابوكي
وعد/ مرات أبوك حلوه اوي يا هشام دي احلي من مراتك
هشام / بس مراتي عندي احلي
وعد/ يا عم احنا هنكدب. ...قوليلي يا أمل بقي عندك كام سنه دلوقتي
أمل وهي داخله المطبخ / سبعه وعشرين بتسألي ليه
وعد لهشام / مراتك عندها سبعه وعشرين ومرات أبوك أربعين واللي يشوفها يقول أصغر من مراتك
هشام انا من رأيي تتجوز علي أمل
أمل / بطلي وخليكي محضر خير وطلعي الأكل دا فوق
وعد/ نعم انتي عايزاني كمان اطلعلهم الأكل. ..لا كفايه اني قبلت أسلم عليها مطلعش انا الأكل لحد
هشام / خلاص يا أمل طلعيه انتي انا مينفعش اطلع
أمل باستسلام / حاضر. ..انا حيلي اتهد النهاردة
هشام / معلش يا حبيبتي ....ربنا يقويكي
طلعت أمل
هشام / متجهزي السفرة انتي بقي يا وعد
وعد/ لما تيجي أمل أنا مش هتحرك غير لما تنزل
هشام / ههههه ليه يعني
تنزل أمل تتجه للمطبخ بسرعة
تجري وعد ناحيتها / رايحه فين
أمل /'سيبي أيدي في ايه
وعد/ شوفتي ايه لما فتحولك الباب
هشام بدهشة/ عيب الكلام دا يا وعد
وعد/ انا عايزة اعرف مين فتحلك الباب وكانت لابسه ايه قولي يلا
هشام / أمل ادخلي هاتي الأكل انا جعان
وعد قعدت بجوار هشام / تصدق إنك رخم
هشام / بطلي تصرفاتك دي وعيب اصلا تسألي عن الحاجات دي وعد / طيب انا طالعه انام تصبح علي خير
أمل جايه بالأكل / رايحه فين قربي علشان تتعشي
هشام / بطلي شغل العيال ده ويلا ناكل مع بعض
قعدوا كلهم
هشام بيقرب الأكل من وعد وبيهزر معاها
وعد/ انا مش هاكل من الأكل ده
هشام / ليه دا الحمام حلو اوي
وعد/ كل انتا انا مليش نفس
هشام / طب خدي انتي يا أمل
أمل / يا بنتي كلي هتندمي صدقيني
وعد/ لا يا اختي كلي انتي وجوزك انا مش عايزة
............
في شقة عمر
عمر / كفاية بقي يا نور عياط انا مش عارف اعملك ايه علشان تبطلي عياط
نورهان / بابا اتجوز يا عمر
عمر/ آه اتجوز يعني محصلوش حاجة وحشة
نورهان / هو في اكتر من كده
عمر/ آه فيه وبعدين بطلي شغل العيال ده انتي مش صغيره علشان تعملي كده
نورهان / اومال مفروض اعمل ايه
عمر وهو بيقرب منها / مفروض تقومي كده تغسلي وشك وتجيبلنا حاجة حلوة ناكلها وتفكك من جو الكآبة ده
نورهان / انتا فايق ورايق
عمر بغمز / ومش افوق واروق ليه يا قمر قومي بقي
نورهان / هههههه حاضر
عمر وهو بيصقف / حلاوتك يا مراتي
نورهان / ههههه بقيت بيئة اوي يا عمر
...................
