الحلقة التاسعة
#عودة أمل3
#بوسي مصطفي
...................
هشام وهو بيحملها بين ذراعيه / لا دا حقيقة
أمل / طب حاسب الفستان تقيل وبعدين الطقم دا غالي اوي
هشام / مفيش حاجة تغلي عليكي يا حياتي
أمل / هشام في صوت ضحك بره
هشام / هههههههه مش عندنا عرسان بقي
أمل / ههههههه نسيت صحيح
هشام بتنهيده/ يلا علشان اساعدك في خلع الفستان
أمل / ههههه معلش بقي انت اللي جيبته لنفسك
هشام / لا ولا يهمك
أمل / انا خايفة باباك يعملها ويخلف ولد
هشام / هههههههه انتي مالك انتي ومازن بالموضوع ده
أمل / ليه هو مازن قال ايه
هشام / ههههه مفيش. ..خلينا احنا في نفسنا مضيعيش اللحظات دي
أمل / طيب خلعني الفستان دا بقي تقيل اوي
.............................
هشام /فستان ايه اللي عايزة تخلعيه لسه هنطفي الشمع وناكل التورته
امل/ أنت عارف إني مليش في الحلو وبعدين الفستان دا مضايقتي
هشام ببتسامة حب/تعرفي إن الفستان حلو اوي عليكي ونفسي تفضلي لابساه كده ع طول
أمل تقرب من هشام/انت اللي احلى حاجة في دنيتي
هشام بغمز/بردو مش هتخلعي الفستان
أمل بتنظر في عيون هشام/بحبك
هشام/بموت فيكي
الباب يخبط
هشام/ مين الغلس اللي بيخبط في الوقت ده
يقرب من الباب
وعد بغمز/مساء الخير
هشام بضيق/خير؟! نعم مش اخدتي نصيبك جايه عايزة ايه
تقفل وعد الباب وتدخل وتقعد علي كرسي قريب من الباب
تنظر لأمل بمكر
وعد ببتسامة/ايه يا أمل مفيش شرفتينا نورتينا أي حاجة من دي
هشام/وعد بصراحة أنا تعبان وعايز انام عندي شغل الصبح
وعد بنظرة حادة وتقرب من هشام/مش قبل ما أكل التورته معاكو
هشام/لأ. أنا اقولك فكرة أحسن من كده انتي تاخديها كلها تاكليها لوحدك
وعد/لا. .لا انا اشاركوا فيها واهو يبقي احتفلت معاكو بالذكرى السعيدة دي
أمل ببتسامة/لا يا حبيبتي احنا اعتبارنا إنك شاركتينا خلاص خديها هديه مننا ليكي ويلا بقي عايزة أخلع الفستان
وعد بغمز/اوك يا أمل بتحرجيني بالذوق ماشي هعديها المرادي تصبحو علي خير
هشام/ استني رايحه فين اتفضلي التورته معاكي
وعد/انا بقول أساعد أمل في خلع الفستان
هشام/يا بنتي افهمي بقي عندي شغل الصبح يلا بقا
خرجت وعد
أمل لهشام بمزح/هشام أختك دي بقت رخمه اوي
هشام/هههههههه كنا بتقول ايه
أمل/كنا بنقول تخلعني الفستان دا بقا قبل ماافطس
هشام/هههههههه
..............
نورهان في التليفون/ها وبعدين
وعد/مفيش يا اختي بابا اخد عروسته ودخل اوضته وهما في منتهي السعادة وهشام اخد أمل وزمانه بيخلعها الفستان
نورهان/هههههههه مش فاهمه
وعد/ النهاردة أمل وهشام قفلوا أربع سنين متجوزين
نورهان/آه فهمت هههههههههه
وعد/وأنا قاعدة زي قرد قطع
بالحق فين جوزك؟
نورهان/نايم يا اختي عنده شغل الصبح وطيارته الساعة اتنين الضهر
وعد/يوصل بالسلامة متنسيش بقي تقوليله علي الحاجات اللي قولتلك يجيبهالي معاه ....عارفة لو طنش هعمل فيه ايه
نورهان/سلام بقي يا وعد بدر صحي ومتقلقيش انا هفكرة وهو هناك
وعد/اوك يا حبيبتي تصبحي علي خير
..........
