عودة أمل 💛

الحلقة ١٠ ج٣

الحلقة العاشرة
#عودة أمل3
#بوسي مصطفي
...................
هشام/ انا مش فاهم حاجة مين اللي هيكسر الباب
نورهان / جوز خالتك
يسرع هشام نحو الدولاب
أمل بعدم فهم/ هو فيه ايه ؟؟
هشام / معرفش لما أفهم هفهمك 
يخرج هشام تقابله وعد
وعد/فيه ايه يا هشام؟!... خارج فين دلوقتي
هشام بانفعال /يوووووه وسعوا بقا عايز أنزل
وعد / فيه ايه يا أمل
يخرج هشام بسرعه
امل/معرفش...كل اللي فهمته إن نور اتصلت بهشام
وعد بتوتر/ نور!!!...يبقي فيه مصيبة
امل/قصدك يعني
وعد تخطف تليفون أمل من ايدها  وتتصل بنور
........................
مراد يخرج من الغرفة
مراد/فيه ايه يا بنات
وعد في التليفون/ في ايه عندك
نورهان/الراجل المجنون دا عمال يخبط علي الباب ولما رفضت إني أفتح الباب قعد يخبط جامد وخايفه يكسر الباب
مراد ياخد التليفون من وعد
مراد / في ايه يا بنتي مالك
نورهان بتعيط /تعالي يا بابا بسرعة
مراد/الو. ..الو
وعد/ الخط قطع؟
مراد/ تقريباً كده. ..هو فين هشام
أمل / راحلها
مراد /انا عايز أفهم هو فيه ايه
................
في المستشفي
مريم / متزعليش نفسك يا بنتي انتى تعبانه
ريم/ مش قادرة أصدق اللي حصل ده يا ماما
بعد كل الحب اللي حبتهوله دا انا اتحديت الدنيا علشانه
يبعني كده في لحظة
مريم/الرجاله كلها كده يا بنتي بس ارجع وأقول انتي اللي غلطانه اختيارك كان غلط من الأول
ريم /إن ماورريته
أبنه ده عمره مهيشوفه طول ما انا عايشة
مريم/بلاش مشاكل يا بنتي احنا مش ناقصين
ريم/لا يا ماما لازم اذله زي ماذلني. ...فاكره اللي حصل من خالتي وولادها بسببه
مريم/بسببه بردو؟!....ولا بسبب دماغك وقلبك اللي علشانه بعتي الدنيا كلها
ريم/ماما علشان خاطري انا مش ناقصة تقطيم
عمر ونور أخبارهم ايه
مريم/ الحمد لله. ..كويسين دي نور عندنا في البيت علشان عمر مسافر
ريم /ماهو كان عندنا من يومين وقالي
مريم/آه صحيح افتكرت
...........
هشام يقرب من فيلا مختار
البواب يفتح الباب بسرعة
البواب باندهاش/ خير يا بيه
هشام يجري بسرعة ناحية باب الفيلا
مختار بانفعال/ ايه الخبط ده استني يا مريم هو انا قاعد جنب الباب
هشام باندفاع/ اختي فين
مختار/هي وكالة من غير بواب ياله انتا
هشام/انا هعرفك الواد دا هيعمل فيك ايه بس أطمن علي اختي الأول
نورهان تنزل / بلاش يا هشام انا كويسه يلا بينا من هنا
مختار/يلا فين هي سايبه؟ !
جوزك اللي جايبك يبقي لازم تستني لما يرجع ياخدك من هنا
هشام ممسك بإيد مختار بعنف
نورهان / علشان خاطري يا هشام يلا نرجع البيت وانا هفهمك كل حاجة في الطريق
..................