هشام ل أمل / شغليلنا التليفزيون دا يا أمل
وعد / تليفزيون ايه تعالي بس اتفرج في فيديوهات تحفه علي اليوتيوب
هشام / انا كل تعاملي مع النت للشغل بس مليش انا في البرامج دي
وعد/ يا ابني شوف بس البنات دي بتلعب رياضة شوفت الرشاقة
أمل وهي بتقعد بجوار هشام / انتي آخر واحده تتكلم عن الرشاقة
هشام / هههههههه
وعد/ ماشي يا أمل بس بردو البنات دي احلي منك
أمل / احلي ولا اوحش المهم كل واحد مقتنع بنفسه ولا ايه يا هشام
هشام / هااا آه
وعد / هههههههه هشام مش معاكي اصلا دا بيتفرج ولا واخد باله كنتي بتتكلمي بتقولي ايه
هشام / لأ طبعاً واخد بالي
أمل / طيب
بعد فترة
وعد / هشام. ..أمل نامت
هشام وهو بيمسد علي شعرها ببتسامة/ آه حبيبتي صاحيه من بدري وتعبت اوي النهاردة
وعد/ بتحبها يا هشام
هشام ببتسامة وهو بيقرب أمل منه وفي نفس الوقت بيحاوط وعد بأيده التانية / كلمة الحب دي شوية عليها
بحبها وبحبك انتي ونور اكتر من نفسي
وعد/ متشكرة يا هشام لكل حاجة عملتها علشان تسعدني
هشام / مفيش شكر بين الاخوات علشان دي حاجة طبيعيه انتي اختي اللي عمري ما اقدر اعوضها ابدا عن أي لحظة ألم عاشتها
وعد/ كلامك هيخليني اعيط
هشام / بدل مانعيط بقي ندخل ننام يلا تصبحي علي خير واسف بقي علي اللي هتشوفيه دلوقتي
هشام يحمل أمل بين ذراعيه وهي غارقة في النوم
وعد بغمز/ هههههه لا يا عم ولا يهمك ليلتك سعيدة
أمل بتفتح عينيها
وعد / يا اختي خليكي نايمه حد طايل
هشام لأمل / نامي يا حبيبتي.
أغمضت أمل عيونها مره تانية ونامت
هشام عند باب الغرفة / تصبحي علي خير يا وعد
وعد/ وانت من أهل الخير
.....................
يدخل هشام الغرفة ويضع أمل علي السرير
هشام / أمل قومي بقي مضيعيش المفاجأة اللي محضرهالك
أمل بنعاس/ لا انا عايزة انام
قرب هشام من الدولاب وأخرج الفستان الأبيض
هشام / يلا البسي
أمل / انا عايزة انام وبعدين البس ايه ده دلوقتي
هشام / هساعدك يلا علشان خاطري
قامت أمل وهي شبه نائمة
بعد لبس الفستان قرب هشام ووضع قماشه علي عيونها
أمل / ايه دا يا هشام انا مش شايفة حاجة
هشام / خمس دقايق وجاي اوعي تشيلي القماشه ماشي
نزل هشام جري واحضر التورته من التلاجه
ودخل لوعد اللي كانت صاحيه
هشام ببتسامة / نصيبك في التورته
وخرج جري للغرفة أشعل الشموع وأخرج الهدية
هشام / فكي القماشه بقي يا حبيبتي
أمل بتفتح عينها وتغمضها تشوف قدامها طقم الماظ
أمل بانبهار/ ايه دا يا هشام
هشام / كل سنه وانتي طيبه يا حبيبتي
أمل وهي تحتضنه / عيد جوازنا صح
هشام ببتسامة وهو يقبل وجهها / صح كنتي ناسيه مش كده
أمل /'لأ طبعاً بس انا قولت انت اللي ناسي دلوقتي
هشام بغمز / ما هو بابا ميتجوزش لوحده يعني
أمل / ههههههههه
وايه الشموع دي كلها
هشام / حبيت اعملك أي حاجة تعبر عن حبي ليكي
قربي بقي علشان البسك ده في رقبتك
قربها منه وضمها بقوة / عملتيلي ايه خلتيني متعديش لحظة من يومي إلا وأنا شايفك قدامي في الشغل في الحلم في كل مكان أمل / هشام دا حلم صح
هشام وهو بيحملها بين ذراعيه / لا دا حقيقة
أمل / طب حاسب الفستان تقيل وبعدين الطقم دا غالي اوي
هشام / مفيش حاجة تغلي عليكي يا حياتي
أمل / هشام في صوت ضحك بره
هشام / هههههههه مش عندنا عرسان بقي
أمل / ههههههه نسيت صحيح
هشام بتنهيده/ يلا علشان اساعدك في خلع الفستان
أمل / ههههه معلش بقي انت اللي جيبته لنفسك
هشام / لا ولا يهمك
أمل / انا خايفة باباك يعملها ويخلف ولد
هشام / هههههههه انتي مالك انتي ومازن بالموضوع ده
أمل / ليه هو مازن قال ايه
هشام / ههههه مفيش. ..خلينا احنا في نفسنا مضيعيش اللحظات دي
أمل / طيب خلعني الفستان دا بقي تقيل اوي
.............................
عودة أمل3
بقلم:بوسي مصطفي