في الشركة الصبح
مازن/يا ابني اقعد زمانه جاي
معتز/لا انا همشي بقي وأبقى اجي وقت تاني بس متقولوش حاجة خليها مفاجأة
مازن/اقعد بس هو جاي في الطريق كان بيخلص شوية أوراق في البنك مش هيتاخر
معتز/قولي يا مازن هو هشام اتجوز
مازن/يوووه من زمان وعنده شادي
معتز/بجد انا بصراحه مندهش إنه اتجوز
مازن/ههههه ليه يا ابني مش بني آدم زينا
معتز/هشام دا دماغه غريبه واللي هتتجوزه عايزة كتالوج علشان تعرف تتعامل معاه
مازن/هههههههه مش للدرجه دي يعني
يدخل هشام
هشام/صباح الخير
مازن هاتلي كل الشغل علي مكتبي
معتز/مش تسلم الأول
ينظر هشام باندهاش
معتز/ايوه افتكر كده علي مهلك وارجع بالذاكرة عشر سنين
هشام ببتسامة/معتز انت لسه عايش
معتز يقرب ويصافح هشام وحضن أخوي
معتز/آه زي ما انت لسه عايش كده ومتغيرتش وهمك كله علي الشغل زي أيام الدراسة اتظلمت اللي اتجوزتك دي بصراحة
هشام ينظر ل مازن ويوجه كلامه لمعتز/الظاهر العصفورة قالتلك علي كل حاجة
مازن/انا لسه مقولتش حاجة
هشام/اطلبلنا قهوة وتعالوا ندردش جوه شوية
معتز/لأ اجيلك وقت تاني علشان اسيبكو تشوفوا شغلكو
هشام مستحيل تمشي كده قبل ما ندردش مع بعض واعرف اخبارك وعملت ايه السنين اللي فاتت
معتز/انا همشي علشان أخلص كام حاجه كده ونتقابل بعد الشغل في الكافيه اللي كنا متعودين نقعد فيه زمان
فاكرينه؟
هشام/طبعاً فاكرينه ودي أيام تتنسي
هشام/خلاص اتفقنا عشره كويس ؟
معتز/اوك بس متتأخروش
مازن/لا متقلقش عشرة بالدقيقة إن شاء الله. .هنكون عندك
معتز/سلام يا دكاترة هههههه
هشام/اوعى تكون قاعده من إياهم انا عارفك
معتز/لا يا عم ما انا عارف متجوزين بقي وخايفين تتقفشوا
مازن/لأ انا ممكن اتقفش عادي يعني متسمعش كلامه
هشام ل مازن /أعقل يا ابني دا انت لسه جايلك بيبي من يومين
معتز/ كمان؟!
لا بقي شكل القاعدة هتطول سلام بقي ونتقابل بالليل
................
في فيلا مراد تدخل وعد غرفة أمل
وعد بانفعال مصطنع /ايه يا أمل دا كله نوم بقينا الضهر
أمل بفزع/حد يصحي حد كده يا بنتي سبيني انام انا تعبانه
وعد بغمز/ليه انتي نمتي أمتي امبارح
أمل/وانتي مالك سبيني بقا
وعد/قومي هيفوتك حتة مشهد جنان
وفتحت ستاير البلكونة وشدت أمل من ايدها
أمل واقفة في البلكونة/طب وانا مالي
وعد/مالك ازاي؟! شوفي الست دينا بتعمل رياضة ازاي وانتي لسه نايمه
أمل /طب ما تروحي تعملي معاها رياضة واهو بالمره تتصاحبوا علي بعض
وعد بتعالي/انا اتصاحب مع دي
أمل /طب ايه مشكلتك دلوقتي مصحياني من النوم وعملالي قلق وخلاص
وعد/ تصدقي إني فعلاً غلطانه. ..علي العموم مني جايه بعد شوية مش معقول تيجي تلاقيكي كده
إلا صحيح يا أمل انتي شعرك عامل كده ليه
أمل بارتباك/عامل ايه؟
وعد بغمز/الظاهر وانتي بتخلعي الفستان شعرك اتفك واتبهدلتي البهدله دي
صوت من الخارج
يا قوم ...مفيش حد هنا في البيت ولا ايه
تجري وعد تفتح الباب/نور عندنا يا مرحبا يا مرحبا
أمل/لا بقا انا أدخل اخد شاور مش ناقصه تريقتك انتي كمان
نورهان تضحك بسخرية /ايه دا يا أمل مالك متبهدله كده
امل/تصدقوا انتي وهي معندكوش دم علشان تقتحموا الخصوصية بتاعتي وتدخلوا اوضتي بالشكل ده
وعد/تعالي يا نور نخرج قبل منطرد قال خصوصية قال
هههههه ما هو كله اتكشف وبان
نورهان بمكر/هو ايه ده اللي اتكشف وبان؟!