مراد في التليفون/يعني اختك كويسه
هشام /اه يا بابا كويسه معاك أهي كلمها
نورهان / انا بخير يا بابا متقلقش
مراد/ انا عايز اعرف ايه اللي حصل
هشام ياخد التليفون من نورهان /لما نيجي يا بابا هنقول لحضرتك علي كل حاجة
مراد / طيب علي مهلك وانت سايق
هشام /حاضر. ...سلام
هشام يحدف التليفون من ايده في أرضية العربية
نورهان تنحني وتاخد التليفون
هشام/اللي بتقوليه ده مستحيل
نورهان /يعني مش مصدقني
هشام / هتكدبي ليه؟ !
بس أنا مصدوم بجد. ..وانتي بقا مخلتنيش اضربه ليه
نورهان/ مش عايزة مشاكل مع عمر
هشام /ولما هي مش اول مره يعمل كده مقولتليش ليه ولا قولتي لجوزك
نورهان/ انا قولت يمكن يعقل وانا كمان كنت بتجنب القعاد معاه
هشام/ متكلميش عمر في حاجة أنا لما يرجع بالسلامة هبقي أكلمه
نورهان/لأ بلاش انا اللي هتكلم معاه علشان متعرضش لموقف زي ده مرة تانية
.................
في فيلا مراد
نورهان بتعيط في حضن وعد
وعد /مش قولتلك تباتي هنا وانتي خايفة على زعل جوزك
امل/خلاص اللي حصل حصل اطلعوا يلا علشان  تناموا
تصبحو علي خير
نورهان /'معلش يا أمل هاتيلي الدوا من التلاجه لبدر حرارته عاليه
أمل / حاضر
مراد/يا بنتي انتي متأكدة من اللي بتقوليه ده
نورهان/ بابا حضرتك شايفني عيله صغيرة مش هعرف افرق بين  نظرات الأب لبنته وبين الحاجات التانيه
مراد/ أستغفر الله العظيم
الراجل ده ايه اللي جراله
وعد/ راجل بجح وعينه زايغة وكمان كان عايز يضرب هشام
نورهان/انا مشكلتى مع عمر دلوقتي
وعد/ وهو كمان هيعملك مشكلة دا انتي ليكي حق ولازم يجيبهولك
مراد بانفعال / ممكن تنقطينا بسكاتك الحكاية مش نقصاكي انتي كمان
وعد تطلع اوضتها بسرعة
.............
في غرفة البنات
هشام /خلاص يا وعد بقا بابا ميقصدش هو بس مضايق من اللي حصل
وعد/ هو انا بس اللي اتكلمت مكلكو كنتو بتتكلموا اشمعنه انا
هو بابا مش طايقني في البيت من وقت مطلقت انا لو بشتغل كنت سيبت ليه البيت وشوفت شقة إيجار أعيش فيها انا وبنتي
هشام / لا بجد؟!...
تعرفي يا وعد بابا عنده حق مش وقتك خالص
امل/ انا رايحه انام تصبحو علي خير
نورهان / هشام لو دا اللي حصل مع أمل وقالتلك هتصدقها ولا هتصدق باباك
أمل تنظر ل هشام وتخرج من الغرفة
هشام /كل واحد يعرف والده كويس
انا واثق في بابا واستحالة أصدق حاجة زي دي حتي لو أمل اللي قالتلي وأكيد يعني عمر عارف والده كويس وممكن يكون ظهر عليه حاجات من دي
نورهان / خايفة اوي يا هشام من رد فعل عمر
هشام/إن شاء الله. ..هتعدي نامي انتي دلوقتي ومتفكريش في حاجة خدي بالك من ابنك واديلوا الدوا كل ست ساعات لو الحرارة زادت يبقي كل أربع ساعات
نورهان / حاضر
هشام/تصبحو علي خير
.................