وعد بغمز/تعالي اقولك تحت في الجنينه
هو بدر فين
نورهان/مع منال في المطبخ
وعد/ليه هتعمل عليه حلة شربة
نورهان وهي بتخبطها/ هههه ظريفة اوي. ..نسيبك بقا يا أمل خدي راحتك البيت بيتك
........
وعد في الجنينه/فاتك حتة منظر دلوقتي لمرات ابوكي
نورهان/هي فين صحيح. ..ولا العرسان لسه نايمين
وعد /اسكتي متفكرنيش
أمل جايه من بعيد
وعد/اسكتي دلوقتي أمل جايه
نورهان/وفيها ايه
وعد/أصلي أمل شكلها كده هتصاحب اللي إسمها دينا دي وهيبقوا حبايب
نورهان/لا !...معقولة؟ !..مصدقش حاجة زي كده
وعد/ بكره تشوفي
أمل قربت منهم/يا تري بتتغمزوا علي مين؟
وعد/ كويس إنك صلحتي شكلك المنعفش...
وانا بقول هشام ياعيني بيصحي الصبح بدري ليه اتاريه بيهرب قبل ميشوف المنظر اللي شوفناه ده
امل وهي بتقعد علي الكرسي /انا نفسي أفهم انتي مالك ومالي من بالليل وانتي قارشة ملحتي معرفش ليه
وعد/يعني مش عارفه ليه
أمل /نفسي اعرف
وعد/عماله تطبخي وترتبي في البيت كإن كان عندنا فرح بجد لدرجة دي كنتي بتكرهي ماما
نورهان / اهدي بس يا وعد
أمل بتعمل الواجب وانتي عارفه بتحب بابا قد ايه
وعد /بتحب بابا وبتكره ماما مش كده؟!
أمل / كلامك ده ميتردش عليه انا هقوم اشوف الولاد
نورهان/ليه كده يا وعد
وعد/اسكتي. .اصلك مشوفتهاش امبارح وهي واقفة في المطبخ تعمل المحمر والمشمر ليهم وفرحانه اوي
نورهان / لا يا وعد انتي ظلمتي أمل
هي طول عمرها معانا علي الحلوه والمره
وعد/الأيام بينا وهتظهر كل واحد علي حقيقته
.................
أمل في التليفون /لا يا طنط انا كويسه أخبار حضرتك ايه
نجلاء/الحمد لله. ..أهو باخد الدوا. ...وربنا الشافي
امل/يارب
نجلاء/صوتك مش مريحني يا أمل في حاجه
أمل /لا أبداً. .خالي عامل ايه
نجلاء /الحمد لله. ..احتمال نيجي نزوركو بكره
أمل /تنوري يا طنط. .واحتمال ليه بقا
نجلاء /يعني محدش ضامن الظروف
أمل /لا علشان خاطري ياريت تعمليها وتيجي بجد حضرتك عارفه مدارس الولاد والمذاكرة ومبعرفش أخرج
نجلاء /حاضر يا حبيبتي....إن شاء الله
اسيبك بقا علشان معطلكيش
امل/اوك. ..سلميلي علي خالي كتير وقوليلو إنه وحشني اوي
.......