في غرفة هشام
أمل واقفة في البلكونة
هشام/ادخلي يا أمل الجو برد عندك
أمل بحزن/ مش فارقة برد من حر
هشام يقرب من أمل
أمل بدموع في عينها /سيب ايدي
هشام/ليه كده يا أمل
أمل / هشام لما تعرف انت عايز ايه ولما اعرف ايه اللي جواك وتصفالي بعدها نبقي نتكلم
هشام/ أوك تصبحي علي خير
أمل / ولا مصبحش مش فارقة بردو
يدخل هشام بعصبيه ينام علي السرير
أمل تغمض بدموع وصوت بكاء
هشام نايم علي السرير يتقلب
هشام بصوت داخلي/ سامحينى يا أمل الشك هيموتني مش بأيدي
عارفك وواثق في اخلاقك بس أعمل ايه مش قادر أنسي ولا عارف أعيش وانا كل يوم أفكر في اللي حصل وأقول لنفسى يا تري دا حصل ازاي
بدموع يمسحها بسرعة/ رغم كل اللي حصل لكنك وحشني اوي يا شادي وحشتني ضحكتك اللي كانت ماليه البيت وهزارك معانا سامحني يا اخويا ياريت اقدر انتقملك من اللي قتلك وحرق قلوبنا كلنا عليك
التليفون يرن
هشام وهو بيغمض عيونه ايده علي التليفون
أمل تدخل الغرفة
امل/موبايلك بيرن مش هترد
هشام / الو. ..عمر؟!
عمر بانفعال / ايوه انا زفت
هشام/طب وليه الدخله دي
عمر/ علشان اللي عملته يا هشام ميصحش
هشام/وايه بقا اللي عملته يا أستاذ
عمر/ تقتحم الفيلا عندنا وتاخد اختك ولا كإنها ليها راجل تستأذنه
هشام/انا اخدت اختي علشان مكانش ينفع تقعد في بيتكو لحظة واحده
عمر/ ليه المكان هناك مش عاجبها؟! !!
هشام/ الكلام في التليفون مينفعش لما ترجع نبقي نتكلم
عمر/ لا تليفون ولا غيره. .اختك خليها عندك
هشام/ حاضر يا عمر اللي تشوفه
يقفل عمر التليفون
أمل بانفعال ل هشام/ انت بتكلمه بهدوء ليه كده مش كفاية اللي باباه عمله
هشام/يعني استفزه علشان يطلقها ونخلص واهو بدل متكون وعد لوحدها تبقي وعد ونور وأبقى اتبسطي وقتها
امل/ انت بتكلمني ليه كده يا هشام
هشام بانفعال/ علشان اختي بمية راجل وعرفت تدافع عن نفسها واتصرفت بالرغم من قوته وخبطه علي الباب
أمل برعشه / تقصد ايه يا هشام
هشام بعصبيه / أقصد اللي أقصده بقا. ..سيبلك الاوضة كلها علشان تاخدي راحتك
أمل انهارت من البكاء تركها وخرج
أمل بتبكي وتكلم نفسها/ مكانش العشم بعد دا كله تقولي انا كده ما انت كنت عارف كل حاجة من الأول مكدبتش عليك في حاجة
..........
وعد تفتح عينها
وعد/ نور انتي مش سامعه حاجة؟
نورهان/ لأ. ..نامي بقا أنا تعبانه
تقوم وعد تجري لغرفة هشام
وعد تخبط الباب
أمل ببكاء/مش عابزة اشوف حد
وعد/ فيه ايه يا أمل؟ ...مالك بتعيطي ليه
أمل ساكته بدموع علي خدها
وعد/ طب فين هشام؟ !...انتي تعبانه؟ ...محتاجة لدكتور
تصرخ أمل / سيبوني لوحدي بقا مش عايزة اشوف حد ولا اسمع صوت حد
يخرج هشام من غرفة الولاد
هشام ل وعد/ سبيها يا وعد وادخلي اوضتك نامي
وعد/ انا بس كنت جايه اشوفها مالها
انت زعلتها في حاجة يا هشام
هشام بانفعال/ الدنيا هي اللي مزعلانه ومش عايزة تروق أبداً
دخل اوضة الولاد وقفل الباب
وعد تدخل اوضتها
نورهان/ في ايه يا وعد؟ ...صوت أمل ده؟
وعد/ معرفش هشام وأمل مالهم هما كمان
نورهان / محدش يعرف. ..المشكلة إنهم غامضين كده ومبيتكلموش خالص وأمل عمرها مفضفضت أبداً
وعد/ حاسه إن في سر لو اتعرف الدنيا هتتهد
نورهان بدموع/ ايه اللي بيحصل لينا ده انا تعبت بجد
تحتضنها وعد / نصيبنا منقدرش نغيره
................