في غرفة مراد
دينا/يا ميرو اصحى بقا انا قاعده لوحدي وزهقانه
مراد بيفتح عيونه ببتسامه/صباح الخير
دينا /صباح الخير!!..قول مساء الخير. ..تصبحي علي خير
مراد/هههههه ليه هو انا نمت كتير اوي كده
دينا /نمت وبس
وتفتح دينا الستاير
مراد/يااااه اول مره انام وانا مستريح اوي كده
دينا تقرب منه ببتسامة/يعني سعيد وأنت معايا
مراد/ سعيد وبس!!!..دا انا طاير من السعاده
دينا / اتفضل بقا علي الحمام علشان انا واقعه من الجوع ولسه مفطرتش
مراد / وكمان الفطار علي السرير. ..لأ بقا دا كتير
دينا/مفيش حاجة كتيره عليك يا حبيبي ... متعرفش انت عملت فيه ايه. ..رجعتلي شبابي اللي كنت قربت أنساه
مراد/ يااااه يا دينا نفس إحساسي بالظبط
دينا ببتسامه /احنا هنفضل نتكلم كده كتير يلا بقا بقولك واقعه
من الجوع
مراد ببتسامه يقبل ايدها /حاضر يا حياتي
...........
في المساء
في الكافيه
معتز/انا قولت هتطنشوا وتروحوا تناموا زي الكتاكيت
مازن/ههههه نوم ايه يا ابني دا انا نسيت النوم
معتز/آه يا عم محدش قدك تلاقيك بتروح بقا تلاقي المدام مجهزالك أكله بتكبس علي نفسك مبتقدرش تنام
هشام/هههههههه
مازن /أكل ايه بس دا أنا جايلي عيل غتت مبينيمنيش طول الليل
معتز/ههههههه. ...وانت يا هشام زي أخينا ده ولا ايه نظامك
هشام / لا انا ولادي كبروا شويه
معتز/ولادك ايه يا ابني مازن قالي إنك عندك شادي مقليش علي حد تاني
مازن يغمز ل معتز
هشام /انا هعمل تليفون ثواني وراجع
يقوم هشام
معتز/ايه يا ابني عمال تغمز وتعملي كده. ..هو في ايه
مازن / شكلك كده مسافر بقالك كتير ومتعرفش حاجة
معتز/حاجة ايه فهمني
مازن بتأثر/ شادي أخو هشام توفي
وهشام اتجوز أرملة شادي
معتز بدهشه/انت بتقول ايه. ...أمتي دا حصل
مازن/يووووه دا من زمان اوي من حوالي سبع تمن سنين كده
معتز/لا حول ولا قوة إلا بالله
بس هشام يتجوز أرملة شادي ليه
مازن / ماهو كانت وقتها لسه مخلفة منه هشام الصغير
معتز/يعني مسميين هشام علي إسم عمه
مازن يهز رأسه /بس علشان هشام جاي
هشام يقرب/ آسف يا جماعة اتأخرت عليكو
معتز بحزن /لا يا اتش خد راحتك
هشام/يااااه تعرف بقالي كتير محدش قالي الاسم ده من وقت وفاة ماما
معتز/تعيش وتفتكر ...البقاء لله
آسف يا هشام الدنيا اخدتني شوية
مازن يغير الموضوع/ايه يا جماعه القاعده ناشفه اوي
هشام ينادي الجارسون
مازن/ مش قصدي ده
معتز/ ههههه فهمتك يا لءيم
هشام /شوفوا بقا لو كان في حد جاي وحركات كده من بتوعكو بتاعت زمان انا همشي
معتز ل هشام/اقعد يا عم مفيش حد جاي أصلي القاعدة دي متحلاش وانت معانا
مازن/انا عارف ايه اللي جابوا معانا
هشام /انا ممكن امشي عادي علي فكره علشان تاخدوا راحتكوا
معتز/تمشي فين يا ابني احنا مصدقنا اتجمعنا مع بعض
مازن / يعني القاعدة هتبقى قعدة رجاله بس؟!
معتز بيغمز ل مازن/ متكست بقا يا عم انت متسربع علي ايه شوية والقاعدة هتحلو
هشام / انا قايم مروح
معتز/ههههه يا ابني بهزر انت جد كده دايماً
الجميع /هههههههههههههههه
...................
في فيلا مراد
نورهان/ بس كده هو دا اللي حصل
أمل / يعني هتباتي هناك
نورهان/ اعمل ايه في عمر. ..انا عن نفسي كارهه البيت هناك ومش طايقاه بس مقدرش اقول ل عمر حاجة زي كده
وعد /علشان غبيه هتفضلي مخبيه علي جوزك لحد أمتي
لما تحصل مصيبة وبعدين ترجعي تعيطي
امل/ إن شاء الله. .ميحصلش حاجة
نورهان/ اعمل ايه بس دا انا لما بكون هناك بفضل قافله علي نفسي بالمفتاح طول الليل ويا سلام لوخالتو مش موجودة في البيت كل الأفكار الوحشة بتيجي في دماغي
وعد / انا لو منك مباتش فيها واللي يحصل يحصل دا راجل مش طبيعي
نورهان / انا بس عايزة اجيبها ل عمر واحده واحده
وعد/ازاي يا فالحه
نورهان / المحلوا. ..زي مثلاً اخترعلوا أي قصة لوحده صاحبتي واقوله إن حماها كان بيتحرش بيها وإنه مينفعش فعلاً إن الواحده تبات في بيت حماها لو بالأخلاق دي واكيد هو عارف باباه علشان يبدأ يقلق ويخاف
وعد/خططي يا حبيبتي خليكي كده جبانه طول عمرك
نورهان بانفعال / وجرأتك عملت لينا ايه غير إنها دخلت واحد صايع زي حسن ده جوه العيله
وعد بضيق/ بقا كده يا نور ماشي
أمل / بس بقا انتي وهي مش هتبطلوا خناق مع بعض
نورهان/ هي اللي ابتدت
وعد/ خلاص انا آسفة هروح اشوف ليلي
نايمه بقالها كتير
أمل / متشكره اوي يا وعد إنك فكرتي في حكاية الداده دي
معندكيش فكره مني لما جت شالت من علي كتافي مسؤلية الولاد كان زمانا دلوقتي بنجري وراهم ومقعدناش مع بعض القعدة دي
نورهان/على أساس إننا قاعدين رايقين اوي
وعد/تصدقي يا نور إنك نكد معرفش جوزك مستحملك علي ايه
نورهان/ سيبنالك الفرفشة يااختي
أمل / يووووه انا قايمه وهسيبلكو المكان كله هو انا اروق من العيال شوية تنكدوا انتوا عليه
...................
في الكافيه
معتز ل مازن/يا عم احنا جايين نفرفش شوية اقفلنا النت دا بقا شوية
مازن/ بس الحادثة دي بشعة اوي
معتز / يا عم بالعقل كده واحده قتلت واحد علشان قال ايه إغتصابها من تلات سنين معقولة؟!
تلاقيه بس بطل يديها فلوس
هشام / بس البنت اللي بتحكي في الفيديو واضح إنها صادقة
معتز /بلاش هبل انت وهو
هو في واحد يقدر يغتصب واحده وهو سكران إلا إذا كان بمزاجها
مازن/عندك حق
معتز/يعني مصوتتش. ..معرفتش تخرج ولا توقعوا علي الأرض وتهرب منه ولا تخبطه علي دماغه بحاجة دا مش في واعيه يعني سهل اوي تهرب منه
مازن/ فعلاً كلامك معقول
هشام/ بس ممكن فقدانه للوعي دا يخليه في كامل قوته لكن عقله بيكون مغيب
معتز/ انت مقتنع بالكلام دا يا هشام
هشام /ليه لأ
معتز/يا عم احنا صيادله وعارفين النوع دا من الأدوية اللي بتفقد الإنسان قدرته علي الإتزان يبقي هيعمل كده
هشام/ لكن في أنواع تانيه بتقوي الأعصاب لكن بتفقد الإنسان الوعي
معتز / يا عم أسألني انا عن البنات اللي من النوع ده دي تلاقيها بس عايزة تتدبسوا في جوازه ولما رفض قتلته
مازن/ بقولكو ايه متقفلوا علي الموضوع ده هو احنا وكلاء نيابة ولا جهة تحقيق اهي هتاخد جزاءها اللي تستحقة وخلاص
هشام / انا قايم ماشي
معتز/ ماله ده
مازن / استني بس يا هشام رايح فين
.....................