في الصباح ...في شقة كمال
نجلاء / ايه ياكمال كل دا نوم
كمال/هقوم اعمل ايه يعني
نجلاء/ايه مش هتروح تشوف أمل وجعت قلبي امبارح اوي وانا بكلمها
كمال بقلق/ليه مالها أمل
نجلاء /يعني مش مفروض نروحلها علي طول ملهاش حد لا أب ولا أم ولا أخ يسأل عليها
كمال/متوجعيش قلبي يا نجلاء انا مش ناقص
نجلاء/ليه في ايه
كمال/عادل ابن عمي
نجلاء /لسه بيكلمك
كمال/ومش عايز يسيبها في حالها ومصمم ياخد الفلوس منها تاني حتي بعد ماقولتله اني متنازل عن نصيبي في الأرض
نجلاء /ايه الناس المفترية دي
كمال/خايف يعمل فيها حاجة ولا يضغط عليها بولادها
انا لو معايا المبلغ كنت اديتهوله وخلصت منه
نجلاء /طب متقول لجوزها وهو يتصرف
كمال/يتصرف يعمل ايه وبعدين دا حقها واكيد معندوش المبلغ واتحرج أقوله حاجة زي كده
نجلاء/يخبطوا دماغهم في الحيطه حقها واخدته مسرقتش منهم حاجه يعني
يلا بقا قوم كده وصحصح هحضرلك الفطار تكون لبست علشان نطيب بخاطر البنت الغلبانه دي وتفرح بدخلتنا عليها
كمال/ حاضر اديني عشر دقايق عقبال محلق دقني
نجلاء /ماشي مع إنك زي القمر كده من غير حلاقة
كمال/ ههههه يابكاشة. ..تعرفى يا نجلاء إنك انتي اللي بتهوني عليه وبتنسيني همومي
نجلاء/هموم ايه بس. ..إن شاء الله. ..هتتعدل. ..سيبها على ربنا .....ربنا كبير
كمال/ ونعم بالله. ..بعد الكلمتين دول تصدقي استريحت
..........
في فيلا عاصم
عاصم ل مديحة/'ابنك مش ناوي يرجع مراته علشان خاطر أبنه
مديحة/يصالح مين دي بنت طالعه فيها وبتتكبر عليه معرفش علي ايه مش هي اللي جريت وراه وابوها اللي بعتله هناك علشان يجوزها ليه
عاصم/ملوش لازمه الكلام دا يا مديحة لتقولي كلمة كويسة تصلحي بيها الأمور يا أما تسكتي خالص
مديحة/ البنت بتذل ابنك علشان دخل السجن قبل كده
ما هي عارفة من الاول ولا هو كذب عليها
عاصم/ يا ما بيحصل يا مديحة بين الراجل ومراته المهم نحافظ علي البيت ده علشان خاطر العيل الصغير ملوش ذنب في ده كله
مديحة /اعمل اللي تعمله بس انا مش رايحه اصالح حد هي اللي غلطت في ابني وهي اللي تعذرله
عاصم/ بقا دا كلام ناس عاقلين
مديحة / أهو دا اللي عندي
عاصم/خلاص اطلعي انتي منها شكلك عايزة تخربيها
مديحة / انا قايمه أكلم سها أطمن عليها وعلي شهد
...............
في غرفة أمل
امل/أدخلي يا وعد
وعد / يعني روقتي دلوقتي!