في فيلا مراد
امل/ هههههههه يعني اتصالحتوا تصدقوا انكو عيال صحيح
نورهان / هههه تعرفى إني مش عايزة اروح بجد
وعد/ باتي هنا واهو تبقي رحمتي نفسك من انك تبصي في وش الراجل ده
نورهان/ اسكتوا هو انا مقولتلكوش
دي خالتو كمان بايته مع ريم في المستشفى
وعد/ ليه ريم بتموت
امل ل وعد/ قلبك اسود اوي
وعد/ سيبنالك القلب الأبيض يااختي
نورهان / في ايه هو احنا هنتخانق تاني
لا ريم عامله عملية وخالتي قاعده معاها
أمل / عملية ايه
نورهان/ الزايدة
وعد/ يااختي افتكرت حالتها خطيره كنت رايحه اجهز الاسود اللي هلبسه عليها
نورهان/ مش للدرجة دي يا وعد مهما كان دي بنت خالتنا
وعد/ واحنا مكناش بنات خالتها لما راحت اتجوزت اللي ميتسماش اللي إسمه ماجد
امل/ قفلوا بقا علي الموضوع اعصابي بتتعب لما بسمع اسمه
تقرب دينا منهم
دينا ببتسامه/مساء الخير علي البنات الحلوين
وعد/ههههههههه
أمل تغمز ل وعد
وعد/ أصلي يا أمل مش عارفه ليه كل مشوف حاجة كده أضحك
دينا / متضحكينا معاكي
نورهان / اتصلي يا أمل بهشام شوفيه اتأخر ليه عايزة اروح
دينا تقعد / تعرفي يا نور إنك شبه مامتك بالظبط
نورهان تمط بقها/ آه ما انا عارفة وحضرتك يا طنط شوفتي ماما فين
دينا/ ليها صورة في اوضة بابا في درج المكتب
وعد بضيق/صورة ماما علي المكتب مش في الدرج
دينا/بس انا لاقيتها في الدرج
نورهان تقوم بضيق وتنادي علي مراد /يا باباااااا
مراد يخرج من المكتب / في ايه يا نور عايزة حاجة
نورهان وبدأت عيناها تتلألأ بالدموع/ فين صورة ماما اللي كانت في مكتب حضرتك
مراد/ موجودة ليه بتسألي
نورهان / عايزة صورة ماما علشان اشيلها عندي في اوضة نومي مش في درج المكتب
مراد بارتباك / حاضر يا حبيبتي هجيبلك واحده من اللي عندي في اوضتي
................
في جنينة الفيلا
هشام قاعد جوه العربية سرحان
يقرب عم عبده من العربية
عم عبده /في حاجة يا دكتور هشام
هشام / لا أبداً مفيش حاجة يا عم عبده
عم عبده/ اتفضل حضرتك وانا هركن العربية
هشام/لا انا لسه هطلع بيها كمان شوية
ينزل هشام ويدخل من باب الفيلا
تستقبله أمل ببتسامة وتدخل تجهز الأكل
نورهان / معلش يا هشام وصلني الأول وبعدين ارجع كل براحتك علشان اتأخرت
هشام / اوك يلا بينا
امل/ الأكل جاهز اتعشا الأول وبعدين أخرج تلاقيك جعان
هشام/لأ انا مليش نفس يلا يا نور
ياخد هشام بدر ويخرج وتلحقه نورهان
أمل / هو في ايه
وعد/ انا عارفه؟!!
نورهان بتركب العربية /مالك يا هشام؟
في حاجة مضايقاك
هشام /لأ مفيش حاجة متشغليش بالك
بعد فترة في الطريق
نورهان/هشام كنت عايزة أسألك علي حاجة
هشام/ أسألي
نورهان/لا بلاش شكلك تعبان
هشام/في ايه يا نور انتي هتقلقيني ليه
نورهان بتردد/مفيش قلق ولا حاجة
انت بتشوفنا ازاي يا هشام ؟
هشام بعدم فهم/بشوفكو ازاي مش فاهم
نورهان /'يعني بتشوفني انا ووعد زي ما بتشوف أمل كده
هشام/هههههه دي غيره بقا
نورهان / مش موضوع غيره بس هو الواحد ممكن يشوف بنته أو أخته زي مبيشوف مراته
هشام/ شوفي يا نور انتي ووعد أخواتي وأمل مراتي ازاي هشوفكو زي بعض
نورهان / مش عارفة انت فهمتني ولا لأ
هشام/لو كان اللي تقصديه تبقي اتجننتي
نورهان/ خلاص يا هشام اعتبر اني مقولتش حاجة
هشام/انتي تقلقيني وبعدين تقولي مقولتش حاجة
نورهان /خلاص وصلنا. .تصبح علي خير
وتفتح الباب وتخرج
هشام يمسك ايدها/نور انتي كويسه
نورهان بقلق/أه كويسه ....يلا بقا علشان متتأخرش
تدخل نورهان فيلا مختار
نورهان ل مختار/مساء الخير
وتطلع اوضتها
مختار/رايحه فين هتنامي من دلوقتي
نورهان /تعبانه وعايزة انام هي خالتو متصلتش
مختار بنظرة ماكره/ اتصلت من شوية وقالت هتبات الليلة مع ريم
............
في غرفة هشام
أمل /هتنام من غير عشا
هشام / شبعان
أمل / انت زعلان مني في حاجة يا هشام
هشام/لأ. ..كل الحكاية إني جاي تعبان وعايز انام
امل/ تبقي زعلان مني انت مكنتش كده الصبح
بكت أمل
هشام/ انتي بتعيطي ليه دلوقتي هو انا قولتلك حاجة
أمل وهي بتبكي/لأ انا حاسه إنك زعلان مني
هشام /يووووه يا أمل قولتيلي الكلام دا كتير وقولتلك مش زعلان تحبي اغنيها
أمل تبعد عن هشام وتقرب من البلكونة
يستدير هشام للجهة الاخري ويغمض عينيه
التليفون يرن
تجري أمل /ايه ده دي نور يا هشام
يقوم هشام بسرعة /الو نور فيه ايه
نورهان ببكاء/تعالي يا هشام بسرعة
هشام / طب اهدي أفهم بس في ايه
نورهان ببكاء وفزع/ هيكسر الباب يا هشام تعالي بسرعة
هشام/ انا مش فاهم حاجة مين اللي هيكسر الباب
نورهان / جوز خالتك
يسرع هشام نحو الدولاب
أمل بعدم فهم/ هو فيه ايه ؟؟
هشام / معرفش لما أفهم هفهمك
يخرج هشام تقابله وعد
وعد/فيه ايه يا هشام؟!... خارج فين دلوقتي
هشام بانفعال /يوووووه وسعوا بقا عايز أنزل
وعد / فيه ايه يا أمل
يخرج هشام بسرعه
امل/معرفش...كل اللي فهمته إن نور اتصلت بهشام
وعد بتوتر/ نور!!!...يبقي فيه مصيبة
امل/قصدك يعني
وعد تخطف تليفون أمل من ايدها وتتصل بنور
........................
يا ترى ايه اللي هيحصل ل نورهان؟ ؟
عودة أمل3
📝بقلمي
بوسي مصطفي
....................
أنت تقرأ
عودة أمل 💛
Romansa(((((((المقدمة)))))) ((تراجيدي ... رومانسي.. إجتماعي )) فتاة تعيش واقع مأساوي بعد وفاة والديها لتكمل أمل حياتها يتيمه حتى شعرت بالحب لـ يأتي شقيق من احبها ليغير حياتها وتتزوج منه ثم يتوفى لتعود إلى من أحبها لتعود أمل...من جديد. عودة أمل (((٣ أج...