أمل ترفع راسها
وعد باندهاش/ايه دا يا أمل عينك وارمه من العياط ليه كده
أمل بصوت مكتوم /مفيش
وتقرب تاخد شنطة من فوق الدولاب
وعد/بتعملي ايه يا أمل
امل/ هروح اقعد عند خالى يومين
وعد/ليه انتي زعلانه انتي وهشام؟
أمل /عايزة اغير جو شوية
وعد/انا عارفة إن البيت بقا كئيب بس مش اول مره وطول عمرنا بنكون مع بعض محدش فينا بيسيب التانى
أمل انهارت من البكاء
وعد/ فيه ايه يا أمل قوليلي مالك فضفضي
أمل بتمسح دموعها/ياريت ينفع كنت فضفضت من زمان
وعد/أوقات الفضفضة بتريح
امل/ أهو انتي اللي قولتلي أوقات يعني مش دايماً
منال تخبط علي الباب
وعد / أدخلي
منال/خال الست أمل والمدام تحت
أمل / طيب قدميلهم حاجة وانا نازله
وعد/ ايه ده قلبهم حاسس ولا انتي اللي اتصلتي بيهم
امل/ لا متصلتش بحد
..........
نجلاء/شكلنا كده جينا في وقت مش مناسب الظاهر نايمين
تنزل أمل ببتسامة مصطنعه تداري بيها حزنها
نجلاء بقلق/ ازيك يا أمل انتي كويسه
أمل /الحمد لله
وتقرب تسلم علي نجلاء وتحضن كمال
كمال باضطراب/مالك يا بنتي جسمك بيترعش ليه
انتي عندك برد
أمل بارتباك /آه. ..آه
كمال يغمز ل نجلاء
نجلاء تاخد أمل من ايدها وتخرج لجنينه
نجلاء /'اقعدي بقا وقوليلي مالك
امل/مفيش يا طنط
نجلاء/ طنط! ! ايه يا أمل هو انا مش ماما
فضفضيلي يا حبيبتي وقوليلي مالك
أمل بتحاول تتمالك اعصابها / مفيش بجد انا كويسه الظاهر اخدت  برد  من وقفتي في البلكونه بالليل
نجلاء /براحتك يا أمل بس لازم تعرفي إن مفيش حد هيحبك قدي ومهما كان اللي مخبياه لو حبيتي تفضفضي مش هتلاقى حد يحفظ سرك قدي انتي متعرفيش غلاوتك ومعزتك في قلبى قد ايه
امل/ وانا كمان يا طنط بحبك اوي
نجلاء /قولنا ايه؟ ...بلاش طنط دي وقوليلي ماما بحبها اوي منك
أمل تحضن نجلاء /حاضر يا ماما
................
في غرفة البنات
وعد/ عارفة مين جاي عندنا بكره
نورهان/ مين يعني
وعد/ عمك توفيق ومراته
نورهان تشرب بدر اللبن / ياااه وايه اللي فكرهم بينا
وعد/ ههههه تلاقي عمك ليه ميراث كان ناسيه وجاي ياخده
نورهان/هههههه مش بعيدة أصلهم يعني مبيزروناش إلا لو كان في حاجة
وعد/ تبقي مصيبة لو كانوا جايين يباركو ل بابا
نورهان/آه تبقي كملت
.............
في المساء
علي السفرة
مراد/ في حد ناقص
نورهان/أمل يا بابا قاعدة في اوضتها بتقول ملهاش نفس
مراد/اطلع يا هشام خليها تنزل مش معقولة تطبخ ومتاكلش
هشام/ لو جعانه هتنزل تاكل
دينا / انا هطلع اجيبها واكيد مش هتكسفني
وعد بضيق/نور دخلتلها وقالت ملهاش نفس
يدخل عمر ...يقوم هشام ومراد
مراد/حمدا لله علي السلامه
عمر/الله يسلمك يا عمي
هشام/قرب يا عمر نتعشا مع بعض
عمر/ أكلت. ..كنت عايز اتكلم شوية مع نور
مراد/ يعني سايب الشغل وجاي علشان تتكلم مع مراتك كنتو اتكلمتوا في التليفون
نورهان/ انا معرفش إنه جاي يا بابا
عمر/ ممكن اتكلم معاكي
مراد/ اطلعي انتي وجوزك اتكلموا في اوضتك
...................
في المستشفي
ريم/'ياعمي دا حتي مفكرش يجي يطمن عليه
عاصم / حقك عليه يا بنتي
مريم / بس اللي عمله دا كتير اوي وكان مفروض جه هو بنفسه اخدها طبعاً جيتك علي راسنا بس هو اللي غلط فيها
عاصم /انا عارف ماجد مندفع بس اكيد ميقصدش
ريم/ بس انا مبقتش عايزاه ولا فارق معايا
عاصم/والولد ذنبه ايه
ريم/تقصد كريم؟ ...انا هربيه ومش محتاجه ليه في حاجة
عاصم / يا بنتي اللي بتقوليه ده مش بالساهل
ريم/ لو دي سها ترضى ليها اللي حصللي
عاصم /لأ طبعاً وأنا مقولتش إنه مغلطتش بالعكس من غير حتي معرف منك حاجة دا ابني وعارف اطباعه كويس وعارف إنه غلطان بس علشان خاطري اديله فرصة تانية
مريم بغمز ل ريم/ موافقين بس يجي هو يصالحها  اللي غلط هو اللي يتعذر
عاصم/ حاضر واحنا منقدرش علي زعل ريم
ريم ببتسامة انتصار / اتصلي ب بابا يا ماما يجيب معاه كريم علشان جده يشوفه
............
في غرفة نورهان
عمر بانفعال / شكلك اتجننتي صح؟ !...وعايزاني أصدق الهبل اللي بتقوليه ده
نورهان / متشكرة اوي يا عمر ماهي دي اخرتها
عمر يمسك ايدها بعنف / شوفي يا نور لا انتي ولا أي واحده في الدنيا هتفرق بيني وبين أهلي
نورهان بوجع/سيب أيدي. ..اشبع باهلك وسيبني انا في حالي
عمر/ما هو دا اللي هيحصل
نورهان / تقصد ايه يا عمر
هشام يخبط علي الباب
هشام/صوتكو عالي اوي فيه ايه
عمر/تعالي شوف اختك بتقول ايه قال ايه بابا بيتحرش بيها
هشام / وهي هتكدب ليه
عمر/ آه! !...دا انتوا بقا عارفين كل حاجة
هشام / اسمع يا عمر انا امبارح لو كنت أعرف اللي حصل وانا هناك عندكو كان والدك دلوقتي في عداد الأموات فاهدي كده وخلينا نتفاهم بالذوق احسن
عمر/ نتفاهم على ايه. ..وكمان بتهددني
نورهان/انا مرضتش اقول لهشام حاجة غير لما خرجنا من الفيلا علشان تعرف اني لآخر لحظة محافظة عليك
عمر بسخرية /لأ فيكي الخير
هشام / يعني ايه المطلوب مننا دلوقتي؟
انت مش مصدقنا صح؟ !
عمر /طبعاً مش مصدق ولا كلمة من الهبل ده
هشام / طلباتك ايه يا عمر
عمر/ معنديش طلبات ومادام وصلت لكده يبقي
اختك طالق يا هشام
اندفع عمر سريعاً ناحية الباب وخرج
هشام يجري يلحقة
هشام علي السلم/ هو دا بقا التفاهم بتاعك
تدخل وعد الغرفة. ..نورهان واقعة علي الأرض
تصرخ وعد/ الحقونااااااا نورهان مبتتحركش
يتركهم عمر ويخرج من الفيلا
...............
عودة أمل3
📝بقلمي
بوسي مصطفي